Showing posts with label ဘာသာပြန်. Show all posts
Showing posts with label ဘာသာပြန်. Show all posts

Tuesday, May 11, 2010

ရွက်ကြွေ


အသက် (၇၇)နှစ်ရှိပြီဖြစ်တဲ့ အမေက စက္ကူအိတ်အကြီးကြီးကို လက်၂ဖက်နဲ့ ကိုင်ပြီး အခန်းထဲက ထွက်လာတယ်။
"အမေ ဘယ်သွားမလို့လဲ" (၄၇)နှစ်အရွယ် သမီး 'တာကဟာတကဲ ဖုမိကို' က မေးလိုက်တယ်။
"မြန်မြန်ပြန်မှဖြစ်မယ်၊ မနက်ဖြန် အောင်သွယ်တွေ့ပွဲ မမှီဘဲ နေလိမ့်မယ်"လို့ ငိုမလိုမျက်နှာနဲ့ အမေက ပြန်ဖြေတယ်။
"အောင်သွယ်ပွဲ! ဘယ်သူ့အတွက်လဲ?"
"ငါ့အတွက်လေ"
"ဘယ်အထိပြန်မလို့လဲ?"
"မီတိုကလွဲလို့ ဘယ်ရှိရမှာလဲ"
"မီတိုမှာ အိမ်မရှိတော့ဘူးလေ အမေ၊ အမေ့အိမ်က ဒီမှာလေ"
ပြောရင်းနဲ့ ဖုမိကိုက အမေ့လက်ထဲက အိတ်ဆီ လက်လှမ်းလိုက်တယ်။ အမေက ကိုယ်ကို ယို့ပြီးရှောင်လိုက်တာ အရှိန်လွန်ပြီး အိမ်အဝင် တခါးဝနဲ့ ဒုန်းကနဲ တိုက်မိသွားတယ်။ အသံကြောင့် အပေါ်ထပ်က ကလေးတွေ ပြေးဆင်းလာကျတယ်။ တခါးနဲ့တိုက်မိသွားတဲ့အဖွားကို သားက ပွေ့ချီလိုက်တဲ့အခါ 'လွှတ်'လို့ အကြောက်အကန် အော်တော့တယ်။
"အဖွား ဘယ်လိုဖြစ်တာလဲ" ဆိုပြီး သမီးငယ်က ငိုပါရော။

တယောက်ထဲ မီတိုမှာ နေနေတဲ့ အမေ့ကို အိမ်ခေါ်လာပြီး နောက်တရက်ညနေမှာ ခုလိုဖြစ်တာပါ။ နောက်နေ့တွေမှာလဲ ညနေရောက်လာရင် အမေက မီတိုကို ပြန်မယ်ဆိုပြီး သောင်းကျန်းပါတယ်။ ဆေးရုံခေါ်သွားပြီး စစ်ကြည့်တဲ့အခါမတော့ အယ်လ်ဇိုင်းမားအမျိုးအစား သတိမေ့ရောဂါလို့ သိရတယ်။ တဖြည်းဖြည်း ပိုဆိုးလာဖို့ အလားအလာများတယ်လို့ ဆရာဝန်က ပြောလာတော့ ဖုမိကိုတယောက် ရှော့ခ်ရပြီး ဘာပြန်ပြောရမှန်း မသိရလောက်အောင်ပါဘဲ။

အမေက တနေ့လုံး မေးခွန်းတွေ မေးတယ်။ "ငါ့သမီးက နင့်အပြင် ဘယ်သူရှိသေးလဲ" "ငါ့ပိုက်ဆံအိတ် တွေ့မိလား" "မနက်ဖြန် နေသာမှာလား" ....
ဘယ်လောက် ပြန်ဖြေပါစေ ခနနေရင် မေ့သွားတာမို့ ဒီမေးခွန်းကိုဘဲ ထပ်တလဲလဲ မေးပြန်တယ်။
ကလေးတွေရဲ့ ထမင်းဘူးကိုဖွင့်ပြီး ဟင်းတွေ နှိုက်စားတတ်တယ်။ သွားတုမှာကပ်နေတဲ့ စားကျွင်းစားကျန်တွေကို ပြတင်းမှန်တွေ လိုက်ကာတွေ တခါးတွေမှာ သုတ်တတ်လို့ အလစ်မပေးရဲလောက်အောင်ပါဘဲ။ ဖုမိကိုက အိမ်သာတက်ချင်ယင်တောင်မှ တခါးကိုဖွင့်ပြီး အမေ့စကတ်စကိုဆွဲလို့ ကိစ္စပြီးရပါတယ်။ မနက်သုံးကြိမ် နေ့လည်းသုံးကြိမ် ညနေသုံးကြိမ် ထမင်းစားတယ်။ အဲဒီကြားထဲမှာတောင် ထမင်းကျွေးပါလို့ အကြိမ်ကြိမ် ပြောပြန်တယ်။

တမနက်မှာ အမေ့အခန်းကို ချောင်းကြည့်မိတော့ ပခုံးလှုပ်ပြီး တရှုံ့ရှုံ့ငိုနေတာ တွေ့ရတယ်။ တကယ့် ကလေးငယ်တယောက်လိုပါဘဲ။ ဘာရယ်မဟုတ် ဖုမိကိုလဲ "ကန်းချန် မဟုတ်လား"လို့ အသံပြုလိုက်တယ်။
အမေက နောက်လှည့်ကြည့်ပြီး "အိမ်ရှင်မ ဘယ်လိုလုပ်ပြီး ငါ့ငယ်နာမည်ကို သိတာလဲ"လို့ မေးလာတယ်။
"သိတာပေါ့။ အီဘာ့ရကိခရိုင်ဘက်မှာ ချစ်စရာကောင်းတဲ့ ကလေးငယ်တွေကို ကန်းချန်လို့ ခေါ်ကြတယ်မဟုတ်လား"
"အိုး တယ်သိပါလား" အမေ့မျက်နှာက ချက်ချင်း ရွှင်လန်းသွားတယ်။
အရင်တုန်းက အမေကို ငယ်ငယ်က အိမ်မှာ ကန်းချန်လို့ခေါ်တယ်ဆိုတာ ကြားဖူးခဲ့တယ်။
အမေ့ကို ဒီလိုမလုပ်နဲ့လို့ ဆူမိပြောမိတာထက် အမေ့ရဲ့ အသိအတိုင်း အလိုက်သင့်လေး နေသွားကြည့်ရင် ဘယ့်နှယ့်နေမလဲလို့ ဖုမိကို တွေးမိတယ်။

အဲဒီနေ့ရဲ့ ညနေဖက်မှာလည်း အမေက မီတိုကို ပြန်မယ်လို့ ပြောပြန်ပါတယ်။
"ကန်းချန် အမြန်ပြန်ချင်နေပုံဘဲနော်"လို့ ဖုမိကိုက အပြုံးမျက်နှာနဲ့ ပြောလိုက်တယ်။
"အိမ်ကမိသားစုလဲ မနက်ဖြန် လင်းတဲ့အခါကျ မီတိုကို ပြန်ကြမလို့"လို့ ဖုမိကိုက လိမ်ပြောလိုက်တယ်။
"ဟယ် အဲဒါဆို မြန်မြန်ပြောရောပေါ့၊ အတူလိုက်မယ်လေ။ ဒီည ဒီမှာတည်းရင် ရတယ်မဟုတ်လား"
"ရတာပေါ့ ဒီမှာ အတူတည်းရအောင်"လို့ ပြန်ဖြေတဲ့အခါမှာတော့ အမေက ဝမ်းသားပြီး ရီတယ်။
နေ့တိုင်း ဒါကို ထပ်ခါ ထပ်ခါ ပြောပေးရင် ရပြီ၊ ကိစ္စမရှိလောက်ဘူးလို့ ဖုမိကိုက အမေနဲ့ ဘယ်လို ပြောဆိုရမယ်ဆိုတာကို သဘောပေါက်လာတယ်။


အိမ်ရှေ့ ကန်ဘောင်ရိုးပေါ်မှာ မရိုးပင် ဆာခူရာ စတဲ့ အပင်ကြီးတွေ ရှိပါတယ်။ ဆောင်းဦးဝင်တဲ့အခါ ရွက်ခြောက်တွေ ကြွေတာမို့ ဒီအတိုင်း ထားထားရင် လမ်းမကို မမြင်ရလောက်အောင် ရွက်ကြွေတွေနဲ့ ဖုံးနေတတ်တယ်။ ဒီအိမ်ရောက်ရောက်ချင်း အမေက ပထမဦးဆုံးလုပ်တာက တံမြက်စည်းလှည်းတာပါ။ မတ်တပ်လှဲ တံမြက်စည်းနဲ့ လှည်း၊ အမှိုက်ဂေါ်နဲ့ ကော်ပြီး ပလတ်အတစ်အမှိုက်အိတ်ထဲ ထည့်ပါတယ်။ ရွက်ကြွေတွေကို မြင်တာနဲ့ အမေက တံမြက်စည်းနဲ့ အမှိုက်ဂေါ်ယူခဲ့လို့ ပြောတော့တာဘဲ။ ကြည့်ရတာတော့ ရွက်ကြွေတွေကို လှည်းရတာ အတော်သဘောတွေ့ပုံရတယ်။ အမေ တံမြက်စည်းလှည်းနေရင် ဖုမိကိုလဲ ခဏတဖြုတ် အနားယူလို့ ရတော့တယ်။

ဟုတ်ပြီ! ဆိုပြီး ဖုမိကို အကြံရသွားတယ်။ ရွက်ကြွေတွေကို အိတ်နဲ့ ထည့်သိမ်းထားရမယ်။ ပြီးရင် အိမ်ရှေ့မှာ ကျဲထားရင် ဘယ်လိုများ နေမလဲဆိုပြီး စမ်းကြည့်မိတယ်။ အမေက ဝမ်းသာအားရနဲ့ ရွက်ကြွေတွေကို လှည်းတော့တာဘဲ။ မနက်တကြိမ် ညနေတကြိမ် နေ့စဉ်အလုပ်လိုမျိုး မှန်မှန်လှည်းတယ်။ နေရောင်နဲ့လဲ ထိတွေ့ဖြစ် သင့်တော်တဲ့ ကိုယ်လက်လှုပ်ရှားမှုလဲ ဖြစ်တာမို့ အမေက နှစ်နှစ်ခြိုက်ခြိုက် အိပ်ပျော်တတ်လာတယ်။

အိမ်နီးနားချင်းတွေက အမေနဲ့အတူ မီးပုံပွဲလုပ်ပြီး ကန်စွန်းဥတွေ ဖုတ်စားကြတယ်။ အမေက ကာရန်လိုက်ကဗျာတွေ ရွတ်တဲ့အခါ အားလုံးက သဘောတကျ ရီကြတယ်။ အမေက ဒီလိုရီစရာတွေလဲ ပြောတတ်ပါလားလို့ ဖုမိကို တွေးမိပြီး ဟိုးအရင် ငယ်ရွယ်စဉ်က ရွှင်လန်းတက်ကြွနေတဲ့ အမေ့ရဲ့ အသွင်အပြင်ကို မြင်ယောင်မိလာတယ်။ ညဘက်မှာ အမေ့ရဲ့ သွားတုကို ဆေးကြောလို့ ခွက်ထဲ ထည့်ရင်း စောင်ခြုံထားတဲ့ အမေ့ဘက်လှည့်လို့ ခွက်ကိုပြရင်း "သွားတု ဒီထဲမှာနော်။ အမေ ဒီမှာအမြဲနေနော်"လို့ ပြောတဲ့အခါ အမေက အိပ်ချင်မူးတူးနဲ့ "သမီးက စိတ်ရှည်ရင် ပြီးတော့ ပိုက်ဆံလည်း ရှိရင်"လို့ ပြန်ပြောတယ်။ နောက်နေ့ကျ မေ့သွားပြန်တာမို့ ညတိုင်း ဒီလို ထပ်ခါ ထပ်ခါ ပြောဖြစ်တယ်။ ညတိုင်း အမေက ပျော်နေပြီး "သမီးက အတော်စိတ်ဝင်စားဖို့ကောင်းတဲ့သူဘဲ"လို့ ပြောရင်း ရီတတ်တယ်။

တဘက်ရဲ့ အနားစ ချုပ်ရိုးပြေနေတာကို တွေ့တဲ့အခါ အမေက အပ်ချည်နဲ့ အပ် ယူလာခဲ့လို့ ပြောတယ်။ ပေးလိုက်တော့ တဘက်အနားစကို သေသပ်သွားအောင် ပြန်သီပေးတယ်။ အချုပ်အလုပ်ကလဲ အမေ့အတွက် စိတ်ဝင်စားတဲ့အရာဘဲလို့ သဘောပေါက်မိတယ်။ ဟောင်းလာတဲ့ အဝတ်စတွေကို စုပြီး အဝတ်စုတ်တွေ ချုပ်ပေးတယ်။ အမေ အချုပ်အလုပ်မှာ စိတ်နစ်နေတဲ့အချိန်မတော့ ဖုမိကိုလည်း အမေ့ဘေးနားမှာမှာ ခဏတဖြုတ်လှဲပြီး အနားယူလာနိုင်တယ်။ မှေးခနဲ အိပ်ပျော်သွားမိရာက ဖျတ်ခနဲ နိုးလာမိတယ်။
အမေက "အိမ်ရှင်မဆိုတာ ပင်ပန်းတယ်။ အမျိုးသား ပြန်မရောက်ခင် ခဏတဖြုတ်နားနေချေ" ဆိုပြီး အမေက စောင်ခြုံပေးလာတဲ့အခါမှာတော့ မျက်ရည်တွေတောင် ဝေ့တက်လာမိပါတယ်။


ခုနှစ်နှစ်ဆက်တိုက် အမေအိုကို ပြုစုခဲ့တယ်။ အဲဒီနှစ်တွေထဲ နှောင်းပိုင်းထက်ဝက်လောက်မှာ သူမမိခင်က အရိုးကျိုးပြီး အားနည်းလာခဲ့တယ်။ နောက် ဆေးရုံမှာ ဆုံးပါးသွားခဲ့ပါတယ်။ အဲဒီအချိန်ကနေ ၁၀နှစ်ကြာပြီးနောက် "ဖူမိကို"လည်း အသက်၆၃နှစ် ပြည့်ခဲ့ပြီ။

ဒီနေ့ သူမနဲ့ ကျမ သူမမိခင်နဲ့အတူ လမ်းလျှောက်နေကျ မြစ်ကမ်းဘေးဘောင် လမ်းလေးကို လမ်းလျှောက်ကြတယ်။ နှစ်ယောက်အတူ ယှဉ်လျှောက်နိုင်ရုံ လမ်းကလေးပါ။ မြင့်မားစိမ်းလန်းတဲ့ သစ်ပင်တွေ လမ်းတလျှောက် ပေါက်ရောက်နေပါတယ်။ မြစ်ကမ်းဘေးလမ်းကလေးရဲ့ တဖက်မှာတော့ အလယ်တန်းကျောင်းရဲ့ ကျောင်းကစားကွင်းရှိပြီး ကာယလေ့ကျင့်ခန်းအသင်းအဖွဲ့ရယ် ဘေ့စ်ဘောအသင်းအဖွဲ့ရယ်က ကျောင်းသူကျောင်းသားတွေ လေ့ကျင့်နေပါတယ်။
"ဒီနားရောက်ရင် အမေကလေ" သူမက ရီတယ်။
"အလယ်တန်းကျောင်းသူကျောင်းသားတွေကို 「ကြိုးစားထား~~」လို့ အော်ပြောလေ့ရှိတယ်လေ"
"ကျောင်းသူကျောင်းသားတွေရဲ့ တုန့်ပြန်မှုကရော ဘယ်လိုလဲ" ကျမက မေးလိုက်တယ်။
"အားလုံး အသံအကျယ်ကြီးနဲ့ လေ့ကျင့်နေကြတာ။ မကြားနိုင်ဘူးလေ"

ဟိုဟိုဒီဒီ မြေပြင်ပေါ်မှာ သစ်မြစ်တွေ ထွက်နေလို့ ခွကျော်မသွားလို့ မရပါဘူး။ သူမမိခင် လမ်းလျှောက်ရတာ အတော်ခက်ခဲမယ်လို့ တွေးမိတယ်။ တကယ်တော့ ကျမမှာလည်း သက်ကြီးရွယ်အို မိဘတွေ ရှိပါတယ်။ အဲဒီအခါကျရင် ပြုစုစောင့်ရှောက်တာ မလုပ်လို့ မရတော့ဘူးထင်ပါရဲ့။


"ထမင်းစားပြီးရုံရှိသေးတယ် နောက်ထပ်စားချင်တယ်လို့ပြောလာရင် ဘယ်လိုဖြေမလဲ" ကျမက မေးလိုက်တယ်။
" 「ခုနလေးတင် စားပြီးတာမဟုတ်လား။ ဟင်အင်းနော်။ ဘာစားချင်လို့လဲ」 လို့ မေးကြည့်လိုက်တယ်။ အမေက 「ရွှေဖရုံသီး」လို့ ပြန်ဖြေတယ်လေ။ 「မရှိလို့ သွားဝယ်လိုက်မယ်နော်」လို့ ပြန်ပြောလိုက်ရင် 「အင်း」တဲ့၊ အဲလိုနဲ့ ပြီးသွားရော။ ဒါပေမယ့် နောက်တစ်မိနစ်နေရင် ထပ်ပြောပြန်ရော 「ဗိုက်ဆာတယ်」တဲ့။" သူမက ရီလိုက်တယ်။ "ဒီလောက်ခဏခဏပြောတာကို ရေထားတဲ့အခါတွေ ရှိတယ်။ ကလေးတွေကိုလည်း ဒီနေရာမှာ အမှတ်နဲ့ ခြစ်ထားပြီး မှတ်နော်လို့ မှာထားတယ်။ ရေကြည့်တဲ့အခါ တနေ့ကို ၃၉ကြိမ် ပြောတယ်"
"ဟယ်! ၃၉ကြိမ်တောင်၊ အကြိမ်တိုင်း ပြန်မဖြေလို့ မရဘူးလား" ကျမအသံက ကျယ်သွားတယ်။
"အလုပ်ရှုပ်တယ်ဆိုပြီး အဲဒါကို မိသားစုတွေက စိတ်တိုမယ့်အစား ဒီနေ့က ၁၈ကြိမ်ဘဲရှိသေးတယ်လို့ဖြစ်ဖြစ်တွေးလိုက်ရင် ပျော်စရာကောင်းလာတယ်ရော"
သူမပြောတာကို နားထောင်ပြီး ကျမလည်း လုပ်နိုင်မယ်လို့ ထင်လာမိတယ်။
အေးမြမြလေပြေက တိုက်ခတ်လာတယ်။ သစ်ရွက်တွေအချင်းချင်း ပွတ်တိုက်သံ တရှဲရှဲက လွင့်ပျံ့လို့။


"အမေအိုကို ပြုစုတာကနေ ရလိုက်တာက ဘာများလဲ" ကျမက မေးလိုက်တယ်။
"အင်းမ်..." သူမ စဉ်းစားနေတယ်။
"ကိုယ့်ကိုယ်ကို ကျေနပ်အားရတာ ထင်တယ်"
"ဟင်?" ကျမက သဘောမပေါက်တာကို ကြည့်ပြီး သူမက ဒီလို ထပ်ပြောတယ်။
"သတိတရဖြစ်နေတာက ပျော်ရွှင်နေတဲ့ အမေ့မျက်နှာကိုဘဲ၊ ကျေနပ်စရာ ကောင်းလိုက်တာလို့ တွေးမိတယ်။ စိတ်ညစ်ပင်ပန်းရတာတွေကို မေ့သွားတယ်"

ကြီးမားတဲ့ "ဆာခူရာ"ပင်အောက်ကို ရောက်လာခဲ့တယ်။ အစိမ်းရောင် သစ်ရွက်တွေက အခုံးပုံ ပုံပေါ်နေပါတယ်။ ထိုင်ခုံတန်းရှိလို့ ကျမတို့ ထိုင်လိုက်ကြတယ်။
"ဆာခူရာတွေ ဝေတဲ့အချိန်မှာ ဒီမှာထိုင်ပြီး နှစ်ယောက်သား ငှက်ပျောသီးစားခဲ့တယ်" သူမက ကျမကို ကြည့်ပြီး ရီတယ်။
"အဲဒီအခါ အမေကလေ 「ဖူမိကို ဆာခူရာပန်းကြည့်ပွဲဆိုပြီး အိုဆကဲရော」 တဲ့"
ဖူမိကိုက ပြောရင်းနဲ့ မျက်တောင် တဖျက်ဖျက်ခပ်လို့ ဆာခူရာပင်ကို မော့ကြည့်နေပါတော့တယ်။



အရင်က ရေးခဲ့ဘူးတဲ့ ကြယ်တွေကို ရေတွက်ရင်းဆိုတဲ့ ဘာသာပြန် ပို့စ်ကို ပထမပိုင်းနဲ့ ပေါင်းပြီး ပြန်တင်လိုက်တာပါ။

Read More...

Friday, April 3, 2009

ချစ်သဝဏ်လွှာ(၂)


တဖတ်သက်အချစ်ရဲ့ စာလွှာ

အချစ်ဦးက မူကြိုကျောင်းတုန်းကပေါ့။ "အခဲမိ"လို့ခေါ်တဲ့ ကောင်မလေးပါ။းD ကြိုက်နေတာကို သူများတွေ သိမှာစိုးလို့ ကောင်မလေး တခြားနေရာ သွားနေတဲ့အခါမျိုးမှာ "ဒီကောင်မလေး နဲနဲမှ ချစ်စရာမကောင်းဘူး"လို့ ပြောခဲ့တယ်။ ပြိုင်ဖက်တွေ ပေါ်လာမှာ ကြောက်လို့များလား မသိတော့ပါဘူး? တော်တော် အကျင့်ဆိုးတဲ့ ကလေးဖြစ်ခဲ့မယ်ထင်တယ်။းD

ဒါပေမယ့် တွေးကြည့်လိုက်ရင် ကျနော် ကြိုက်မိတဲ့ ကောင်မလေးကို သူငယ်ချင်းတွေ သိမှာစိုးလို့ အဲလိုလုပ်ဖြစ်ခဲ့တယ်ဆိုတာ သတိထားမိတယ်။ ကျောင်းသားဘဝတုန်းက သူငယ်ချင်းအိမ်မှာစုပြီး ဘယ်သူက ဘယ်သူ့ကိုကြိုက်တယ်ဆိုတာမျိုး ပြောခဲ့ဖူးတယ်ဟုတ်လား။ ဒါပေမယ့် ကျနော်တယောက်ဘဲ ကြိုက်နေတဲ့ ကောင်မလေးရှိလည်း "မရှိဘူး"လို့ လိမ်ပြောခဲ့တယ်။


"ဒီကောင်မလေးကို ကြိုက်တယ်ကွာ"လို့ ပြောတဲ့ သူလည်း ရှိပေမယ့် ဒါဟာ ကောက်ကျစ်တာလို့ တွေးမိတယ်။ တဖက်သတ်ကြီး ကောင်မလေးကို လက်ဝါးကြီးအုပ်ထားသလို ဖြစ်နေတယ်မဟုတ်လား။ တကယ်လို့ သူနဲ့အပြိုင် အဲဒီကောင်မလေးကို ကြိုက်ခဲ့မယ်ဆိုရင် "သူငယ်ချင်းက ဒီကောင်မလေးကို ကြိုက်တယ်လို့ပြောထားတာကြီးဆိုတော့ ငါလည်း ကြိုက်တယ်လို့ မပြောရဲတော့ဘူး"လို့ တွေးပြီး ဘာမှမစခင် အဲဒီကောင်မလေးက ကိုယ့်အတွေးထဲက ချစ်သူဖြစ်လာဖို့ကနေ လွဲချော်သွားမှာလေ။ ဒါမျိုးကို မကြိုက်တာမို့ ဖွင့်မပြောဖြစ်တာလား မသိပါဘူး။

ဒါပေမယ့် ကျနော်က ဘာလို့လဲမသိ ကံကောင်းတယ် ပြောရမယ်။ ပထမဦးဆုံး ဗယ်လင်တိုင်းချော့ကလက်ကို အချစ်ဦးဖြစ်တဲ့ "အခဲမိ"ဆီက ရခဲ့တယ်။ အဲဒါက မူလတန်း တတိယနှစ် ကျောင်းသားဘဝတုန်းကပါ။ ဘာပြန်ပေးရမလဲ မသိလို့ အမေ့ကို ဘီစကစ် မှာလိုက်ပြီး ဘီစကစ်နဲ့အတူ စာကို ပေးဖြစ်လိုက်ခဲ့တယ်။ "ကျေးဇူးတင်ပါတယ်။ ကျနော်လည်း ကြိုက်ပါတယ်"ဆိုတာမျိုး ရေးပေးလိုက်တယ်ထင်တယ်။

တစိမ်းတယောက်ကို ကြိုက်တယ်လို့ ရေးပေးဖြစ်တာ အဲဒါက ပထမဦးဆုံးပါ။ ကျနော့အနေနဲ့ ဘဝမှာ ပထမဦးဆုံး ရည်းစားစာ ဖြစ်ခဲ့ပါတယ်။

*****


ချိုမြိန်တဲ့စကား

'တာ့တာ'လို့ လက်ပြနှုတ်ဆက်တဲ့အချိန်မှာ 'နောက်တွေ့တာပေါ့နော်'လို့ တိုးတိုးသာသာလေးပြောတတ်တဲ့ နင့်ကို အရမ်း~ အရမ်း~ အရမ်း~ အရမ်းချစ်နေမိတာကို ကိုယ့်ဘာသာ သတိထားမိတယ်။ ခွဲနေရတဲ့အချိန်ထက် ခွဲခွါရတော့မယ့်အချိန်လေးမှာ ငါ နင့်ကိုချစ်မိတဲ့ အချစ်တွေ မြတ်နိုးရတာတွေကို ပိုပြီး ပြင်းပြင်းထန်ထန် ခံစားရတယ်။ ချစ်တယ် အရမ်းချစ်တယ်ဟာ...

*****


ချစ်သူဆီသို့ စာသဝဏ်

နှစ်ရှည်လများ ချစ်လာခဲ့တဲ့ ချစ်သူအတွက် ကျနော် ရည်းစားစာ ရေးပါမယ်။ စာထဲက အကြောင်းအရာက တကယ့်ကို သာမန်ရိုးရိုး နေ့စဉ်အဖြစ်အပျက်တွေပါ။ ဒီနေ့ အတူလမ်းလျှောက်ထွက်ရတာ ပျော်လိုက်တာတို့၊ မင်းလေးလက်ရာ ထမင်းဟင်းတွေ စားလို့ကောင်းလိုက်တာတို့၊ နောက်တကြိမ် အဲဒီကို အတူသွားကြစို့တို့၊ မင်းလေးနဲ့ အတူရှိနေတဲ့နေ့တွေက စိတ်ချမ်းသာလိုက်တာတို့ စတာတွေကို ခပ်တိုတိုစာသားတွေနဲ့ ရေးတယ်။ ကျနော့အတွက် ရည်းစားစာဆိုတာ အချစ်တွေကို သိစေဖို့ နည်းလမ်းပါ။

အရမ်းကို စာရေးချင်စိတ်ဖြစ်တာက ချစ်သူနဲ့ တွေ့ပြီး ခွဲရတဲ့အချိန်။ 'အင်း... နောက်တွေ့တာပေါ့နော်'လို့ နှုတ်ဆက်ပြီး ခွဲလာတဲ့အခါမျိုးမှာ ပြင်းပြင်းထန်ထန် စာရေးချင်စိတ်တွေ ဖြစ်ဖြစ်လာလို့ ချက်ချင်း mail ပို့တာတွေ၊ FAXနဲ့ စကားလုံးတွေ ပုံလေးတွေ ပို့တာမျိုး လုပ်မိတယ်။ စာရေးပြီး ချိပ်ပိတ်ပြီး လိပ်စာမရေးဘဲ နောက်တကြိမ် ချစ်သူနဲ့ တွေ့တဲ့အခါ သူမမသိအောင် handbagထဲ တိတ်တိတ်လေး ထိုးထဲ့ထားလိုက်တယ်.... အတော်အေးတိအေးစက် နိုင်တယ်နော်။:D

ဒါပေမယ့် ကိုယ်တကယ်ချစ်ရတဲ့သူနဲ့ ချစ်သူတွေဖြစ်နေပြီးပြီဘဲဆိုပြီး ရည်းစားစာ ရေးမပေးတော့တာမျိုးကတော့ တဖြည်းဖြည်း အနမ်းမပေးချင်တော့တာမျိုးနဲ့ တူလာတယ်လို့ ထင်တယ်။ ကျနော်က "အချစ်"ကို ကျင့်သားရလာတာမျိုးတွေ ရေသာခိုလာတာမျိုးတွေ မလုပ်ချင်ဘူး။

တကြိမ်လက်ဝယ်ရပြီးပြီဆိုပြီး ဒီအတိုင်းနဲ့ ပြီးသွားရောလား? အဲလိုမဖြစ်သင့်ဘူး မဟုတ်လား။ ချစ်မြတ်နိုးတယ်ဆိုတာ အတူတူ စချစ်ကြတဲ့အချိန်က ကြည်နူးစရာကောင်းတယ်လို့ ကျနော်က ပြင်းပြင်းထန်ထန် ယုံကြည်တဲ့အတွက် ချစ်သူကို သေသေချာချာ အနမ်းပေးတာ၊ သေသေချာချာ ရည်းစားစာ ရေးပေးတာမျိုး ဖြစ်ချင်မိတယ်။ သေချာတာပေါ့! စချစ်တဲ့ အချိန်လောက်လေးမဟုတ်ဘဲ နှစ်တွေဘယ်လောက်ကြာကြာ ဒီလိုမျိုး လုပ်သွားချင်တယ်။

လက်ထပ်ပြီး နေ့ရက်နှစ်လတွေ ကုန်လွန်တဲ့တိုင် ကိုယ့်ရဲ့ ချစ်ရသူအိမ်ထောင်ဖက်ကို မပျက်မကွက် ရည်းစားစာ ရေးပေးနေနိုင်တယ်ဆိုရင်တော့ ဒါဟာ အကောင်းတကာ့ အကောင်းဆုံး ဂန္ထဝင်မြောက်တဲ့ ချစ်ချင်းပါပဲ။

*****


"ဘယ်လိုဖြစ်လို့ပါလိမ့်!!!"

"ဘယ်လိုဖြစ်လို့ပါလိမ့်! ဒီလောက် အတူတူရှိနေတာတောင်၊ ဒီနေ့တောင် အတူတူရှိနေရဲ့သားနဲ့၊ မနက်ဖြန် တွေ့ရမယ်ဆိုတာကို တွေးမိလိုက်ရင် ရင်တုန်လာပြီး နေလို့ထိုင်လို့ကို မရချင်တော့ဘူး.... ဘယ်လိုဖြစ်လို့ပါလိမ့်!!!"

*****


ထာဝရအမြဲ ချစ်ရသူအတွက် စာသဝဏ်

ဒါက ကျနော် "ဖူကူအိုကာ"မှာ တက္ကသိုလ်တက်နေတုန်းက အကြောင်းပါ။ အတော်ခင်တဲ့ သူငယ်ချင်း မိန်းကလေးက သူတဖက်ချစ်နေရသူကို ဖွင့်ပြောရကောင်းနိုး ဘယ်လိုလုပ်ရမှန်းမသိဘဲ ခံစားနေရတုန်းကပေါ့။ အဲဒါကို သိပ်စကားများတဲ့ ယောက်ျားလေးတယောက်က အဲဒီမိန်းကလေးကို "ဘာဖြစ်ဖြစ် ပထမဆုံး ဖွင့်ပြောလိုက်။ အဲလိုဆို ပြန်လက်ခံတာဖြစ်ဖြစ်၊ မပြောကောင်း မဆိုကောင်း အငြင်းခံရတာဖြစ်ဖြစ်၊ ဘာဖြစ်ဖြစ်လေ စိတ်ထဲ ပေါ့သွားမှာပေါ့" လို့ ပြောလိုက်တယ်။

ဒါကိုကြားပြီး ကျနော်က အရူးလားလို့ ထင်လိုက်မိတယ်။ ကြိတ်ဆွေးနေ ပူလောင်ခံစားနေရတဲ့ တဖက်သတ်အချစ်စိတ်ကို 'စိတ်ပေါ့ပါးသွားဖို့အတွက်နဲ့' ဖွင့်ပြောလိုက်တာမျိုး မဟုတ်ဘူးလေ၊ 'ပြန်ချစ်စေချင်လို့' ဖွင့်ပြောရတာ မဟုတ်လား။ အဲဒီကောင်က သူ့အတွေးနဲ့ မိန်းကလေးကို လျှောက်လုပ်ခိုင်းပြီး တကယ်တော့ သူကိုယ်တိုင် စိတ်ပေါ့ပါးချင်တာမျိုးလို့ ထင်မိတယ်။

ချစ်သဝဏ်လွှာလည်း အတူတူဘဲ။ စိတ်ပေါ့ပါးစေရုံသက်သက် ပေးတာမျိုးက မဟုတ်သေးဘူး။ ချစ်လို့ အသိပေးရုံလောက်နဲ့ မဖြစ်သင့်ဘူး၊ တကယ့်ကို နှစ်နှစ်ကာကာချစ်မိလို့ ပြန်ချစ်စေချင်လို့ ပေးရတာမျိုးလေ။

ဒါနဲ့ "ဘယ်လိုဖြစ်လို့ပါလိမ့်!!!"ဆိုတဲ့ စာဆိုရင် တဖက်သတ်အချစ်နဲ့ ကြိတ်ခံစားနေရတာကို ဖွင့်မပြောခင်လိုမျိုး ဖတ်ရတယ် မယ်ဟုတ်လား။ တကယ်တော့ ဒါဟာ တော်တော်ကြာကြာ ချစ်သူတွေဖြစ်ပြီးသား သူတွေရဲ့စိတ်နဲ့ ရေးထားတာပါ။

ဥပမာ ကြာရှည်ချစ်သူတွေ ဖြစ်လာပြီးပေမယ့်လည်း အဲလို အမြဲတမ်း တဖက်သတ်အချစ်လို ခံစားချက်နဲ့ ရင်ခုန်တာတွေ၊ လွမ်းရတာတွေ၊ တွေ့ချင်စိတ်ပြင်းပြင်းပျပျဖြစ်တာတွေ စတဲ့ ခံစားမှုမျိုးနဲ့ ချစ်သဝဏ်လွှာကို ရေးမယ်ဆိုရင် ဒီအချစ်ဟာ ကြိမ်းသေ အကြာကြီး အဓွန့်ရှည်မှာလို့ ကျနော်ကတော့ ယုံကြည်တယ်။

*****


Diamond

"ချစ်တယ်" ... နင်က ဒီစကားလုံးကို ငြီးငွေ့သွားမှာစိုးလို့ ရင်ထဲမှာဘဲ ငါလေ အဲဒီစကားကို အကြိမ်ကြိမ် ပြောနေမိတယ် ... "ချစ်တယ် .... ချစ်တယ်"... တကယ်တော့ ဘယ်နှစ်ကြိမ်ဖြစ်ဖြစ် ဘယ်နေရာဖြစ်ဖြစ် ငါဖွင့်ပြောချင်တာကို ကြိတ်မှိတ်ပြီးနေခဲ့တာ။ ဒါကြောင့် နင် အရင် အိပ်ချင်လာပြီး ငိုက်မျဉ်းနေတဲ့အခါကျမှ ငါက ဒီစကားကို ပြောဖြစ်တယ်... "ချစ်တယ် ..... သိလား.... ချစ်တယ်ဆို..." ငါလေ နားရွက်နားကပ်ပြီး တိုးတိုးလေး အကြိမ်ကြိမ်ပြောမိတယ်.... "ချစ်တယ်.... ချစ်တယ်"...


*****


Read More...

Thursday, April 2, 2009

ချစ်သဝဏ်လွှာ


ချစ်သူထံ၊ သူငယ်ချင်းထံ၊ မိသားစုထံ ပြီးတော့ ကြိုးစားနေတဲ့သူများထံသို့.........
ချစ်ခင်သူများထံ အကြောင်းအမျိုးမျိုးကို ပြောပြချင်လို့ ကျနော် စာတွေအများကြီး ရေးလိုက်ပါတယ်။

*****


ဇာတ်ဆောင်မိတ်ဆက်

"ပူး" - အသက် တနှစ်။ စာသယ်ပေးတဲ့ မျှားနတ်မောင်။ "ခအဲဒဲ့"လေးရဲ့ စာတွေကို သယ်ပေးရင်း သူမလေးကို တဖက်သတ် ချစ်နေမိသူ။


"ခအဲဒဲ့" - အသက် ၁၇နှစ်။ "ပူး"ရဲ့ တဖက်သတ်ချစ်သူ။ သူမကိုယ်တိုင်လည်း တဖက်သတ် ချစ်မိနေသူ။ "ပူး"ကို သူမ မမြင်နိုင်ပါ။


"နစွတ်အို့" - "ယုကိ"လေးရဲ့ ချစ်သူ။ ဘယ်တော့ အဖြတ်ခံရမလဲလို့ သူငယ်ချင်းတွေက စိတ်ပူပန်ခံနေရသူ။


"ယုမိ" - အသက် ၃နှစ်။ ဆိတ်တွေကြားမှာ နာမည်ကြီး ဆိတ်မလေး။ "နစွတ်အို့"နဲ့ ချစ်ကြိုက်နေဆဲ။


"မိုရှ" - စာတွေကို ဝါးစားတဲ့ဆိတ်။


"ဂုဖု" - "ဒိုမု"ရဲ့ သူငယ်ချင်း။


"ငှက်ဖြူ"


"ဒိုမု" - "ဂုဖု"ရဲ့ သူငယ်ချင်း။


"ဂျိမု" - ကြင်နာတတ်တဲ့ စတုရန်းပုံ မျှားနတ်မောင်။ "ပူး"ရဲ့ တိုင်ပင်ဖော် တိုင်ပင်ဖက် သူငယ်ချင်း။


"ခအဲဒဲ့"ရဲ့ မေမေနဲ့ "ခအဲဒဲ့"ငယ်ငယ်က


"ပူး"ရဲ့ အစ်ကို


*****




"နင်နဲ့ သူငယ်ချင်းဖြစ်ကတည်းက ဘာလုပ်လုပ် အတူတူ... အမြဲတမ်း သူငယ်ချင်းလို့ မှတ်ယူရင်း... စွဲစွဲမြဲမြဲ မှတ်ယူရင်း... ဒါပေမယ့် အဲဒီထက်ကို ငါ့ရင်ထဲမှာ ကြီးလာ~ ကြီးမားလာတယ်။ တွေးလိုက်တိုင်းလည်း ရင်ထဲမှာ တဖြည်းဖြည်း ကြီးမားလာပြီ။ ဒါပေမယ့် ဒါဟာ နင်နဲ့ ခုလို သူငယ်ချင်းလို ရင်းနှီးပျော်ရွှင်နေရတာ ပျက်စီးသွားမှာ စိုးတာရယ်ကြောင့်.... ဒါပေမယ့်လေ နင်နဲ့ ရင်းနှီးလေ ရင်းနှီးလာလေလေ ငါရဲ့ စိတ်တွေကို ထိမ်းချုပ်လို့ မရနိုင်တော့ဘူး.... ...ချစ်တယ် .... ချစ်တယ်။ .... အရမ်းချစ်တယ်"



*****


ဖွင့်ဟဝန်ခံစာ
ကျနော် ကောင်မလေးတွေနဲ့ ရည်းစားဖြစ်တဲ့ နည်းထဲက အများဆုံးနည်းကို ပြောရမယ်ဆိုရင် ပထမဦးဆုံး သူငယ်ချင်းဖြစ်၊ တော်တော်ကြာကြာ ခင်မင်လာပြီး အမြဲတမ်း အတူတူ အချိန်တွေက များလာပြီး မသိလိုက်တဲ့ အချိန်မှာ ၂ယောက်လုံး တပြိုင်ထဲ စိတ်ထဲမှာ ချစ်သူရည်းစားလို ခံစားလာရတာမျိုးပါ။ ထမင်းအတူတူစား၊ ဈေးအတူတူဝယ်ရင်း အလိုလို kiss ပေးမိပြီး "အီယား~ ချစ်မိသွားပြီ!!"လို့ ကိုယ့်ဘာသာ သတိထားမိတဲ့အခါမှာ ရည်းစားတွေ ဖြစ်နေကြပြီလေ။

ဒါကြောင့်ပါလို့ ဆင်ခြေပေးတာ မဟုတ်ပေမယ့် ကျနော်က "ချစ်တယ်" "ပြန်ချစ်ပါ"လို့ ရိုးရိုးသားသား ဖွင့်ဟတဲ့ ရည်းစားစာ တခါမှ မရေးဖူးဘူး။ အဲဒီအစား ချစ်သူဆီကို ရည်ရွယ်တဲ့ ရည်းစားစာတွေ အများကြီး ရေးဖြစ်တယ်။ ကျနော့်အတွက် ရည်းစားစာဆိုတာ ချစ်သူကို ပေးတဲ့ စာမျိုးတွေပါ။

ဒါပေမယ့် ခုတခါတော့ ဒီစာအုပ်ကို ရေးရင်း စိတ်ကူးယဉ်အချစ်ကို တွေးပြီး ရည်းစားစာတွေ အများကြီးရေးပြီး၊ တဖတ်သက် အချစ်နဲ့ ခံစားနေရတဲ့ သူငယ်ချင်းရဲ့ စကားတွေကို နားထောင်ရင်း ချစ်သဝဏ်လွှာရဲ့ အတွေးအမြင်က ပြောင်းသွားတယ်။

ဖွင့်ဟဝန်ခံစာ ချစ်သဝဏ်လွှာလည်း ကောင်းတာပါဘဲလေ...

ကျနော်က အချစ်ကဗျာ ကောင်းကောင်းမရေးတတ်ပေမယ့် "ချစ်တယ်"ဆိုတာကို ရိုးရိုးရှင်းရှင်း နားလည်လွယ်တဲ့ စကားလုံးသုံးပြီးပြောတာ အကောင်းဆုံးဆိုတာ ပိုသေချာသွားတယ်။ အကြိမ်ကြိမ် အခါခါရေးပြီး မပေးဖြစ်တဲ့ ရည်းစားစာတွေ ဖြစ်လည်း ရတယ်၊ မင်းအကြောင်းတွေးပြီး မအိပ်နိုင်တဲ့ ညတွေကို ကုန်လွန်ခဲ့တယ်လို့ ခပ်ဆွေးဆွေး ရည်းစားစာဖြစ်လည်း ရပါတယ်။

ဒီလိုတွေးလိုက်ရင် အခုအချိန်အထိ ရှက်ပြီး မရေးရဲတဲ့ ချွဲချွဲနွဲ့နွဲ့ စကားလုံးတွေလည်း သုံးရဲလာမယ်လို့ တွေးမိတယ်လေ။

*****


"တို့ တခါမှ မပို့ဖြစ်တဲ့ စာတွေ နင့်ဆီကို ရည်ရွယ်ပြီး ရေးဖြစ်တာ သိလားဟင်?
ဘယ်တုန်းကများ ဒီစာတွေနဲ့ ဒီအံဆွဲထဲ အပြည့်ဖြစ်သွားတာပါလိမ့်။ ဒီစာတွေကို တံတားလုပ်ပြီး နင့်ဆီကို လာခဲ့မယ်ကွာ။
ကြယ်ရောင်ကောင်းကင်အောက်မှာ
စာတွေနဲ့ ဖန်ဆင်းထားတဲ့ တံတားကို ဖြတ်သန်းရင်း...
သီချင်းလေးညည်းပြီး..
ကြိမ်းသေ ပြည့်ဝရမယ်လို့ ကြယ်ကြွေကို ကြည့်လို့ ဆုတောင်းရင်း...
တို့ မင်းအိမ်ပြတင်းဝကို ဘယ်တော့များမှာ ခေါက်နိုင်မလဲ?
အိပ်မက်ထဲမှာတော့ အကြိမ်ကြိမ် အခါခါ date နေခဲ့ပေမယ့်လည်းလေ...."



*****

Read More...

Sunday, January 25, 2009

Hydroculture စိုက်ချင်ပါလျှင်~


Hydrocultureဆိုတာ အရွယ်ငယ်ပြီး နေရာမယူဘဲ၊ အိမ်တွင်းစိုက် အပင်ငယ်မျိုးဖြစ်ပါတယ်။ လက်လှမ်းမှီရာ စားပွဲစတာတွေပေါ် တင်ထားရုံနဲ့တင် စိတ်ကြည်နူးမှုကို ရစေပါတယ်။

စိုက်ပျိုးနိုင်သော အပင်များ

Hydrocultureမှာ စိုက်နိုင်တဲ့ အပင်မျိုးဆိုတာ အရိပ်မှာ ရှင်သန်နိုင်တာမျိုးက သင့်တော်ပါတယ်။ Hydrocultureက နွေလယ်ခေါင်ခေါင်ရဲ့ တိုက်ရိုက်အလင်းကို ကြာရှည်ခံရလျှင် ပန်းအိုးထဲမှာ အပူချိန် မြင့်လာပြီး လေဝင်လေထွက် ညံ့လာခြင်း၊ အပြင်မှာ စိုက်ပျိုးလျှင် မိုးရေအိုင်ပြီး အမြစ်က အောက်ဆီဂျင် ပြတ်လပ်အားနည်းလာနိုင်တဲ့အတွက် အခန်းတွင်းမှာ ကောင်းကောင်း ရှင်နိုင်တာမျိုးကို စိုက်သင့်ပါတယ်။

အခန်းတွင်းစိုက်အပင်များ--->Pachira(パキラ), Pothos(ポトス), Dracaena(ドラセナ), yucca(ユッカ), Cordyline(コルディリネ), Sanderiana(サンデリアーナ), Sacahuista(トックリラン), peperomia(ペペロミア), Gajumal(ガジュマル), hedera(ヘデラ), Croton(クロトン), aglaonema(アグラオネマ), Spathiphyllum(スパティフィラム), selloum(セローム), Pumila(プミラ), and Alocasia odora(クワズイモ) စသဖြင့်...

ပန်းများ---> Saintpaulia(セントポーリア), begonias(ベゴニア類), cyclamens(シクラメン), Rohdea japonica(オモト), and the Oriental orchids(東洋ラン) စသဖြင့်...

Hydroculture ပြုလုပ်နည်း


Hydroculture ပြုလုပ်ရန် အခြေခံအားဖြင့် Hydrocorn/ Hydaroball ရယ်၊ Ion exchange resin ရယ်၊ Container ရယ် ရှိရင် စိုက်လို့ရပါပြီ။ Inner pot ရယ် Water meter ရယ်က အထူးတလည် မလိုအပ်ပေမယ့် ရှိရင်တော့လည်း ကောင်းပါတယ်။ Inner pot က Container ထဲက ရေပမာဏကို အလွယ်တကူ မြင်နိုင်ပြီး Ion exchange resinကို လဲလှယ်ရာမှာ လွယ်ကူစေပါတယ်။ Container ဒီဇိုင်းပြောင်းချင်ရင်လည်း လွယ်ကူစေပါတယ်။ Water meter က ဖောက်ထွင်းမမြင်ရတဲ့ Containerမျိုးမှာ တိုင်းတာရ လွယ်ကူစေပါတယ်။ Inner pot ကိုသုံးတဲ့အခါ Hydrocornအသေးထည့်ရင် အပေါက်ကနေ အမြစ်တွေတိုးထွက်နိုင်တဲ့အတွက် Hydrocorn အလတ်ဆိုက်နဲ့အထက်ကို သုံးသင့်ပါတယ်။ Inner potမသုံးဘူးဆိုရင် ပုံမှန်အားဖြင့်တော့ Containerအောက်ခြေမှာ Ion exchange resin စတာကိုခင်း၊ အပေါ်မှာ Hydrocorn သုံးပုံတပုံခင်းပြီးမှ အပင်ကို စိုက်ရပါမယ်။ (ပြောမယ့်သာပြောတာ အိမ်မှာစိုက်ထားတာ အောက်ခြေမှာ Ion exchange resin လည်း မထည့်ထားပါဘူး။ ဆိုင်မှာ စိုက်ပြထားတာမှာ မထည့်ထားလို့ပါ။ ဆိုင်က ပါလာတဲ့ Inner pot ကိုလည်း တအိုးမှာဘဲ ထည့်ထားတယ်။ ကျန် ၂အိုးက Container နဲ့ မဆံ့လို့ ဖြုတ်ထုတ်ပစ်လိုက်တယ်။)

ထိန်းသိမ်းနည်း
နေရာ
နေရောင် တိုက်ရိုက်မကျရောက်နိုင်သည့် အလင်းရောင်ရှိသောနေရာတွင် ထားပါ။ ဖောက်ထွင်းမြင်နိုင်တဲ့ Containerကို နေရောင်မှာ ထားရင် algaeမှို ပေါက်နိုင်တဲ့အတွက် သတိထားပါ။

ရေ
အပင်သန်တဲ့ နွေဦးကနေ ဆောင်းဦးကာလအထိ ၄/၅ရက်တခါ ရေလောင်းပါ။ ကြားကာလမှာ Hydaroballက ရေကို စုပ်ယူပေးထားတဲ့အတွက် ရေသိပ်မလောင်းလဲ ရပါတယ်။ ဆောင်းဦးလွန်တဲ့အခါမှာ အပူချိန်ကျလာတဲ့အတွက် အပင်က ရေသိပ်မစုပ်တော့ပါဘူး။ ဆောင်းတွင်းမှာ Hydaroballက စိုထိုင်းနေတဲ့အတွက် ရေကို များများ စုပ်ယူထိန်းသိမ်းမထားနိုင်ပါဘူး။

အာဟာရ
အာဟာရပေးခြင်းမှာ Ion exchange resin အာဟာရဆိုရင် အာနိသင်ကုန်ဆုံးရက်အထိ အခြားပေးဖို့ မလိုအပ်ပါဘူး။ Ion exchange resin အစား Hydroculture liquid ကို သုံးရင် ၄လပိုင်းလလယ်ကနေ ၉လပိုင်းလလယ်အတွင်း သုံးလို့ရပါတယ်။ Hydrocultureမှာ အမြစ်က အာဟာရနဲ့ တိုက်ရိုက်ထိတွေ့တဲ့အတွက် ပျစ်တဲ့အာဟာရသုံးရင် အမြစ်ကို ဒဏ်ဖြစ်စေပါတယ်။ သာမန်အာဟာရရည်ဆိုရင် ကျဲအောင်လုပ်ပြီးမှ သုံးပါ။

ရေအထည့်လွန်ခြင်း
Hydrocultureမှာ ရေ/ အာဟာရရည် အထည့်လွန်ရင် အမြစ်က အောက်စီဂျင် ပြတ်လပ်ပြီး အားနည်းလာမယ့်အတွက် သတိထားပါ။ ပမာဏက Containerရဲ့ ၁၅%လောက်ရှိပါစေ။ ဒါပေမယ့် ဆောင်းတွင်းမှာ Hydaroballက အနည်းငယ် စိုထိုင်းနေတဲ့အတွက် Containerထဲကရေကို စုပ်ယူစုဆောင်းမပေးထားနိုင်ပါဘူး။ ရေအလောင်းလွန်ရင် အမြစ်ဆွေးခြင်း ဖြစ်တတ်ပါတယ်။

အိုးသစ်ပြောင်းခြင်း
Ion exchange resin က အာနိသင် လျော့လာတဲ့အတွက် တနှစ်တခါလောက် အသစ်လဲလှယ်ပေးပါ။ Ion exchange resinရော Hydaroballကိုပါ လဲလှယ်ပေးရပါမယ်။ အမြစ်တွေ ပွါးလာပြီး Inner Pot ရယ် Containerနဲ့မဆံ့တော့တဲ့အခါမှာ ပိုကြီးတဲ့အိုးနဲ့ ပြောင်းသုံးပေးပါ။ ကာလကတော့ နွေဦးပိုင်းလောက်မှာ ပြုလုပ်နိုင်ပါတယ်။ Hydaroballအဟောင်းတွေကို ရေဆေး အခြောက်ခံပြီး ပြန်သုံးလို့ရပါတယ်။



ကိုယ့်အတွက်လည်း ပြန်ဖတ်ရလွယ်အောင် စိုက်ချင်သူတွေလည်း ကိုးကားနိုင်ဖို့ ဤမှဆိုက် တချို့တဝက်အား ဘာသာပြန်ပါသည်။ (http://www9.plala.or.jp/mosimosi/green/hydro.htm)

Read More...

Tuesday, August 26, 2008

ဂျပန်ပုံပြင်(၅)


အပြေးချံပီယံ


ရွာတရွာမှာ အပြေးအလွန်တော်တဲ့လူတစ်ယောက် ရှိတယ်။
တော်တော်ကို အပြေးမြန်လွန်းလို့ အားလုံးက "အပြေးချံပီယံ"လို့ ခေါ်ကြတယ်။
တနေ့မှာ "အပြေးချံပီယံ"က သူခိုးနောက်ကို ပြေးလိုက်နေတုန်း မျက်နှာချင်းဆိုင်ကနေလာတဲ့ သူငယ်ချင်းနဲ့ သွားဆုံတယ်။
"ဟ! ဘာဖြစ်တာတုန်း? ဒီလောက်ထိ အလျှင်စလို ဖြစ်နေရတာတုန်းကွ?"
လို့ သူငယ်ချင်းက မေးတဲ့အခါ "အပြေးချံပီယံ"က
"သူခိုးနောက်ကို လိုက်နေတာ"
"ဘာရယ်! သူခိုး ဟုတ်လား! ဘယ်မှာလဲ? ဘယ်မှာလဲ?"
"ဟိုးမှာလေ၊ နောက်ကနေ ပြေးလာလိမ့်မယ်"

***


လမင်းထဲက ယုန်ကလေး


ဟိုးရှေးရှေးတုန်းက မျောက်ရယ်၊ မြေခွေးရယ်၊ ယုန်ရယ်က ဘုရားသခင်ထံ သွားလျှောက်တယ်။
"အရှင်ဘုရား လူသားအဖြစ် ပြန်လည်မွေးဖွားအောင် စောင့်ရှောက်တော်မူပါ"
အဲဒီအခါ ဘုရားသခင်က
"လူသားအဖြစ်ရချင်ရင် ကိုယ့်ရဲ့ စားကောင်းသောက်ဖွယ်နဲ့ လူတွေကို တည်ခင်းကျွေးမွေးပါ"
ဒါနဲ့ မျောက်က တောင်ပေါ်ကနေ သစ်ချသီး၊ တည်သီးတွေ ယူလာတယ်။
မြေခွေးက ချောင်းထဲကနေ ငါးတွေ ဖမ်းလာတယ်။
ဒါပေမယ့် ယုန်ရဲ့ စားစရာက နူးညံ့တဲ့ မြက်ပင်တွေဖြစ်တယ်။
အခုက ဆောင်းတွင်းဖြစ်လို့ နူးညံ့တဲ့ မြက်တွေ တစ်ပင်မှ မရှိပါဘူး။
"ဒုက္ခဘဲ။ ဘယ်လိုလုပ်ရပါ့?"
ယုန်က စိတ်ဓာတ်ကျပြီး မျောက်နဲ့ မြေခွေးတို့ဆီ ပြန်လာခဲ့တယ်။
"ဖိုးရွှေယုန်၊ မင်းရဲ့ စားကောင်းသောက်ဖွယ်တွေ ဘယ်မှာလဲ"
"ဟင်အင်း၊ မြက်တွေ အားလုံး ခြောက်ကုန်ပြီ။ သစ်ဖူးတွေလဲ မထွက်သေးဘူး"
လို့ ဖြေလိုက်တဲ့အခါ မျောက်က
"ဒါဆို မင်းတော့ အမြဲတန်း ယုန်ဖြစ်နေတော့မှာ"
"ဟုတ်တယ်၊ ဟုတ်တယ်။ စားကောင်းသောက်ဖွယ်တွေ မရှိဘဲနဲ့ မင်းဘယ်လိုလုပ် လူဘဝ ဝင်စားလို့ ရမှာလဲ"
မြေခွေးကပါ ဝင်ပြောလိုက်တယ်။
"တောင်းပန်ပါတယ်။ တစ်ရက်တော့ ထပ်စောင့်ပေးပါဗျာ"
နောက်ရက်မှာ ယုန်က တောင်ပေါ်သွားပြီး သစ်ခြောက်တွေ စုလာခဲ့တယ်။
ပြီးတော့ မျောက်နဲ့ မြေခွေးရှေ့မှာ သစ်ခြောက်တွေ ပုံလိုက်ပြီး ဒီလို ပြောလိုက်တယ်။
"ခု စားကောင်းသောက်ဖွယ် ချက်ပေးမှာမို့ မီးညှိပေးပါ"
မျောက်နဲ့ မြေခွေးက မီးညှိပေးလိုက်တဲ့အခါ သစ်ခြောက်တွေက ဝုန်းခနဲ မီးထတောက်တော့တယ်။
"ကျနော့ရဲ့ စားကောင်းသောက်ဖွယ်က မရှိပါဘူး။ ဒါကြောင့်.... ဒါကြောင့် ကျနော့ကို ကင်ပြီး လူသားတွေအတွက် စားသောက်ဖွယ်လုပ်ပါ့မယ်"
လို့ပြောပြီး မီးပုံထဲ ခုန်ချလိုက်တယ်။
အဲဒီအချိန်မှာ ကောင်းကင်ကနေ ဘုရားရှင် ကြွလာပြီး ဖျက်ခနဲ ယုန်ကို ပွေ့ချီပြီး ကောင်းကင်ကို ပြန်တက်သွားတယ်။
အဖြစ်အပျက်က မြန်လွန်းတာမို့ မျောက်ရော မြေခွေးပါ လန့်ဖျန့်သွားတယ်။
ဒီအခါ ဘုရားရှင်က
"မျောက်ရော မြေခွေးပါ လူသားအဖြစ် ပြန်လည်မွေးဖွားခွင့်ရဖို့ ကျိန်းသေပါတယ်။ ဘာကြောင့်လဲဆို ကိုယ့်ရဲ့ စားကောင်းသောက်ဖွယ်တွေနဲ့ လူသားတွေကို ကျွေးမွေးလို့ဘဲ။ ချီးကျူးပါတယ်။ ဒါပေမယ့် ယုန်ကို ပိုပြီး ချီးကျူးမိတယ်။ ကိုယ့်အသက်နဲ့ ရင်းပြီး လူသားတွေကို ကျွေးမွေးချင်တယ်။ ဒါကြောင့် ယုန်ကို 'လမင်း'တိုင်းပြည်ကိုခေါ်သွားမယ်။ အဲဒီမှာ တသက်လုံး ပျော်ရွှင်အောင်ထားမယ်"
လို့ ပြောရင်း ဘုရားရှင်က ယုန်ကို ပွေ့ပိုက်ယင်း ကောင်းကင်အမြင့်ထဲ တက်သွားတယ်။
အဲဒီအချိန်ကစလို့ ယုန်က လမင်းပေါ်မှာ ပျော်ရွှင်စွာ နေထိုင်သွားပါတော့တယ်။

***


Read More...

Sunday, August 24, 2008

ဂျပန်ပုံပြင်(၄)


ထမင်းဆုပ်လေး ♪ ဂလုတ် ~ ဂလုတ် ♪


ဟိုးရှေးရှေးတုန်းက သစ်ခုတ်သမား အဖိုးအိုက တောထဲမှာ နေ့လည်စားစားဖို့ သစ်မြစ်ပေါ်ထိုင်ရင်း ထမင်းဘူးကို ဖွင့်လိုက်တယ်။
"အိမ်က အဖွားကြီး ဆုပ်ပေးလိုက်တဲ့ ထမင်းဆုပ်က သိပ်အရသာရှိတာ"
တစ်ယောက်ထဲစကားပြောရင်း ဝါးဖက်နဲ့ ထုပ်ထားတဲ့ ထမင်းထုပ်ကို ဖြည်လိုက်တုန်းမှာ
"ဘုတ်" ဆို ထမင်းဆုပ်တစ်ခုက မြေကြီးပေါ်ပြုတ်ကျပြီး ဂလုတ် ~ ဂလုတ် နဲ့ ဘေးနားက တွင်းပေါက်ထဲ လိမ့်ကျသွားတော့တယ်။
"အာ~~ နှမျောစရာကြီး"
အဖိုးအိုက တွင်းထဲချောင်းကြည့်လိုက်တဲ့အခါ တွင်းနက်ထဲက ဒီလို သီချင်းသံကို ကြားလိုက်ရတယ်။
♪ထမင်းဆုပ်လေး ဘုတ်ခနဲ ဂလုတ် ~ ဂလုတ်
♪ဂလုပ် နဲ့ တွင်းထဲလိမ့်ကျ♪
"ထူးဆန်းလိုက်တာ၊ ဘယ်သူသီချင်းဆိုနေတာပါလိမ့်?
ဒီလောက်သာယာတဲ့အသံ တခါမှ မကြားဖူးဘူး။
ဘာပါလိမ့်။ ရော့ နောက်တခု"
အဖိုးအိုက ထမင်းဆုပ် နောက်တခုကို တွင်းထဲ ပစ်ချကြည့်လိုက်တယ်။
အဲဒီအခါ သီချင်းသံက ပြန်ကြားရပြန်တယ်။
♪ထမင်းဆုပ်လေး ဘုတ်ခနဲ ဂလုတ် ~ ဂလုတ် ~
♪ဂလုပ်~ နဲ့ တွင်းထဲလိမ့်ကျ~♪
"ဒါ စိတ်ဝင်စားစရာဘဲ"
အဖိုးအိုက အတော်ပျော်သွားပြီး ထမင်းဆုပ်တွေအားလုံးကို တခုမှ မစားဘဲ တွင်းထဲ ထည့်ပေးလိုက်တယ်။
နောက်ရက်မှာ အဖိုးအိုက မနေ့ကထက် ထမင်းဆုပ်တွေ ပိုယူခဲ့ပြီး တောင်ပေါ်တက်ခဲ့တယ်။
နေ့လည်ရောက်တဲ့အခါ ဂလုတ် ~ ဂလုတ် ~ ဆိုပြီး ထမင်းဆုပ်တွေကို တွင်းထဲချကြည့်တယ်။
ချလိုက်တိုင်း တွင်းထဲကနေ မနေ့ကလို သီချင်းသံလေးကို ကြားရတယ်။
"အယ်~ ထမင်းဆုပ်တွေ ကုန်သွားပြီ။ ဒါပေမယ့် ထပ်နားထောင်ချင်သေးတယ်။ ..ဟာ! ဟုတ်ပြီ၊ တွင်းထဲဝင်ပြီး တောင်းပန်ကြည့်ရမယ်"
အဖိုးအိုက ထမင်းဆုပ်လိုမျိုး တွင်းထဲ လှိမ့်ဆင်းလိုက်တယ်။
တွင်းထဲရောက်တော့ ရေတွက်လို့မရနိုင်အောင်များတဲ့ ကြွက်တွေကို တွေ့လိုက်ရတယ်။
"ကြွပါ၊ အဖိုးအို ခင်ဗျာ၊ အရသာရှိတဲ့ ထမင်းဆုပ်တွေ စားရလို့ အရမ်း ကျေးဇူးတင်ပါတယ်"
ကြွက်တွေက ခေါင်းသေးသေးလေးတွေကို ညွတ်ပြီး အဖိုးအိုကို အရိုအသေပေးကြတယ်။
"ကဲ! ဒီတစ်ခါ ကျနော်တို့အလှည့်ပါ၊ ကျေးဇူးဆပ်တဲ့အနေနဲ့ ကောက်ညင်းဆန်ထောင်းပြီး ကျွေးပါ့မယ်"
ကြွက်တွေက သစ်ဆုံနဲ့ ထောင်းတံကို ထုတ်လာပြီး
♪ဒုန်း~ ကြွက်ကလေးတွေ ကောက်ညင်းထောင်းတယ်
♪ဒုန်း~ ဒုန်း~ တွင်းထဲမှာကွယ်~♪
လို့ သီချင်းဆိုရင်း ကောက်ညင်းကို စထောင်းကြတယ်။
"ဒါ အရသာ အရမ်းရှိတဲ့ ကောက်ညင်းဘဲ။ သီချင်းရော ကောက်ညင်းပါ နတ်သုဒ္ဓာလိုပါဘဲလား"
အဖိုးအိုကို ကျွေးမွေးရုံသာမက လိုချင်တာပေးမယ်လို့ပြောတဲ့အတွက် ဆုတောင်းပြည့်အဆောင်လေးကို လက်ဆောင်ရလိုက်ပြီး အိမ်ပြန်ခဲ့တယ်။
"အဖွားကြီး၊ မင်းဘာလိုချင်သလဲ?"
လို့ အဖိုးအိုက မေးလိုက်တယ်။
"အင်းနော်.. လိုချင်တာတွေ အများကြီး ရှိပေမယ့် ချစ်စရာကောင်းတဲ့ ကလေးလေးရရင် ဘယ်လောက်များ ကောင်းလိုက်မလဲ"
ဆိုပြီး ပြန်ဖြေလိုက်တယ်။
"ဒါဆို စမ်းသပ်ကြည့်လိုက်မယ်"
အဖိုးအိုက အဆောင်လက်ဖွဲ့ကို လူပုံသဏ္ဍန်လို လုပ်ကြည့်လိုက်ရုံနဲ့ အဖိုးအိုရဲ့ တင်ပုလင်ခွေပေါ်မှာ ကလေးလေး ပေါ်လာတယ်။
တကယ့် လူသား ကလေးအစစ်လေးပါ။
အဲဒီအချိန်ကစလို့ အဖိုးအိုနဲ့ အဖွားအိုက ကလေးကို ပြုစုပျိုးထောင်ရင်း ပျော်ရွှင်စွာ နေထိုင်သွားကြပါတော့တယ်။

***


ပင်လယ်ရေ ဘာကြောင့်ငံ?



ဟိုးတုန်းက ရွာတရွာမှာ သူဆင်းရဲတစ်ယောက်ရှိသတဲ့။
တညနေမှာ သူ့ဆီကို မုတ်ဆိတ်ဖြူတွေနဲ့ အဖိုးအိုတစ်ယောက် ရောက်လာခဲ့တယ်။
"လမ်းပျောက်လာလို့ တစ်ညတည်းခွင့်ပေးပါကွယ်"
"ဟာ! ဟုတ်လား။ ဒုက္ခတွေ့လာတာပေါ့။ တည်းပါ ခင်ဗျာ၊ ရပါတယ်"
သူဆင်းရဲဟာ ရိုရိုသေသေနဲ့ အဖိုးအိုကို တည်းခိုခွင့် ပြုလိုက်တယ်။
နောက်တစ်ရက်မှာ အဖိုးအိုက သေးငယ်တဲ့ ကျောက်ဆန်ထောင်းဆုံကို လက်ဆောင်ပေးပြီး
"တည်းခိုခွင့်ပေးလို့ ကျေးဇူးတင်တဲ့အနေနဲ့ ပေးတာ။ ဒါ ထူးခြားတဲ့ ကျောက်ဆုံကွဲ့။ ညာဘက်ကို လှည့်ရင် လိုချင်တာတွေ ထွက်လာမယ်၊ ဘယ်ဘက်ကို ပြန်လှည့်ရင်တော့ ထွက်တာတွေ ရပ်သွားမယ်။ မရပ်ခင်အထိ ဆက်တိုက်ထွက်နေမှာမို့ သတိတော့ထားကွဲ့"
လို့ပြောပြီး ထွက်ခွါသွားတော့တယ်။
သူဆင်းရဲဟာ ကျောက်ဆုံကို လှည့်ကြည့်လိုက်တယ်။
"ဆန်တွေထွက်လာခဲ့၊ ဆန်တွေထွက်လာခဲ့"
အဲဒီအခါ ကျောက်ဆုံထဲကနေ ဖြူဖွေးနေတဲ့ ဆန်တွေ ထွက်ကျလာတယ်။
အလျင်စလိုနဲ့ ဘယ်ဘက်ကို ပြန်လှည့်လိုက်တဲ့အခါ ဆန်ထွက်တာ ရပ်သွားတယ်။
"ဟယ်!! အဆန်းပါလား!"
သူဆင်းရဲက ဆန်တွေ ငါးတွေ အများကြီး ထွက်ကျလာအောင်လုပ်ပြီး ဘေးနားက အိမ်တွေကိုပါ လိုက်ဝေပေးတယ်။
သူဆင်းရဲရဲ့ အိမ်နားမှာ လောဘကြီးတဲ့ အကိုတစ်ယောက်နေတယ်။
အဲဒီ အကိုက သူ့ညီ ရုတ်တရက် ချမ်းသာလာတာကို မသင်္ကာလို့ တိတ်တိတ်လေး လာချောင်းကြည့်တယ်။
"တယ်ဟုတ်ပါလား။ အားလုံးက ဟို ကျောက်သားဆုံရဲ့ ကျေးဇူးကြောင့်ပေါ့။ ပွတာဘဲ"
ညဘက်ရောက်တော့ အကိုဖြစ်သူဟာ အိမ်ထဲတိတ်တဆိတ်ဝင်ပြီး ကျောက်ဆုံကို ခိုးသွားတော့တယ်။
ပြီးတော့ လှေနဲ့ ပင်လယ်ထဲကို ထွက်ပြေးလာတယ်။
"ဒီလောက်ထိရောက်မှတော့ ကိစ္စမရှိလောက်ဘူးထင်ရဲ့"
အကိုဖြစ်သူက လှေကို အားကုန် လှော်ခတ်လာတာကြောင့် ဗိုက်ဆာလာတယ်။
အဲဒါနဲ့ ယူလာတဲ့ ထမင်းဆုပ်ကို ထုတ်ယူလိုက်ပြီး
"ဟုတ်ပြီ။ ဆားဖြူးစားရင် ပိုအရသာရှိမှာ။ လာလေရော့! ဆားတွေထွက်၊ ဆားတွေထွက်"
လို့ ကျောက်ဆုံကို လှည့်လိုက်တာ ဆားတွေ မတရား ထွက်ကျလာပြီး ချက်ချင်း လှေထဲ အပြည့်ဖြစ်သွားတယ်။
"အားးးးးးး ရပ်! ခုရပ်! ရပ်ပါတော့"
လောဘသား အကိုက ကျောက်ဆုံကနေ ပစ္စည်းတွေ ထွက်ကျလာတဲ့နည်းကိုဘဲ သိပြီး ပြန်ရပ်အောင်လုပ်ဖို့နည်းကို မကြည့်မိဘူး။
ဆားတွေက လှေထဲ တဖြည်းဖြည်းများလာပြီး နောက်ဆုံး လှေလဲ ပင်လယ်ထဲ နစ်မြုပ်သွားတော့တယ်။
ခုထက်ထိတိုင် အဲဒီကျောက်ဆုံက လည်နေပြီး ဆားတွေကို ထုတ်နေတုန်းပါဘဲ။
ဒါကြောင့် ပင်လယ်ရေတွေက ငံနေရတာပေါ့ကွယ်။

Read More...

Thursday, August 21, 2008

ဂျပန်ပုံပြင်(၃)


သရဲပုံတွေ ဘာသာပြန်ရတာ ရေးရင်းကိုယ့်ဘာသာလန့်နေရတာမို့ ဒီတခါ ဂျပန်ရဲ့ ရိုးရာ ရာဇဝင်ပုံပြင်တွေ ရေးလိုက်ပါတယ်။ သရဲပုံပြင်တွေက "ပုံပြင်တစ်ရာ"ဆိုပြီး အပုဒ် ၁၀၀ တိတိရှိပါတယ်။ တော်ကြာအပုဒ် ၁၀၀လုံး ဘာသာပြန်လို့ပြီးတဲ့အခါ သရဲလာခြောက်မှာ စိုးရတယ်။ ဒါကြောင့် အိပ်ရာဝင် ပုံပြင်တွေ ပြောင်းဖတ်နေတာ။ ဘာသာပြန်ဖို့ ဆီပုံးမှာ လာအော်တဲ့ ကိုနိလဲ သားသားမီးမီးလေးရရင် ပုံပြင်တွေ ပြောပြလို့ရအောင်လို့။

ပန်းများပွင့်စေသူ


ဟိုးရှေးရှေးတုန်းက ရွာတရွာမှာ အဖိုးအိုနဲ့ အဖွားအိုတို့ နေထိုင်ကြတယ်။
သူတို့မှာ သားသမီးမရှိလို့ "ဖိုးဖြူ"လို့ခေါ်တဲ့ ခွေးလေးကို သားသမီအဖြစ်အရမ်းချစ်ကြတယ်။
တရက်မှာ "ဖိုးဖြူ"က လယ်ကွက်ထဲမှာ ဟောင်နေတယ်။
"ဒီနေရာကိုတူး ဝုတ်-ဝုတ်၊ ဒီနေရာကိုတူး ဝုတ်-ဝုတ်"
"ဟယ်? ဒီနေရာကိုတူးလို့ ဟောင်နေတာများလား။ ကောင်းပြီ ကောင်းပြီ၊ တူးကြည့်တာပေါ့ "
အဖိုးအိုက တူးကြည့်လိုက်တဲ့အခါ
"ဟာ! အံ့ဩစရာ!!"
မြေကြီးထဲကနေ ရွှေပြားငွေပြားတွေ အများကြီး ထွက်လာတယ်။
ဒီအကြောင်းကိုကြားတဲ့ အိမ်နီးချင်း လောဘသမား အဖိုးအိုက
"ငါလည်း ရွှေပြားငွေပြားတွေ ရအောင်လုပ်မယ်။ မင်းခွေး"ဖိုးဖြူ"ကို ငါ့ ခဏငှါး"
လောဘသမား အဖိုးအိုက "ဖိုးဖြူ"ကို အတင်းအကြပ် လယ်ထဲဆွဲခေါ်သွားတယ်။
ပြီးတော့ မနှစ်သက်တဲ့ "ဖိုးဖြူ"က ကိန် ကိန်လို့ အော်တဲ့နေရာကို တူးကြည့်တဲအခါ ပုပ်နေတဲ့ အမှိုက်တွေအများကြီး ထွက်လာတယ်။
"ဒီဘာမှအသုံးမကျတဲ့ ခွေးစုတ်"
စိတ်တိုနေတဲ့ လောဘသားအဖိုးအိုက "ဖိုးဖြူ"ကို ရိုက်နှက်သတ်ဖြတ်ပြစ်လိုက်တယ်။
"ဖိုးဖြူ"ကို ဆုံးရှုံးလိုက်ရတဲ့ အဖိုးအိုနဲ့ အဖွားအိုက ငိုယိုပြီး "ဖိုးဖြူ"အလောင်းကို လယ်ကွက်ထဲမှာ မြှုပ်ပြီး သစ်သားတိုင်စိုက်လို့ အုပ်ဂူလေး လုပ်ပေးထားလိုက်တယ်။
နောက်တစ်ရက်မှာ အဖိုးအိုနဲ့ အဖွားအိုက "ဖိုးဖြူ"ရဲ့ အုတ်ဂူကို အလွမ်းပြေသွားတဲ့အခါ "ဖိုးဖြူ"ရဲ့ အုတ်ဂူက သစ်သားတိုင်က တညထဲနဲ့ သစ်လုံးကြီး ဖြစ်နေတယ်။
အဖိုးအိုနဲ့ အဖွားအိုလည်း အဲဒီသစ်လုံးကြီးနဲ့ ဆန်ကြိတ်ဆုံလုပ်ပြီး ကောက်ညင်းဆန်ကို ဖွပ်ကြတယ်။
အဲဒီအခါ ထူးဆန်းလှစွာနဲ့ ကောက်ညင်းတွေကြားကနေ ရတနာတွေ အများကြီး ထွက်လာကျတယ်။
ဒါကိုကြားတဲ့ လောဘသမား အဖိုးအိုက
"ငါလည်း ကောက်ညင်းဆန် ဖွတ်ပြီး ရတနာတွေရအောင်လုပ်မယ်။ မင်းဆုံကို ငါ့ငှါးစမ်း"
လို့ ဆုံကို အတင်းအကြပ်ငှါးယူသွားပြီး အိမ်ရောက်တော့ ကောက်ညင်းဆန် ဖွပ်ကြည့်တယ်။
ဒါပေမယ့် ထွက်လာသမျှအားလုံးက ကျောက်ခဲတွေဘဲဖြစ်တယ်။
"တယ်!!!!!!! ဒီဆုံအစုတ်!"
စိတ်တိုနေတဲ့ လောဘသားအဖိုးအိုဟာ ဆုံကို ပုဆိန်နဲ့ပေါက်ပြီး မီးရှို့ပြစ်လိုက်တယ်။
တန်ဖိုးထားရတဲ့ ဆန်ကြိတ်ဆုံကို မီးရှို့ခံလိုက်ရတဲ့ အဖိုးအိုနဲ့အဖွားအိုက ပြာတွေကို ဇကာနဲ့ထည့်ပြီး ပြန်ဖို့လုပ်ကြတယ်။
အဲဒီအချိန်မှာ ပြာတွေက လေနဲ့လွင့်ပြီး သစ်ခြောက်ပင်မှာ အသာအယာ ကပ်ကုန်တယ်။
အဲဒီအခါ ပြာတွေကပ်သွားတဲ့ ခြောက်သွေ့နေတဲ့ သစ်ပင်က ဆာခူရာတွေ အပြည့်ပွင့်ကုန်တော့တယ်။
အဖိုးအိုက အရမ်းပျော်သွားတယ်။
"ခြောက်သွေ့နေတဲ့ သစ်ပင်က ပန်းတွေပွင့်စေရော့ဟယ်~~"
လို့ ပြောရင်း ပြာတွေပက်ရင်းနဲ့ သစ်ခြောက်ပင်ကို ပန်းတွေပွင့်အောင် လုပ်တော့တယ်။


တိုက်တိုက်ဆိုင်ဆိုင် အဲဒီအနားကို ရှင်ဘုရင်က တိုင်းခန်းလှည့်းလည်တာတဲ့ ကြုံသွားတယ်။
"အိုး! ဒါအံ့ဩစဖွယ်ဘဲ"
ရှင်ဘုရင်က အတော်ဝမ်းသာအားရဖြစ်ပြီး အဖိုးအိုကို ဆုလက်ဆောင် အများကြီး ပေးသနားတော်မူလိုက်တယ်။
ဒါကိုမြင်တဲ့ လောဘသမား အဖိုးအိုက
"ငါလည်း ပန်းပွင့်အောင်လုပ်ပြီး လက်ဆောင်ပဏ္ဏာရအောင်လုပ်မယ်။ အဲဒီပြာတွေ ငါ့ကိုပေးစမ်း"
အတင်းအကြပ် ပြာတွေလုယူပြီး ဘုရင်ကို သွားလျှောက်တယ်။
"ဘုရင်မင်းကြီး ဒီပြာတွေက ကျွန်တော်မျိုး ပိုင်တာပါ။ ကျွန်တော်မျိုးက သစ်ခြောက်ပင်ကို ပန်းပွင့်အောင်လုပ်ပြပေးမယ့်အတွက် ကျွန်တော်မျိုးကိုလည်း ဆုလက်ဆောင် ပေးသနားပါ။ ကဲ-- လာလေရော့--"
လောဘသား အဖိုးအိုက ဘုရင်မင်းမြတ်ရှေ့မှာ ပန်းတွေ အများကြီးပွင့်တာ ပြချင်လို့ ပြာတွေအားလုံးကို တပြိုင်ထဲ ပက်လိုက်တယ်။
ဒီအခါ ပြာတွေက ရှင်ဘုရင်ရဲ့ မျက်လုံးထဲ ဝင်ကုန်လို့ လောဘသမား အဖိုးအိုလည်း အမျက်တော်ရှခံရပြီး သတ်ဖြတ်ခံလိုက်ရပါတော့တယ်။

***


ကောက်ရိုးသူကြွယ်


ဟိုးရှေးရှေးတုန်းက လူငယ်တစ်ယောက်က ဘုရားကျောင်းသွားပြီး "ကန်နွန်း"အရှင် (နတ်ဘုရားအမည်)ဆီမှာ ဆုတောင်းတယ်။
"သူဋ္ဌေးဖြစ်အောင် စောင့်ရှောက်တော်မူပါ"
ဒီအခါ "ကန်နွန်း"အရှင်က မိန့်ကြားတယ်။
"ဒီကနေထွက်ပြီး ပထမဆုံး ဆုပ်ကိုင်မိတဲ့အရာက မင်းကို သူဋ္ဌေးဖြစ်စေလိမ့်မယ်"
ပျော်ရွှင်နေတဲ့လူငယ်က ဘုရားကျောင်းက ထွက်လိုက်တာနဲ့ ကျောက်ခဲနဲ့ ခလုတ်တိုက်မိပြီး ဒလိမ့်ကောက်ကွေး ပြုတ်ကျသွားတယ်။
အဲဒီအခါ ကောက်ရိုးတစ်မျှင်ကို ဆုပ်ကိုင်မိသွားတယ်။
"'ကန်နွန်း'အရှင် မိန့်ကြားလိုက်တဲ့ ပထမဆုံး ဆုပ်ကိုင်မိတဲ့အရာတဲ့ ဒါများလား? အင်းမ်... ဒါနဲ့ သူဋ္ဌေးဖြစ်မယ်လို့ ဘယ်လိုမှ မထင်ပေမယ့်လည်း...."
လူငယ်က ခေါင်းလိမ်စဉ်းစားရင်း လမ်းလျှောက်လာတုန်း ပိတုံးတစ်ကောင်က တဝီဝီပျံလာတယ်။
လူငယ်က ပိတုံးကောင်ကိုဖမ်းပြီး ကောက်ရိုးဖျားမှာ ချည်ပြီးဆော့ရင်း ဆက်လျှောက်လာခဲ့တယ်။
ဒီအခါ မျက်နှာချင်းဆိုင်ဘက်က သားနားတဲ့ကားတစ်စီးလာရပ်ပြီး အထဲက ကလေးငယ်ကပြောလိုက်တယ်။
"အဲဒီ ပိတုံး လိုချင်လို့ပါ"
"အင်း ရတယ်၊ ယူလေ"
လူငယ်က ကလေးကို ပိတုံးချည်ထားတဲ့ ကောက်ရိုးမျှင်ကို ပေးလိုက်တဲ့အခါ နောက်လိုက်အိမ်ထိန်းက ကျေးဇူးတင်တဲ့အနေနဲ့ လိမ္မော်သီး ၃လုံးပေးလိုက်တယ်။
"ကောက်ရိုးကတော့ လိမ္မော်သီးဖြစ်လာပြီ"
ဆက်ပြီးလမ်းလျှောက်လာတဲ့အခါ လမ်းဘေးတစ်နေရာမှာ အမျိုးသမီးတစ်ယောက် လည်ချောင်းခြောက်လိုက်တာဆိုပြီး ညည်းညူနေတာ တွေ့လိုက်ရပါတယ်။
"ရော့၊ အစား လိမ္မော်သီးစားပါ"
အမျိုးသမီးက လိမ္မော်သီးစားပြီး ကျန်းမာလာတယ်။
ဒါကြောင့် ကျေးဇူးဆပ်တဲ့အနေနဲ့ အရမ်းလှတဲ့ ပိတ်အုပ်ကို ပေးလိုက်တယ်။
"ဒီတခါ လိမ္မော်သီးက ပိတ်စဖြစ်လာပြီ"
လူငယ်က ပိတ်စကို ကိုင်ပြီး လျှောက်လာတုန်း ခွေလဲနေတဲ့ မြင်းတစ်ကောင်နဲ့ ဒုက္ခရောက်နေတဲ့လူတစ်ယောက်နဲ့ တွေ့တယ်။
"ဘယ်လိုဖြစ်တာလဲခင်ဗျ?"
"မြင်းက ရောဂါနဲ့ လဲနေလို့။ မြို့ကိုသွားပြီး ပိတ်စနဲ့ လဲလှယ်မလို့ စိတ်ကူးထားတာ။ ဒီနေ့မှ ပိတ်စမရရင်တော့ ဒုက္ခပါဘဲ"
"ဒါဆို ဒီပိတ်နဲ့ မြင်းနဲ့ လဲမလား?"
လူငယ်က ပြောလိုက်တဲ့အခါ အမျိုးသားလည်း ဝမ်းသာအားရနဲ့ ပိတ်စကိုယူပြီး ပြန်သွားတော့တယ်။
လူငယ်လည်း မြင်းကို ရေတိုက်လိုက် ကိုယ်ကိုပွတ်သပ်လိုက် လုပ်ပေးတဲ့အခါ မြင်းက နဂိုလို ပြန်ကျန်းမာလာတယ်။
သေချာကြည့်မိတဲ့အခါ အတော်ခန့်ညားသန်မာတဲ့ မြင်းဖြစ်နေတယ်။
"ဒီတခါတော့ ပိတ်စက မြင်းဖြစ်လာပြီ"
မြင်းကို ဆွဲပြီး လမ်းလျှောက်လာတုန်း ဒီတစ်ခါ အိမ်ပြောင်းနေတဲ့ မိသားစုနဲ့ တွေ့တယ်။
ဒီအခါ အိမ်ရှင်အမျိုးသားက လူငယ်ရဲ့ မြင်းကိုကြည့်ပြီး ပြောလိုက်တယ်။
"ရုတ်တရက် ခရီးထွက်ဖို့ ဖြစ်လာလို့၊ မြင်းလိုနေတာ၊ အဲဒီမြင်းနဲ့ ငါ့အိမ်ရယ် လယ်ရယ်နဲ့ လဲလှယ်နိုင်မလားကွယ့်"
လူငယ်က ကြီးကျယ်ခန့်ညားတဲ့ အိမ်ကြီးအိမ်ကောင်းနဲ့ ကျယ်ပြန့်တဲ့ လယ်တွေ ပိုင်ဆိုင်လိုက်ပြီး သူဋ္ဌေးကြီး ဖြစ်လာတယ်။
ကောက်ရိုး တစ်မျှင်ကနေ သူဋ္ဌေးကြီးဖြစ်လာလို့ အားလုံးက အဲဒီလူငယ်ကို "ကောက်ရိုးသူကြွယ်"လို့ ခေါ်ကြသတဲ့ကွယ်။

Read More...

Saturday, August 9, 2008

ဂျပန်ပုံပြင်(၂)


ငရဲပြည်သို့ တခေါက် 



ဟိုးရှေးရှေးတုန်းက "နစ်ကိုး"မြို့ရဲ့ "ရှကိုးဂျိ"ဘုန်းတော်ကြီးကျောင်းမှာ "ခကုဂဲန်း ရှောနင်း" လို့ခေါ်တဲ့ ဘုန်းတော်ကြီး တစ်ပါးရှိတယ်။
တနေ့တော့ "ရှောနင်း"ဟာ ဘေးစောင်း လှဲလျက်သားနဲ့ သေဆုံးသွားပါတယ်။
ဒါပေမယ့် သူ့ ကိုယ်ခန္ဓာက အသက်ရှိနေသလို ခပ်နွေးနွေးနဲ့ အသားကလဲ ပုံမှန်အရောင်ပါဘဲ။
အသက်လည်းမရှူ နှလုံးကလည်း လုံးဝမခုန်တာကတော့ အခြား လူသေတွေလိုပါဘဲ။
"ဘယ်လိုလုပ်ကြမလဲဟေ့?"
လူတွေက ဘယ်လိုလုပ်ရမှန်းမသိ ဒုက္ခရောက်နေကြတယ်။ ဒီလိုနဲ့ ၁၇ရက်တောင် ကျော်လာတယ်။
အဲဒီအချိန်မှာ ရုတ်တရက် "ရှောနင်း"က ဖျက်ခနဲ မျက်စေ့ပွင့်လာတယ်။
"ဟာ! မျက်စေ့ပွင့်လာပြီ၊ ပြန်သတိရလာပြီ"
"ရှောနင်း"က သူ့ကို ဝိုင်းပြီး စိတ်ပူနေတဲ့ သူတွေကို အခြေအနေကို ရှင်းပြတော့တယ်။
"ကြည့်ရတာတော့ ငါ သေသလို ဖြစ်နေမယ်ထင်တယ်။ အားလုံး စိတ်ပူစေမိတဲ့အတွက် တောင်းပန်ပါတယ်။ တကယ်တော့ ငါ ခုလေးတင် ငရဲပြည်ခရီးက ပြန်ရောက်လာတာ။ အတော်ဘဲ အားလုံးကို ပြောစရာရှိတယ်"
အဲလိုပြောပြီး "ရှောနင်း"က ထူးဆန်းတဲ့ အကြောင်းကို စပြောပါတော့တယ်။
"ဖျတ်ကနဲ့ သတိထားမိတဲ့အချိန်မှာ ငါက တိမ်တွေကိုစီးပြီး အမှောင်တိုက်ထဲ တိုးတိုးဝင်နေတယ်။
ဒီလိုနဲ့ မီးတောက်တွေ ဝိုင်းနေတဲ့ တောင်မုဒ်ဦးဝကို ရောက်သွားပြီး အဲဒီမှာ ဘီလူးတွေ ရပ်နေတယ်။
ဒါ နာမည်ကြီးတဲ့ ငရဲတခါးဝမှန်း သိလိုက်တယ်။
မုဒ်ဦးကို ဖြတ်ပြီး နောက်တော့ ငရဲမင်းရဲ့ ခန်းမထဲ ရောက်သွားတယ်။ ငရဲမင်းရှေ့မှာတော့ လူတွေအများကြီး တန်းစီနေတာဘဲ။ ငရဲမင်း အဆုံးအဖြတ်ကို နာခံရမယ့်သူတွေလေ။
အရှေ့ဆုံးက လူက ငရဲမင်းရှေ့ ဆွဲခေါ်သွားခံရချိန်မှာ ဒီလိုပြောတယ်။
'ငရဲမင်းကြီး ကျနော် ငရဲကျရလောက်အောင် ဘာမှမလုပ်မိပါဘူး'
အဲဒီအခါ ငရဲမင်းက ကြောက်စရာ အသံကြီးနဲ့ ကြိမ်းမောင်းတော့တယ်။
'မညာစမ်းနဲ့! မင်း ခွေး၃ကောင် ကြောင်၆ကောင်ကို သတ်ခဲ့တယ်'
'ဟုတ်ပါတယ်၊ ဒါပေမယ့် ခွေးတွေ ကြောင်တွေသတ်တာ ငရဲကျတတ်လို့လား?'
'ပြောနေဖို့တောင်မလိုဘူး! ဥပမာ ပိုးကောင် တစ်ကောင်ပဲဖြစ်ဖြစ် အသက်ရှိရင် လူသားနဲ့ အတူတူဘဲ။ သတ်မိရင် အပြစ်ရှိတယ်။ မင်းငရဲခံရမယ်။ အနှစ် ငါးရာ သံဒုတ်နဲ့ ဆက်တိုက် အရိုက်ခံရမယ်'
ငရဲမင်းက ပြောလိုက်တော့ ဘီလူးတွေရောက်လာပြီး အဲဒီသူကို ဆွဲခေါ်သွားတယ်။
'နောက်တစ်ယောက် ရှေ့ထွက်ခဲ့'
'ဟွန်း! ကြိုက်သလိုလုပ်။ ငရဲကျတာ ဘာနောင်တမှ မရဘူး'
'ဟုတ်လား၊ မင်းလိုမျိုး နောင်တမရတဲ့ကောင်တွေကို ပိုကြီးလေးတဲ့ အပြစ် ချမှတ်ရမယ်။ မင်းသွားရမယ့် ငရဲက သံကြာပွတ်ငရဲဘဲ။ အဲဒီမှာ နှစ်တစ်ထောင် မီးအပူကင်ထားတဲ့ သံကြာပွတ်နဲ့ ဆက်တိုက်အရိုက်ခံပေရော့! လာ နောက်တစ်ယောက်'
ဒီလိုနဲ့ ငရဲမင်းက ငရဲပြည်ရောက်လာတဲ့ လူတွေကို တစ်ယောက်ပြီးတစ်ယောက် စီရင်ချက် ချလာလိုက်တာ နောက်ဆုံး ငါ့အလှည့် ရောက်လာတယ်။
အဲဒီအခါ ငရဲမင်းက ဒီလို ပြောတော့တယ်။
"ခကုဂဲန်း"ကိုခေါ်ရတာ အပြစ်ရှိလို့ မဟုတ်ဘူး။ မြင်တယ်မဟုတ်လား၊ အခုတလော ငရဲပြည်ရောက်လာတဲ့ လူတွေများများလာတာ။ ဒါဟာ အသက်ရှင်တုန်းက မကောင်းမှုလုပ်ရင် ငရဲကျတတ်တာကို မေ့နေကြတဲ့အတွက်ကြောင့်လို့ တွေးမိတယ်။ ဒါနဲ့ လူတွေကို တရားဟောပြောပေးဖို့ တာဝန်ပေးဖို့အတွက် ငရဲရဲ့ ကြောက်မက်ဖွယ်ကောင်းပုံကို သေချာမြင်ရအောင် ပြပြီး ငရဲကျမယ့်သူတွေနည်းလာအောင် ဟောပြော ရှင်းပြပေးစေချင်လို့ဘဲ'
လို့ ပြောပြပြီး ငါ့ကို ငရဲပြည် ခေါ်ရတဲ့အကြောင်း ပြောပြတယ်။
ငရဲပြည်မှာ ဘယ်လောက်ဘဲ ဝေဒနာခံစားနေရပါစေ သေလို့မရဘူး။
ဥပမာ ခန္ဓာကိုယ်ကို အစိတ်စိတ် ပိုင်းဖြတ်ခံရလည်း ခဏနဲ့ နဂိုလို ပြန်ဖြစ်သွားပြီး အမြဲ ဝေဒနာ ခံစားနေရတော့တာ။
ပစ္စည်းအလေးတွေ ကျောပေါ်ထမ်းပြီး ဆူးတောင်ပေါ် တက်နေရတဲ့သူတွေလည်း ရှိတယ်။
ပူလောင်တဲ့ သွေးကန်ထဲ တိုးဝှေ့နေတဲ့ လူတွေ။
ငရဲပြည်မှာ အဲလို လူတွေရဲ့ အော်ဟစ်သံတွေ၊ ညည်းတွားသံတွေဆက်တိုက်ဘ။ဲ
'သိကြပြီလား၊ မသေခင်အထိ ဒီလောက် ခံရမယ်ဆိုတာ မတွေးမိကြဘူးမဟုတ်လား။ လူတွေ ဒီနေရာ မလာသင့်ဘူး'
လို့ ငရဲမင်းက ပြောတယ်။
'ကောင်းပါပြီ။ တစ်ယောက်တည်းပေမယ့် တတ်နိုင်သလောက် ငရဲကျတဲ့သူ နည်းပါးအောင် တရားဟောသွားမယ်'
ငရဲမင်းကို ကတိပေးပြီး ငါက ငရဲပြည်က ပြန်ခဲ့တာဘဲ"
အဲဒီအချိန်ကစလို့ "ရှောနင်း"ဟာ တစ်ပါးတည်းပေမယ့်လည်း လူတွေ ငရဲကျတာကနေ ကယ်တင်ရအောင် ငရဲပြည်အကြောင်း တရားဟောနေပါတော့တယ်။


***


ပုံပြင်တစ်ရာ


တခါက ရွာတရွာမှာ အသုဘ အခန်းအနား ရှိတယ်။
နေ့ခင်းအချိန်က များပြားလှတဲ့ အသုဘရှုလာ ရွာသားတွေက ညနေပိုင်းလည်းရောက်ရော တဖြည်းဖြည်း နည်းပါးသွားလိုက်တာ နောက်ဆုံး လူငယ် ၆ယောက် ၇ယောက်ဘဲ ကျန်ပါတော့တယ်။
"တကူးတက စုကျန်နေခဲ့တာ။ ဘုရားကျောင်းရဲ့ ခန်းမမှာ 'ပုံပြင်တစ်ရာ' ဆော့ကြည့်ရအောင်"
တစ်ယောက်က ပြောလိုက်တော့
"ဟင်အင်း၊ အသုဘပြီးပြီးချင်း 'ပုံပြင်တစ်ရာ'ဆော့ရင်း တကယ် သရဲထွက်လာတတ်တယ်လို့ ပြောတယ်။ မလုပ်ကြပါနဲ့"
တစ်ယောက်က ကျောချမ်းပြီး ပြောတယ်။
'ပုံပြင်တစ်ရာ'ဆိုတာ ညသန်းခေါင်မှာ လူစု၊ ဖယောင်းတိုင် တစ်ရာမီးထွန်းပြီး သရဲအကြောင်း ပြောတာဖြစ်တယ်။
ပုံပြင် တစ်ခုပြီးတိုင်း ဖယောင်းတိုင်မီးတစ်ခုစီကို ညှိမ်းသွားပြီး နောက်ဆုံး ဖယောင်းတိုင် ညိမ်းသွားတဲ့ အချိန်မှာ တကယ့်သရဲ ထွက်လာတယ်လို့ ပြောကြပေမယ့် ဒီလူငယ်တွေက တခါမှ မစမ်းသပ်ကြည့်ဖူးပါဘူး။
"ဟာ! သူရဲပေါကြောင်လိုက်တာ။ တကယ်သရဲထွက်လာမလာက လုပ်ကြည့်မှ သိမှာပေါ့ဟ'
"ဟုတ်တယ်၊ ဟုတ်တယ်"
"ဒါဆို လုပ်ကြည့်ရအောင်"
လို့ပြောပြီး လူငယ်တွေဟာ ဘုရားကျောင်းခန်းမမှာ 'ပုံပြင်တစ်ရာ'ကို စကြတော့တယ်။
"ဒါက အဖိုးဆီက ကြားဘူးတာ......"
"ဒါက ရွာတရွာက လူသေတုန်းကပေါ့....."
လို့ တစ်ယောက်တစ်လှည့်စီ သရဲအကြောင်းပြောပြီး ဖယောင်းတိုင် တစ်တိုင်စီ ညှိမ်းသွားလိုက်ကြတယ်။
ညဥ့်နက်သထက် နက်လာသလို ဖယောင်းတိုင်လည်း နောက်ဆုံး တစ်တိုင်ဘဲ ကျန်တော့တယ်။
အစက မယုံတယုံနဲ့ စမ်းသပ်ကြတဲ့ လူငယ်တွေလည်း တဖြည်းဖြည်း ကြောက်လာကြတယ်။
"ဟုတ်ပြီလား၊ ဒီနောက်ဆုံး ဖယောင်းတိုင်ကို ညိမ်းသွားရင် တကယ့်သရဲ ထွက်လာမလား မသိဘူး။ ဒါပေမယ့် သရဲထွက်လာလည်း ဘယ်သူမှ ထွက်မပြေးကြေးနော်"
"အင်းပါ။ ဘယ်လိုသရဲထွက်လာမလဲ ဒီမျက်လုံးနဲ့ သေချာကြည့်လိုက်ဦးမှာ"
လူငယ်တွေက အပြောကြီးသလောက် 'ပုံပြင်တစ်ရာ'ရဲ့ အကြိမ်တစ်ရာမြောက် ပုံပြင်ပြီးသွားတဲ့အချိန် နောက်ဆုံးဖယောင်းတိုင်ကို ညှိမ်းလိုက်တဲ့အခါ မှောင်မဲသွားတဲ့ ခန်းမထဲက တစ်ယောက်စ နှစ်ယောက်စ ထွက်ပြေးကုန်ကြပြီး နောက်ဆုံး တစ်ယောက်ဘဲကျန်ခဲ့တော့တယ်။
"ဟွန်း! အလကားကောင်တွေ။ ....ဒါနဲ့ ဒီသရဲကောင်ကလဲ မြန်မြန်ထွက်လာတာမဟုတ်ဘူး"
ကျန်နေခဲ့တဲ့လူငယ်က ရင်ကော့ပြီး ခန်းမအမှောင်ထဲ ထိုင်နေတဲ့အချိန်မှာ...
♪ရွှီး ဖတ်.. ဖတ်.. ဖတ်..
မျက်စေ့ရှေ့မှာ ပိတ်ဖြူဝတ်ထားတဲ့ သရဲက ပေါ်လာတယ်။
"~ဟင်းးးးးး မကျေနပ်ဘူးးးးးး~"
"အား!"
လူငယ်လည်း ရုတ်တရက် ထွက်ပြေးမိမလိုဖြစ်ပြီး သေချာကြည့်လိုက်တော့ ဝေဝေဝါးဝါးနဲ့ ချောမောတဲ့ သရဲမလေး ဖြစ်နေတယ်။
"ဟာ! ဒါအတော်ချောတဲ့သူဘဲ"
တဖက်က သရဲဖြစ်ပေမယ့် ငယ်ငယ်ချောချောလေးမို့ နည်းနည်းမှ မကြောက်မိဘူး။
လူငယ်က ပြန်ထိုင်လိုက်ပြီး သရဲကို မေးကြည့်လိုက်တယ်။
"ဟေး ခုနက မကျေနပ်ဘူးလို့ ပြောလိုက်တာ ဘာကို မကျေနပ်တာလဲ? 'မကျေနပ်ဘူးကွ~'လို့ ပြောရုံနဲ့ ဘာမှန်းနားမလည်ဘူး။ ဘာကြောင့်လဲ? အကြောင်းရင်းကို ပြောပြနိုင်မလား?"
အဲလိုပြောလိုက်တော့ သရဲက ဖြေးဖြေးချင်း ပြန်ဖြေတယ်။
"အင်း ကောင်းပြီ။ ကျမက တောင်ဟိုဘက်တခြမ်းမှာရှိတဲ့ ရွာကနေ ဒီရွာသူကြီးဆီမှာ အလုပ်လာလုပ်ရတဲ့သူပါ။ ရုတ်တရက် မမျှော်လင့်တဲ့ ရောဂါနဲ့ သေဆုံးခဲ့ရတယ်။
ဒါပေမယ့် ရွာသူကြီးက ငွေနှမျောပြီး အသုဘအခန်းအနား မလုပ်ပေးဘူး။ ဒါကြောင့် ခုထိ ဘယ်ကိုမှ မသွားနိုင် မကျွတ်လွတ်ဖြစ်နေတာ"
"ဪ သနားစရာကောင်းလိုက်တာ"
"ဒီည ရှင်တို့တွေ 'ပုံပြင်တစ်ရာ'ဆော့တဲ့အကျိုးကြောင့် နောက်ဆုံး ဒီခန်းမထဲ ကိုယ်ယောင်ပြလို့ ရလာတာ။ ကျေးဇူးပြုပြီး ဘုရားကျောင်းရဲ့ ဆရာတော်ဆီကနေ အမျှဝေပေးဖို့ တောင်းဆိုပါရစေ။ ဒါမှ ကျွတ်လွတ်နိုင်မှာမို့ပါ"
သရဲမလေးက လက်အုပ်ချီ တောင်းဆိုတယ်။
"ဟုတ်ကဲ့။ ပြုလုပ်ပေးပါ့မယ်"
လူငယ်က ပြန်ဖြေလိုက်တော့ သရဲမလေး ဖျတ်ခနဲ ပျောက်ကွယ်သွားတယ်။
နောက်တနေ့မနက် လူငယ်က ဆရာတော်ကို လျှောက်တင်ပြီး သရဲမလေးအတွက် အမျှဝေပေးလိုက်တယ်။
ဒီလိုနဲ့ အဲဒီအချိန်ကစလို့ လူငယ်လည်း ကံဇာတာ တောက်လျှောက်ကောင်းလာပြီး နောက်ဆုံး သူဌေးဖြစ်သွားပါတော့တယ်။

Read More...

Saturday, August 2, 2008

ဂျပန်ပုံပြင် (၁)


ဘာသာပြန်ဖို့ စာကြီးပေကြီးတွေ အင်တာနက်ထဲ မွှေနှောက်မိတော့ ရှာတွေ့တာက ကလေးပုံပြင်တွေ။ ဖတ်ကြည့်တော့ မဆိုးဘူး။ မဆိုးဘူးဆိုးတာက ကိုယ့်လယ်ဗယ်နဲ့ ဖတ်လို့နိုင်တာ ပြောတာ။ :D ကလေးပုံပြင်တောင် အဘိဓာန်လေးနဲ့ တွဲပြီး ဘာသာပြန်ရတဲ့ အခြေအနေပါ။ ကိုဇနိ တိုက်တွန်းလို့ ဂျပန်စာပေလေးတွေ ရှာဖွေ ဘာသာပြန် ဖြစ်ပါတယ်။ ဒါပေမယ့် ကိုယ်မှ အဲလောက်မတတ်တာဆိုတော့ ဖတ်နိုင်တာလေးဘဲ ရွေးပြီး တင်ဖြစ်ပါတယ်။ အိမ်ကြီးရှင်က ပြောပါတယ်။ "နစွတ်မဲ့ စို့စဲကိ"ဆိုတဲ့ စာရေးဆရာသိလားတဲ့။ "ဟင် ဘာ? သိဘူးလို့"။ အဲဒီစာရေးဆရာက နာမည်ကြီးဆိုဘဲ။ သူ့စာအုပ်ဖတ်မလားလို့ ပြောတော့ တော်ပါပြီ။ အင်တာနက်ထဲက ဆယ်မျက်နှာစာလောက် ဝတ္ထုတိုတွေတောင် မနည်းဖတ်ယူရတယ်။ စာတစ်ကြောင်းပြီးဖို့အရေး အနည်းလေး သုံးမိနစ်လောက်ကြာတယ်။ လိုရင်းကို တော်ရုံနဲ့ မရောက်နိုင်တော့ဘူး။ မသိတဲ့ ခန်းဂျီးဗရပွနဲ့လေ။ သူ့ဝတ္ထုစာအုပ်ရှည်များ ဖတ်ရမယ်ဆို ပြီးပါလေရော။ ကိုယ်သန်ရာသန်ရာ ကလေးစာပေဘဲ လိုက်ဖတ်နေမိတယ်။ ခု ဖတ်မိတဲ့ ပုံပြင်တွေထဲကမှ လာလည်တဲ့သူတွေကို ခြောက်ချင်လို့ သရဲပုံပြင်လေးတွေ တင်လိုက်တယ်။ ပြောသာပြော်ရတာ ကလေးပုံပြင်ဆိုတော့ ကြောက်ဖို့မကောင်းပါဘူး။ ကျမဘလော့မှာ သရဲနဲ့ ပတ်သက်တာတင်တာ ပထမဆုံးထင်တယ်။ ကြောက်ချင်ထောင် အဲ ကြောက်ချင်ယောင် ဆောင်ကြနော်။ :P



နောက်ဆုံးသော ရေ

ဟိုးရှေးရှေးတုန်းက တောင်တစ်တောင်မှာ တောင်တက်လမ်းပြ အဘိုးအိုတစ်ယောက် ရှိသတဲ့။
အဘိုးအိုဟာ တောင်ခြေနားမှာ တဲအိမ်လေးဆောက်ပြီး တောင်တက်လာသူတွေကို လမ်းပြတဲ့အလုပ်လုပ်ကိုင်ရင်း နေထိုင်ပါတယ်။
ဒီလိုနဲ့ နွေရာသီ ညနေခင်းမှာ တောင်ခြေကနေ ကြားရတဲ့ ထူးထူးဆန်းဆန်းအသံကြောင့် အဘိုးအိုက ရုတ်တရက် အိပ်ယာနိုးလာတယ်။
"ဟယ်!! ဒီလောက်ညကြီးမင်းကြီး ဘာသံပါလိမ့်"
တဲထဲကနေ အပြင်ထွက်ကြည့်တော့ ငိုညည်းသံလို အသံက ပဲ့တင်လာတယ်။
ဒါဟာ လူတစ်ယောက် နှစ်ယောက်အသံမျိုးမဟုတ်ဘူး။ လူအများကြီး တပြိုင်ထဲ ငိုနေတဲ့ အသံလိုမျိုး ကြားရတယ်။
"မျက်စေ့လည် လမ်းပျောက်လာတဲ့ ကလေးတွေများလား? ဒါပေမယ့် ဒီအချိန်ကြီး တောင်တက်တဲ့သူ မရှိပါဘူး"
အဘိုးအိုက အသံလာရာဘက်ကို ချောင်းကြည့်လိုက်တယ်။
ကောင်းကင်မှာ အလင်းရောင်ရှိသေးရဲ့သားနဲ့ မြူတွေသိပ်သည်းလာပြီး ဘာမှမမြင်ရဘူး။
ငိုညည်းကြီးသံက ပိုပိုပြီး ကျယ်လောင်လာပြီး မြူတွေထဲကနေ လေသင့်ရာ လွင့်ပျံ့လာတယ်။
အဘိုးအိုက အဲဒီနေရာမှာ ကျောက်ရုပ်လို ငြိမ်သက်နေမိတယ်။
အဲလိုနေတုန်း ရုတ်တရက် မြူတွေက လှုပ်ရှားလာပြီး ကောင်းကင်မှာ လလည်း ထွက်လာတယ်။
တချိန်ထဲမှာဘဲ ဟိုးအဝေး အောက်ခြေမှာ ဖြူဖျော့ဖျော့ အိုင်ငယ်လေးက ဝိုးတဝါး ပေါ်လာတယ်။
"ဟာ! ဘာပါလိမ့်"
အရင်နဲ့မတူတဲ့မြင်ကွင်းကြောင့် အဘိုးအိုက စူးစိုက်ကြည့်နေမိတယ်။
အဖြူရောင်ဝတ်စုံကို ဝတ်ထားတဲ့ လူလိုလိုတွေက ရေအိုင်အစပ်နားမှာ လှည့်ပတ်လှုပ်ရှားနေကြတယ်။
အဘိုးအိုက ရုတ်တရက် တောင်ပေါ်ကနေ ဆင်းလာမိတယ်။
ရေအိုင်အပေါ်ဘက်နားအထိ ရောက်လာပြီး အောက်ကိုချောင်းကြည့်မိလိုက်တော့---
အဝတ်အဖြူတွေ ဝတ်ထားတဲ့လူတွေက လုယက်ပြီး ရေသောက်နေတာ တွေ့လိုက်ရတယ်။
အဘိုးအိုက ရုတ်တရက် လှမ်းပြောလိုက်တယ်။
"ဟေး!!!! မင်းတို့တွေ၊ အဲဒီမှာ ဘာလုပ်နေကြတာလဲ?"
အဲဒီအခါ အဲဒီလူတွေက တပြိုင်ထဲ အဘိုးအိုကို မော့ကြည့်လိုက်ကြတယ်။
အားလုံးရဲ့ မျက်နှာတွေက ဖြူဖျောဖျောဗြောင်ကြီးတွေ၊ ဆံပင်တွေ ဖားလျားကျနေပြီး နဖူးမှာ တြိဂံပုံ အဖြူရောင် နဖူးစီးပတ်ထားကြတယ်။ (ဂျပန်သရဲစတိုင်)
ပြီးတော့ မျက်လုံးတွေက မီးလို အရောင်တွေ ထွက်နေတယ်။
"တ.... တ....တစ္ဆေ~~~"
တစ္ဆေဆိုတာ မကောင်းမှုတွေလုပ်ပြီး သေသွားတဲ့သူတွေ၊ ပြီးတော့ ငရဲကို အပို့ခံရတဲ့သူတွေဘဲ။
အဘိုးအိုက မျက်စေ့ကိုမှိတ်၊ လက်အုပ်မိုးပြီး ဘုရားစာကို စူးစူးစိုက်စိုက်ရွတ်ပါတော့တယ်။
"ကယ်တော်မူပါဘုရား၊ ကယ်တော်မူပါဘုရား ၊ကယ်တော်မူပါဘုရား" (သင့်သလို ဘာသာပြန်ခြင်း)
အဘိုးအိုရဲ့ ဘုရားစာရွတ်သံကြောင့်လားတော့မသိ တစ္ဆေတွေက အသံနက်ကြီးနဲ့ အော်ဟစ်ထွက်ပြေးကုန်တော့တယ်။
ခဏအကြာမှာ မျက်စေ့ကို ဖွင့်ကြည့်လိုက်တော့ တစ္ဆေတွေ ဘယ်မှာမှ မရှိတော့ဘူး။
"ဟူး~~ တော်သေးတာပေါ့"
အဘိုးအိုက စိတ်အေးသွားပြီး တောင်ပေါ်ပြန်တက်လာတုန်း ဟိုးအရင်တုန်းက သူ့အဖေဆီက ကြားဖူးတဲ့စကားကို ပြန်အမှတ်ရလာတယ်။
"ဖူဂျီတောင်ရဲ့ "တတဲ"တောင်မှာရှိတဲ့ ငရဲပြည်သွားတဲ့ တောင်ကြားလမ်းဆီကိုသွားမယ့် တစ္ဆေတွေက အမြဲတန်း ဒီနေရာမှာ နောက်ဆုံးသော ရေကို သောက်ကြတယ်။ တစ္ဆေကို မြင်မိတဲ့လူကလည်း သိပ်မကြာခင် ငရဲကို ဆွဲချခံရတတ်လို့ သတိထားနော်"တဲ့။(ဟင်!!) *_*!
သူ့အဖေ စကားအတိုင်း တစ်လတောင် မရှိခင်မှာဘဲ အဘိုးအိုက သေဆုံးသွားပါတော့တယ်။

******


သေရမှာ ကြောက်လို့


ဟိုးရှေးရှေးတုန်းက "မုစွတ်"နိုင်ငံရဲ့ ရွာတရွာမှာ "မန်းဂျိရိုး"လို့ ခေါ်တဲ့ အကြောက်ထူတဲ့ လူတစ်ယောက် ရှိတယ်။
ရွာက တယောက်ယောက် ဆုံးပြီဆိုရင် ဒီတခါ ငါ့အလှည့်များလားဆိုပြီး အမြဲတန်း ကြောက်လန့်နေတယ်။
တနေ့မှာ "မန်းဂျိရိုး"က ဆုံးသွားတဲ့ အဖိုးဆီက ကြားဖူးတဲ့ စကားကို ပြန်သတိရမိတယ်။
"၁လပိုင်း ၁၆ရက်နေ့ ညသန်းခေါင်ယံအချိန်မှာ ဘယ်သူမှ မသိအောင် အိမ်ခေါင်မိုးပေါ်တက်ကြည့်မယ်ဆိုရင် အဲဒီနှစ်မှာ သေရမယ့်လူတွေကို သိရလိမ့်မယ်"လို့ ပြောခဲ့တဲ့ စကားပါ။
(မဟုတ်မှ လွဲရော၊ ငါ့ကံကြမ္မာကို သိရမလားဘဲ)
သေရမှာ အရမ်းကြောက်တဲ့ "မန်းဂျိရိုး"က နောက်နှစ်ရဲ့ ၁လပိုင်း ၁၆ရက်နေ့မှာ အားလုံးအိပ်ပျော်တာကို စောင့်ပြီး တိတ်တိတ်ကလေး အိမ်ခေါင်မိုးပေါ် တက်ခဲ့တယ်။
"အား!! ချမ်းလိုက်တာ"
"မန်းဂျိရိုး"က တဂတ်ဂတ်တုန်နေရင်း ဟိုဟိုဒီဒီ လိုက်လှည့်ပတ်ကြည့်လိုက်တယ်။
အိမ်တိုင်း မီးမှိတ်နေပြီး ဘာသံမှမကြားရအောင် တိတ်ဆိတ်လို့နေတယ်။
အဲဒီအချိန်မှာဘဲ ရွာလယ်လမ်းမကနေ တဖြေးဖြည်း ဒီဘက်ကို ရွေ့လာတဲ့အရာတခုကို လှမ်းမြင်လိုက်ရတယ်။
အဖြူရောင် ဝတ်စုံဝတ်ပြီး နဖူးမှာ အဖြူရောင်တြိဂံပုံစာရွက် ချည်ထားတဲ့ လူသေ။
(သ~ သရဲ)
"မန်းဂျိရိုး" ကြောက်သွားပေမယ့် သေချာကြည့်မိတော့ အဲဒါ အိမ်နားမှာနေတဲ့ အဖွားပါလား။
လူငယ်တွေနဲ့အတူ တောင်ယာအလုပ်လုပ်လိုက် မြေးထိန်းလိုက်နဲ့ ကျန်းမာဖျတ်လတ်နေသူလို့ သိထားတာပါ။
ဒီမတိုင်ခင်တောင် ဆုံဖူးသေးတာ၊ သေတယ်လို့ မကြားမိပါဘူး။
"မန်းဂျိရိုး"က အထူးတဆန်းဖြစ်ပြီး ခေါင်မိုးပေါ်ကနေ အဖွားကို ကြည့်နေမိတယ်။
အဖွားက အသက်အနှုတ်ခံထားရတဲ့ မျက်နှာနဲ့ ရွေ့ရွေ့ ရွေ့ရွေ့ လမ်းလျှောက်နေတယ်။
(ဘယ်များသွားမလို့ပါလိမ့်?)
"မန်းဂျိရိုး"ရဲ့ အိမ်ရှေ့ကို ဖြတ်သွားတဲ့ အဖွားက နောက်ဆုံး ရွာအလွန်မှာရှိတဲ့ သင်္ချိုင်းဆီ ဦးတည်ပြီး မီးခိုးလို ပျောက်ကွယ်သွားပါတယ်။
(အင်းမ်... ဒီအဖွား ဒီနှစ်ထဲ သေမှာများလား?)
"မန်းဂျိရိုး"က ခေါင်းလိမ်ပြီး စဉ်းစားနေတုန်း ဒီတခါ အိမ်နားကဘဲ ဆင်တူ လူသေဝတ်စုံဝတ်ထားတဲ့ မိန်းမပျိုလေး ထွက်လာတယ်။
(ဟယ်! ဒီကောင်မလေး!!)
"မန်းဂျိရိုး"က အသံထွက်မလို ဖြစ်သွားတယ်။
ရွာထဲမှာ ချောလွန်းလို့ နာမည်ကြီးတဲ့ မိန်းမပျိုလေးဖြစ်ပေမယ့် ဖျားနာပြီး မျောနေတယ်လို့ ကြားဖူးတယ်။
မိန်းမပျိုလေးလဲ ရွာအလွန်သင်္ချိုင်းရှေ့နားမှာဘဲ မီးခိုးလို ပျောက်ကွယ်သွားပါတယ်။
(ကြည့်ရတာ ဒီနှစ်ယောက် ဒီနှစ်အတွင်း ဆုံးမလား မသိဘူး?)
အဲလိုတွေးမိပြီး ကြောက်လွန်းလို့ ဘယ်သူ့ကိုမှ ပြောမပြရဲဘူး။
"မန်းဂျိရိုး"ထင်တဲ့အတိုင်းပါဘဲ၊ မကြာခင်မှာ အဖွားရော မိန်းမပျိုလေးပါ ဆုံးသွားပါတယ်။
အဲဒီကနေစပြီး နှစ်တိုင်း ၁လပိုင်း ၁၆ရက်နေ့မှာ ခေါင်မိုးပေါ်တက်ပြီး ဒီနှစ် ဘယ်သူသေမှာလဲကို စောင့်ကြည့်နေတော့တယ်။
အဲဒီလိုနဲ့ တနှစ်မှာတော့---
ဒီနှစ်လည်း ၁လပိုင်း ၁၆ရက်နေ့ညမှာ ခေါင်မိုးပေါ်တက်ပြီး အောက်ကို ငုံ့ကြည့်လိုက်တဲ့အခါ အဲဒီမှာ မြင်လိုက်ရတဲ့ လူသေအဝတ် ဝတ်ထားတဲ့သူက သူကိုယ်တိုင် ဖြစ်နေတယ်။
(ဟင်! အ အောင်မလေး~~)
"မန်းဂျိရိုး" ကြောက်လွန်းလို့ အသက်ရှူရပ်မတတ် ဖြစ်သွားတယ်။
လမ်းပေါ်က "မန်းဂျိရိုး"က ခေါင်မိုးပေါ်က "မန်းဂျိရိုး"ကို မော့တောင်မကြည့်ဘဲ ဖြည်းဖြည်းချင်း သင်္ချိုင်းဆီ လှမ်းသွားနေပါတယ်။
နောက် သင်္ချိုင်းရှေ့ရောက်တော့ မီးခိုးလို ပျောက်ကွယ်သွားတယ်။
"မန်းဂျိရိုး"လည်း ခေါင်မိုးပေါ်က အမြန်ဆင်းပြေးပြီး အိမ်သားတွေကို လိုက်နှိုးတယ်။
"ငါ ငါသေတော့မှာ"
အိမ်သားတွေလည်း လန့်သွားတယ်။
"ဘာအရူးထပြန်တာလဲ။ အိပ်မက်ဆိုး မက်တာမဟုတ်လား"
"မဟုတ်ဘူး၊ အိပ်မက်မဟုတ်ဘူး၊ တကယ်....."
လို့ အစချီပြီး အခုအချိန်အထိ အကြောင်းတွေကို အားလုံးကို ဖွင့်ပြောပြလိုက်ပေမယ့်
"အမ်! ဒါမျိုး ဘယ်သူမှ မယုံဘူး"
လို့ ပြောပြီး ဘယ်သူမှ အရေးမလုပ်ပါဘူး။
အဲဒီကနေ "မန်းဂျိရိုး"က အရင်ကထက်ကို ပိုကြောက်ကြောက်လန့်လန့်နဲ့ နေထိုင်နေရပြီး အဲဒီနှစ်ရဲ့ ဆောင်းဦးမှာ ရုတ်တရက် သေဆုံးသွားတော့တယ်။
"မန်းဂျိရိုး"အကြောင်းကို ရွာထဲမှာ တီးတိုးတီးတိုး ပြောနေကြပေမယ့် အားလုံးက ကြောက်ကြတာမို့ ၁လပိုင်း ၁၆ရက်နေ့ညရောက်ပေမယ့်လည်း အိမ်ခေါင်မိုးပေါ် တက်ကြည့်ရဲသူ တစ်ယောက်မှ မရှိပါဘူး။


Read More...

  © Blogger templates The Professional Template by Ourblogtemplates.com 2008

Back to TOP