Wednesday, February 20, 2008

ကိန်းဂဏန်းများနှင့် (၆)


ကိန်းဂဏန်းများ(၅)မှာ ရေးခဲ့တာနဲ့ ဆန့်ကျင်ဖက် "ခုဂဏန်း၂လုံးက တူပြီး ဆယ်ဂဏန်း၂လုံးပေါင်းခြင်း ၁၀ ရတဲ့ ကိန်းနှစ်လုံးမြှောက်ခြင်း"အကြောင်းပါ။

ခုဂဏန်း၂လုံးက တူပြီး ဆယ်ဂဏန်း၂လုံးပေါင်းခြင်း ၁၀ ရတဲ့ ကိန်းနှစ်လုံး
ဥပမာ [ 29 x 89 ] ,[ 47 x 67 ] ,[ 58 x 58 ]
စတာတွေကို မြှောက်ရင် အဓိကအချက်က
***(၁) [ ဆယ်ဂဏန်း ] x [ ဆယ်ဂဏန်း ] + [ ခုဂဏန်း ] ရလာဒ်ကို ယူရန်နဲ့
e.g, [ 29 x 89 ] = ?
မှာဆိုရင် 2 x 8 + 9 = 25 (စိတ်ထဲမှာ "2 5_ _ "လို့မှတ်ပေးထားပါ။)
***(၂) ခုဂဏန်းနှစ်ခုကို မြှောက်ရန်နဲ့ ရလာဒ်ကို (၁)အဖြေအနောက်မှာ ရေးရန်ပါ။
9 x 9 = 81
ရတဲ့ 81 ကို "2 5_ _ "နောက်မှာရေးပါ။
"2581"က အဖြေပါ။
(ရှေ့သင်ခန်းစာနဲ့ အဓိက ကွာခြားသွားတာ တစ်အချက်မှာပါ။)

နောက်ဥပမာထပ်တွက်ပြပါမယ်။
[ 47 x 67 ] = ?
[ ဆယ်ဂဏန်း ] x [ ဆယ်ဂဏန်း ] + [ ခုဂဏန်း ] 4 x 6 + 7 = 31
ခုဂဏန်းနှစ်ခုကို မြှောက်ရန် 7 x 7 = 49
"3149"က အဖြေပါ။

[ 58 x 58 ] = ?
[ ဆယ်ဂဏန်း ] x [ ဆယ်ဂဏန်း ] + [ ခုဂဏန်း ] 5 x 5 + 8 = 33
ခုဂဏန်းနှစ်ခုကို မြှောက်ရန် 8 x 8 = 64
"3364"က အဖြေပါ။

***ဖြေရှင်းချက်***
ဘာကြောင့် ဒီလိုတွက်ရတာလဲဆိုရင်_ ကိန်း၂လုံးစီကို (10a+c) ရယ် (10b+c) အနေနဲ့ထားပြီး ရှင်းပြပါမယ်။ နောက်သိထားရမယ့်အချက်က ခုဂဏန်းဘက်ကို ညွန်းတဲ့ aနဲ့b က (a+b=10) ဆိုတာကိုပါ။

(10a+c) x (10b+c)
=100ab + 10bc +10ac + cc
=100ab + 10c(a+b) + cc
=100ab + 10c x 10 + cc
=100ab + 100c + cc
=100(ab+c) + cc

(ab+c)က [ ဆယ်ဂဏန်း ] x [ ဆယ်ဂဏန်း ] + [ ခုဂဏန်း ] ဖြစ်ပြီး 100နဲ့မြှောက်ထားတဲ့အတွက် သူ့အနောက်မှာ ကိန်းနှစ်လုံးရှိတာကို ပြပါတယ်။ cc က ခုဂဏန်းနှစ်ခုကို မြှောက်ခြင်းကို ပြပါတယ်။

[ 29 x 89 ] ကို အဲဒီပုံစံနဲ့ ရှင်းပြရရင်_
=(10x2+9) x (10x8+9)
=100(2x8+9) + 9x9

တွက်ကြည့်ပါဦး။
36 x 76 = ?
14 x 94 = ?
83 x 23 = ?
65 x 45 = ?

Read More...

Wednesday, February 13, 2008

"ဟစဲဒဲရ - 長谷寺"


သွားတုန်းက ကာမာကူရာကိုပါ။ မသွားခင် ဂူဂယ်မှာရှာကြည့်တော့ အဲဒီနားမှာ ဘုရားကျောင်းတွေ အများကြီးဘဲ။ အဆင်ပြေရင်ဝင်မယ်လို့ စိတ်ကူးသွားတယ်။ "ဟစဲဘုရားကျောင်းက" ဘူတာကနေ ကာမာကူရာဆင်းတုတော်ဆီ လမ်းလျှောက်သွားတဲ့ လမ်းမှာရှိတာကြောင့် ဘယ်လိုသွားသွား ကြုံနေတယ်။ အခုအချိန်က အေးလဲအေး၊ မြို့သေးသေးလေးနားမှာရှိတာကြောင့် လူမစည်လောက်ဘူးထင်တာ ဘူတာမှာကတည်းက လူတွေများသား၊ ဂျပန်တွေရော နိုင်ငံခြားသားတွေရောဘဲ။ ပလက်ဖောင်းကျဉ်းကျဉ်းလေးကို တန်းစီသွားနေကြတာ ဘုရားဈေးလျှောက်တာကျနေတာဘဲ။ လမ်းဘေးတလျှောက်လည်း ဆိုင်းတန်းတွေနဲ့။ တချို့ဆို ကျိုက်ထီးရိုးက ဆိုင်လေးတွေလိုဘဲ ရွှေချည်ထိုးလေးတွေ၊ ချည်ထည်နဲ့ တိုလီမိုလီလေးတွေရောင်းတယ်။ တချို့ကျတော့ စပန့်ဂါဝန်တွေချိတ်ထားတာ ချောင်းသာကဆိုင်နဲ့တောင်တူတယ်။ ဟိုငေးဒီငေးနဲ့ လျှောက်လာလိုက်တာ ဘုရားကျောင်းတောင်ရောက်ရော။

"ဟစဲဘုရားကျောင်း အဝင်ဝ"



ဘုရားကျောင်းအဝက "ဂျင်းရိကိရှ (လန်ချား)"



"အိုမီကုဂျိ"ဆိုတဲ့ ဗေဒင်စာရွက်တွေ နိုင်ငံခြားသားတွေလည်း စပ်စုနေတယ်။



ရေကန်လေးက ကြည်နူးစရာ



"ဟိုးရှောရေကန်"တဲ့။



လိုဏ်ဂူအဝင်ဝ



ဂူထဲမှာ မတ်ရပ်ရုပ်ပွါးတော်တွေရှိတယ်။ (ဂျပန်လိုတော့"ခမိစမ") အမည်တွေကတော့ အစုံဘဲ။ ဂျပန်တွေက ဘုရားရယ်လို့ ယူဆပုံမရဘူး။ နတ်လို သဘောထားပုံဘဲ။ ဘာလို့လဲဆို ရုပ်ပွါးတော် အမည်တွေ လိုက်ဖတ်ကြည့်မိလို့။ မှတ်မိတဲ့ အမည်တချို့မှာ "ပညာရေးနတ်" (ရုပ်ပွါးတော်ပုံပေမယ့် နတ်လို့ဘဲ သုံးပါရစေ)၊ "အချစ်ရေးနတ်"၊ "ကျန်းမာရေးနတ်" စတာတွေအပြင် "အရက်နဲ့ဆိုင်တဲ့နတ်"ပါ တွေ့ရတယ်။ ဘုရားပုံတော်ထုပြီး အဲလိုအမည်တွေ တွေ့ရတာ တမျိုးကြီးဘဲ။ ဂူဝင်ဝင်ချင်းမှာ အလှုခံပုံးနဲ့ ဖယောင်းတိုင်တွေ ထားထားတဲ့ နေရာ ရှိတယ်။ အဲဒီမှာ ဖယောင်းတိုင်ယူပြီး တချို့က သူတို့သဘောကျတဲ့ ရုပ်ပွါးတော်အမည်ရှေ့မှာ ပူဇော်ကြတယ်။

ဒါက "ပညာရေးနတ်" ရှေ့မှာ မီးပူဇော်ထားတာ။ (အမည်ပါအောင်ရိုက်လိုက်လို့ ရုပ်ပွါးတော်က တဝက်ဘဲပါတော့တယ်။)


သူတို့လဲ အကြွေတွေပစ်ပြီးဆုတောင်းကြတယ်။ အကြွေစေ့တွေ ကန်ထဲမှာ အများကြီး။


ရွှေရောင်သေးသေးလေးတွေမို့ ဘုရားဆင်းတုတွေများလားလို့ အနီးကပ်သွားကြည့်မိတော့ ဗျပ်စောင်းတီးနေတဲ့မယ်တော်ပုံလေးတွေ။


ဂူအထွက်ဝမှာ အဲဒီမယ်တော်ပုံနဲ့ ဆုတောင်းစာချိတ်ဖို့ စာရွက်တွေနဲ့ အလှူခံပုံး။


ဆုတောင်းထားကြတာ အများကြီးဘဲ။



"နဂေါ့မိဂျိဇိုး"တဲ့။ ငြိမ်းအေးပျော်ရွှင်အောင် စောင့်ရှောက်တယ်လို့ ထင်ပါတယ်။



"ဟောဒီမှာလဲ သုံးပါး"



ကလေးတွေကတော့ ကန်ထဲက ငါးရောင်စုံတွေ အစာကျွေးရင်း ပျော်နေကြတယ်။


ဟိုဟိုဒီဒီ ကျောင်းဆောင်တွေ









ဘုရားဆင်းတုတော်ကို ဘယ်သူမှ ဝင်မရှိခိုးကြပါဘူး။ အဝမှာဘဲ ရပ်ကြည့်ကြတယ်။


တောင်ပေါ်ကနေ မြင်ရတဲ့ ပင်လယ်ရှုခင်း



ပင်လယ်ကမ်းခြေဘက်ကို လမ်းလျှောက်ကြည့်ချင်သား။ ဆောင်းတွင်းဖြစ်တော့ ညနေစောင်းလာတာနဲ့ အေးလဲပိုအေး မှောင်လဲမှောင်မြန်တယ်လေ။ တောင်ပေါ်ရှုခင်းကဘဲ ပင်လယ်ကိုငေးပြီး ကာမာကူရာဘက်ကို ခရီးဆက်ခဲ့တော့တယ်။

Read More...

Thursday, February 7, 2008

ဘဝလက်တွဲဖော်


အိမ်ခဏခဏပြောင်းလို့ မနည်းလိုက်ရှာရတဲ့ မလေးမဘလော့ကို ရှာဖွေပြီးသွားမိတာ ရောက်တော့ အားပါးပါး ဘဝလက်တွဲဖော် (၁)(၂)(၃) ရေးပြီးတတ်ထားတာ လူတွေအများကြီးဘဲ။ ကိုယ့်နာမည်ပါတွေ့လိုက်တော့ မျက်ခုံးပင့်မိသလို ပါးစပ်လဲ ဟမိသွားသလားဘဲ။ ဘယ့်နှယ့်ရေးရပါ့။ "ဘဝလက်တွဲဖော်"ကို ကြီးကြီးကျယ်ကျယ် ကန့်သတ်မထားမိတာ အမှန်ပါဘဲ။ အစွဲအလမ်းကြီး၊ စိတ်ပျော့တတ်တဲ့သူမို့ လူတစ်ယောက်ကို ချစ်ဖို့ စိတ်မကူးခဲ့တာလဲပါတယ်။ အပျိုကြီးလုပ်ဖို့လဲ မဆုံးဖြတ်ထားပါဘူး။ ဖူးစာပါရင် အိမ်ထောင်ကျမယ်လို့ဘဲ တွေးခဲ့တယ်။ အခု tagလာတော့ ခပ်ငယ်ငယ်တုန်းက စိတ်ကူးဖူးတာလေးတွေ ပြန်စဉ်းစားလိုက်ရတယ်။ ကိုယ်တိုင်ကလည်း 100% pertect မဟုတ်လို့ တဖက်သားကိုလည်း အရမ်းကာရော စည်းမျဉ်းမချပါဘူး။

အချစ်

၁။ သူက ကိုယ့်ကို ချစ်ရမည်။ ကိုယ်ကလည်း သူ့ ကို ချစ်ရမည်။ (သူချစ်ကို ပိုသဘောကျပါတယ်။ သင်ကောင်းလျှင် သင့်ထက်ပိုကောင်းပြမယ့်သူ မို့လို့ပါ။)

ဘာသာနှင့် လူမျိုး

၂။ ဗုဒ္ဒ္ဓဘာသာ ဖြစ်ရမည်။ မြန်မာလူမျိုးစစ်စစ်ဖြစ်ရမည်လို့ မကန့်သတ်ပါ။ (ကိုယ်တိုင်လည်း ဟိုစပ်ဒီစပ်များလွန်းလို့။) ဒါပေမယ့် ကုလားလုံးဝမဖြစ်ရပါ။

ပညာအရည်အချင်း၊ အကျင့်စရိုက်

၃။ ကျမထက် မတော်တာတောင် မညံ့ရပါ။ အရမ်းကြီးလည်း မတော်ရပါ။ (မဟုတ်ရင် လိုက်မမှီတာတွေ ဖြစ်နေရင် အားငယ်မိမှာ။)

၎။ ရိုးသားရမည်။ ရိုင်းစိုင်းသူမဖြစ်ရ။ အမေ့ကိုလဲ ရိုသေရမည်။ (အမေ့ကို မရိုသေလို့ကတော့ လုံးဝခွင့်မလွှတ်ပါ။)

ရုပ်ရည်၊ အရပ်အမောင်း၊ အသားအရည်

၅။ မချောလွန်းရ။ ကိုယ်တိုင်လည်း မလှသောကြောင့် ချောလွန်းရင် မကြိုက်ပါ။ (တော်ကြာ အမြဲစိတ်ပူနေရပြီး နှလုံးရောဂါ ရနိုင်ပါတယ်။)

၆။ ခပ်မြင့်မြင့်ကို သဘောကျပါတယ်။ (အဖေ့အရပ်က အမေ့ထက် ခေါင်းတစ်လုံးစာပိုမြင့်တာကို ကြည့်ပြီး အရပ်မြင့်တာ သဘောကျတာကြောင့်ပါ။)

၇။ ကျမက ညိုသူဖြစ်တော့ ကျမထက် အသားမဖြူရပေါ့။

အသောက်အစား

၈။ ဆေးလိပ်မသောက်သူဖြစ်ရမည်။ (ဆေးလိပ်အနံ့လုံးဝမခံနိုင်ပါ။)

၉။ အရက်သမားမဖြစ်ရ။ (တခါတရံသောက်သည်ကို ခွင့်လွှတ်လို့ရသော်လည်း အရက်စွဲခြင်းကိုတော့ သည်းမခံနိုင်ပါ။)

၁၀။ လောင်းကစားသမားလည်း မဖြစ်ရပါ။

အသက်

၁၁။ ကျမအသက်ထက် အလွန်ဆုံး ၅နှစ်ကြီးသူဖြစ်ရမည်။ (အိမ်ထောင်ရေးမှာ အိမ်ထောင်ဦးစီးက အသက်ပိုကြီးမှ ဦးဆောင်လမ်းပြဖြစ်နိုင်တယ်လို့ တွေးမိလို့ပါ။) ငယ်ရင်မကြိုက်ပါ။ (ကိုယ်ကဦးဆောင်ရမည်ကို မလိုလားပါ။)

အလုပ်

၁၂။ အလုပ်လက်မဲ့မဖြစ်ရ။

ကိုယ့်ဘက်ကရော_______
အချစ်

၁။ အချစ်… မေတ္တာ..သစ္စာ…လေးစားမှု တို့ကို ဖောဖော သီသီ ပေးနိုင်သည်။

အကျင့်စရိုက်

၂။ ရိုင်းစိုင်း ကြမ်းကြုတ်သူ မဟုတ်ပါ။

၃။ သူ၏ မိဘ နှစ်ပါးကို ရိုသေပါမည်။

၎။ တော်ရုံသင့်ရုံထက် အလွန်အကျွံ ပူဆာခြင်းမျိုးမလုပ်ပါ။

၅။ အိမ်တာဝန်များကို စိတ်ပါလျှင်လုပ်မည်ဖြစ်ပြီး စိတ်မပါလျှင် ပစ်ထားလို့ရသည်များကို ပစ်ထားပါမည်။ (ထမင်းငတ်အောင်တော့ မလုပ်ပါ။ ကိုယ်ရှင်းထားသည်များကို သူဖွလျှင် သူ့ထက်နှစ်ဆ ပြန်ဖွပါမည်။)

၆။ စကားအထအနကောက်ပြီး စိတ်ကောက်တတ်ပါသည်။ (စိတ်ကောက်လျှင် စကားလုံးဝ မပြောတော့ပါ။ ကြာရှည်တော့ မကောက်တတ်ပါ။)

၇။ အလွန်ရစ်တတ်ပါသည်။ (အမေနှင့် အရမ်းခင်သော သူငယ်ချင်းတချို့ကိုပါ။ ချစ်လို့ ခင်လို့ ရစ်တာပါ။ သိပ်မခင်လျှင် စကားတောင် ဟဟ မပြောပါ။ နင်အရစ်ခံရတာ အတော်ခင်ခံရလို့ဟု သူငယ်ချင်းမှ မှတ်ချက်ပေးဘူးပါသည်။ မတတ်နိုင်ပါ။ လက္ခဏာမှာကိုက အတော်ရစ်သူလို့ ပါနေတယ်ဆိုပါတယ်။)

၈။ အချော့ အတော်ကြိုက်ပါသည်။ အစအနောက်သန်ပါသည်။ (အထက်ကလိုပင် ခင်မင်သူများကို ပျော်စေချင်လို့ နောက်တတ်ပါတယ်။)

၉။ ကိုယ်မဟုတ်တာမလုပ်ဘဲ အပြောအဆိုခံရလျှင် အရွဲ့တိုက်တတ်ပါသည်။ (တရားလွန်ချုပ်ချယ်ခြင်းမျိုး မကြိုက်ပါ။)

လောင်းကစား ၊ အသောက်အစား

၁၀။ ဘာလောင်းကစားမှ မလုပ်ပါ။ ဆေးလိပ် ၊ အရက် ၊ ဘီယာ ၊ မူးယစ်ဆေး သုံးစွဲသူမဟုတ်ပါ။ (သူသောက်လျှင်တော့ သူ့ထက်ပြန်သောက်ကာ ရစ်ပါမည်။)

အလုပ်

၁၁။ မောင် တစ်ထမ်း…. မယ်တစ်ရွက်ဖြစ်စေရပါမည်။

၁၂။ အိမ်ထောင်တာဝန် ကျေပွန်အောင်ကြိုးစားပါမည်။


လက်ရှိတော့လား။ ဟီးးးးး မကိုက်ညီတဲ့ တချို့အချက်လေးတွေရှိပေမယ့် ဆိုးဆိုးရွားရွားကြီးမဟုတ်ပါ။ ဥပမာ- အရပ်သိပ်မမြင့်တာမျိုး၊ အသားပိုဖြူတာမျိုး နဲ့ အသက်နဲနဲငယ်တာမျိုးပါ။ (သူ့ဘာသာ အသက်မပြည့်ခင် ကျောင်းခိုးတက်လို့ အတန်းတူတွေဖြစ်သွားတာ။ လပိုင်းငယ်ပေမယ့် လုံးဝတော့ မချီပါဘူး။ ကိုယ်ကဘဲ မှီတာ။) :P

ပြန် tag ဖို့ အားနာတာရယ်၊ မလေးမ tagထားတာ လူကုန်သလောက်လဲရှိပြီမို့ ဘယ်သူ့ကိုမှ ထပ်မtagတော့ဘူးနော့။

Read More...

Sunday, February 3, 2008

နှင်းတွေ-- နှင်းတွေ


၁၂နာရီထိုးတော့မယ်ဆိုတဲ့နှိုးသံကြားမှ မျက်လုံးကျယ်သွားတယ်။ ဟိုက် ဒွတ်ခ! ဒီနေ့ သင်တန်းစတက်ရမယ့်နေ့။ ဒီဇင်ဘာထဲကအပ်ထားပြီး နေ့ရွှေ့ညရွှေ့လုပ်နေလို့ သင်တန်းကတောင် ဖုန်းဆက်မေးတယ်။ အီး-- အဲ-- ဂျီး-- ဂျဲ ရွှီးလိုက်ပြီး ဖေဖော်ဝါရီ သုံးရက်စတက်မယ် ပြောထားတာ။ နေ့လည်၂နာရီလာပါမယ်လို့။ အခု ၁၂နာရီထိုးတော့မယ်တဲ့။ မဖြစ်ဖူးထမှ။ (မနက်လင်းခါနီးမှ အိပ်တော့ထချင်ဘူး။) မိုးတွေရွာနေလားမသိတဲ့၊ ကားတွေဖြတ်သွားတာ မိုးရေထဲ မောင်းနေသလိုဘဲတဲ့။ ဟင်! ဟုတ်လားလို့ ဝရန်တာတခါးဖွင့်ချောင်းလိုက်တော့--


ဝိုး!!!!!!!!!! နှင်းတွေ-- နှင်းတွေ

အများကြီးဘဲ။ နှင်းဖတ်တွေလည်း အကြီးကြီးတွေ။ ဟိုတခါ နှင်းစကျတုန်းက ခပ်မှုန်မှုန်တွေများတယ်။ ခုဖွေးနေအောင်ကျတာ။ ခေါင်မိုးမဲမဲမဲတွေလည်း ဖြူလို့ ဖွေးလို့။ ကြည့်လို့ကောင်းလိုက်တာ လှလိုက်တာ ဟီ ဟီ လုပ်နေတုန်း အယ်! ဝရန်တာက အဝတ်တွေ!! ရုပ်ဖို့မေ့သွားတာ။ အမြန်ရုပ်မှလို့ ကြည့်လိုက်တော့ သွားပဟ ရေခဲရိုက် အင်္ကျီတွေ ဖြစ်ကုန်ပြီ။ ပခုံးတွေပေါ် နှင်းတွေပုံပြီးခဲနေတာ။ ခြေအိပ်တွေထဲလဲ ဝင်ပြီးအပြင်တောင်လျှံလို့။ ဟင့်!


ပထမဆုံး နှင်းကျတဲ့ ဇန္နဝါရီ၂၄ရက်က ရိုက်ထားတာ ဝရန်တာမှာ ဒီလောက်ဘဲရှိတယ်။


ခုတော့ ဒီလိုဖြစ်လို့။


ဝရန်တာက ရေခဲခြစ်။


ချမ်းလိုက်တာ ဂတ်ဂတ်ဂတ်။ ဘေးဘက်လဲ တခါးဖွင့်ပြီး စပ်စုလိုက်သေးရဲ့။

အေးအေးလေးနဲ့ ပြန်ကွေးချင်ပေမယ့် သင်တန်းက ဆက်ရွှေ့လို့မကောင်းတော့ သွားရပေမပေါ့။ သင်တန်းကိုတော့ နောက်ကျကောင်းကျမယ် (နောက်ကျမှာသေချာပြီးသား)လို့ ဖုန်းဆက်ထားလိုက်တယ်။ အဝတ်အထပ်ထပ်ဝတ်ပြီး တိုက်အောက်အဝလည်းရောက်ရော ရှရွတ်-- ရှရွတ်-- အမေ့! စကိတ်နှစ်ချက်စီးသွားတာ။ ဘေးက ပိုက်လုံးလှမ်းဖက်လိုက်လို့သာ တော်တော့တယ်။ မဟုတ်ရင် သင်တန်းမရောက်ဘဲ ဆေးရုံရောက်တော့မှာ။ နှင်းတွေခဲပြီး ရေခဲအလွှာဖြစ်နေတာ၊ ကြွေပြားပေါ်မှာဆိုတော့ အတော်ချောကျိကျိနဲ့။ ဆက်သွားဖို့တောင် လန့်သွားတယ်။ သတိလေးနဲ့ ဆက်လျှောက်ရင်း ဒီလိုနှင်းတောထဲ လမ်းလျှောက်တာ ပထမဦးဆုံးအကြိမ်မို့ ငေးလိုက် အောက်ကိုသတိထားကြည့်လိုက်နဲ့ taxiတားစီးဖို့သတိရတော့ လမ်းတဝက်ကျိုးနေပြီ။ မထူးပါဘူး လမ်းဘဲ ဆက်လျှောက်လိုက်တော့တယ်။


ပန်းခြံလေးထဲဖြတ်တော့ ပိတ်ရက်တိုင်း အမြဲတမ်းကလေးတွေနဲ့ စည်နေရာက ခုတော့ ရှင်းလို့။ ကလေးလေးတစ်ယောက်ဘဲ သူ့မေမေလို့ထင်ရသူနဲ့ နှင်းလုံးအရုပ်လုပ်နေတယ်။ အရင်က မြက်ခင်းစိမ်းစိမ်းလဲ နှင်းတွေနဲ့ ဖွေးနေတာဘဲ။ အမှတ်တရ ဓာတ်ပုံရိုက်ပြီး နှင်းတောထဲ ခုန်စွခုန်စွလုပ်လိုက်တယ်။ ခြေထောက်က နှင်းထဲနစ်သွားတာ အိစိအိစိနဲ့ ပျော်စရာကြီး။ သင်တန်းမသွားဘဲ ဆော့နေချင်တော့တာ။


ဒီအပင်ကြီးက ကြည့်လို့ကောင်းတာမို့ ရိုက်ခဲ့တယ်။

ကြာနေလို့တော့မဖြစ်ချေဘူးဆိုပြီး သင်တန်းရောက်အောင် ခရီးဆက်ပေါ့။ လမ်းမှာ ယိုးဒယားဆိုင်ဝင်ပြီး တုန်ယမ်းစားဖို့လုပ်တော့ အင်! ဆိုင်ကလူစီဖြစ်နေပါ့လား။ မတ်တက်ရပ်စောင့်သူတွေနဲ့ရောဘဲ။ အရင်က တခါမအဲလို မဟုတ်ပါဘူး။ အေးတဲ့နေ့မို့ထင်ရဲ့။ သိပ်ကြာမယ့်ပုံမရှိတော့ ခဏစောင့်ပြီး တုန်ယမ်းကွန် ချဉ်စပ်ပူပူလေးကို နှပ်တွေထွက်တဲ့အထိ သောက်ပလိုက်တယ်။ ဗိုက်ပြည့်ပြီး သင်တန်းရောက်တော့ ငိုက်ပြီ။ သင်တန်းကလဲ ဒီနေ့မှသေချာသိတယ်၊ Self-studyတဲ့။ စာအုပ်ထုတ်ပေးထားတယ်။ ကိုယ့်ဘာသာလုပ်ကြည့်ပြီး မရရင်ခေါ်မေးတဲ့။ ကောင်းကြရော။

ဂျပန်တွေနဲ့လဲ တခါမှ တိုက်ရိုက်စကားမပြောဖူးဘူး။ ဟုတ်တော့နေပြီ။ စာအုပ်အထူကြီးဖွင့်ကြည့် ဘာမှမသိ။ စာတွေပစ်ထားတာ နှစ်ပေါက်နေပြီဆိုတော့ ခန်းဂျီးတွေက ခပ်ရေးရေးဘဲ သိတော့တယ်။ ဖတ်ဆိုတော့လည်း ဖတ်ပေါ့ကွယ်။ အချိန်စာရင်းထုတ်ပေးထားတာ ဒီနေ့အဖို့ ၂၇မျက်နှာဖတ်ရမယ်ဆိုဘဲ။ ၅မျက်နှာတောင် အနိုင်နိုင်ရယ်။ ဘေးမှာအားကိုးရာ ပါလာတယ်။ သင်တန်းစတက်ရက် မသွားတတ်မှာစိုးလို့ လိုက်ပို့တာ။ ဘာလုပ်ရမှာလဲလို့ မျက်နှာငယ်နဲ့ကြည့်လိုက်တော့ သူဘဲစာဖတ်ပြီးရှင်းပြတယ်။ (စိတ်မဝင်စားပါဘူး၊ နားမလည်ပါဘူးဆိုတာကို သူအတင်းတက်ခိုင်းတာ သူ့မှာတာဝန်ရှိတယ်။) သူ့လက်ချာနဲ့ဘဲ ၂နာရီခွဲအကြာလောက်သင်ပြီး နောက်အချိန်အတွက် ရက်ချိန်းပေးပြီးပြန်ခဲ့တယ်။

အပြင်မှာ နှင်းမကျတော့ပေမယ့် နှင်းရဲ့နောက်ဆက်တွဲ မိုးဖွဲလေးတွေကျနေတယ်။ လမ်းမှာဘဲ ဈေးဝင်ဝယ်၊ ညနေစာစားပြီး အိမ်ဘက်ကိုရောက်တော့ တော်တော်မှောင်လာပြီ။ ပန်းခြံဘက်သွားကြည့်ချင်သေးလားတဲ့။ တော်ပါပြီ၊ လေပြင်းတွေတိုက်လို့ အသက်ရှုမရတာ အိမ်ရောက်ချင်လှပြီ။ မိုးစက်တွေ ထပ်ကြီးလာရင် ရေခဲရေမိုးဖြစ်တော့မှာ။ သုတ်ခြေတင်ပြီး အိမ်ရောက်တော့ heaterတန်းဖွင့်ပြီး အိုးးးး relax-- relax -----

Read More...

Saturday, February 2, 2008

"お誕生日おめでとう"



♥´¨`♥ .¸¸.♥´¨`♥.¸¸.♥ お誕生日おめでとう ♥´¨`♥ .¸¸.♥´¨`♥.¸¸.♥
いつも 優しいので ありがとう。
いつも 弱いあたし を 支えてあげたので ありがとう。
まずい料理をしても いつも 美味しいと言って食べたので ありがとう。
いろいろな事のため ありがとう。いつも いつも ありがとう。
ありがとうほか 言いたいことがあるけど 分かると思ったので この言葉 心の中に 置きますよ。
二人で 一生、永遠に 幸せに 過ごしたいね。。。。

ကိုယ်တိုင်လုပ်ထားတဲ့ ကိတ်မုန့် မလှပေမယ့် စေတနာတွေ အပြည့်ပါတယ်နော်။ မကောင်းဘူးပြောရင် ချိတ်ချိုးမှာ

ဒံပေါက်စားချင်သတဲ့။ (ချက်တတ်ဖူး)

ဒီပိတ်ရက် ၂ရက်လုံး အပြင်သွားရမှာ ဘယ်လိုမှ မ"ဒန်"နိုင်ပါဘူး။ မီးဖိုချောင်ထဲက ဒန်အိုးလေးဘဲ အပေါက်ဖောက်ပေးလိုက်မယ်။

လာလည်သူများကိုတော့ wikiက "ဒန်ပေါက်"ယူကျွေးပါတယ်။



Read More...

  © Blogger templates The Professional Template by Ourblogtemplates.com 2008

Back to TOP