Monday, November 26, 2007

ဥပမာတင်စားခြင်း


အလုပ်တွေများလွန်း ရှုပ်လွန်းလို့ ဘယ်သူလာကူကူရတယ်၊ လူတစ်ယောက်ဆီကဖြစ်ဖြစ် အများကြီးဆီကဖြစ်ဖြစ် အကူအညီလိုချင်ပါတယ်။ အဲဒီလိုအခါမျိုးမှာ ဂျပန်ဘာသာဖြင့် "ကြောင်လက်ကိုတောင် ငှါးချင်လောက်အောင်ဘဲ"လို့ တင်စားပြီး ပြောပါတယ်။ ဥပမာ- ကြောင်က အကူအညီပေးလည်း အဲဒီလောက် အသုံးဝင်မယ်လို့မထင်ပေမယ့် တခုခုကို ပါးစပ်ကထုတ်ပြောချင်တယ်လို့တွေးပြီး ဒီလိုပြောဆိုခြင်း ဖြစ်ပါတယ်။

တဖန် "ကျနော့်ရဲ့အိမ်မှာ ပန်းခြံရှိပါတယ်။ ဒါပေမယ့် ကျဉ်းကျဉ်းလေးဘဲဗျ"လို့ ပြောချင်ရင် ဒါကိုလည်း "ကြောင်"ကိုအသုံးပြုပြီး "ကြောင်နဖူးလောက် ပန်းခြံရှိတယ်"လို့ ပြောပါတယ်။ ကြောင်မှာလည်း နဖူးကျယ်တဲ့ကြောင်နဲ့ နဖူးကျဉ်းတဲ့ကြောင် ရှိတယ်လို့ တွေးမိတဲ့အတွက် ဂျပန်စကားနားလည်တဲ့ကြောင်သာ ကြားမယ်ဆိုရင် "မယဉ်ကျေးလိုက်တာ"လို့ စိတ်ဆိုးခံရမယ်ထင်တယ်။

နောက်ထပ်နောက်ထပ်အများကြီး "ကြောင်"ရဲ့အကျိုးဖြစ်စေတဲ့ သုံးရလွယ်သောပြောဆိုပုံတွေ ရှိတဲ့အထဲက၊ "ကြောင်ကိုအသပြာ"ဆိုတဲ့ ပြောဆိုပုံလောက် စိတ်ဝင်စားစရာကောင်းတာ မရှိဘူးမဟုတ်ပါလား။ အသပြာဆိုတာ ဟိုးရှေးရှေးတုန်းက ငွေကြေးဖြစ်တဲ့အတွက်ကြောင့် အခုဆိုရင်တော့ "ကြောင်ကိုယန်းတစ်သောင်း"လို့ ပြောမယ်ဆို အဓိပ္ပါယ်နားလည်တယ်မဟုတ်လား။ ဈေးကြီးတဲ့ အဘိဓာန်ကို ပိုင်ဆိုင်ပေမယ့်လည်း လုံးဝအသုံးမပြုဘဲ စာအုပ်စင်မှာ စီထားတဲ့သူကို "ကြောင်ကိုအသပြာပေးသလိုဘဲ"လို့ ပြောပါတယ်။

ကြောင်တင်မကပါဘူး၊ ခွေး၊ နွား၊ မြင်းစတဲ့ လူသားတွေနဲ့ ဟိုးအရင်ကတည်းက အတူနေထိုင်ခဲ့ကြတဲ့ တိရစ္ဆာန်တွေကို အသုံးပြုတဲ့ ပြောဆိုပုံတွေ အများကြီးရှိပါတယ်။ အသင်တို့တိုင်းပြည်ရဲ့ စကားလုံးမှာလည်း "ကြောင်လက်"ရယ် "ကြောင်နဖူး"ရယ် ပြီးတော့ "ကြောင်ကိုအသပြာ"စတဲ့ တူညီတဲ့ပြောဆိုပုံတွေ ရှိပါသလား။ ရှိမယ်ဆိုရင် ကြိမ်းသေဆက်ဆက် အဲဒါကို မိတ်ဆက်ပေးစေလိုပါတယ်။


たとえる

 忙しくて忙しくて、だれでもいいから一人でも多くの人に手伝ってもらいたい。そんなとき、日本語では「猫の手も借りたいほどだ」と たとえて言います。たとえ猫が手伝ってくれたも役に立つとは思いませんが、何か口に出して言いたいと思って、こう言うのです。
 また、「私の家に庭があります。でも狭いですよ。」と言いたければ、これも「猫」を使って、「猫の額ほどの庭があります。」と言います。猫にも額の広い猫と狭い猫がいると思うので、日本語の分かる猫に聞かれたら、「失礼じゃないですか」と怒られてしまうそうです。
 まだまだたくさん「猫」の世話になる便利な言い方はあるのですが、「猫に小判」という言い方ほど面白いものはないでしょう。小判は昔のお金ですから、今なら「猫に一万円」と言えば、意味か分かるでしょうか。高い辞書を持っていても、ぜんぜん使わずに本棚に並べておくだけの人に、「猫に小判だね」と言うのです。
 猫だけではなく、犬、牛、馬など、人と昔から生活をしてきた動物たちを使った言い方がたくさんあります。皆さんの国の言葉にも「猫の手」や「猫の額」、そして「猫に小判」などと同じような言い方がありますか。あれば是非それを紹介してください。

(中級から学ぶ日本語の本から)

新しい言葉 (あたらしいことば) - ဝေါဟာရအသစ်များ

例える (たとえる) - ဥပမာတင်စားခြင်း။
口に出す (くちにだす) - ထုတ်ပြောသည်။
役に立つ  (やくにたつ) - အသုံးဝင်သည်။
額 (ひたい) - နဖူး၊ ဘောင်။
便利ナ.二  (便利な.に)-  အဆင်ပြေသော/စွာ။
小判 (こばん) - အသပြာ။
昔 (むかし) - ဟိုးရှေးရှေးတုန်းက။
全然(ーない) (ぜんぜんーない) - လုံးဝ(_ဘူး)။
本棚 (ほんだな) - စာအုပ်စင်။
並べ (ならべ) - စီထားသည်။
是非 (ぜひ) - ကြိမ်းသေဆက်ဆက်၊ မပျက်မကွက်။
(Intermediate level japanese languageစာအုပ်မှ ဘာသာပြန်ပါသည်။)

တချို့ ဂျပန်စကားပုံ - "ことわざ ခိုတိုဝဇ"တွေက မြန်မာစကားပုံတွေနဲ့လည်း ဆင်ပါတယ်။ "ကြောင်လက်ကိုတောင် ငှါးချင်လောက်အောင်ဘဲ"ကို မြန်မာလို "ယားလို့တောင် မကုတ်အား"လို့ ပြောမယ်ထင်ပါတယ်။ "ကြောင်ကိုအသပြာ"ဆိုရင် "သဲထဲရေသွန်"နဲ့ တူမလားဘဲ။ ဂျပန်စကားပုံတွေ စိတ်ဝင်စားရင် ဒီlinkကတဆင့် သွားရောက်လေ့လာနိုင်ပါတယ်။

Read More...

Wednesday, November 21, 2007

"Y" နဲ့ "O"


တိုက်ဆိုင်မှုကြုံလာတိုင်း ရင်ထဲ စပ်ဖျင်းဖျင်းခံစားရတဲ့အကြောင်းပါ။ ဒီအကြောင်း ရေးရပေမယ့် ကျွန်မ ဆေးပညာနဲ့ပတ်သက်ပြီး ကျယ်ကျယ်ပြန့်ပြန့် မသိတာကို ကြိုပြောချင်ပါတယ်။ ကျောင်းတော်ကသင်ပေးလိုက်တဲ့ အသိပညာထဲက ဝေဝေဝါးဝါးကျန်နေတဲ့မှတ်ဉာဏ်ကို ပြန်တိုက်ချွတ်ရေးသားလိုက်ပါတယ်။

--------------------------------------------

"Y"

ကျွန်မဆယ်တန်းလောက်တုန်းကပေါ့။
"မွေးပြန်ပြီ။ ဒီေ-ာက်ကောင်မလေးတွေဘဲ။ ဒီေ-ာက်သုံးမကျတဲ့မိန်းမ"
ဘေးအိမ်က ဦးလေးကြီး မြည်တွန်တောက်တီးသံကြောင့် အိမ်ရှေ့ရေတွင်းမှာ ရေခပ်နေတဲ့ကျွန်မ ရုတ်တရက်မို့ လန့်သွားပါတယ်။ သြော်သူ့မိန်းမ ကလေးမွေးပြီကိုး။ ပြီးတော့ မိန်းကလေးတဲ့။ ရှေ့ကမွေးထားတဲ့ သုံးယောက်စလုံး မိန်းကလေးတွေကြီးဘဲမို့ သားလိုချင်တာ နားလည်ပါတယ်။ ဒါပေမယ့် သမီးလေးမွေးလာတော့ ဒေါသထွက် အရက်သောက် မူးရူးပြီး သူ့မိန်းမကော ကလေးကိုပါ ကလော်ဆဲနေပါတယ်။ ကျွန်မရင်ထဲ မကောင်းပါဘူး။ ကိုယ့်ရင်သွေး လူ့လောကထဲရောက်လာတာ တခြားသူတွေရဲ့အပြုံးကို မရရင်တောင် မိဘနှစ်ပါးရဲ့ပီတိကို ကလေးလေးခံစားသင့်ပါတယ်။ သွေးပူတုန်းပြောတာဆိုရင်တောင် နောင်ကြီးပြင်းလာတဲ့တချိန်ချိန် စကားစပ်မိလို့ပြောကြရင် ငါမွေးလာတုန်း ငါ့မိဘ မပျော်ပါလားဆိုတဲ့အသိက ရင်ထဲသိမ်ငယ်ခံစားရမှာပါဘဲ။ ကိုယ်ချင်းစာမိတာပါ။ ကျွန်မမွေးတုန်းက အဝေးရောက်နေတဲ့အဖေ၊ အမရှိပြီးပြီဆိုတော့ ယောက်ျားလေးလိုချင်တဲ့အဖေ ဖုန်းဆက်မေးပြီး ကျွန်မမှန်းသိတော့ "ဟင်-မိန်းကလေးဘဲလား"တဲ့။ မြင်တဲ့အချိန်မှာ သူ့နဲ့ချွတ်စွတ်တူလို့ ကျေနပ်သွားတယ်ဆိုပေမယ့် ဒီအကြောင်းတွေပြန်ပြောတိုင်း ကျွန်မမွေးလာတဲ့အချိန် အဖေ့မျှော်လင့်ချက် ပျက်သွားတာတွေးမိရင် စိတ်မကောင်းပါဘူး။

သားသမီးဆိုတာ တကယ်တော့ ထီထိုးထားသလိုပါဘဲ။ သိန်းဆုပေါက်လား သောင်းဆုဝင်မလား မသိနိုင်ပါဘူး။ သားသမီးကို အရင့်အရင်က ရွေးချယ်ပိုင်ခွင့် မရှိပေမယ့် ဒီတိုးတက်တဲ့ခေတ်ကြီးမှာတော့ ရွေးချယ်ယူလို့ရနေပါပြီ။ အများဆုံးရွေးချယ်ခံရတာလည်း ယောက်ျားလေးတွေပါ။ လူမျိုးအတော်များများရဲ့အယူအဆမှာလည်း ယောက်ျားလေးမွေးလာရင်ကောင်းပြီး မိန်းကလေးမွေးလာရင် မျက်နှာမရပါဘူး။ ဗုဒ္ဓဘာသာဝင်ဆိုရင်တော့ ယောက်ျားလေးဆို သာသနာ့ဘောင်သွင်းပြီး ရဟန်းမိဘဖြစ်ရတာကို ဂုဏ်ယူပါတယ်။

လိုချင်ဆန္ဒကို မပြောလိုပေမယ့် မိန်းကလေးမွေးလာလို့ ကိုယ့်ရင်သွေးကို ငြူစူတဲ့အပြင် မိန်းမဖြစ်သူကိုပါ ရှုတ်ချပြောဆိုတဲ့သူတွေကိုတွေ့ရင် ကျွန်မအတော်မကျေနပ်ပါဘူး။ တကယ်ဆို မိန်းကလေးဖြစ်မလား ယောက်ျားလေးဖြစ်မလားဆိုတာ ဖခင်ပေါ်မှာဘဲမူတည်တာပါ။ မိခင်ဖက်ကမျိုးစေ့မှာ XXခရိုမိုဆုံးဘဲရှိပြီး ဖခင်ဖက်မှာXYခရိုမိုဆုံးရှိပါတယ်။ Yနဲ့ပေါင်းရင် ယောက်ျားလေးဖြစ်ပြီး Xနဲ့ပေါင်းရင် မိန်းကလေးဖြစ်မှာပါ။ ဒီအကြောင်းတွေ မသိခင်က ပြန်လည်ချေပမပြောနိုင်ခဲ့ပေမဲ့ အခုတော့ လုံးဝဘဲ။ မောင်ဝမ်းကွဲလေးတွေကိုပါ ရာဇသံပစ်ထားတယ်။ မိန်းမယူ ကလေးမွေးလို့ သမီးတွေချည်းရရင် မိန်းမကိုအသုံးမကျဘူးမပြောနဲ့၊ ကိုယ်တိုင်ဘဲ အသုံးမကျတာလို့။

ဒီစာရေးတာနဲ့ တိုက်တိုက်ဆိုင်ဆိုင် အလုပ်ဝင်တုန်းကနေ အခုထိခင်တဲ့ ညီမလေးတစ်ယောက်အကြောင်း သတိရမိပါတယ်။ သွက်လက်ထက်မြက်ပြီး သူတပါးကို အတော်ကူညီတတ်တဲ့ ညီမလေးပါ။ သူ့ဘဝအကြောင်း (သူ့မေမေအကြောင်းဆိုရင် ပိုမှန်မယ်) နားထောင်ခွင့်ရချိန်မှာ ကျွန်မ အတော်ရင်မော စိတ်မကောင်းဖြစ်ရပါတယ်။ ကျွန်မသာ "ဂျူး"လို စာတွေရေးတတ်ရင် ဖောက်ပြန်ချင်လို့ ကိုယ့်တပည့်နဲ့ယူသွားပြီး သမီးချည်းဘဲနှစ်ယောက်မွေးလို့ နောက်မိန်းမယူရပါတယ်လို့ ဆင်ချေပေးတဲ့လူအကြောင်း ပစ်ပစ်နှစ်နှစ်ရေးလိုက်ချင်ပါတယ်။ ညီမလေးတို့ ညီအစ်မကတော့ အုပ်ထိမ်းမှုကောင်းတဲ့ သူ့မေမေရဲ့ အရိပ်အာဝါသအောက်မှာ ထူးချွန်သူလေးတွေဖြစ်တဲ့အပြင် နှစ်စဉ် ဝါဝင်ဝါထွက်တိုင်း ဖခင်ကိုရော ဖခင်ဖက်က အဖိုးအဖွားတွေကိုပါ မပျက်မကွက် သွားရောက်ကန်တော့ဆဲပါ။ နောက်အိမ်ထောင်နဲ့ ပုစုခရုကလေးငယ်တွေအတွက် ရုံးကန်နေရတဲ့ သူ့ဖေဖေကို သနားတယ်၊ အလုပ်ကျွေးပြုချင်တယ်တဲ့။ တခါခါတော့လည်း မိန်းကလေးမွေးလို့ သူ့မေမေကို ပစ်သွားတယ်ဆိုတာပြောပြီး မျက်ရည်ဝဲလို့ရယ်။ ကျေးဇူးဆပ်နိုင်ဖို့ကြိုးစားနေတဲ့ ညီမလေး အမြင်ပါစေလို့ ဆုတောင်းရင်း မွေးလာတဲ့ သမီးလေးတိုင်းလည်း မိဘနှစ်ပါးလုံးရဲ့ ပီတိကို ရနိုင်ပါစေလို့။
--------------------------------------------

"O"

ဒီအဖြစ်နဲ့ကြုံတာ ဆယ်တန်းဖြေပြီး ကျောင်းတွေပိတ်ထားတုန်း ရန်ကုန်က အဖေ့ဘက်ကအဖွားအိမ်မှာ ကွန်ပျူတာသင်တန်း လာတက်တုန်းကပါ။ တရက် ထမင်းစားနေတုန်း စကားဆက်စပ်လို့ပြောကြရင်း အဒေါ်တစ်ယောက်က သူတို့ဖက်(အဖေ့ဖက်)အမျိုးတွေက "B"သွေးအုပ်စုတွေချည်းဘဲလို့ပြောပါတယ်။ ကျွန်မကိုလဲမေးတော့ အဖေ၊အမေ၊အမနဲ့ကျွန်မက "B"သွေး၊ မောင်လေးတစ်ယောက်ဘဲ "O"သွေးပါလို့ပြောလိုက်တယ်။ အဲဒီမှာတင် အဒေါ်က အဖေ၊အမေ "B"သွေးဖြစ်ရက်နဲ့ မောင်လေး"O"သွေးဖြစ်တာ လုံးဝမဖြစ်နိုင်ဘူးဆို ပြောပါတော့တယ်။ ပြီးတော့ တခုခုမှားနေတာဖြစ်မယ်လို့ ထပ်ခါထပ်ခါပြောရင်း မဲ့ပြုံးနဲ့ ကျွန်မကိုကြည့်ပါတယ်။ ပြောရရင် ကျွန်မအမေကဘဲ ဖောက်ပြန်ပြီး ဆုံးသွားတဲ့အဖေ့အပေါ် သစ္စာမရှိသလို ဆိုလိုချင်တာတယ်။ ကျွန်မစိတ်မကောင်းဖြစ်လွန်းလို့ ထမင်းတောင်ဆက်မစားနိုင်ပါဘူး။ ဒေါသထွက် ငိုချင်မိပြီး အမေ့ဆီ ပြန်ပြေးချင်တာဘဲသိတယ်။ အဲဒီတုန်းက ကျွန်မ ဖြေရှင်းမပြတတ်ခဲ့ဘူး။ အခုတော့ ဘာရမလဲ၊ လာပြောလို့ကတော့ ပထမနှစ်မှာ ကျောင်းတော်ကသင်ပေးလိုက်တဲ့ အသိပညာနဲ့ ရှင်းပြပြီး ဘာမှနားမလည်ဘဲ အမေ့ကို စော်ကားတဲ့သူတွေအပေါ် (နားမလည်ဘဲ သူများကိုကဲ့ရဲ့တဲ့ ငတုံးဆိုတဲ့အကြည့်နဲ့) ခပ်ကြောကြောပြန်ကြည့်လိုက်ဦးမယ်။

မိဘဆီကသွေးအုပ်စု သားသမီးဆီရောက်ရင် ဖြစ်နိုင်ချေတွေကို အောက်မှာ ရေးပြလိုက်ပါတယ်။ မိဘနှစ်ပါး "B"သွေးဖြစ်တိုင်း သားသမီးအားလုံး "B"သွေးမဟုတ်နိုင်ပါဘူး၊ "O"သွေးလည်း ဖြစ်နိုင်ပါတယ်။ စိတ်ဝင်စားသူတွေအတွက် သွေးအုပ်စုတွက်ပုံကို ဒီမှာကြည့်နိုင်တွက်နိုင်ပါတယ်။
A + A = A (or) O
B + B = B (or) O
AB + AB = A (or) AB (or) B
AB + A = A (or) AB (or) B
AB + B = A (or) AB (or) B
O + O = O
O + A = O (or) A
O + B = O (or) B
O + AB = A (or) B

ကျွန်မရေးသားထားတဲ့ ဒီဆေးပညာနဲ့ပက်သတ်တဲ့ အကြောင်းတွေ သိပြီးသားသူတွေလည်းရှိကြမှာပါ။ မသိကြသေးသူအဖို့ ကျွန်မလိုအဖြစ်မျိုးများကြုံခဲ့ရင် ပြန်လည်ဖြေရှင်းပြောပြနိုင်ဖို့ ရေးသားလိုက်ပါတယ်။ ဒီ"Y"နဲ့"O"ကို ကျွန်မဘဝထဲက နာကျင်ခဲ့ရတဲ့အပိုင်းအစများဖြစ်လို့ ဘယ်တော့မှ မမေ့နိုင်ပါဘူးရှင်။


Read More...

Monday, November 19, 2007

ပုံဖော်ထမင်းဘူး





"ကရလာဘဲန်း - キャラ弁" (Character lunch box) လေးတွေ TVအစီအစဉ်မှာ မြင်ဖူးနေတာတော့ ကြာပါပြီ။ အမည်မသိတာနဲ့ အင်တာနက်မှာ "အိုဘဲန်းတိုး-お弁当"လို့ ရှာကြည့်ရင် တခြားထမင်းဘူးတွေများပြီး ပုံဖော်ထမင်းဘူးကို အများကြီး မတွေ့ရဘူး။ ဒီနေ့မှ "ကရတ်လာဘဲန်း - キャラ弁"လို့ခေါ်မှန်း သိတော့တယ်။ Characterရဲ့ ဂျပန်လို အသံထွက် "ကရလာကူတာ - キャラクター"နဲ့ "အိုဘဲန်းတိုး-お弁当" ပေါင်းပြီး "キャラ弁"လို့ ချုံ့ရေးလိုက်တာပါ။ ကာတွန်းဇာတ်ဆောင်တွေ သရုပ်ဆောင်တွေရဲ့ Characterကို ပုံဖော်ထားလို့ "ကရလာဘဲန်း - キャラ弁"လို့ခေါ်တာပါ။ အဲဒီအမည်နဲ့Google မှာရှာတော့ တွေ့တော့တွေ့ပါရဲ့။ ဒါပေမယ့် လုပ်နည်းတွေ မပါဘူး။ ဒါနဲ့ စပ်စုနေကျ ဂျပန်ဟင်းချက်နည်းဆိုက်မှာ ရှာလိုက်တာ အများကြီးဘဲတွေ့တယ်။ အဲဒီထဲကမှ "အလွယ်တကူပုံဖော်ထမင်းဘူး - キャラ弁 簡単" လုပ်နည်းတချို့ကို တင်လိုက်ပါတယ်။ "ကရလာဘဲန်း - キャラ弁"တိုင်းမှာ "နိုရိ - のり (海苔)"လို့ခေါ်တဲ့ ရေညှိခြောက်နဲ့ ချိစ်အလွှာကို သုံးထားတာ တွေ့ရပါတယ်။

Relaxkuma(リラックマ)ထမင်းဘူး



(၁) ထမင်းကို ပဲငံပြာအကြည်ရည်ရယ် ငါးအသားမှုန့်နဲ့ ရောနယ်ပြီး အရွယ်တော်အဆုပ် သုံးခုလုပ်ပါ။
(၂) ထမင်းဘူးထဲ နေရာတကျထည့်ပါ။
(၃) ချိစ်အလွှာကို ပုံဖော်ညှပ်ပြီး နားရွက်နဲ့ နှာခေါင်းနေရာချပါ။ ပြီးရင် ပုံဖော်ညှပ်ထားတဲ့ ရေညှိခြောက်ကို မျက်လုံးနဲ့ နှာခေါင်းအပေါ်မှာထားပါ။ နောက်ဆုံး အသီးအရွက် တန်ဆာပလာတွေထည့်ပြီး မျက်စေ့ပသာဒဖြစ်အောင် လုပ်ပြီးရင် ပြီးပါပြီ။
*မူရင်းပြုလုပ်နည်း ဒီမှာပါ*


Hello kitty(ハローキティー)ထမင်းဘူး


(၁) ထမင်းဖြူကို ဆုပ်ပြီး နေရာချပါ။
(၂) ပြောင်းဖူးစေ့တစ်စေ့ကို နှာခေါင်းနေရာမှာ ထားပါ။
(၃) အမဲရောင်ပဲစေ့နှစ်စေ့ကို မျက်စေ့နေရာမှာ ထားပါ။
(၄) သွားကြားထိုးတံကို သုံးပြီး နှုတ်ခမ်းမွှေးနေရာအတွက် ခပ်တိမ်တိမ် အပေါက်လေးလုပ်ပါ။
(၅) နှုတ်ခမ်းမွှေးအတွက် ခပ်မျှင်မျှင်ညှပ်ထားတဲ့ ရေညှိခြောက်ကို သွားကြားထိုးတံနဲ့ တို့ယူပြီး အပေါက်နေရာလေးမှာ ထိုးထည့်ပါ။
(၆) ပန်းပွင့်အတွက် "အသားပြား-ဟမ်"ကို ပုံဖော်ပြီး ဝတ်ဆံနေရာမှာ ချိစ်အလွှာကို ညှပ်တင်ပါ။ နောက်ဆုံး နားရွက်နေရာနား ထားလိုက်ရင် ပြီးပါပြီ။
*မူရင်းပြုလုပ်နည်း ဒီမှာပါ*


Totoro(トトロ)ထမင်းဘူး


"တိုနားရိ နို တိုတို့ရို-Tonari no Totoro" (My neighbor Totoro) ကာတွန်းကားထဲက "တိုတို့ရို"ထမင်းဘူးပါ။
(၁) ထမင်းကို ပဲငံပြာအကြည်ရည်ရယ် ငါးအသားမှုန့်နဲ့ ရောနယ်ပြီး ကိုယ်လုံးအတွက် အဆုပ်ဆုပ်ပါ။ လက်ကိုထမင်းစေ့ပြန်မကပ်အောင် ပလက်စတစ်ခံပြီး ဆုပ်နိုင်ပါတယ်။ နားရွက်အတွက် ခပ်ချွန်ချွန် သေးသေးလေး နှစ်ခုလုပ်ပါ။
(၂) အပေါ်က ရေညှိခြောက်အုပ်ပါ။
(၃) ထမင်းဘူးထဲထည့်ပါ။
(၄) ချိစ်အလွှာကို မျက်လုံးနဲ့ ဝမ်းဗိုက်အတွက် ဖြတ်ယူပါ။
(၅) ပြီးလျှင်နေရာချပြီး ညှပ်ထားတဲ့ ရေညှိခြောက်တွေကို မျက်စံနဲ့ ရင်ဘတ်မှာ နေရာချပါ။
(၆) နှာခမ်းမွှေးအတွက်ညှပ်ထားတဲ့ ရေညှိခြောက်အချောင်းလေးတွေရဲ့ တဖက်စွန်းကို "မရောနိစ်"နဲ့ တို့ပါ။
(၇)ပြီးလျှင် နှာခမ်းမွှေးနေရာမှာ ကပ်ပါ။ ဤတွင် "တိုတို့ရို"ပြီး၏။
*မူရင်းပြုလုပ်နည်း ဒီမှာပါ*


Makkurokurosuke(まっくろくろすけ)ထမင်းဘူး


Tonari no Totoro (My neighbor Totoro) ကာတွန်းကားထဲကဘဲ ထမင်းဘူးပါ။
လွယ်လွယ်လေးပါ။ ဝိုင်းဝိုင်းလေးညှပ်ထားတဲ့ ရေညှိခြောက်အပေါ် ချိစ်အလွှာကိုလည်း ဝိုင်းဝိုင်းညှပ် မျက်စေ့နေရာအတွက် အပေါက်ဖောက်ပြီးတင်လိုက်ရင်ပြီးပါပြီ။
*မူရင်းပြုလုပ်နည်း ဒီမှာပါ*

"တိုနားရိ နို တိုတို့ရို"ကာတွန်းကားကို ကျွန်မခြောက်တန်းလောက်တုန်းက မြန်မာ့ရုပ်သံက လွှင့်ဖူးပါတယ်။ အဲဒီတုန်းက မီးကမမှန်တော့ တပိုင်းတစလောက်ပဲ ကြည့်ခဲ့ရတယ်။ ဘာမှန်းနားမလည်ပေမယ့် အဲဒီကာတွန်းကားထဲက "မာ့ကုရိုကုရိုစုကဲ"ကို "မာ့ဂုရုဂုရုဂဲ"၊ သရဲအိမ် "အိုဘကဲရရှီကိ- お化け屋敷"ကို "အိုဘားဂီရဂီ"လို့ နားကြားလွဲတာ မှတ်မိနေပါသေးတယ်။ ဒီရောက်ပြီးမှ မနွေလည်တိုက်တွန်းလို့ youtubeမှာ ရှာပြီး ပြန်ကြည့်ဖြစ်တယ်။ ဒီမှာများ အဲဒီကားထဲက meiလေးလို သမီးလေးမွေးရင် "ကရလာဘဲန်း" လုပ်ခိုင်းလို့ ဦးနှောက်ခြောက်ကိန်းမြင်တယ်။ ဒီမှာက ထမင်းဘူးကို အလှဆင်ပြီးထည့်ပေးကြတာ။ ဘယ်သူမှလည်း စတီးချိုင့် မကိုင်ကြဘူး။ ဘာပြောပြော ကျွန်မတော့ ငယ်ငယ်က ကျောင်းကိုလာပြီး မောင်လေးနဲ့ကျွန်မကို နေ့လည်စာလာကျွေးတဲ့ အမေ့ရဲ့သုံးဆင့်ထမင်းချိုင့်ကြီးနဲ့ စားခဲ့ရတဲ့အချိန်တွေကို လွမ်းမိပါရဲ့--------


Read More...

Wednesday, November 14, 2007

စိတ်ဖိစီးမှုကို ခံနိုင်ရေနည်းသော အမျိုးသားများ


အခုတလော နေရာအတော်များများမှာ သက်ကြီးပိုင်းဝင်စ ဇနီးမောင်နှံတွေက နှစ်ကိုယ်တူသွားလာ ဈေးဝယ်တာတွေ၊ သင့်သင့်မြတ်မြတ်နဲ့ ကျောပိုးအိပ်ကို ကျောမှာပိုးလို့ ပျော်ပွဲစားထွက်ကြတာတွေ လုပ်ကြတဲ့ ပုံပန်းသဏ္ဌာန်ကို မြင်မိပါတယ်။

ကံမကောင်းစွာနဲ့ အိမ်ထောင်ဖက်ဆုံးရှုံးသွားတဲ့သူလည်း ရှိတဲ့အတွက်ကြောင့် လင်မယားတူစုံ ဇရာပိုင်းကို ကြိုဆိုနိုင်တဲ့သူဟာ အတော်ကံကောင်းပါတယ်။

တကူးတကအခုအချိန်အထိ အသက်ရှင်သန်ခွင့်ရထားတာကြောင့် နောက်ပိုင်းကို တတ်နိုင်သလောက် အသက်ရှည်ရှည်နေသွားချင်တယ်ဆိုတဲ့ အသိစိတ်က အခုတလော ထူးထူးခြားခြား ဖြစ်ပေါ်နေတာလားမသိပါဘူး။ ဒါပေမယ့် ရွှင်လန်းတက်ကြွနေတဲ့ အမျိုးသမီးထုနဲ့စာရင် ဘာကြောင့်ရယ်မသိ အမျိုးသားထုက တခုခုမကျန်းမာမကြံ့ခိုင်ဘူးလို့ မြင်ရတယ်။

အင်းမ်...သတိရမိတာက ကျနော် သိပ္ပံပညာအစီအစဉ် "Ultra Eye"ကို အခမ်းအနားမှူးလုပ်တုန်း ပြုလုပ်ခဲ့တဲ့ စိတ်ဖိစီးမှုလက်တွေ့စမ်းသက်ချက်ကိုပါ။


စိတ်ဖိစီးမှုအပေါ်တုန့်ပြန်မှုက အမျိုးသားနဲ့အမျိုးသမီး ဘယ်လိုကွာခြားသလဲကို မျောက်နဲ့ သုတေသနပြု ရှာဖွေခဲ့ပါတယ်။ မျောက်က ရေအေးအေးထဲ အနှစ်ခံရရင် ကြီးမားတဲ့စိတ်ဖိစီးမှုဖြစ်ပါတယ်။ အဲဒါနဲ့ အသက်အရွယ်ရော ကိုယ်လုံးကိုယ်ထည်ပါ တူညီတဲ့ ကျန်းမာတဲ့ မျောက်အထီးနဲ့အမကို တစ်နာရီခွဲ ရေထဲနှစ်ပြီးနောက်ပိုင်း ကိုယ်တွင်းကြည့်မှန်ပြောင်းနဲ့ အစာအိမ်ကို ချောင်းကြည့်ပါတယ်။

ဦးစွာ မျောက်အမရဲ့ အစာအိမ်က ဒီအတိုင်း ဘာမှမပြောင်းလဲပါဘူး။ ဒါပေမယ့်လည်း မျောက်အထီးရဲ့ အစာအိမ်နံရံက အတော်လေး သွေးထွက်ထားပြီး အစာအိမ်နာရောဂါရဲ့ ရှေ့ပြေးလက္ခဏာလိုမျိုး ဖြစ်လာပါတယ်။ အမထက်ပိုပြီး အထီးက စိတ်ဖိစီးမှုအပေါ် ခံနိုင်ရေအားနည်းတာ တွေ့ရပါတယ်။

အဲဒီအကြောင်းအရင်းက အမျိုးသမီးမှာ ပါရိုဂျက်စတုန်းဟော်မုန်းရယ် အီစတိုဂျင်ဟော်မုန်းရယ် စတဲ့ အမျိုးသားမှာမရှိတဲ့ ဟော်မုန်းက စိမ့်ထွက်နေပြီး၊ စိတ်ပိုင်းဆိုင်ရာ သောကကို ဖြေလျှော့တာတွေ သွေးကြောရဲ့ ကျုံ့ဆန့်အားကို တင်းကြပ်အောင်လုပ်တာတွေ ရှိတဲ့အတွက်ကြောင့်လို့ ထင်ရပါတယ်။ စိတ်ဖိစီးမှုအပေါ် အမျိုးသမီးများက ကြံ့ခိုင်ကြပြီး၊ ဒါဟာ ကျားမ ပျမ်းမျှသက်တမ်းကွာခြားချက်အဖြစ် ဖြစ်ပေါ်လာပါတယ်။

စိတ်ဖိစီးမှုက အပေါင်းလက္ခဏာမဟုတ်ဘဲ အမြှောက်လက္ခဏာ(ဆပွါး)ဖြစ်တယ်လို့ ဆိုပါတယ်။

ကျေးဇူးပြုပြီး အမျိုးသားထုတတွေ စိတ်ဖိစီးမှုမှာ အားနည်းတတ်တာကို မှတ်သားပြီး၊ အသက်အရွယ်ရလာရင် မကြိုက်မနှစ်သက်တာတွေကို သည်းငြီးခံပြီး မပြုလုပ်စေချင်ပါဘူး။ စိတ်ဖိစီးမှုဖြေဖျောက်ဖို့ "ဆကဲ"ဖြစ်ဖြစ် ဂေါ့ဖ်ကစားတာဖြစ်ဖြစ် ကောင်းပေမယ့် အားလုံးကို ပျော်ပျော်ရွှင်ရွှင်ပြုလုပ်သင့်ပါတယ်။ မကြိုက်တဲ့ကောင်နဲ့ "ဆကဲ"သောက်တာတွေ ဇွတ်အတင်း ဂေါ့ဖ်အတူကစားတာတွေက စိတ်ဖိစီးမှုကို တိုးပွါးစေပြီး သက်တမ်းပါတိုသွားနိုင်ပါတယ်။

***[ရာမကာဝရှီဇုအို ဂျပန်စီးပွါးရေးသတင်းစာ 「မနက်ဖြန်အတွက်စပ်မိစပ်ရာ」 (1998.6.20) ]

အရင်ကသင်ယူလက်စတန်းလန်း ပစ်ထားသော Advanced Reading In Japanese စာအုပ်မှ စာတစ်ပုဒ်အား ပြန်ဖတ်ရင်း ဘာသာပြန်ကြည့်ပါသည်။



ストレスに弱い男

近頃は、いろんな場所で、初老夫婦が連れたって買い物したり仲良くリュックサックを背負ってハイケングに出掛けたりする姿を目にする。
 
不幸にも伴侶をなくしてしまった人もおられるのだから、夫婦揃って老境を迎えられた人は、かなり運のよかったのだ。

せかっくここまできたのだから、あとはできるだけ長持ちさせたいという意識が、このところ顕著に現れているかもしれない。が、はつらつとした女性陣に比べ、どうも男性陣はもうひとつ元気がないように見える。
それにつけても思い出すのが、かつて私が科学番組「ウルトラアイ」を司会してた頃に行ったストレスの実験である。

ストレスに対して反応は、男と女どう違うかを、猿に託して調べた。猿は冷たい水に浸けられるのが大変なストレスになる。そこで、年齢も体格も同じで元気なオスとメスの猿を、1時間半、水に浸けて、そのあと内視鏡で胃をのぞいて見たのである。

まずメスの胃はそのままで何も変化ない。だが、オスの猿の胃壁はかなり出血していて胃潰瘍の前兆のようになったていた。メスよりもオスの方がストレスに対して弱いのである。

その原因は、女性には黄体ホルモンとか卵胞ホルモンという、男性にはないホルモンが分泌され、心理的不安をやわらげたり、血管の弾力を強めたりしているかららしい。ストレスに関して女性の方が強く、それが男女の平均寿命の差となってあらわれている。

ストレスは足し算でなく掛け算でやってくるという。

どうか男性諸君、ストレスに弱いことを自覚して、年をとってからいやなことまでがまんしてやらないでほしい。ストレス解消に酒やゴルフもいいが、すべて楽しくするべきで、いやな奴と酒や無理なゴルフづきあいはストレスを増幅させ、寿命もちじめる。


***{山川静夫 日本経済新聞 「あすへの話題」(1998.6.20)より}

Read More...

Friday, November 9, 2007

私のハンドバッグの中にどんな物がある?




မnu-sanက What's in my bag?လို့ tagတာထားနဲ့ မျက်မှန်ပင့်ပြီး ကိုယ့်အိတ်ထဲ ပြန်ချောင်းကြည့်ရတယ်။ ဘာတွေထည့်ထားမိပါလိမ့်!! အိတ်သေးသေးထဲ ဘာမှတော့သိပ်မရှိပါဘူး။ Tagတော့လည်း ရှိစုမယ့်စုလေးတွေကိုထုတ်ပြီး ရှိတာအကုန်ထုတ် ဘိန်းမုန့်လုပ်လိုက်တယ်။

၁။ ထီး (သွားလေရာ ထီးပါမှ။ ရာသီဥတုက ခုနေသာလိုက် မိုးကောက်ရွာချင်ရွာလိုက်နဲ့။)

၂။ ပိုက်ဆံအိတ် (ဒီရောက်မှ နီးရာဆိုင်မှာ အပြေးဝယ်ထားရတဲ့ အကြွေစေ့ထည့်တဲ့ အကန့်ပါတဲ့အိတ်။ အိတ်ထဲ ဈေးဝယ်ဖို့ ပိုက်ပိုက်နဲနဲ၊ အပြင်သွားရင် မပါမဖြစ် Foreign Registration Card၊ အဝတ်ဝယ်နေကျဆိုင်က Point Card၊ ရထား/ဘက်စ်ကားစီးရင်သုံးတဲ့ Pasmo Card၊ လိုရမယ်ရဆောင်ထားတဲ့ passportဓာတ်ပုံတချို့၊ စက်ဘီးစီးရင်လိုအပ်တဲ့ သက်သေခံစာရွက်ဖြတ်ပိုင်း စတဲ့ ထွေလီကာလီတွေ)

၃။ ဟန်းဖုန်း (အိမ်ကြီးရှင်ကလွဲပြီး ဖုန်းခေါ်မယ့်သူမရှိ)

၎။ ဖုန်းစာအုပ် (မြန်မာပြည်က သယ်ရင်းတွေဆီ ဆက်ရင် ကြည့်တယ်။ ကိုယ့်ဆီမှာ မနက်ရှစ်နာရီ သူတို့ဆီမှာ မနက်၅နာရီခွဲ ဟဲ့-ထတော့ဆိုပြီး နှောင့်ယှက်တယ်)

၅။ မှတ်စုစာအုပ် (တို့စိတို့စိ လျှောက်မှတ်ထားတာတွေရှိတယ်)

၆။ ဂျပန်-မြန်မာ အိတ်ဆောင်အဘိဓာန်ငယ်

၇။ ဒီအတိုင်းပစ်ထည့်ထားတဲ့ ဘောပင်တစ်ချောင်း

၈။ အိမ်သော့

၉။ ဝယ်ပြီး ကြောက်လို့တစ်ခါဘဲစီးရသေးတဲ့ စက်ဘီးရဲ့သော့

၁၀။ နှာဘူး အဲ poy-sianရှုဆေးဘူး (မူးရင်ရှူ မောရင်သောက် သောက်ရင်မူး)

၁၁။ သကြားလုံး (အပြင်သွားရင် သကြားလုံးငုံရမှ။ တခါတလေ အမှိုက်ပုံးမတွေ့လို့ အိတ်ထဲပြန်ထည့်ထားတဲ့ သကြားလုံးအခွံတွေပါရှိတယ်)

၁၂။ တစ်ရှူးထုပ် (ဒါလည်း မပါမဖြစ်)

ထည့်နေကျ Strepsils lozengesတွေ အခုတော့ကုန်သွားပြီ။ အရင်က တထွာသာသာ Alpineရေဗူးလေးပါ အမြဲထည့်ထားတာ။ ဒီအထိတောင် ပါလာသေးတယ်။ ခုရှိတော့ဘူး။ ဟိုတလောက အိမ်ရှင်းတဲ့အထဲ ပါသွားရှာပေါ့။
"tagထားတာလေး ရေးတင်လိုက်ပါပြီရှင့်"

Read More...

Wednesday, November 7, 2007

စုဗူး


အဖေနဲ့ အမေက ကျွန်မတို့မောင်နှမ၃ယောက်လုံးကို ငယ်ငယ်ပိစိကွေးအရွယ်ကတည်းက စုဗူးစုတတ်ဖို့ လေ့ကျင့်ပေးခဲ့တယ်။ ဆန်တပြည် ခုနှစ်ကျပ်ခေတ်မှာ တနေ့မုန့်ဖိုး ပြားလေးဆယ်ရတယ်။ အိမ်မှာမုန့်တွေဝယ်ပေးထားတော့ မုန့်ဖိုးဆိုတာ စုဗူးထဲရောက်တာများပါတယ်။ အဲဒီတုန်းက မောင်လေးမမွေးသေးဘူး။ အမနဲ့ ကျွန်မတို့နှစ်ယောက် တထွာသာသာ ဆင်ပုံကြွေရုပ်စုဗူး တယောက်တဘူးနဲ့ စုကြတယ်။ ကိုယ့်စုဘူးကိုယ် မမကြည့်ပြီး လေးလာရင် ပျော်လိုက်တာ။ ဆင်ရုပ်စုဗူးအပြင် အမနဲ့ နှစ်ယောက်အတူပေါင်းစုတဲ့ ပလတ်စတစ် အရုပ်မစုဘူးကြီးလည်းရှိတယ်။ အဲဒီစုဗူးက ကြီးတော့ တော်တော်နဲ့မပြည့်နိုင်ဘူး။ စုဘူးကြီးပြည့်ဖို့ လည်ပင်းလောက်အရောက်မှာ မောင်လေးမွေးလာတော့ အဖေနဲ့အမေက သူ့အတွက် စုဗူးမရှိလို့ ပေးလိုက်ပါဆိုတော့ ပေးလိုက်ရတယ်။ ညီအမနှစ်ယောက် နှုတ်ခမ်းထော်ကြပေမယ့် အဖေက မုန့်ဖိုး၁၅ကျပ်စီ ပြန်ပေးလို့ ကျေနပ်လိုက်ကြတာဘဲ။ ဒီကောင်လေး အဲဒီအရွယ်ကတည်းက အမတွေကို ဗိုလ်ကျခဲ့တာ။ သူ့စုဗူးပြည့်သွားတော့ ဖောက်ပြီး အဖေက ဘဏ်စာအုပ်ထဲထည့်ပေးတယ်။ ကျွန်မတို့နှစ်ယောက်ကတော့ ဆင်ရုပ်လေးတွေကို မှန်ဘီဒိုထဲ အလှထားထားကြတယ်။

အဖေဆုံးပြီးနောက် ဘဝအလှည့်အပြောင်းတွေကြုံပြီး အမေ့မွေးရပ် ပြန်နေခဲ့တယ်။ အဲဒီအချိန်ကစလို့ ကျွန်မတို့တွေ စုဘူးစုတဲ့ အလေ့အကျင့်ကို မေ့သွားခဲ့တော့တယ်။ ခုနှစ်တန်းအရောက်မှာ ဘီဒိုရှင်းရင်း ကြွေရုပ်စုဗူးလေးတွေဖောက်ဖို့ ကြုံလာတယ်။ အရုပ်ကလေးကို နှမြောလို့ အောက်ပိုင်းကနေ ဝိုင်းဝိုင်းလေးဖောက်တယ်။ ငါးဆယ်ကျပ်နီးပါးပဲရှိပေမယ့် အကြွေစေ့တွေဆိုတော့ အများကြီးဘဲ။ အဲဒီအကြွေစေ့တွေ မသုံးပါဘူး။ အပြင်ရောက်သွားရင် သံရည်၊ကြေးရည်ကျိုခံထိပြီး ပြန်လည်မတွေ့နိုင်မှာမို့ အမှတ်တရအနေနဲ့ သိမ်းထားတယ်။ သားမြေးတီတွတ်ကျွတ်ဆတ်တွေကို ပြဖို့။ (°∨°) အခုတောင် ကျွန်မညီမဝမ်းကွဲတွေ အကြွေစေ့ဆိုတာ သင်္ချာစာအုပ်ထဲမှာဘဲ မြင်ဖူးတော့တယ်။ တချို့အကြွေစေ့တွေဆို ကျွန်မအမေထက်တောင် အသက်ကြီးသေးတယ်။ တော်တော်လေးတာတွေလည်း ရှိတယ်။ ဘော်နဲ့လုပ်ထားတဲ့ ၁၀ပြားစေ့တွေ ဘုရားသွားရင် အကြွေစေ့ပစ်ဖို့ တခါတလေယူသွားတယ်။ ဘုရားမှာ အရင်ကလို အကြွေစေ့ အလွယ်လဲလို့မှမရဘဲ။ ကိုယ်က ၁၀ကျပ်ပေးရင် အကြွေက ၈ကျပ်ဖိုးဘဲပြန်ရတယ်။ ဒါတောင်ဟိုးလွန်ခဲ့တဲ့ ၁၀နှစ်နီးပါးတုန်းက။ အခုများတော့ ရှိပါ့ဦးမလားဘဲ။

တက္ကသိုလ်တက်တော့ ကျောင်းမှာ ကျပ်စေ့ထည့်ပြီး မြို့တွင်းဆက်လို့ရတဲ့ဖုန်းရှိတယ်။ အဲဒါနဲ့ အိမ်ပြန်ဖြစ်ရင် ကျပ်စေ့တွေသယ်လာတယ်။ နောက်အဲဒီဖုန်းပျက်သွားတာ ပြန်မပြင်ပေးတော့ ကျပ်စေ့တွေ ဒီအတိုင်းကျန်နေသေးတယ်။ တက္ကသိုလ်မှာဘဲ မေ့နေတဲ့အကျင့်လေး သတိရဖို့ ဖြစ်လာတယ်။ ကျွန်မတို့အဖွဲ့ထဲက သူငယ်ချင်းတယောက်က တနေ့၅၀ကျပ်စုတယ်လို့ပြောမှလေ။ အဲဒီကနေ အကျင့်ပြန်လုပ်တာ အခုအထိပေါ့။ ကျွန်မကနေ အကျင့်ကူးကုန်တာ အဆောင်ကသူငယ်ချင်းတချို့တောင် စုဘူးလေးတွေနဲ့။ သူတို့စုဘူးက မြင့်တယ်။ သော့ခတ်ထားတဲ့ သံသေတ္တာလှလှလေးကို အပေါ်မှာစုဘူးအပေါက်နဲ့။ ပိုက်ဆံလိုရင် သော့ဖွင့်ပြီးပြန်နှိုက်ယူကြတယ်။ ကောင်းပါ့။ :)

ဒီရောက်တော့လည်း စုဗူးစုတယ်။ ဂျပန်ပိုက်ဆံက မှတ်ရတာ နဲနဲလေးရယ်။ အရွက်ဆိုရင် တစ်ထောင်တန်၊ နှစ်ထောင်တန်၊ ငါးထောင်တန်နဲ့ တစ်သောင်းတန်ရယ်ဆိုပြီးရှိတယ်။ ဒါတောင် နှစ်ထောင်တန်က အသုံးနဲလို့ တော်ရုံနဲ့တွေ့ဖို့ မလွယ်ဘူး။ အကြွေစေ့ဆိုရင် တစ်ယန်း၊ ငါးယန်း၊ တစ်ဆယ်ယန်း၊ ငါးဆယ်ယန်း၊ တစ်ရာယန်းနဲ့ ငါးရာယန်းရယ်ရှိတယ်။ ဒီနဲနဲလေးတောင် ကျွန်မမှတ်တာ ရွာပတ်နေသေးတယ်။ ငါးရာယန်းစေ့ကတော့ ကြီးလို့ မမှားဘူး။ ငါးယန်းစေ့နဲ့ ငါးဆယ်ယန်းစေ့က အလယ်မှာအပေါက်ပါတယ်။ ဒါပေမယ့် ဟောင်းနေတဲ့ တစ်ဆယ်ယန်းစေ့က ငါးယန်းစေ့နဲ့ အ
ရောင်တူတယ်။ ငါးဆယ်ယန်းစေ့က တစ်ရာယန်းအရောင်တူတယ်။ အစွန်းထွက်အကြွေပေးရင် မှားလွန်းလို့။ တခါဈေးဝယ်တုန်း အကြွေစေ့တွေအများကြီးပေးပြီး ခပ်တည်တည်နဲ့ ပြန်အမ်းငွေ စောင့်နေတာ၊ တစ်ရာယန်းကို ငါးဆယ်ယန်းနဲ့ မှားပေးထားမှန်းမသိဘူး။ "すみません" လုပ်လိုက်ရတယ်။



စုဗူးထဲကို ယန်းငါးရာစေ့တွေ စုတယ်။ တခြားအကြွေစေ့က ဈေးဝယ်တိုင်း ရနိုင်ပေမယ့် ယန်းငါးရာစေ့က တော်တော်နဲ့ လက်ထဲမရောက်နိုင်ဘူး။ အဲဒါကြောင့် ရလာတိုင်း စုဗူးထဲထည့်တယ်။ အကြွေကျသံ "တချွင်ချွင်" ကြားရရင် ကလေးဘဝကို သတိရပြီး ပျော်တယ်။ စုဘူးမှာတော့ 1Day.1Coinတဲ့။ အဆင်ပြေသလိုဘဲ စုတယ်။ ပုံးအောက်မှာ ခန်းဂျီး
စာလုံး"五"နဲ့ရေးပြီး အကြွေစေ့အရေအတွက်ကို မှတ်ထားတယ်။ တစေ့ထည့်ရင် မျဉ်းတကြောင်းရေးတယ်။ ငါးစေ့ထည့်ပြီးရင် 五စာလုံးတလုံးရပြီ။ အစက်လေးတွေက နောက်စာလုံးအတွက် နေရာချထားတာ။ "500円玉で約300,000円" "100円玉で約80,000円"လို့ပုံးမှာရေးထားတယ်။ စုဗူးပြည့်ရင် "ယန်းငါးရာစေ့ဆို မှန်းချေ 300,000ယန်း" "တစ်ရာယမ်းစေ့ဆို မှန်းချေ 80,000ယန်း"ရမယ်တဲ့။ စုဗူးပြည့်ရင် ဘာလုပ်မယ်ဆိုတဲ့ ရည်ရွယ်ချက်တော့ မထားထားဘူး။ TVမှာကြည့်လိုက်ရတဲ့ ဂျပန်မင်းသမီးကြီးကတော့ စန္ဒယားဝယ်သတဲ့။ ကျွန်မတော့ မသိသေးဘူး။ မေထုန်ဖွားဆိုတော့ စိတ်အပြောင်းအလဲက မြန်ပါဘိသနဲ့။ စိတ်ကူးရရာလုပ်မယ်။ နောင်လာလတ္တံ့သော သားသားလေး (သို့) မီးမီးလေးကိုပေးဖို့ ဒီအတိုင်းထားချင်လည်းထားမလားလို့။

7.7.2007ကစစုတဲ့ ကျွန်မရဲ့စုဘူးလေး။ (私 の 貯金箱 - わたし の ちょきんばこ)



Read More...

Saturday, November 3, 2007

"အအိအုအဲအို့"သီချင်း


ကာတွန်းကားတစ်ခုမှာ ကြားမိတဲ့ သီချင်းကဗျာပါ။ မြန်မာလိုဆိုရင် "က -- ကလေးငယ် ချစ်စဖွယ်" ဆိုတာမျိုးပေါ့။ ကလေးလေးတွေ ဂျပန်စာအသံထွက်ပီသအောင်လို့ မူလတန်းကျောင်းမှာရွတ်ရတဲ့ သီချင်းကဗျာလေးပါ။ ဒါကိုမြန်မြန်ရွတ်နိုင်ရင် ဂျပန်အသံထွက် ကောင်းကောင်းရတယ်ဆိုဘဲ။ ကျွန်မတော့ အခုမှစရွတ်ကြည့်တော့ အထစ်အထစ်နဲ့။ ခန်းဂျီးစာလုံးတွေ အိမ်ကြီးရှင်အကူအညီနဲ့ ဘာသာပြန်ပြီး ဆီလျော်အောင် ပြန်ရေးကြည့်ပါတယ်။ ဘာသာပြန် ကျွမ်းကျင်တာမဟုတ်လို့ အမှားပါနိုင်ပါတယ်။ ဒီကလေးကဗျာလေး ရွတ်ရတာ ပျော်ဖို့ကောင်းသလိုဘဲမို့ ရေးတင်လိုက်ပါတယ်။

အသံငါးဆယ်သီချင်း (သို့) "အအိအုအဲအို့"သီချင်း 「五十音の歌」または「あいうえおの歌」

水馬赤いなあいうえお ( あめんぼ あかいな あいうえお )
ရေပိုးကောင် နီနီကလေး အအိအုအဲအို့ (အမဲန်းဘို့ အကအိန အအိအုအဲအို့)
浮藻に小蝦も泳いでる ( うきもに こえびも およいでる )
ရေမှော်တွေကြား ပုစွန်သေးလေး ရေကူးနေတယ်ဗျို့။ (အူကိမိုနိ ခိုအဲဘိမို အိုယောအိဒဲ့ရု)

柿の木栗の木かきくけこ ( かきのき くりのき かきくけこ )
တည်(တယ်)သီးပင် သစ်ချသီးပင် ကကိကုကဲကို့ (ကကိနိုကိ ကုရိနိုကိ ကကိကုကဲကို့)
啄木鳥こつこつ枯れ欅 ( きつつき こつこつ かれけやき )
သစ်တောက်ငှက်က တဒေါက်ဒေါက် သစ်ခြောက်ပင်"ကဲယကိ"ကိုခေါက်။ (ကိစွတ်စွတ်ကိ ကိုစွတ်ကိုစွတ် ကလဲကဲယကိ)

大角豆に酢をかけさしすせそ ( ささげに すをかけ さしすせそ )
ပဲတောင့်ရှည်ကို ရှာလကာရည်ဖျန်း စရှိစုစဲစို့ (စစဂဲနိ စုအိုကကဲ စရှိစုစဲစို့)
その魚浅瀬で刺しました ( そのうお あさせで さしました )
အဲဒီငါးက ရေတိမ်အကမ်းစပ်မှာ ထိုးခဲ့တာပါဗျ။ (စိုနိုအူအို့ အစစဲဒဲ့ စရှိမရှိတ)

立ちましょ喇叭でたちつてと ( たちましょ らっぱで たちつてと )
အတူမတ်တတ်ရပ်စို့ ထရမ်းပက်နဲ့ တချိစွတ်တဲတို့ (တာချိမရှော့ ရတ်ပဒဲ့ တချိစွတ်တဲတို့)
トテトテタッタと飛び立った ( とてとて たったと とびたった )
မြူးထူးသွက်လက် တက်တက်ကြွကြွ မြန်မြန်ခုန်လို့ထ။ (တိုတဲတိုတဲ တတ်တတို တိုဘိတတ်တ) 

蛞蝓のろのろなにぬねの ( なめくじ のろのろ なにぬねの )
မျှော့ခရုကောင် နှေးတုံ့နှေးတုံ့ နနိနုနဲနို့ (နမဲကူဂျိ နိုရို့နိုရို့ နနိနုနဲနို့)
納戸にぬめってなにねばる ( なんどに ぬめって なにねばる )
စတိုခန်းထဲ ချောစိချောစိ ဘာလဲ!ကပ်စီးစီး။ (နန်းဒိုနိ နူမဲတ်တဲ့ နနိနယ်ဘရု)

鳩ポッポほろほろはひふへほ ( はとぽっぽ ほろほろ はひふへほ )
ခိုကောင်ခုန်စွ တစ်ကောင်စနှစ်ကောင်စ ဟဟိဖုဟဲဟို့ (ဟတိုပို့ပို ဟိုရို့ဟိုရို့ ဟဟိဖုဟဲဟို့)
日向のお部屋にゃ笛を吹く ( ひなたの おへやにゃ ふえをふく )
နေရောင်လင်းဖြာ အခန်းထဲမှာ လေချွန်ပါတယ်ဗျာ။ (ဟိနတနို အိုဟယ်ယနိယ ဖုအဲအိုဖုကု)

蝸牛ネジ巻まみむめも ( まいまい ねじまき まみむめ)
ခရုကောင်လေး ခွေရစ်လိပ် မမိမုမဲမို့ (မအိမအိ နယ်ဂျိမာကိ မမိမုမဲမို့)
梅の実落ちても見もしまい ( うめのみ おちても みもしまい )
တရုတ်ဇီးသီး ကြွေကျလဲ ကြည့်လဲမကြည့်ဘူး။ (အုမဲနိုမိ အုချိတဲ့မို မိမိုရှီမအိ)

焼栗茹栗やいゆえよ ( やきぐり ゆでぐり やいゆえよ )
သစ်ချသီးကင် သစ်ချသီးပြုတ် ယအိယုအဲယို့ (ယကိဂူရိ ယုဒဲ့ဂူရိ ယအိယုအဲယို့)
山田に灯のつくよいの家 ( やまだに ひのつく よいのいえ )
တောင်ယာခင်းထဲ မီးအိမ်လင်းဖြာ နှစ်သက်ဖွယ်အိမ်ပါ။ (ယမဒနိ ဟိနိုစွတ်ကု ယောအိနိုအိအဲ)

雷鳥は寒かろらりるれろ ( らいちょうは さむかろ らりるれろ )
မိုးကြိုးငှက်က ချမ်းတတ်မယ်ထင့် လလိလုလဲလို့ (လအိချောဝါ စာမုကရိုး လလိလုလဲလို့)
蓮花が咲いたら瑠璃の鳥 ( れんげが さいたら るりのとり )
ကြာပန်းဝေဖြာပွင့်ပါက မဲနယ်ရောင်ငှက်အလား။ (လန်းဂဲဂ စအိတရ လူရိနိုတိုရိ)

わいわいわっしょいわゐうゑを ( わいわい わっしょい わいうえを )
ဝူးဝူးဝါးဝါး ဝေးလားဝါးလား ဝအိအုအဲအို့ (ဝအိဝအိ ဝတ်ရှော့အိ ဝအိအုအဲအို့)
植木屋井戸換えお祭りだ ( うえきや いどがえ おまつりだ)
ဥယျာဉ်မှူးက ရေတွင်းဖော် ပွဲတော်ပါလား။ (အုအဲကိယ အိဒိုဂအဲ အိုမာစွတ်ရိဒ)

"ふ"က Fu လို့ "F-သံ"၊ "らりるれろ"က "ရ/လ-သံ"ရော "R-သံ"ပါ နှစ်မျိုးလုံး ရှိပါတယ်။ မြန်မာလိုတော့ အဆင်ပြေတဲ့ အသံထွက်နဲ့ ရေးလိုက်တယ်။ "わゐうゑを"က "ゐ"နဲ့"ゑ"က စာလုံးအနေနဲ့ ရှိပေမယ့် တကယ်အသုံးမပြုပါဘူး။ အသံငါးဆယ်ပြည့်အောင် ဖြည့်ထားတာပါ။ လေ့လာနိုင်အောင် "ဟီရငန"ဇယားပါ တွဲပြီးတင်လိုက်ပါတယ်။



Read More...

  © Blogger templates The Professional Template by Ourblogtemplates.com 2008

Back to TOP