Tuesday, January 29, 2008

"ဟီစာရှီဘူရိ"


"お久しぶりですね。မတွေ့ရတာ ကြာပြီနော်"
နှုတ်ဆက်လိုက်တယ် သူတို့ကို။
ဒီရောက်ကတည်းက ကြုံကြိုက်တိုင်း ရှာမိတာလေ။ ကန်စွန်းရွက်၊ ချဉ်ပေါင်၊ ဟင်းနုနွယ်၊ နံနံပင်၊ ငရုတ်သီးစိမ်း၊ စပါးလင် အိမ်နားက ဘယ်ဆိုင်မှာမှမရှိ။ နဲနဲလှမ်းတဲ့ ဆူပါသွားစပ်စုတော့ ကန်စွန်းရွက်ရှာတွေ့လာတယ်။ အစေ့ကန်စွန်းလေ။



နဲနဲလေးပါတဲ့အထုပ်တစ်ထုပ် တို့ရွာမှာ တစီးငါးဆယ်ကျပ်လောက်ပေးရတာကို ယန်းသုံးရာ(သုံးထောင်ကျပ်) ပေးဝယ်ရတယ်။ စားချင်တော့လဲ တတ်နိုင်ဘူးပေါ့။

ဘယ်လိုမှရှာမရတာက ချဉ်ပေါင်၊ ငရုတ်သီးစိမ်း၊ နံနံပင်နဲ့ စပါးလင်။ ဂျပန်တွေ အချဉ်အစပ်မစားတော့ ချဉ်ပေါင်နဲ့ ငရုတ်သီးစိမ်းကို လက်လျှော့လိုက်တယ်။ နံနံပင်နဲ့ စပါးလင်က ထိုင်းဆိုင်တွေမှာရတယ်တဲ့။ အိမ်နားမှာ ထိုင်းဆိုင်မရှိနဲ့တော့ ဟုတ်နေပြီ။ ရထားအတန်တန် အိပ်ငိုက်လောက်အောင်စီးပြီးသွားရတဲ့ ထိုင်းဆိုင်မှာလဲ ကုန်ခြောက်ဘဲရှိတယ်။ အဲဒီကဝယ်လာတဲ့ မျှစ်ချဉ်ဘူးတွေလဲ ကုန်သွားပြီ။ ထပ်လဲမသွားနိုင်နဲ့ အင်တာနက်ထဲ ဝင်မွှေလိုက်တာ ဟော!တွေ့ပြီ အွန်လိုင်းထိုင်းပစ္စည်းဆိုင် paknamstore တဲ့။ သွားဝယ်ဘူးတဲ့ဆိုင်ထက် သက်လဲသက်သာ တန်လဲတန်၊ နံနံပင်နဲ့ စပါးလင်လဲရှိ၊ ရေငတ်တုန်း ရေတွင်းထဲကျတော့တာပေါ့။ မှာပစ်လိုက်တယ် အများကြီး။ အိမ်ကပို့ထားတာတွေလဲ ရောက်နေတော့ အတော်ဘဲ ဖြစ်သွားတယ်။





စပါးလင်နဲ့ မုန့်ဟင်းခါးချက် နံနံပင်လေးဖြူးစားလိုက်၊ တုံယမ်းဟင်းရည်ချက် နံနံပင်ထည့်၊ ကြာဇံချက်ထဲ ထည့်လိုက်နဲ့ ဒီလထဲတော့ "ဟီစာရှီဘူရိ"တွေ များသွားတယ်။ မမြင်မတွေ့ရတာကြာတဲ့သူကို နှုက်ဆက်တာလေ။ ကျမကတော့ ကန်စွန်းရွက်၊ နံနံပင်နဲ့ စပါးလင်တို့ကို အဲလိုဘဲ နှုတ်ဆက်လိုက်တော့တယ်။ ၁၀လအကြာ ပြန်တွေ့ခြင်းပေါ့။ လာလည်သူတွေကိုတော့ တုံယမ်းဟင်းရည် ချဉ်ချဉ်စပ်စပ်လေးတိုက်လိုက်တယ်။ မလုလုရဲ့ မီးဖိုဆောင်က နည်းနာယူထားတာ။



နံနံပင်ဆိုလို့ မနေ့ညက TVအစီအစဉ်တခုမှာ နံနံပင်အကြောင်း ကြည့်လိုက်ရသေးတယ်။ နံနံပင်ကို ဂျပန်လို"パクチ / パクチー"(ပါကုချိ / ပါကုချီး)တဲ့။ ဒီမှာနံနံပင်ကို သိတဲ့သူ အတော်နဲတာဘဲ။ research လုပ်တာ လူတစ်သောင်းမှာ နှစ်ရာဝန်းကျင်လောက်ဘဲ နံနံပင်ကြိုက်ကြတယ်။ လမ်းသွားလမ်းလာတွေကို အပင်ပြပြီးမေးတာတောင် နံနံပင်ဆိုတာကို မသိဘူး။ အသက်ကြီးပိုင်းတွေ အတော်များများက မသိကြတာများတယ်။ (နံနံပင်ကလဲ ဒီနောက်ပိုင်းမှ ဂျပန်မှာ စစိုက်လာကြတာဆိုဘဲ။ ဒါကြောင့် နေရာတိုင်းမှာ မရှိတာကိုး။) နံနံပင်ကိုစားကြည့်ခိုင်းတော့ ဖဲ့စားကြည့်ကြပြီး "တမျိုးကြီးဘဲ" "ငယ်ငယ်ကတည်းက စားဘူးရင်တော့ မပြောတတ်ဘူး၊ ခုမှတော့ မစားနိုင်ဘူး"တဲ့။ တချို့က "နံလိုက်တာ"တဲ့။ (နံနံပင်ပါဆိုမှ:D) ကိုယ့်နိုင်ငံမှာလဲ နံနံပင်မကြိုက်တဲ့သူ များတာပါဘဲ။ ကျမလဲ အရင်က သိပ်မကြိုက်တာ၊ မစားရတာကြာတော့ လွမ်းလိုက်တာ။ (ခုတော့သိပြီ သူ့ကိုကိုယ်ချစ်သည်။)


Read More...

Monday, January 28, 2008

ကိန်းဂဏန်းများနှင့် (၅)


စာအသစ်လည်း ကောင်းကောင်းမတင်နဲ့ ဘလော့ကို လာလည်သူတွေက မအားဘူးထင်နေကြပြီ။ ချမ်းလို့စောင်ခြုံထဲ ကွေးနေတာ။ :D ဒီနှစ်တိုကျိုမှာ နှင်းကျတယ်။ မနှစ်က မကျဘူးတဲ့။ သတင်းမှာတော့ "နိနဲန်ဘူရိ- 二年ぶり" "၂နှစ်အကြာမှ" နှင်းပြန်ကျတယ်လို့ ကြေငြာသွားတာဘဲ။ ဂျပန်တွေကတော့ နှင်းကျတာ ပျော်လို့ဘဲ။ ကိုယ့်မှာသာ နှင်းဖတ်တွေကျတာကြည့်ချင်လို့ တခါးလေးဟချောင်းလိုက် အေးစိမ့်နေလို့ အမြန်ပြန်ပိတ်လိုက်နဲ့။ အအေးကြောက်သူအဖို့တော့ ကွိနေပြီ။ ပတ်ကျိနှုန်းနဲ့တင်နေတဲ့ ဘလော့လေးကို ကြိုးစားတင်ဖို့ စောင်ခြုံထဲက တိုးထွက်လိုက်တယ်။ သင်္ချာလက်ချာနဲ့ဘဲ လာသူတွေကို ချော့သိပ်လိုက်တော့မယ်။

ဒီတစ်ခါ ကိန်းဂဏန်းများနှင့်(၁)မှာ ပါခဲ့တဲ့ "ခုဂဏန်း၂လုံးပေါင်းခြင်း ၁၀ ရပြီး ဆယ်ဂဏန်း၂လုံးက တူတဲ့ကိန်းနှစ်လုံးမြှောက်ခြင်း" ကို အကျယ်ရှင်းပြပါမယ်။ အဲဒီတုန်းက TVမှာကြည့်ပြီး မှတ်ထားတဲ့ဟာဘဲ ရေးလိုက်တာဆိုတော့ ဖြေရှင်းချက် ပါမသွားဘူး။ အခု စာအုပ်ဖတ်ပြီးမှ အကျယ်ရှင်းပြီး ပြန်ရှုပ်လိုက်တာ။

ခုဂဏန်း၂လုံးပေါင်းခြင်း ၁၀ ရပြီး ဆယ်ဂဏန်း၂လုံးက တူတဲ့ကိန်းနှစ်လုံး
ဥပမာ [ 72 x 78 ] ,[ 46 x44 ] ,[ 61 x 69 ]
စတာတွေကို မြှောက်ရင် အဓိကအချက်က
***(၁) [ ဆယ်ဂဏန်း ] x [ ဆယ်ဂဏန်းကို တစ်ပေါင်းခြင်း] ရလာဒ်ကို ယူရန်နဲ့
e.g, [ 72 x 78 ] = ?
မှာဆိုရင် 7 x 8 = 56 (စိတ်ထဲမှာ "5 6_ _ "လို့မှတ်ပေးထားပါ။)

***(၂) ခုဂဏန်းနှစ်ခုကို မြှောက်ရန်နဲ့ ရလာဒ်ကို (၁)အဖြေအနောက်မှာ ရေးရန်ပါ။
2 x 8 = 16
ရတဲ့ 16 ကို "5 6_ _ "နောက်မှာရေးပါ။
"5616"က အဖြေပါ။

နောက်ထပ်တွက်ပြပါမယ်။
[ 46 x44 ] မှာ
[ ဆယ်ဂဏန်း ] x [ ဆယ်ဂဏန်းကို တစ်ပေါင်းခြင်း] 4 x 5 = 20
ခုဂဏန်းနှစ်ခုကို မြှောက်ရန် 6 x 4 = 24
#အဖြေက "2024" ပါ။

[ 61 x 69 ] မှာ
[ ဆယ်ဂဏန်း ] x [ ဆယ်ဂဏန်းကို တစ်ပေါင်းခြင်း] 6 x 7 = 42
ခုဂဏန်းနှစ်ခုကို မြှောက်ရန် 1 x 9 = 09 (ဘာကြောင့် "09"လို့ ယူရသလဲဆို ကိန်းနှစ်လုံးရှိတယ်လို့ မှတ်ယူရလို့ပါ။ )
#အဖြေက "4209" ပါ။

***ဖြေရှင်းချက်***
ဘာကြောင့် ဒီလိုတွက်ရတာလဲဆိုရင်_ ကိန်း၂လုံးစီကို (10a+b) ရယ် (10a+c) အနေနဲ့ထားပြီး ရှင်းပြပါမယ်။ နောက်သိထားရမယ့်အချက်က ခုဂဏန်းဘက်ကို ညွန်းတဲ့ bနဲ့c က (b+c=10) ဆိုတာကိုပါ။

(10a+b) x (10a+c)
=100aa + 10ab + 10ac + bc
=100aa + 10a(b+c) + bc {#--->(b+c=10)}
=100aa + 10a x 10 + bc
=100aa + 100a + bc
=100a(a+1) + bc

a(a+1)က [ ဆယ်ဂဏန်း ] x [ ဆယ်ဂဏန်းကို တစ်ပေါင်းခြင်း] ဖြစ်ပြီး 100နဲ့မြှောက်ထားတဲ့အတွက် သူ့အနောက်မှာ ကိန်းနှစ်လုံးရှိတာကို ပြပါတယ်။ bc က ခုဂဏန်းနှစ်ခုကို မြှောက်ခြင်းကို ပြပါတယ်။

[ 72 x 78 ] ကို အဲဒီပုံစံနဲ့ ရှင်းပြရရင်_
=(10x7+2) x (10x7+8)
=100 x 7 x (7+1) + 2 x 8

လေ့ကျင့်ခန်းတွေ တွက်ကြည့်ပါ။
83 x 87 = ?
24 x 26 = ?
18 x 12 = ?
95 x 95 = ?
နောက်မှဘဲ ပြောင်းပြန်ဖြစ်တဲ့ "ခုဂဏန်း၂လုံးက တူပြီး ဆယ်ဂဏန်း၂လုံးပေါင်းခြင်း ၁၀ ရတဲ့ ကိန်းနှစ်လုံးမြှောက်ခြင်း" ကို ရေးပါဦးမယ်။

Read More...

Friday, January 25, 2008

ချစ်မောင်လေး


ဘာရယ်မဟုတ်ဘူး။ စာရေးဖို့ အာရုံမရတာနဲ့ ဟိုးအရင်လေး/ငါးနှစ်ကျော်က ပျင်းပျင်းနဲ့လျှောက်ဆွဲထားတဲ့ပုံတွေ လိုက်ရှာကြည့်တာ။ ဖိုတိုရှော့အကြောင်း ဘာမှမသိဘဲ ဆွဲထားတဲ့ပုံတွေ အခုပြန်ကြည့်မိတော့ သူငယ်တန်းကလေးပန်းချီလိုဘဲ။ အဲဒီပုံတွေကြားမှာ မောင်လေးဆွဲထားပေးတဲ့ ပုံလေးတွေ စကန်ဖတ်ပြီးသိမ်းထားတာ သွားတွေ့တယ်။ အဲဒီတုန်းက ကျောင်းမှာအင်္ကျီထုတ်ဖို့ ပုံဆွဲပေးဖို့ မောင်လေးကို စာရေးပြီးမှာလိုက်တာ။ ဘယ်သူက သတ်မှတ်လိုက်တာမှန်းတော့မသိ၊ ကျမတို့အဖွဲ့က အတန်းထဲမှာ အီးတီ(E.Cကို နာမည်ဖျက်ထာတာ) လုပ်ရတယ်။ အင်္ကျီထုတ်မယ်ဆိုတော့ ဘယ်သူမှ ပုံမဆွဲနိုင်ကြဘူး။ ဒါနဲ့ ကျမဘဲ အိမ်ကမောင်လေးကို ဆွဲခိုင်းလိုက်မယ်လို့ အာမခံပေးလိုက်တယ်။

မောင်လေးက ကျမတို့မောင်နှမသုံးယောက်ထဲမှာ အနုပညာ ဝါသနာအရှိဆုံးဘဲ။ ငယ်ငယ်ကတည်းက ခဲတန်ရရင် မြင်မြင်ရာ ပုံတွေရှောက်ခြစ်တော့တာဘဲ။ နောက်သူ့ကျောင်းဖတ်စာအုပ်ဆိုလဲ ပုံတွေအပြည့်။ ကျမတို့က ဖတ်စာအုပ်ကို လက်ဆင့်ကမ်းသုံးတာဆိုတော့ အမကြီးသုံးပြီး စာအုပ်ကို ကျမသုံး၊ ပြီးရင် မောင်လေးပေါ့ (သင်ရိုးအသစ်မပြောင်းခင်ထိ)။ ကျမတို့အမနှစ်ယောက်တုန်းက ဘာမှမဖြစ်တဲ့စာအုပ်တွေ မောင်လေးလက်ထဲရောက်ရင် ပုံတွေနဲ့ ပွလို့။ သူ့နောက်အငယ်မရှိလို့ တော်သေးတယ်။ နောက်တော့ တဝမ်းကွဲမောင်လေးတွေက ဖတ်စာအုပ်တွေလိုချင်တယ်ဆိုလို့ မောင်လေးသုံးပြီး စာအုပ်တွေ သူတို့ကိုပေးတယ်။ ပေးသာပေးရတယ်၊ သူတို့ဖတ်လို့ရပါ့မလားလို့ စိတ်ပူရတယ်။ နောက်တော့ ဒေါ်လေးကပြောတယ်။ မောင်ဝမ်းကွဲတွေက မောင်လေးဆွဲထားတဲ့ ကာတွန်းပုံတွေကို သဘောတွေကျလို့တဲ့။ သူတို့ပါ ဖတ်စာအုပ်ရဲ့ နေရာလွတ်မှာ ပုံလိုက်ဆွဲကြသတဲ့။ ကောင်းကြရော။

နောက်တော့ ပုံတွေအပြင် ကဗျာတွေပါရေးလာတယ်။ ကျမတို့ အမနှစ်ယောက်ကတော့ သူ့ကဗျာတွေခိုးဖတ်ပြီး ကြိတ်ရီကြ တခါတလေ ဘာတွေမှန်းမသိလို့ အီလည်လည်ဖြစ်ကြနဲ့။ သူဆွဲထားတဲ့ ဒီဇိုင်းနဲ့ ကဗျာစာရွက်တွေ ကျမသိမ်းထားတာ နောက်တော့ တင်ပါဦးမယ်။ ကျမရန်ကုန်မှာ ကျောင်းလာတက်ရတော့ အိမ်နဲ့(အမေနဲ့) မခွဲစဖူးဆိုတော့ စိတ်အားငယ်တာပေါ့။ အဲဒီတုန်းက မောင်လေးက စာတွေရေးပြီး ပို့လာပါတယ်။ သူ့စာတိုင်း ကျွန်မပုံကို ကာတွန်းရုပ်လုပ်ပြီး နောက်ထားတယ်။ dead body တွေကြည့်ရတယ်ဆိုတော့ ခုတ်မယ်၊ ထစ်မယ်၊ ပါးပါးလှီးမယ်ဆိုတာမျိုး။ သူ့အမကဖြင့် သတ္တိကောင်းလွန်းလို့ စေ့စေ့တောင်မကြည့်ဘူး။ မောင်လေးစာတွေကလဲ ပေါက်ကရလေးဆယ်ရေးထားတာတွေ များတယ်။ အမေပြောတော့ သူ့အမ စိတ်သက်သာရာရအောင်တဲ့။ သူ့စာလာရင် ကျမအပြင် တဆောင်လုံး ဝိုင်းဖတ်ကြတယ်၊ ရီစရာကောင်းလို့လေ။ ကျွန်မစီ စာရေးမှန်းသိတော့ အမက စကားနာထိုးတယ်။ သူမော်လမြိုင်မှာ ကျောင်းတက်နေတုန်းရော အလုပ်ဝင်နေတဲ့အထိ တခါမှ မောင်လေးစီက စာမလာဖူးလို့တဲ့။ မောင်လေးနဲ့ သုံးနှစ်ကွာတဲ့ကျမက သူငယ်ချင်းလို ပိုဖြစ်ပြီး ငါးနှစ်ကွာတဲ့အမက သိပ်အစေးမကပ်လို့ဖြစ်မယ်။

သူစနောက်တာကိုလည်း ကျမက အခံရဆုံးလေ။ အမက နဲနဲမှသည်းမခံတာလဲပါတယ်။ ကျမကိုဆို ငိုအောင်စတယ်။ ရာဘာမြွေရုပ်ကြီးဝယ်လာတုန်းကပေါ့၊ အဲဒီမြွေကိုကိုင်ပြီး လက်ကိုတွန့်လိမ်တွန့်လိမ်လုပ်တော့ တကယ့်အစစ်ကြီး လှုပ်နေတာနဲ့တူတယ်။ အဲဒါကို ကျောင်းကပြန်လာတဲ့ ကျမ အိမ်ထဲအဝင်မှာ အခန်းဝကနေ ရုတ်တရက် လက်ထုတ်ပြီးခြောက်တာ လန့်ပြီးမျက်ရည်ပါကျရတယ်။ ကျမကြောက်တဲ့ ပိုးတုံးလုံး အကြီးကြီးကို အညှပ်နဲ့ညှပ်ပြီး လိုက်တို့လို့ ထွက်ပြေးတာ ခြံပြင်လမ်းမပေါ်အထိရောက်တယ်။ ခြံပြင်မှာ အသိနဲ့စကားပြောနေတဲ့အမေ့ကို ပတ်ပြေးရင်းအော်နေမိလို့ လမ်းသွားတွေတောင် ကြည့်သွားသေးတယ်။ အရှက်ခွဲပါ့။

ခုအင်္ကျီထုတ်မယ်ဆိုတော့လည်း မောင်လေးကို ဘဲပြေးမြင်ပြီး ဆွဲခိုင်းလိုက်တယ်။ သူကတော့ ပေါ့ပေါ့ပါးပါး ကာတွန်းဆန်ဆန်ပုံလေးပုံ ဆွဲပေးလိုက်တယ်။ အဲဒီထဲက အင်္ကျီထုတ်ဖြစ်တဲ့ပုံက ဒီထဲမှာ မပါရှာဘူး။ အဲဒီပုံက ဆိုင်ကို ပေးထားရလို့လေ။



ဒီပုံက နင်ဂျာလိပ်လေးကောင်၊ လင်းနို့လူသား၊ ပင့်ကူလူသား၊ ဝူခုံးနဲ့ နောက်တခုက ရှောင်လင်ထင်တယ်၊ အဲဒါတွေကို ဆေးလုံးတွေမှာ ပုံဖော်ထားတာ။



ဆေးလုံး၊ ဆေးတောင့်အမျိုးမျိုးကို ကျားကစားတဲ့အရုပ်ပုံ လုပ်ထားတယ်။



ဒါက capsule ၂တောင့်ရန်ဖြစ်ရင်း သူတို့အရောင်တူရာ ပြောင်းစွတ်လိုက်တော့ ok သွားတဲ့ပုံလေး။ ဘာဖြစ်ဖြစ် ပုံမဆွဲတတ်တဲ့ ကျမတို့အဖို့ အဆင်ပြေသွားကြတာဘဲ။ တခြားအတန်းကပါ ကျမတို့အတန်းအင်္ကျီကို အားပေးလိုက်ကြသေးတယ်။

ကျမကိုဆို နောက်ပြောင်သလို ဆရာလဲလုပ်တတ်တဲ့ မောင်လေး ဟိုတလောကမှ သူရေးထားတဲ့ဘလော့ကို သိတော့တယ်။ ကိုးနက်ရှင်ကြွမလာတာနဲ့ အကြွနှေးတာနဲ့ရော ဟိုပိတ်ဒီပိတ်နဲ့မို့ သေချာတော့ တင်နိုင်ပုံမရဘူး။ သူ့အမဘလော့ကိုလည်း စိတ်ကူးပေါက်ရင် မေးပါရဲ့။ သူကြည့်တော့ ခေါင်းစဉ်ကလွဲပြီး စာတွေဖတ်မရဘူးတဲ့။ မမြင်ရတာဘဲ ကောင်းပါတယ်။ တော်ကြာ ဂျစ်မောင်လေးက သူ့အမ လျှောက်ရေးထားတာဖတ်ပြီး ပိဿာလေးဘေးပစ် ပေါက်ကရပြောနေဦးမယ်။


Read More...

Tuesday, January 22, 2008

ကိန်းဂဏန်းများနှင့် (၄)


ဒီတခါ အမြှောက်အကြောင်းထဲက အခန်းခွဲ တခုကို ရေးပါမယ်။ စာအုပ်ထဲမှာတော့ "[ 11 x 11 ] ကနေ [ 19 x 19] အထိ ဒီလောက်လွယ်တယ်"လို့ ခေါင်းစဉ်တပ်ထားပါတယ်။

e.g, 14 x 17 = ???

ပထမဦးစွာ ကြိုက်ရာတဖက်ကို ပေးထားတဲ့ကိန်းအတိုင်းယူပြီး ကျန်တဲ့ကိန်းတဖက်က ခုဂဏန်းနဲ့ ပေါင်းပါမယ်။
14 + 7 = 21 <----- A
ပြီးရင် နဂိုကိန်းတွေက ခုဂဏန်းတွေကို မြှောက်ပါ။
4 x 7 = 28 <----- B
ထို့နောက် Aနဲ့B "နေရာရွှေ့ပြီးပေါင်း"ပါ။ "A"ရဲ့ ခုဂဏန်းအောက်မှာ "B"ရဲ့ ဆယ်ဂဏန်းကိုထားပြီး ပေါင်းရပါမယ်။
2 1
+ 2 8
_______
2 3 8

ဥပမာနောက်တစ်ခု ထပ်တွက်ပြပါမယ်။
16 x 18
16 + 8 = 24 <----- A
6 x 8 = 48 <----- B
Aနဲ့B နေရာရွှေ့ပြီးပေါင်းမယ်။
2 4
+ 4 8
_______
2 8 8 #

***ဘာကြောင့် ဒီလိုတွက်ရတာလဲဆိုရင်_ 11 ကနေ 19 အထိ ကိန်း၂လုံးစီကို (10+a ) ရယ် (10+b) အနေနဲ့ထားပြီး ရှင်းပြပါမယ်။

(10+a ) x (10+b)
=10 x 10 + 10a + 10b + ab
=10 ( 10 + a + b ) + ab

( 10 + a + b ) မှာ 10 + a က တစ်ဖက်ကိန်းဂဏန်းကိုပြပြီး b က ကျန်တစ်ဖက်ကိန်းက ခုဂဏန်းကို ပြပါတယ်။ ပြီးတော့ အရှေ့က 10မြှောတ်ထားတာက အနောက်ဆုံးမှာ သုညရှိတယ်ဆိုတဲ့သဘောပါ။ အဲဒါကြောင့် "နေရာရွှေ့ပြီးပေါင်း"ရတာပါ။ နောက်ဆုံး ab က ခုဂဏန်း ၂ခုမြှောက်ခြင်းကို ပြတာပါ။
အပေါ်ဆုံးက ဥပမာ 14 x 17 = ? ကို ပြန်ရှင်းပြပါမယ်။
14 x 17 = ( 10 + 4 ) x ( 10 + 7 )
= 10 ( 10 + 4 + 7 ) + ( 4 x 7 )
= 10 ( 14 + 7 ) + ( 4 x 7 )
= 10 x 21 + 28

တွက်ကြည့်ပါ။
18 x 18 = ?
19 x 14 = ?
16 x 19 = ?


Read More...

Monday, January 21, 2008

"စားကြပါဦးရှင်"


"J"လာအော်သွားလို့ အိမ်ကပို့လိုက်တာတချို့ မျှဝေလိုက်ပါတယ်။ တကယ်စားမရတော့လည်း ပုံကြည့်ပြီး စိတ်ဖြေပေါ့နော်။ ပထမဆုံး ပဲလှော်တွေကျွေးမယ်။ ပဲမဲမဲလေးက ရောက်တဲ့နေ့ကတည်းက ဖောက်စားနေလို့ တဝက်ဘဲကျန်တော့တယ်။ မဖောက်ရသေးတဲ့အထဲက "လုံမေပဲရွှေပွကြော်"၊ "တောင်ကြီးပဲကြော်"၊ ပဲဝါလေးပဲလှော်နဲ့ "ဘိုကိတ်ပဲကြော်"။





နောက်ထပ် ခပ်စပ်စပ်လေး ကျွေးမယ်။ ပဲပုတ်နဲ့မြေပဲထောင်းကြော်။ စပ်လိုက်တာမှ ရှူးရှဲပဲ။



သိပ်မစပ်သေးဘူးဆိုရင် ငပိထောင်းလေးပါ ထပ်တွဲစားပါဦး။ အမေ့လက်ရာစစ်စစ် ငပိထောင်း။ အမေကိုယ်တိုင်ထောင်းတာ စားချင်တာလို့ ဂျီထားလို့ သရက်သီးစိမ်းနဲ့ ထောင်းပေးလိုက်တဲ့ ချဉ်စပ်ငပိထောင်းလေး။



အတော်စပ်သွားပြီဆိုရင် အချိုပြန်ကျွေးမယ်။ ဖားအံထန်းလျက်(ညက်)ချို စားပါ။ ဒီတစ်ခါ ရိုးရိုးထန်းညက်ပဲပါလာတယ်။ နောက်တစ်ခါကျမှ ဇီးထန်းညက် မှာလိုက်မယ်။ အုန်းထန်းညက်က စားပြီးလည်ချောင်းယားလို့ မမှာတော့ဘူး။



အချဉ်ထုပ်ကတော့ သိပ်မစားလို့ နဲနဲဘဲပါတယ်။ BunBunသရက်သီးခြောက်က စားရင်းအရှိန်လွန်သွားလို့ ကုန်သွားပြီ။ ဂျင်းမက်မန်းချိုချဉ်လေးဘဲ ကျန်တော့တယ်။



ပစ္စည်းတွေရောက်ကတည်းက တမျိုးပြီးတမျိုးစားနေတာ။ ရောက်ပြီးနောက်နေ့ ငပိကောင်ကြော်နဲ့ ပဲနီလေးဟင်းရည်ချက်စားလိုက်တာ ငပိကောင်ကြော် တစ်ရက်ထဲနဲ့ကုန်ရော။ စားချင်စိတ်များနေလို့ ဓာတ်ပုံတောင် မရိုက်လိုက်ရဘူး။ တနေ့က ချက်ဖြစ်တဲ့ မုန့်ဟင်းခါးဘဲ တင်လိုက်တော့တယ်။



မြောင်းမြဒေါ်ချိုမုန့်ဟင်းခါးထုပ်ကို ချက်ထားတာ။ မုန့်ဟင်းခါးက ဒီရောက်ကတည်းက မစားရတာ ကြာပေါ့။ ရေချိုငါးကို မသိတာရော စပါးလင်ရှာမရတာကြောင့်ရော ငါးဟင်းမစားရတာ နှစ်ပေါက်တော့မယ်။ မုန့်ဟင်းခါးကလည်း စပါးလင်ပါမှမွှေးတာကိုး။ ဒါနဲ့ ချွေတာသောအားဖြင့် ဝယ်ထားတဲ့ "ကင်းမာတိုင်း"ငါးနဲ့ မုန့်ဟင်းခါးထုပ်ကို အနံ့ပါအောင်နဲနဲ ရောချက်လိုက်တယ်။ ငှက်ပျောအူကြိုက်တတ်လို့ အမေက ငှက်ပျောအူနုနုလေးတွေကို ပါးပါးလှီး အခြောက်လှမ်းပြီး ထည့်ပေးလိုက်တယ်။ အဲဒါလေးတွေ ရေနွေးဖျောပြီး ထည့်တည်တာ ပွလာတော့ နုဖတ်ဖတ်နဲ့ ဝါးလို့အရမ်းကောင်းတာဘဲ။



ဒီမှာချဉ်ပေါင်မရှိလို့ ချဉ်ဟင်းမစားရဘူးဆိုလို့ ချဉ်ပေါင်သီးနုတွေ အခြောက်လှမ်းပြီး ထည့်ပေးလိုက်သေးတယ်။ ဟိုတစ်ခေါက်တုန်းကတော့ ချဉ်ပေါင်ရွက်ခြောက် လုပ်ပေးလိုက်တယ်။ ချဉ်ပေါင်ရွက်ခြောက်ရော ချဉ်ပေါင်ကြော်က ဟင်းရည်ပြန်ချက်ရင် အချဉ်ပေါ့သွားလို့ ဒီတစ်ခေါက်တော့ ချဉ်ပေါင်သီးခြောက် လုပ်ပေးလိုက်တယ်။ အမေလုပ်ပေးလိုက်တာတွေ အများကြီးဘဲ။ ငါးခြောက်ကို အာပြဲခြောက်ဖုတ်ကြိုက်တယ်ဆိုလို့ အများကြီးလုပ်ပေးလိုက်တယ်။ နောက် ဗယာကြော်မှုန့်မှာထားတော့ ဗယာကြောစားရင် ထည့်ဖို့ ပျဉ်းတော်သိမ်ရွက်လေးတွေပါ ကြော်ထည့်ပေးလိုက်တယ်။ (စာတိုက်ကလုပ်လိုက်တာ အမှုန့်တွေဖြစ်ပေါ့။) အမေကတော့ အတော်စိတ်ရှည်ပါတယ်။ ကလေးသုံးယောက် အကြိုက်တစ်ယောက်တမျိုးစီကို လိုက်လုပ်ပေးတယ်။ ငယ်ငယ်က ထမင်းကြော်ကို တစ်ယောက်က ဆနွင်းနဲ့ကြော်မှ၊ နောက်တစ်ယောက်က ပဲငံပြာအပျစ်ရည်နဲ့မှဆိုတော့ မနက်စောစော အလုပ်ရှုပ်တာတောင် တစ်ယောက်အကြိုက်တမျိုး လုပ်ပေးထားတာ။ အမေကိုဆို ခဏခဏပြောဖြစ်တယ်။ သမီး အမေဖြစ်လာရင်တောင် အမေ့လောက် စိတ်ရှည်နိုင်မယ်မထင်ဘူးလို့။ ရေးရင်းနဲ့ တဒိယလာပြီ ဟင့်!! :(


Read More...

Thursday, January 17, 2008

လာပါတော့ ခါခါမော့ မျှော်တဲ့--


ပြီးခဲ့တဲ့တပတ် ကြာသပတေးနေ့က အိမ်ကိုဖုန်းဆက်တော့ မှာထားတဲ့ ပစ္စည်းတွေ တနင်္လာနေ့ကတည်းက ပို့လိုက်ပြီတဲ့။ ဒီတစ်ခါမှာတာ အတော်များသွားတယ်။ အချဉ်ထုပ်တွေ မက်မက်စက်စက်စားသူမဟုတ်တော့ ဒီကိုလာတော့ ဘာအချဉ်ထုပ်မှ သယ်မလာမိဘူး။ အရင်က ပစ္စည်းမှာရင်လည်း ဒီမှာအလွယ်ဝယ်မရတဲ့ ဟင်းချက်သုံးတချို့ကို နဲနဲလောက်ပဲ မှာနေကျ။ အခုကျတော့ မစားရတာကြာတဲ့ သွားရည်စာတွေ စားချင်လာတယ်။ ဟိုတလောက ပဲလှော်စားချင်လို့ လိုက်ရှာတာ တော်ရုံနဲ့ မတွေ့ဘူး။ နောက်တွေ့မယ့်တွေ့တော့ ဟင်းချက်ပစ္စည်းဝယ်နေကျဆိုင်မှာ မြန်မာပြည်က ပဲအဖြူလုံးလေးတွေလို ပဲလှော်ထုပ်ကို ရှာတွေ့တယ်။ ယန်းသုံးရာတဲ့။ ဈေးကြည့်ပြီး ရှာတွေ့လို့ ပျော်နေတဲ့ အပျော်လေး လွင့်သွားရတယ်။ အထဲမှာပါတာက နဲနဲလေးရယ်၊ ထိုင်စားရင် ခဏနဲ့ကုန်မှာ။ ယန်းသုံးရာဆို အသားဟင်းတောင် ဝယ်ချက်လို့ရနေပြီ။ မတန်တော့လည်း မဝယ်ဘူးပေါ့။ ဒါပေမယ့် သံယောဇဉ်အမျှင်တန်းလန်းနဲ့ အဲဒီဆိုင်မှာ သွားဝယ်တိုင်း ပဲထုပ်ကလေးကို ဈေးတော်ပြီလားလို့ သွားကြည့်ရတာ အမောဘဲ။

နောက်အိမ်ကြီးရှင်ပါ ဈေးဝယ်လိုက်လာတဲ့နေ့ကျမှ အဲလောက်စားချင်တာ ဝယ်ပေါ့၊ ဒီမှာဆိုတော့လည်း ဒီဈေးဘဲ ရှိမှာပေါ့ဆိုပြီး တိုက်တွန်းမှဘဲ ချီတုံချတုံဖြစ်နေတဲ့စိတ်ကို ဒုန်းဒုန်းချပြီး ဝယ်ခဲ့တော့တယ်။ ဪ လွမ်းလိုက်တာ ရွှေပြည်တော်ရေ။ ကိုယ့်ဆီမှာဆို ၅၀/၁၀၀လောက်နဲ့ ဝယ်လို့ရတဲ့ သွားရည်စာ ဒီမှာသုံးထောင်လောက်ကျပေါ့ ဟင့်!။ အဲဒါနဲ့ ဒီတစ်ခါတော့ စားချင်နေတဲ့ ပဲလှော်ပေါင်းစုံ အိမ်ကိုမှာလိုက်တယ်။ အမေကလည်း ဖားအံလူကြုံရှိလို့ သယ်လာပေးတဲ့ ထန်းညက်တွေလည်းရှိတယ်တဲ့။ အတော်ဘဲ အကြိုက်တွေ့တော့တာပေါ့။ ဗယာကြော်ကြော်စားဖို့ ဗယာကြော်မှုန့်၊ ကုန်သွားလို့ ငတ်နေတာကြာပြီဖြစ်တဲ့ လက်ဖက်နှပ်၊ ဂျင်းနှပ်-----မှာလိုက်တာ အစုံဘဲ။ အများကြီးမှာတော့ အမျှော်ကြီးမျှော်ရပြီပေါ့။

ဖုန်းဆက်တော့ အမေက စာတိုက်အတွေ့အကြုံပြောသေးတယ်။ ထုံးစံအတိုင်း တခုမဟုတ်တခု ရှာကြံရစ်ပေါ့။ ဟိုတခါက မြန်မာဆေးတွေထည့်ပေးတော့ ဆေးက ဆေးဆရာရဲ့ တိုင်းရင်းဆေးတံဆိပ်နှိပ်မထားလို့တဲ့။ ရစ်စရာ ဗမာဆေးရှိတော့ အင်္ဂလိပ်လိမ်းဆေးတောင့်တွေကို ယောင်လို့တောင်မပြောဘူး။ ဒီတစ်ခါ တခြားရစ်စရာရှာမတွေ့လို့ထင်ရဲ့ အရင်တခါပို့တုန်းက ဘာမှမပြောတဲ့ လိမ်းဆေးတွေကို အခုထပ်ပို့တော့ ရစ်ပါလေရော။ ရစ်ရခြင်းရည်ရွယ်ချက်ကလည်း အားလုံးသိတဲ့အတိုင်းပါ။ အမက သူတို့ရှေ့နားချထားတဲ့ ရံဘုံးငွေ အဲ ရံပုံငွေပုံးထဲ (အရင်ကတော့ မရှိဘူး၊ အခုစတိုင်အသစ်) အလှူငွေ (အမှန်တော့ မသဒ္ဓါရေစာ) ထည့်ပြီးသကာလ တခွန်းမှထပ်မဟတော့ဘဲ ချောချောချူချူပြီးလေသတည်းပေါ့။ အမကတောင် ပြောလိုက်သေးတယ်။ တန်မတန်လည်းတွက်ကြည့်ဦးတဲ့။ အထဲက ပစ္စည်းတန်ဖိုးထက် ပို့ခက နှစ်ဆကျော်တယ်တဲ့။ ဒီမှာဆို ရထားစီးပြီးသွားရမှာရယ် လိုက်ရှာရမယ့်အချိန်ရယ် ရှိမရှိမသေချာနိုင်တာရယ်ကြောင့် ရှားပါးတဲ့နေရာမှာတော့ တန်တန်တန်လို့ဘဲ ပြောရမှာပေါ့။

တကယ်ဆို ပစ္စည်းကို တန်ရာတန်ကြေးပေးပြီးပို့တာပါ။ ကီလိုကို သတ်မှတ်တဲ့တန်ဖိုးနဲ့ ကိုယ်ပို့တဲ့ နိုင်ငံက ကန့်သတ်ထားတဲ့ ပစ္စည်းမပါအောင် စီစစ်ပြီးမှပို့တာဘဲ။ ပြီးတော့ ကျွန်မအိမ်က ပစ္စည်းပို့တိုင်းလည်း ပွဲစားကို မသုံးဘဲ ကိုယ်တိုင်ပို့တာ။ ပွဲစားခ မတန်တာရော ကိုယ့်ပစ္စည်း အတိုးအလျှော့ကို ကိုယ်တိုင်စောင့်ကြည့်မှ စိတ်ချရတာမို့ပါ။ အရင်က ကျွန်မလည်း အမျိုးသားစီ ပို့နေကျမို့ စာတိုက်ဒုက္ခကိုသိတယ်။ တခါလာ ရဲစခန်းထောက်ခံစာ၊ နောက်တခါ ရပ်ကွက်ထောက်ခံစာ၊ နောက်တော့ အိမ်ထောင်စုစာရင်း၊ နောက်တခါ မှတ်ပုံတင်မိတ္တူ၊ နောက်ကျတော့ မူရင်းပါတွဲပြခိုင်းနဲ့ တခါသွားရင်တစ်မျိုး ပြဋ္ဌာန်းချက်အမျိုးမျိုးနဲ့ ရစ်ပါ့။ ဒါကြောင့် အိမ်ကိုအားနာလို့ တော်ရုံဆိုမမှာတော့ဘူး။ ခြောက်လလောက်မှ တစ်ခါဘဲမှာတယ်။ ဒီကြားထဲ ဂျပန်ကို ပို့ခက ဈေးအကြီးဆုံးဘဲ။ စပ်စုနေကျထုံးစံမို့ တစ်ကီလိုပို့ရင် ဘယ်နိုင်ငံဘယ်လောက်ဆိုတဲ့ စာရင်းကိုသွားဖတ်တာ ဂျပန်ကို ဘယ်နိုင်ငံမှ မမှီပါလား။ အခုထိအရင်အတိုင်းဘဲဆိုရင် တစ်ကီလို ၂၆ FEC၊ နှစ်ကီလို ၃၇ FEC၊ သုံးကီလို ၄၉ FEC၊ လေးကီလို ၆၀ FEC ပါ။ ကီလိုစုံဂဏန်းနဲ့ မဂဏန်းကြား ၁၁ FEC နဲ့ ၁၂ FEC တလှည့်စီ ပေါင်းသွားတာမို့ ကီလိုစုံဂဏန်းပို့ရင် ပိုတန်တဲ့သဘောပါဘဲ။ ဂျပန်နဲ့နီးတဲ့ ကိုးရီးယားပို့ရင်တောင် ထက်ဝက်အောက်ပဲကျတာပါ။ မှတ်မိသလောက်တော့ တစ်ကီလို ၁၇ FEC နဲ့ ကီလိုတိုးတိုင်း ၉ FEC ပေါင်းသွားပါတယ်။

စာတိုက်မှာ ခြင်္သေ့အကောင်ကြီးကြီးကိုက်ပြီး တန်ရာတန်ကြေးရော မတန်မရာကြေးတွေပါ ပေးပြီးသကာလ ကိုယ်ပို့တဲ့ပစ္စည်းထုပ်တော့ ချောချောချူချူ ရောက်စေချင်သား။ အမေက ထပ်မှာလိုက်တယ်။ ပစ္စည်းရောက်ရင် ပုံးပေါ်ကစာရင်းနဲ့စစ်ပြီး ဖုန်းပြန်ဆက်ဦးတဲ့။ အမေတို့ပို့နေတုန်း ကောင်မလေးနှစ်ယောက် ဂျပန်ကိုပစ္စည်းပို့တာ အကုန်ပါမသွားလို့ဆိုပြီးလာစုံစမ်းတယ်။ စာတိုက်က ဂျပန်ကလွဲပြီး တခြားနိုင်ငံတွေကို ပါဆယ်က စာတိုက်က တိုက်ရိုက်သွားသတဲ့။ ဂျပန်ဆို စီစစ်ရေးရုံးကို တဆင့်ပို့ပြီးမှ ဂျပန်ကို ပို့သတဲ့။ ဒါဆို ပစ္စည်းပျောက်တာ စာတိုက်နဲ့ မဆိုင်ဘူးဆိုတဲ့ သဘောပေါ့။ "ပျောက်သောပစ္စည်း ရှာရင်မတွေ့"နဲ့ "မေးပါများလမ်းစပျောက်"ပေါ့။ ငွေကုန်ပစ္စည်းရှုံးဘဲ။ ဘယ့်နှယ့် အားလုံးအဆင့်ဆင့်စစ်လို့ (စစ်တဲ့နေရာမှာ ကာစတန်က အမြဲရှိတယ်) လက်ခံပြီးမှ ကီလိုကျသင့်တန်ဖိုးပေးပြီးပို့တာပါ။ ဘာလို့ အကုန်မရောက်ရတာလဲ။ ကိုယ့်ရှေ့မှာ ပါဆယ်ပုံးကို အထပ်ထပ် တိပ်ပိပ်နေတာ အာပလာပေါ့။

သူများကိစ္စကြားလာပြီးတော့ အမေက စိတ်တထင့်ထင့်ပေါ့။ ဒီကကျွန်မလည်း မျှော်ရတော့တာပေါ့။ အရင်က အမျိုးသားနယ်မှာနေလို့ ပို့တုန်းက လေးရက်ဆို ရောက်တယ်။ တိုကျိုကို ရောက်တော့ မြန်ရင် ငါးရက်နဲ့ အလွန်ဆုံး တပတ်နေမှရောက်တယ်။ နယ်မြို့က သေးလို့ ပို့တာမြန်ပြီး မြို့ကြီးရင် နဲနဲကြာတာထင်တယ်။ တနင်္လာနေ့က ပို့လိုက်တာဆိုတော့ နောက်အကျဆုံးတော့ နောက်ထပ်တနင်္လာနေ့ဘဲပေါ့။ မျှော်တာတော့ သောကြာနေ့ကတည်းကဘဲ။ ပိတ်ရက်လည်း ဒီမှာက ပို့ပေးတာဘဲမို့ စနေလည်း လည်ပင်းရှည်၊ တနင်္ဂနွေလည်း လည်ပင်း သစ်ကုလည်အုပ်ဖြစ်နဲ့။ သီချင်းလေးနဲ့လည်း မျှော်တယ်။ "မျှော်သာမျှော်သည် မယုံကြည် ရင်မှာဝေဒနာ အပွင့်အခက်အဝါအနီ"။ မျှော်တော်ဇောနဲ့မောရပါတယ်။ တနင်္လာနေ့သာကုန်သွားတယ် ရောက်မလာဘူး။ အောက်ဆင်းပြီးစာတိုက်ပုံးထဲ ချောင်းရတာလဲ အမော။ တခါတလေ ပါဆယ်ရောက်ကြောင်း အကြောင်းကြားစာ ထည့်သွားတတ်တာကိုး။ နောက်မှ ကိုယ်လိုချင်တဲ့အချိန်ကို ပို့ခိုင်းလို့ရတယ်။

အင်္ဂါနေ့လည်း ပေါ်မလာ။ စိတ်မကောင်းဖြစ်လာပြီ။ မနေ့က နေ့လည် အခန်းတံခါးရှေ့က "ဒေါက် ဒေါက်"တဲ့။ ချမ်းလို့ စောင်ပတ်ပြီး ကွန်ပြူတာရှေ့ရှိနေရာက ဘယ်လိုခုန်ထွက်သွားလိုက်လည်းမသိဘူး၊ လမ်းမှာ မီးဖိုချောင်က ဒန်အိုးတောင် ဝင်တိုက်လိုက်သေးတယ်။ တံခါးဖွင့်လိုက်တော့ ဟော--



"လာပါတော့ ခါခါမော့ မြရွက်ဝေ မျှော်တဲ့ပါဆယ်ထုပ် ရောက်ပြီ၊ ရောက်ပြီ။" ပုံးကလေးလည်းလေး ပျော်ပြီးပြာယာခတ်နေလို့ စာတိုက်ဝန်ထမ်းက ဖြစ်ရဲ့လား "ဒိုင်းဂျောဘု က?" ကို "ဟိုက်"လုပ်ပြီး ယက်ကန်ယက်ကန် ပုံးမပြီးဝင်ခဲ့တယ်။ ပုံးဖောက်စစ်ဖို့လုပ်ရင်း သတိထားမိတာ အင်! တိပ်က နှစ်ထပ်ဖြစ်နေပါလား။ အပေါ်တိပ်က အကြည်ရောင်မို့ အောက်ဘက်တိပ်က တောက်လျောက်ခွဲထားတာမြင်ရတယ်။ အပေါ်တိပ်အကြည်မှာတော့ Japan Post Service co., ltd. နဲ့ ပုံးမှာ တိပ်ပိတ်ပြီးသားကို ဖွင့်ထားတဲ့ဒဏ်ရာတွေ့လို့ ဖွင့်ဖောက်စစ်ဆေးရကြောင်း အနီရောင်စာတန်းပါတယ်။ ဪ ဟိုစီစစ်ရေးရုံးဆိုတဲ့နေရာက မသပ်မရပ်လုပ်လိုက်လို့ပေါ့။ ဒီဘက်ကတော့ တိကျတယ်ရှင့်။ ဖွင့်ထားကြောင်းနဲ့ ဘာကြောင့်ဆိုတာပါ တခါထဲရေးထားတယ်။ သူတို့စစ်ပြီးတော့ ကိုယ်စစ်ကလှည့်ပေါ့။ စာရင်းအားလုံးပါမှဘဲ ဟင်းချ နိုင်တော့တယ်။ ပစ္စည်းတွေ နှိုက်မယူထားလိုက်တဲ့ စီစစ်ရေးရုံးဆိုတဲ့ နေရာက ပုဂ္ဂိုလ်ကြီး ပုဂ္ဂိုလ်လေးများကိုလည်း ကျေးဇူးတင်ပါတယ်။ နောက်ရက်များတော့ သွားရည်စာတွေနဲ့ ဇိမ်ကျရတော့မယ်။


Read More...

Wednesday, January 16, 2008

ယောသူတို့ရွာ


အဖေ့ဘက်အဖွားက အထက်အညာကပေမယ့် ကျွန်မတို့ တခါမှ အညာကို မရောက်ဖူးပါဘူး။ အမျိုးတွေလည်း ခုထိ ရှိနေတုန်းပါဘဲ။ တခါတလေ ရန်ကုန်ကို သွားလည်လို့ သူတို့လာလည်တာနဲ့ ဆုံတတ်တယ်။ ဖွားလေး(အဖွားညီမအငယ်ဆုံး)က ကျွန်မတို့ စကားပြောရင် "ဪ- ဟုတ်လား" ဆိုတာနဲ့ဆင်တူ အညာစကားပြောပုံနဲ့ "ဪ- ဟုတ်ကဲ့လား"လားလို့ စကားထောက်လေ့ရှိတယ်။ "ဟုတ်ကဲ့လား"ကို ကျွန်မတို့က "ဟုတ်ရဲ့လား"လို့ ပြောတယ်ထင်လို့ အစကတော့ ကိုယ်ပြောတာဘဲ မယုံလို့လားဆိုပြီး စကားပြောရတာ အရှိန်ရပ်ရပ်သွားတယ်။ နောက်မှကိုယ့်ကို ဆက်ပြောလို့ရအောင် စကားထောက်ပေးမှန်းသိတော့တယ်။

ဖွားလေးလာရင် အညာလက်ဆောင်မုန့်တွေနဲ့ သနပ်ခါးတုံးတွေပါတတ်တယ်။ ယောအဆင်တော့ တခါမှမတွေ့မိဘူး။ ဒီဘက်အမျိုးတွေက ရန်ကုန်မှာနေတာများလို့ အညာဆင် ကြိုက်မယ်မထင်လို့ဖြစ်မယ်ထင်တယ်။ တွေးမိတော့လည်း ဟုတ်သား။ အဖေ့ဘက်ကအဒေါ်တွေ တခါမှ ယောအဆင်ဝတ်တာ မမြင်ဖူးဘူး။ ကျွန်မတို့ကတော့ အမေကအစ ယောအဆင်ကြိုက်တယ်။ နဂိုက ယောအဆင်ကို ပုဆိုးအနေနဲ့ဘဲ ဝတ်ခဲ့တာထင်တယ်။ နောက်တော့ ဘယ်သူထွင်လိုက်လဲမသိဘူး ထဘီအနေနဲ့ရော၊ အထက်အောက်ဝမ်းဆက်အနေနဲ့ပါ အမျိုးသမီးတွေ ဝတ်လာကြတယ်။ (ဦးလေးတစ်ယောက်ပြောတာ မှတ်မိသေးတယ်။ နင်တို့ အမျိုးသမီးတွေ ငါတို့ယောက်ျားလေးဝတ်တွေသမျှ ပုဆိုးဆိုလည်းလိုက်ဝတ် ရှပ်အင်္ကျီဆိုလည်းလိုက်ဝတ်နဲ့ ငါတို့ဝတ်စရာ နည်းကုန်တော့မယ်တဲ့။ မကျေနပ်ရင် လိုက်ပြန်တုဝတ်ပေါ့နော့။:D ) ယောအဆင်ထဲမှာ ဇီးရောင်နဲ့ မဲနယ်ရောင်က လူကို ပိုသန့်စေတယ်ထင်တယ်။ ကျွန်မကတော့ မဲနယ်ရောင်၊ မရမ်းရင့်ရောင် အရမ်းကြိုက်။

ယောအဆင်သာ သဘောကျတယ် အညာမှာ ယောရွာ ဘယ်မှာရှိလဲတော့ မသိပါဘူး။ အမှန်တော့ ယောသူတို့ရွာသီချင်း နားထောင်ရင်း စဉ်းစားခန်းဖွင့်နေတာ။ ရွာအငွေ့အသက်ဆန်တဲ့သီချင်းလေးနဲ့ အိမ်ကိုလွမ်းနေတာ။ "အမေနဲ့ရွာကိုလွမ်းတယ်" ဟင့်:(။ ဒီယောသူတို့ရွာကို နဂိုဆိုထားတာ သိန်းတန်(မြန်မာပြည်)ထင်ပါတယ်။ အခုသီချင်းက ပိုးဒါလီသိန်းတန် ပြန်ဆိုထားတာ။ ကာရာအိုကေသွားဆိုတုန်းက တောင်ကြီးသူဆိုတာနားထောင်ရင်း သဘောကျသွားတယ်။ နောက်သွားဆိုဖြစ်တိုင်းလည်း သူ့ကို ဆိုပြပါဟယ်လို့ တောင်းဆိုပြီး နားထောင်နေကျ။ သူမက တစ်ဆောင်လုံးမှာ အသံအကောင်းဆုံးလေ။ သူမဆိုတာ နားထောင်လို့ကောင်းတာရော သီချင်းလေးကလည်း ချစ်စရာမို့ အားလုံးလည်းကြိုက်ကြတယ်။ အားလုံးနားယဉ်လာတော့ နောက်ပိုင်း သံပြိုင်တွေပါလိုက်ဟစ်လို့ပေါ့။ သီချင်းကို myanmarmp3.net က ဒေါင်းလုပ်လုပ်ထားတာပါ။ နှစ်သက်ရင် က ပိုးဒါလီသိန်းတန်ရဲ့ စုံတောမြိုင်တေးစီးရီးထဲမှာ ရှိပါတယ်။

ယောသူတို့ရွာ

(ပုံပြတေးဆို ခုအခြေခိုက်စရာမို့
လုံမလေးကိုနော်ဗျာ သူ့အမေရိုက်ပါလို့
ဟိုးမှောင်မိုက်မှာတဲ့ ရှိုက်ရှိုက်ကာ ငိုသံတွေ
ကြားရသူ ပူဗျာပါပွေ အိုလေမနေတတ်ပြီမို့
လာလာလေလိုက်ခဲ့ပါတော့ မောင်တို့ဌာနေ ချစ်သောအညာမြေ) x ၂

(မောင်တို့ရွာမှာကွယ် ဘာဘာတွေပေါတယ်/ပါတယ်
ပင်ထနောင်းနဲ့ ထန်းပင်တွေရယ် မကျည်း ဝါးပင် ပေါပါတယ်/ခင်ဗျ) x ၂

(ပင် ပင်နီချောရယ်နဲ့ ယောထဘီ ယောထဘီ
မောင့်ချစ်သူလေးကိုလ ဆင်ပေးချင်သည် လှစေချင်သည်) x ၂

ပိတ်အကျီင်္ီမှာ ကြွေတွေစီလို့ ပိတ်အကျီင်္ီ ပိတ်အကျီင်္ီမှာ ကြွေတွေစီလို့
ကျောက်သံကပေါ-- ယော ---- ယောသူတို့ရွာ

(လိုက်ခဲ့ပါလားကွယ် ချစ်သဲရေ ပစ်မခွဲလေ
ပင်ပန်းရင်လည်း မောင့်ရင်မှာ အပန်းဖြေ) x ၂
သွားအတူတူ လာအတူတူ ယုယုယယမောင်ချစ်မှာပါလေ



Read More...

Friday, January 11, 2008

အထွေထွေဗဟုသုတပြိုင်ပွဲ


ရုပ်မြင်သံကြားမှာ ကြည့်မိတဲ့ အထွေထွေဗဟုသုတပြိုင်ပွဲက မေးခွန်းတချို့ကို မျှဝေလိုက်ပါတယ်။ အဖြေတွေကိုတော့ ခေါက်ထားတဲ့အထဲ ထည့်ထားပါတယ်။ ကျွန်မတော့ ဗဟုသုတပြိုင်ပွဲဆို မသိသေးတဲ့ အကြောင်းအရာလေးတွေသိရလို့ သဘောကျတယ်။ မေးခွန်းအများစုက ဂျပန်နဲ့သက်ဆိုင်တာတွေဖြစ်ပါတယ်။ အဲဒီထဲက မှတ်မိတဲ့ နိုင်ငံတကာ ဗဟုသုတ မေးခွန်းတချို့နဲ့ ဂျပန်ဆိုင်ရာအကြောင်းအရာတချို့ကို တင်လိုက်ပါတယ်။

မေးခွန်း***

၁။ အေးတဲ့အချိန်မှာ စကားပြောရင် ပါးစပ်က အငွေ့တွေ ထွက်ပါတယ်။ ဒါပေမယ့် အရမ်းအေးတဲ့ မြောက်ဝင်ရိုးစွန်းဒေသမှာ စကားပြောရင် ပါးစပ်က အငွေ့မထွက်တာ ဘာကြောင့်ပါလဲ?

၂။ မီးပွိုင့်မီးတွေက အလျှားလိုက်ရှိရာက တချို့နေရာတွေမှာ ဒေါင်လိုက်မီးပွိုင့်မီးတွေ တွေ့ရပါတယ်။ အဲလို ဒေါင်လိုက်မီးပွိုင့်မီးကို သုံးရတဲ့အကြောင်းအရင်းက ဘာပါလဲ?

၃။ အခု ကမ္ဘာတလွှားမှာ လူကြိုက်များတဲ့ jigsaw puzzle ကစားနည်းက 1760ခုနှစ် ပတ်ဝန်းကျင်လောက်မှာ ဥရောပမှာ စတင်ပေါ်ပေါက်ခဲ့တာပါ။ အဲဒီကာလမှာ jigsaw puzzleကို တီထွင်သူက ရည်ရွယ်ချက်တခုအတွက် jigsaw puzzleကို မူကြိုကျောင်းသုံးအနေနဲ့ စတင်ခဲ့ပါတယ်။ အဲဒီရည်ရွယ်ချက်က ဘာပါလဲ?

၎။ အမျိုးသမီးလေးတွေ ဖြစ်ချင်ကြတဲ့ လေယာဉ်မယ်က 1930ခုနှစ်လောက်မှာ အနောက်နိုင်ငံက စတင်ခဲ့ပါတယ်။ အဲဒီအချိန်က လေယာဉ်မယ်ဖြစ်ဖို့အတွက် အရည်အချင်းတွေက (၁) အသက် ၂၅နှစ်အောက်လူလွတ်ဖြစ်ရပါမယ်။ (၂) ကိုယ်အလေးချိန် ၅၂ကီလိုအောက် ရှိရပါမယ်။ (၃) အရပ်အမြင့် ၁၆၀စင်တီမီတာအထက် ရှိရမယ့်အပြင် နောက်အရေးကြီးတဲ့ တစ်ချက်ကျန်ပါတယ်။ အဲဒါဘာပါလဲ? (ခုနောက်ပိုင်းတော့ အဲဒီကန့်သတ်မှုမရှိတော့ပါဘူး။)

၅။ လူသားတွေရဲ့ ဆံပင်က အဖိုးတန်ပစ္စည်းတစ်မျိုးထွက်ပါတယ်။ အဲဒါဘာပါလဲ?

၆။ pet bottle ဆိုတဲ့ (ရေသန့်ပုလင်းလိုမျိုး) ပလတ်စတစ်ပုလင်းရဲ့ ပုလင်းအဖုံးတွေမှာ အဖုံးဖွင့်ပြီးရင် ပုလင်းလည်ပင်းအခြေမှာ ကော်အကွင်းက ကျန်ခဲ့ပါတယ်။ အဲဒီကော်အကွင်းထားရခြင်းရဲ့ အကြောင်းက ဘာပါလဲ?

၇။ pet bottle နဲ့ ပတ်သက်တဲ့ နောက်မေးခွန်းတစ်ခုပါ။ pet bottle တွေရဲ့ ပုလင်းလည်ပင်းအရစ်ကြားမှာ ပြတ်တောက်ပြတ်တောက် ဒေါင်လိုက်လိုင်းတွေ ရှိပါတယ်။ ဘာကြောင့်ပါလဲ?

၈။ ရေခဲခြစ်ဗူး (ဒီမှာ မြန်မာပြည်မှာလို ရေခဲခြစ်ရတယ်။ ရေခဲကိုခြစ်၊ အချိုရည်ဆမ်းပြီးသား ready madeဗူး) မှာ တခြားဗူးတွေနဲ့မတူတာက ပလတ်စတစ်ဗူးဘေးပတ်ချာလည်မှာ အတွန့်လေးတွေပါနေတာပါ။ ဘာကြောင့် အတွန့်တွေထည့်ထားရတာပါလဲ?

၉။ ဂျပန်နိုင်ငံရဲ့ ကျွန်းပိစိကွေးတွေက ရွာတွေတိုင်းမှာ မီးပွိုင့်တစ်ခု အမြဲရှိပါတယ်။ ဒီလိုကျွန်းရွာမျိုး ဂျပန်မှာ ၅၀ကျော် ရှိပါတယ်။ ဒီလို ခေါင်ဖျားတဲ့ ကျွန်းရွာတွေမှာ ယာဉ်သွားယာဉ်လာ သိပ်မရှိပါဘဲ မီးပွိုင့်တစ်ခုရှိတာ ဘာကြောင့်ပါလဲ?

၁၀။ မမတွေ ညီမတွေ ပဲများပြီးစီးကြတဲ့ pencil heel လို ဒေါက်မြင့်ဖိနပ်တွေ ပေါ်လာရခြင်း အကြောင်းက ဘာပါလဲ?

အဖြေ***

၁။ အေးတဲ့အချိန်မှာ စကားပြောရင်ပါးစပ်က အငွေ့ထွက်တာမြင်ရတာက ကိုယ့်ခံတွင်းက ထွက်လာတဲ့လေပူနဲ့ အေးမြတဲ့ ပတ်ဝန်းကျင်လေထုထဲမှာလွင့်နေတဲ့ ဖုန်အမှုန်တွေနဲ့ရောသွားတာကြောင့်ပါ။ မြောက်ဝင်ရိုးစွန်းဒေသက လေထုက သန့်စင်တာကြောင့် အမှုန်တွေရှိမနေပါဘူး။ ဒါကြောင့် မြောက်ဝင်ရိုးစွန်းမှာ စကားပြောရင် ပါးစပ်က အငွေ့မမြင်ရတာပါ။

၂။ ဒေါင်လိုက်မီးပွိုင့်မီးတွေကို နှင်းကျတဲ့နေရာတွေမှာ အသုံးများပါတယ်။ အလျှားလိုက်မီးပွိုင့်က နှင်းအရမ်းကျရင် နီ၊ဝါ၊စိမ်း မီးအားလုံး နှင်းဖတ်တွေနဲ့ဖုံးကုန်လို့ အချက်ပြမီး ဘာအရောင်ဆိုတာ မမြင်ရတော့ပါဘူး။ ဒေါင်လိုက်မီးပွိုင့်မီးက နှင်းကျရင်တောင် အပေါ်ဆုံး မီးအနီရဲ့ ခေါင်မိုးပေါ်မှာသာ အများဆုံးဖုံးတာမို့ မီးတွေကို ကောင်းကောင်းမြင်နိုင်ပါတယ်။ ဒါကြောင့် နှင်းကျတဲ့ဒေသမှာ ယာဉ်တိုက်မှုက ကာကွယ်ဖို့အတွက် ဒေါင်လိုက်မီးပွိုင့်မီးတွေကို သုံးပါတယ်။

၃။ jigsaw puzzle တီထွင်တဲ့ရည်ရွယ်ချက်က ကလေးတွေကို ကိုယ့်တိုင်းပြည်ရဲ့ ပုံသဏ္ဍာန်နဲ့ နယ်နိမိတ်ကို သိစေဖို့ပါ။ ဒီအတိုင်းသင်တာထက် ပုံတွေနဲ့ ဉာဏ်စမ်းလုပ်ပြီးသင်တော့ ကလေးတွေ စိတ်ဝင်စားမှုပိုရလို့ပါ။ နောက်ပိုင်း လူကြိုက်များလာပြီး ပြင်ပအထိ ကျယ်ပြန့်သွားခဲ့တာပါ။

၎။ အဲဒီခေတ်က လေယာဉ်နဲ့ခရီးသွားသူတွေ လေထုဖိအား အပြောင်းအလဲကြောင့် နေထိုင်မကောင်းဖြစ်ရင် ပြုစုဖို့အတွက် လေယာဉ်မယ်တွေကို မေးခွန်းပါ အချက်(၃)ချက်အပြင် အဓိကအနေနဲ့ သူနာပြုဖြစ်မယ်ဆိုတဲ့အချက်ကို ထည့်သွင်းခဲ့ပါတယ်။

၅။ လူသားတွေရဲ့ ဆံပင်မှာ စိန်မှာအဓိကပါဝင်တဲ့ ပါဝင်ပစ္စည်းတွေ အများကြီးပါပါတယ်။ ဆံပင်ကို တခြား chemical တွေနဲ့ ရောပြီး ဓာတ်ပြုလိုက်ရင် ဆံပင် တစ်ဂရမ်ကို စိန်တစ်ကာရက် ရပါတယ်။ ဒါပေမယ့် ဓာတ်ပြုမှု အဆင့်ဆင့် ပြုလုပ်ရတာကြောင့်ရယ် အချိန်ကြာတာကြောင့်ရယ် လက်ရှိမှာတော့ တွင်တွင်ကျယ်ကျယ် မပြုလုပ်ကြပါဘူး။ (လွယ်များလွယ်လွယ် လုပ်လို့ရရင်ဖြင့် မတွေးရဲစရာ။)

၆။ pet bottle ဆိုတဲ့ ပလတ်စတစ်ပုလင်းရဲ့ ပုလင်းအဖုံးတွေမှာ အဖုံးဖွင့်ပြီးရင် ပုလင်းလည်ပင်းအခြေမှာ ကော်အကွင်းကျန်အောင်လုပ်ထားတာက တကယ်လို့ ပုလင်းကို ဖွင့်ထားပြီးသားဆိုရင် ဖွင့်ပြီးကြောင်း သိစေရန်ပါ။ ဒီအတိုင်းဆို ဖွင့်ထားမှန်း၊ အသစ်မှန်း မသိနိုင်တဲ့အတွက် စားသုံးသူတွေ အနောက်အပြောင်ခံရခြင်းမှ (အတွင်းက ပစ္စည်းကို ခိုးသုံးထားခြင်းမှ) ကာကွယ်ရန်အတွက်ပါ။

၇။ ပုလင်းလည်ပင်းအရစ်ကြားမှာ ပြတ်တောက်ပြတ်တောက် ဒေါင်လိုက်လိုင်းရှိတဲ့ pet bottle နဲ့ မရှိတဲ့ pet bottle ကို စမ်းသပ်ပြပါတယ်။ pepsi cola လို ဂတ်စ်တွေပါတဲ့ ပုလင်းကိုဖွင့်ရင် ဒေါင်လိုက်လိုင်းရှိတဲ့ pet bottleက ဖွင့်နေရင်းနဲ့ လိုင်းကြားကနေ ဂတ်စ်က ဖြည်းဖြည်းချင်းစိမ့်ထွက်လို့ ပုလင်းဖွင့်ပြီးသွားရင် အမြှုပ်တွေ တအားမှောက်မကျပါဘူး။ ဒေါင်လိုက်လိုင်းမရှိတဲ့ pet bottleက ပုလင်းအဖုံးအားလုံးဖွင့်ပြီးမှ အထဲက ဂတ်စ်က အရှိန်နဲ့ကန်ထွက်လို့ အမြှုပ်တွေ အများကြီး မှောက်ကျပါတယ်။ ဒါကြောင့် ပုလင်းအတွင်း ဖိအားများနေရင် ဖွင့်နေရင်းအရှိန်နဲ့ ကန်မထွက်အောင်၊ ဖိအားကို စိမ့်ထွက်စေခြင်းဖြင့် ဖြည်းဖြည်းခြင်းလျှော့ချရန်အတွက် ပုလင်းလည်ပင်းအရစ်ကြားမှာ ပြတ်တောက်ပြတ်တောက် ဒေါင်လိုက်လိုင်းထည့်တာပါ။

၈။ ရေခဲခြစ်စားရင် စားမကုန်ခင် ဘေးပတ်ချာလည်က တဖြည်းဖြည်း အရည်ပျော်လာပါတယ်။ ဗြောင်ဘူးကိုသုံးရင် အလယ်က ရေခဲခြစ်က ခပ်တိုင်းချာချာလည်နေလို့ ခပ်ရခက်ပါတယ်။ ဘေးပတ်ချာလည်မှာ အတွန့်တွေပါရင် အတွန့်တွေကြား ရေခဲခြစ်က ထစ်ပြီး ဗြောင်ဗူးလို သိပ်မလည်တဲ့အတွက်ကြောင့်ပါ။

၉။ ယာဉ်သွားယာဉ်လာ သိပ်မရှိတဲ့ ခေါင်ဖျားဖျားရွာတွေမှာ မီးပွိုင့်တစ်ခုရှိရခြင်းက ကလေးသူငယ်တွေ ငယ်ငယ်ကတည်းက မီးပွိုင့်ဆိုတာ ရင်းနှီးအောင်ပါ။ တော်ကြာ မီးပွိုင့်ကိုမမြင်ဖူးတော့ ယာဉ်စည်းကမ်းလမ်းစည်းကမ်းနားမလည်ဘဲ မြို့ပေါ်ရောက်လာရင် ဒုက္ခတွေ့မှာစိုးလို့ပါ။ (ဒေါ်ဂွက်ထော်နဲ့ ကလေးနှစ်ယောက် မြို့ရောက်သလို)

၁၀။ ဥရောပလိုနိုင်ငံ (နိုင်ငံအသေချာမမှတ်မိပါ)မှာ ဟိုးအရင်က ခွေးလေခွေးလွင့်တွေ အရမ်းများပါတယ်။ လမ်းပေါ်မှာ ခွေးအီအီးတွေ သိပ်ပေါပါတယ်။ လမ်းက ချိုင့်ခွက်တွေနဲ့ ရေအိုင်တွေလည်း များတယ်။ အဲဒီခေတ်က ကြိမ်ခွေနဲ့ ဂါဝန်ဖားဖားကြီးတွေ ဝတ်ကြတာဆိုတော့ လမ်းသွားလို့ ရေအိုင်ရှောင်ရင်း ခွေးအီအီးတွေ ဂါဝန်အဖျားမှာ ပေကုန်တယ်။ ချေဖျားထောက်သွားရင် လွတ်တာမို့ ဖိနပ်ကို မြင့်သထက်မြင့်အောင် တီထွင်ကြရင်း pencil heelလို ဒေါက်မြင့်ဖိနပ်တွေ ပေါ်လာတာပါ။


Read More...

Wednesday, January 9, 2008

ကိန်းဂဏန်းများနှင့်(၃)


အပျင်းကြီးပြီး ဆက်မတင်ဖြစ်တာ ကိုမုတ်သုန်က သင်ခန်းစာအသစ်တက်ပါဆိုလို့ စာအုပ်ပြန်ဖတ်ပြီး တင်လိုက်တယ်။ နဂိုက စာဖတ်နှေးရတဲ့အထဲ ခန်းဂျီးတွေသိပ်နားမလည်တော့ အသစ်တင်ဖို့အရေး ကိုယ့်ကိုယ်ကို မနည်းတိုက်တွန်းနေရတယ်။ သင်ခန်းစာအသစ်တွေကို လိပ်သွားနှုန်း၊ ပက်ကျိနှုန်းနဲ့ တင်သွားပါမယ်။

အရင်တစ်ခေါက်က "အပေါင်း" အကြောင်းတင်ခဲ့ပြီးပြီ။ ဒီတစ်ခါရေးမှာက "အနှုတ်"သပ်သပ်ရယ် "အနှုတ်နဲ့အပေါင်းအရော" ပါ။ "အနှုတ်"အခန်းမှာ ၂ မျိုး ရှိပါမယ်။

၁။ ဆယ်ဂဏန်း နှစ်ခုနှုတ်ခြင်း

e.g, 65 - 27 = ???
ပထမဦးဆုံး အနှုတ်ကိန်း 27 ကို ဆယ်ပြည့်ကိန်းဖြစ်အောင် လုပ်ပါမယ်။
27+3=30
အဲဒီကိန်းနဲ့ နှုတ်ပါ။
65-30=35
နှုတ်လို့ရတဲ့အဖြေကို အရင်က ဆယ်ပြည့်ဖြစ်အောင်ပေါင်းခဲ့တဲ့ကိန်းနဲ့ ပြန်ပေါင်းပါ။ အဲဒါက နှုတ်လာဒ်အဖြေပါ။
35+3=38#

***အဓိကက ဆယ်ပြည့်ကိန်းဖြစ်ရင် ပေါင်းရ နှုတ်ရတာ မျက်စေ့ပိုရှင်းတဲ့သဘောပါ။
တွက်ကြည့်ပါ။
64 - 27 = ?
81 - 36 = ?
94 - 65 = ?

၂။ တစ်ထောင်/တစ်သောင်း.... စသော ဆယ်ပြည့်ကိန်းထဲမှ နှုတ်ခြင်း

e.g, 1000 - 826 = ???
(၁) အနှုတ်ကိန်း 826မှ ရာဂဏန်း 8ကို ကိန်းဘယ်လောက်ပေါင်းလျှင် "9" ဖြစ်နိုင်မည်နည်း? 9 - 8 = 1 ဖြစ်သောကြောင့် "1" ဖြစ်ပါတယ်။ အဲဒါက ရာဂဏန်းနေရာမှာရှိတဲ့ အဖြေပါ။

(၂) ဆယ်ဂဏန်းကိုလည်း ထို့နည်းတူ "9" ဖြစ်အောင် ပေါင်းလို့ရမယ့် ကိန်းကို ရှာပါ။ 9 -2 = 7 အဲဒါက ဆယ်ဂဏန်းနေရာမှာရှိတဲ့ အဖြေပါ။

(၃) ခုဂဏန်းက တမူထူးခြားစွာ "10" ဖြစ်အောင် ပေါင်းလို့ရမယ့် ကိန်းကို ရှာရပါတယ်။ 10 - 6 = 4 အဲဒါက ခုဂဏန်းနေရာမှာရှိတဲ့ အဖြေပါ။
ဒါကြောင့် 1000 - 826 = 174

***ခြုံပြောရရင် ခုဂဏန်းတစ်ခုသာ "10" ဖြစ်အောင် ပေါင်းရတဲ့ကိန်းကို ရေးရမှာဖြစ်ပြီး ကျန်ဆယ်/ရာ/ထောင်/သောင်း... စတဲ့နေရာကကိန်းတွေကတော့ "9" ဖြစ်အောင် ပေါင်းလို့ရမယ့် ကိန်းကို ရေးရမှာပါ။
တော်တော်မြန်မြန်နဲ့ အဖြေထွက်တယ်။ တွက်ကြည့်ပါဦး။
1000 - 351 = ?
10000 - 7143 = ?
10000 - 6560 = ?
----------------------------------------------------


"အနှုတ်နဲ့အပေါင်းအရော"

86 - 37 + 56 -59 + 21 = ??? လိုမျိုး အနှုတ်နဲ့အပေါင်းအရောတွေကို တွက်ရင် ရှင်းရလွယ်အောင် အလွယ်တခုကို အဆင့်များနဲ့ စရှင်းပါမယ်။ ပြီးမှ 86 - 37 + 56 -59 + 21 = ??? ကို ရှင်းပြပါမယ်။ မဟုတ်ရင် ရှုပ်ကုန်မှာစိုးလို့ပါ။

အဆင့်(၁)
65 - 37 နဲ့ စကြည့်ပါ။ (အပေါ်က "ဆယ်ဂဏန်း နှစ်ခုနှုတ်ခြင်း" နဲ့ မသက်ဆိုင်ပါ။) 37 ကို အနှုတ် ဖြစ်လို့ အပေါ်မှာ ဘားလေးတွေ တင်ပါ။ ပြီးရင် ကိန်း ၂ခုကို ဖြေရှင်းပါ။ ပုံကိုကြည့်ရင် ရှင်းပါလိမ့်မယ်။



ခုဂဏန်းဘက်မှာ 5 + (-7) = (-2) ဖြစ်လို့ ရပါတယ်။ "2"အပေါ်မှာ ဘားမှတ်ပါ။ ဆယ်ဂဏန်းဘက်မှာ 6 + (-3) = 3ပါ။ "3" က အပေါင်းကိန်းဖြစ်လို့ ဘားမလိုပါ။
ရလာတဲ့ 3(ဘား)2 မှာ ===> (ဘား)2 က ခုဂဏန်းဘက်မှာ အပြည့်ကိန်း"10" ထဲက "2" ကို နှုတ်ဖို့ညွှန်းတာပါ။
10 - 2 = 8
တချိန်ထဲမှာ (ဘား)2နဲ့ကပ်ရပ်အရှေ့ ဆယ်ဂဏန်းနေရာက "3" ကို ကိန်းတစ်ဆင့် လျှော့ (-1ပေါင်း)ရပါမယ်။
3 - 1 = 2
ဒါကြောင့် အဖြေက 28 ဖြစ်ပါတယ်။

***ဒီမှာသတိပြုစေချင်တာက (၁)ဘားရှိတဲ့ကိန်းကို အမြဲ အပြည့်ကိန်း "10" ထဲက နှုတ်ပြီး နှုတ်လာဒ်ကို ယူပါ။ (၂) ဘားရှိတဲ့ကိန်းရဲ့ အရှေ့ကပ်ရပ်ကိန်းကို အမြဲတန်း တစ်ဆင့်လျှော့ပါ၊ တနည်းအားဖြင့် (-1) ပေါင်းပါ။

ဥပမာ-


အဆင့်(၂)
63 - 78 + 34 ဖြစ်မယ်ဆိုရင်_



ခုဂဏန်းဘက်မှာ ===> 3 + (-8) + 4 = (-1) /တနည်းအားဖြင့် (ဘား)1
ဆယ်ဂဏန်းဘက်မှာ ===> 6 + (-7) + 3 = 2
ရလာတဲ့ 2 | (ဘား)1 ကို အပေါ်မှာပြောခဲ့တဲ့အတိုင်း ပြောင်းလိုက်ရင် အဖြေက 19 ဖြစ်ပါတယ်။

ကဲ! အားလုံးမူးလောက် အဲ ရှင်းလောက်ပြီထင်လို့ 86 - 37 + 56 -59 + 21 = ??? ကို ဖြေရှင်းပါမယ်။



ခုဂဏန်းဘက်မှာ ===> 6 + (-7) + 6 + (-9) + 1 = (-3) /တနည်းအားဖြင့် (ဘား)3
ဆယ်ဂဏန်းဘက်မှာ ===> 8 + (-3) + 5 + (-5) + 2 = 7
ရလာတဲ့ 7 | (ဘား)3 ကို အပေါ်မှာပြောခဲ့တဲ့အတိုင်း ပြောင်းလိုက်ရင် အဖြေက 67 ဖြစ်ပါတယ်။

နောက်ဆုံး ဥပမာ 4231 - 3765 + 5039 - 2537 + 1625 = ? ကို တွက်ပြပါမယ်။ ဒီတစ်ခါ ဒေါင်လိုက်မရေးတော့ဘဲနဲ့ ခုဂဏန်း၊ ဆယ်ဂဏန်း၊ ရာဂဏန်း၊ ထောင်ဂဏန်းတွေကို သူ့နေရာနဲ့သူစုပြီး အကန့်ခွဲပေါင်းပြပါမယ်။



ရလာတဲ့ 5 | (ဘား)4| (ဘား)1 | 3 ကို ပြောင်းမယ်ဆိုရင်_
ခုဂဏန်းဘက်မှာ ===> 3 က အပေါင်းကိန်းဖြစ်လို့ ဒီအတိုင်းဘဲ ယူပါမယ်။
ဆယ်ဂဏန်းဘက်မှာ ===> (ဘား)1 က 10 - 1 = 9 ဖြစ်လို့ "9" ပါ။
ရာဂဏန်းဘက်မှာ ===> (ဘား)4 က "အနှုတ်ကိန်း (ဘား)1"ရဲ့ အရှေ့မှာ ရှိနေတာကြောင့် တစ်ဆင့်လျှော့ {တနည်းအားဖြင့် (-1) ပေါင်း}လို့ (-4) + (-1) = (-5) ရပါတယ်။ ပြီးမှ ဘားကိန်းဖြစ်လို့ အပြည့်ကိန်း "10"ထဲက ပြန်နှုတ်ပါတယ်။ 10 - 5 = "5" ပါ။
ထောင်ဂဏန်းဘက်မှာ ===> 5 က "အနှုတ်ကိန်း (ဘား)5"ရဲ့ အရှေ့မှာ ရှိနေတာကြောင့် တစ်ဆင့်လျှော့ရင် 5 - 1 = "4" ပါ။
ဒါကြောင့် အဖြေက "4593" ပါ။

အိမ်စာပေးမယ်။
485 - 376 + 560 - 689 + 121 = ???
310 - 489 + 621 - 110 + 333 = ???
3850 -2796 + 1385 - 4785 + 7028 = ???


Read More...

Sunday, January 6, 2008

လတ်တလောတော့

နှစ်သစ်ကကူးပြီးသွားပြီ။ စာအသစ်က မတင်နိုင်သေးဘူး။ မနေ့က လွတ်လပ်ရေးနေ့မှာ အိမ်ကကိုယ်တော်ချောကတော့ ရုံးပြန်ဖွင့်လို့ သွားရတယ်။ ပုံမှန်ပိတ်ရက်က (၂၉)ရက်နေ့ကနေ (၃)ရက်နေ့အထိပါ။ ပြန်ဖွင့်ရက်က သောကြာနေ့ဖြစ်နေတော့ တချို့ရုံးတွေ၊ ကုမ္ပဏီတွေက တောက်လျှောက်ပိတ်ချလိုက်တယ်။ ကိုယ်တော်ချောတို့ရုံးက မပိတ်တော့ ကာလနဂါးလည်း အိပ်ချင်မူးတူးထပြီး ထမင်းဘူးပြင်ရတာပေါ့။ ပြီးခဲ့တဲ့ရက်တွေက နှစ်ကူး TVအစီအစဉ်တွေ တမျိုးပြီးတမျိုး စိတ်ဝင်စားစရာကောင်းလို့ ကြည့်နေတာ။ ဂျပန်တွေ ပျော်လို့ကောင်းကြတုန်းဘဲ။ ဒီအချိန် အနုပညာသမားတွေ အထူးသဖြင့် ဟာသသရုပ်ဆောင်တွေ အလုပ်လည်းများ ဝင်ငွေလည်းကောင်းကြပုံရတယ်။

ဘယ်အစီအစဉ်ကြည့်ကြည့် ပြိုင်ပွဲတွေ၊ ကစားပွဲတွေနဲ့ ပြည့်လို့။ နိုင်ရင်ရတဲ့ငွေကလည်း ယန်းသောင်းတစ်ရာ (ကျပ်သိန်း၁၀၀ကျော်လောက်)က အနည်းဆုံးဘဲ။ အမြင့်ဆုံးက "M-1 မန်းဇအိ"ဆိုတဲ့ ဟာသပြိုင်ပွဲကဆုကြေးပါ။ ဂျပန်ကရှိသမျှ ဟာသသရုပ်ဆောင်အဖွဲ့ လေးထောင်ကျော် ဝင်ပြိုင်ကြတယ်။ ဆုကြေးက ယန်းသောင်းတစ်ထောင် (ကျပ်သိန်းတစ်ထောင်ကျော်)နဲ့ စပွန်စာကုမ္ပဏီက နောက်ဆုံးပေါ်ကားတစ်စီးဆိုတော့ သူဋ္ဌေးချက်ချင်းဖြစ်နိုင်တာပေါ့။ ဪ ဂျပန်မှာ ဟာသသရုပ်ဆောင်တွေအတွက် အကယ်ဒီမီလို ထိုက်တန်တဲ့ ဆုပေးပွဲရှိတာကိုး။ new year ညမှာ သူတို့နိုင်ငံမှာ ၂၀၀၇ ခုနှစ်မှာ ဆုံးသွားတဲ့ အနုပညာ၊ ပါတီနိုင်ငံရေး၊ ပညာရပ် စတဲ့ နယ်ပယ်အသီးသီးက ကျော်ကြားတဲ့လူတွေကို အမှတ်တရအနေနဲ့ သတင်းမှာ နှစ်ခါပြန် လွင့်သွားတယ်။ သတင်းအနှစ်ချုပ်တွေ ပြန်ပြတယ်။

မနေ့မနက်ကကြည့်မိတဲ့သတင်းမှာတော့ "ဖုကုဘုကုရို - 福袋" ဆိုတဲ့ ကံစမ်းမဲအိတ်တွေအကြောင်း တွေ့မိတယ်။ ဆိုင်တွေက အိတ်တွေထဲမှာ သူတို့ဆိုင်က ပစ္စည်းတွေထည့်ပြီး အလုံပိတ်ထားတာ။ အနည်းလေး တစ်အိတ်ကို ယန်းတစ်သောင်းလောက် ပေးရတယ်။ ကံကောင်းရင် Brand ပစ္စည်းတွေ အများကြီး ရနိုင်တယ်။ တစ်နှစ်မှာ တစ်ခါလုပ်တာမို့ ဂျပန်တွေ ကြိတ်ကြိတ်တိုးဘဲ။ နောက်နေ့မနက်၇နာရီမှ ဆိုင်ဖွင့်မှာကို ည၁၀နာရီကစပြီး ဆိုင်ရှေ့ကနေ လူတွေ တန်းစီနေကြတယ်။ သောင်းချီတဲ့လူတွေကို ကြည့်ပြီး ဒီလိုတန်းစီ အချိန်ဖြုံးနိုင်တာကို အံ့ဩမိပါရဲ့။ ဆိုင်ဖွင့်တော့ အလုအယက်ဝယ်ကြ ပြီးတော့ ဆိုင်ရှေ့လမ်းမပေါ်မှာ အိတ်တွေဖောက်ကြည့်ကြ ကိုယ်မလိုချင်တဲ့ပစ္စည်းနဲ့ တခြားသူရဲ့မလိုချင်တဲ့ပစ္စည်း သဘောကျရင် လဲလှယ်ကြနဲ့ စည်ကားနေတယ်။ ညနေသတင်းမှာ ဆိုင်တစ်ဆိုင်ရဲ့ "ဖုကုဘုကုရို"မှာ သူ့ဆိုင်ရဲ့ Brand ပစ္စည်း ဘာမှမထည့်ထားလို့ အတိုင်ခံရတာ ပြတယ်။ စစ်ဆေးရေးက အိတ် ၁၀လုံးစစ်တာ ၃လုံးက အင်ထုထားတာမိလို့ ဝန်ထမ်းတွေလဲ အစစ်ဆေးခံနေရတယ်။

ဂျပန်တွေကတော့ တစ်နှစ်မှာ နှစ်ခါ (Golden week တစ်ခါ New year တစ်ခါ) ရတဲ့ ပိတ်ရက်ရှည်မှာ ခရီးတို၊ ခရီးရှည်တွေ ထွက်ကြတယ်။ နိုင်ငံထဲက နာမည်ကြီးနေရာတိုင်း လူတွေစည်ကားလိုက်တာ။ ဒီပိတ်ရက် Disney Land သွားမလို့ကို အသိတစ်ယောက်က လူတွေပြွတ်သွတ်ကြပ်ညပ်နေတာဘဲ၊ ဘာမှတောင် စီးလို့ရမှာမဟုတ်ဘူးဆိုတာနဲ့ နောက်လမှဘဲသွားတော့မယ်။ သူရော ကျွန်မပါ တန်းစီရတာ ဝါသနာမပါဘူး။ ကျွန်မက အဆိုးဆုံးဘဲ၊ ခဏစောင့်ရရင်ကို စိတ်မရှည်တော့ဘူး။ တန်းစီရတဲ့ စားသောက်ဆိုင်လည်း ဘယ်တော့မှ မစားဘူး။ အကောင်းစား မစားရရင်လည်းနေပါ၊ သက်တောင့်သက်သာ အဆင်ပြေပြေစားရရင် ပြီးတာဘဲ။ လျှာကိုကျော်သွားရင် အရသာက သိတော့တာမှ မဟုတ်တာဘဲဟာကို။ (အမှန်ကတော့ တန်းမစီချင်တာကို ဆင်ခြေကန်ကြည့်တာပါ။)

ဒီရက်ပိုင်းကြည့်မိတဲ့ရုပ်ရှင်ထဲက နှစ်ကားကြောင့် အတွေးတွေများရတယ်။ တစ်ကားက Will Smith ရဲ့ I am legend ဆိုတဲ့ကား၊ လူတွေ DNA ပြောင်းပြီး သွေးစုပ်ဖုတ်ကောင်လို ဖြစ်နေကြတာ။ ရောဂန္တရကပ်လို့ ပြောရမယ်။ နောက်တစ်ကားက TVက ကြည့်လိုက်ရတာ အစပိုင်း နဲနဲလွတ်သွားတော့ ဘယ်နှခုနှစ်ကို ဆိုလိုချင်မှန်း မသိလိုက်ဘူး။ ဂျပန်မှာ အနုမြူဗုံးပေါက်တဲ့အကြောင်းလို့ထင်နေတာ။ ခေတ်က ဒီနောက်ပိုင်းခေတ်ဖြစ်နေတော့ စဉ်းစားမရဘူးပေါ့။ ဇာတ်လမ်းရဲ့ မြှုပ်ကွက်ကလည်း အဲဒါဘဲ။ အထက်တန်းကျောင်းသူကျောင်းသားတွေ ကျည်ဆံရထားနဲ့ လေ့လာရေးခရီးသွားကြတယ်။ ရထားက ဥမင်ထဲအရောက် ဝုန်းဆို ပေါက်ကွဲသံကြားရပြီး အတွဲအားလုံးရပ်သွားတယ်။ နောက် ကျောင်းသားလေးတစ်ယောက် (အဓိကသရုပ်ဆောင်)က သတိရလို့ ပတ်ဝန်းကျင်ကိုကြည့်လိုက်တော့ သူ့ပတ်ဝန်းကျင်က အားလုံးရုပ်ပျက်ဆင်းပျက် သေဆုံးနေကြတယ်။ သူက ဖျော်ရည်ဘူး ထိုင်ခုံအောက်ပြုတ်ကျတာ ငုံ့ကောက်လိုက်လို့ ပေါက်ကွဲချိန်မှာ သတိလစ်ရုံဖြစ်သွားတာ။

တခြားအတွဲတွေကို ကူးဖို့ အပြင်ထွတ်ကြည့်လိုက်တော့ ရထားဦးပိုင်းရှေ့က ဥမင်ပြိုကျပြီး လမ်းပိတ်နေပြီ။ ရထားရဲ့ ရှေ့ပိုင်းအတွဲ ၄တွဲလောက်ကလွဲပြီး နောက်ပိုင်းအားလုံးလည်း မြေပြိုပြီးပိ နေတယ်။ ထွက်ပေါက်လည်းမရှိ တခြားအသက်ရှင်တဲ့သူလည်း ရှာမတွေ့နဲ့ စိတ်ခြောတ်ခြားအော်ဟစ်တုန်း တွဲတခု အဝမှာ ကျောင်းသားတစ်ရောက် ငိုနေတာ သွားတွေ့တယ်။ အဲဒီကျောင်းသားက လူသေတွေတွေ့ပြီး စိတ်ဖောက်နေတာ။ အဲဒီစိတ္တဇကျောင်းသားက ရန်ရှာလို့ ရထားတွဲပေါ်တက်လို့မရတုန်း မြေကြီးတွေ ထပ်ပြိုလာလို့ တွဲအောက်ဝင်ပုန်းတယ်။ အဲဒီမှာ စိတ္တဇကျောင်းသားပါတဲ့ရထားတွဲက သူ့ရန်ကိုကြောက်လို့ သေချင်ယောင်ဆောင်ပြီး အလစ်မှာတွဲအောက်ဆင်းပုန်းနေတဲ့ ကျောင်းသူတစ်ယောက်နဲ့ သွားတွေ့တယ်။ (ရထားတွဲအားလုံးမှာ အသက်ရှင်သူ ၃ယောက်ဘဲ ကျန်တဲ့သဘောပေါ့။) သူတို့နှစ်ယောက်ကို စိတ္တဇကျောင်းသားက လိုက်သတ်တဲ့ ရန်ကရှောင်ပြီး ဥမင်မပြိုခင် ဥမင်ခေါင်မိုးက ရေဆိုးပေါက်က ထွက်ပြေးကြတယ်။ ခက်ခက်ခဲခဲ အပြင်ရောက်တော့ ပတ်ဝန်းကျင်တခုလုံး မီးခိုးတွေ ပြာတွေသက်သက်ဘယ်တွေ့တယ်။ နေတောင်မမြင်ရဘူး။ ဘာဖြစ်မှန်းမသိ လျှောက်သွားရင်း မြို့တစ်မြို့ကို ရောက်သွားတယ်။ အဲဒီမြို့လည်း ပြာတွေနဲ့ ပျက်ဆီးလို့ဘဲ။ အသက်ရှင်တဲ့သူ ရှာမတွေ့ဘူး။

နောက်ပြာတောထဲ စမ်းတဝါးဝါးသွားရင်း နောက်ထပ် မြို့ပျက်တစ်ခုထပ်ရောက်တယ်။ အဲဒီမြို့မှာလူတော့ ရှိပါရဲ့။ အဲဒီကလူတွေကလည်း စိတ်ခြောက်ခြားပြီး လူ့မျိုးဆက်ကို အဆုံးသတ်မယ်ဆိုပြီး လိုက်သတ်လို့ ထွက်ပြေးရပြန်တယ်။ ပြေးရင်းလွှားရင်းမှ တဝုန်းဝုန်းနဲ့ မီးစတွေကျလာမှ မီးတောင်ပေါက်လို့ ဒီလိုဖြစ်မှန်းသိတော့တယ်။ ကြည့်လိုက်တော့ လားလား ဖူဂျီတောင်ပါလား။ တိုကျိုမြို့တော့ အကောင်းအတိုင်းရှိမယ်လို့ မျှော်လင့်ပြီး တိုကျိုကို ခက်ခက်ခဲခဲ ရောက်လာတယ်။ တိုကျိုလည်း မီးတောင်ပေါက်ကွဲရာက လွင့်တဲ့ ကျောက်ရည်ပူအတုန်းတွေအောက်မှာ ပြာကျလို့။ မီးတောင်ကြီးက ပေါက်လို့ကောင်းတုန်း၊ လူတွေလည်းမျှော်လင့်ချက်မဲ့ပြီဆိုပြီး သေဖို့ကိုဘဲထိုင်စောင့်နေတယ်၊ ကျောင်းသားနဲ့ ကျောင်းသူလေးကတော့ လက်မလျှော့ဘဲ ချော်ရည်ပူတုံးတွေကြားက ထွက်ပြေးဆဲနဲ့ အဆုံးသတ်ထားတယ်။ တိုကျိုလည်း ပြာတွေဖွေးလို့။ သတ္တန္တရကပ်ဘဲ။ ရုပ်ရှင်ပေမယ့် အပြင်မှာလည်း ရာသီဥတုက တဖြေးဖြေးဖောက်ပြားလာတာ တနေ့ ဒီလိုဖြစ်သွားနိုင်တာဘဲလေ။ တော်တော်တော့ ကြောက်စရာကြီး။ ကြည့်သာကြည့်ပြီး ရုပ်ရှင်နာမည် မသိလိုက်ဘူး။

တောင်ရေးမြောက်ရေး လျှောက်ရေးရင်း ညဥ့်နက်သွားပြီ။ မနက်ဖြန် မီးစစ်ဆေးရေးလာရင် မနိုးဘဲနေဦးမယ်။ ဒီမှာက ခြောက်လတစ်ခါလောက် မီးလာစစ်တယ်။ မီးဖိုခန်းခေါင်မိုးရယ် အတွင်းခန်းခေါင်မိုးမှာရယ် မီးလုံးနဲ့ဆင်တဲ့ အဖု ၂ခုရှိတယ်။ မီးလောင်ရင် အလိုအလျှောက်ပွင့်တဲ့ ရေပန်းနဲ့ အချက်ပေးAlarm လို့ထင်တာဘဲ။ အဲဒါတွေနဲ့ ဝရန်တာက ဘာအပေါက်မှန်းတော့မသိတဲ့ အပေါက်တခါးကို လာစစ်မှာ။ ကျွန်မတို့များ တော်ချက်ကမ်းကုန်ရော။ ကိုယ့်အခန်းက အရေးပေါ်ဆင်းပြေးပေါက်တောင် သေချာမသိဘူး။ တခုခုဆိုရင် ခက်ဦးတော့မှာဘဲ။ :P

"အိုယာစုမိ နာစအိ" အိပ်ပြီ၊ အားလုံး တာ့တာ!

Read More...

  © Blogger templates The Professional Template by Ourblogtemplates.com 2008

Back to TOP