Thursday, May 29, 2008

င၊ မောင်၊ ကို မှ ဆရာသို့


(သုံး)

ရေမြက်ရွာသို့ အလုပ်ဝင်ရန်အသွားတွင် မောင်မုန်းကို ဖခင်ကိုတင်ညွန့်ကိုယ်တိုင် လိုက်ပို့လေသည်။ ပခုက္ကူမြို့မှ ပေါက်လမ်းအတိုင်း ကားစီးထွက်ခွါခဲ့ရာ ၁၄ မိုင်အရောက်တွင် မယုံနိုင်လောက်အောင် စိမ်းလန်းစိုပြေလှသော ရွာစဉ်တတန်းကို လှမ်းမြင်လိုက်ရသည်။ မြန်မာပြည် အလယ်ပိုင်းတွင် တွေ့ရခဲသော အုန်းခြံကြီးများကို သိပ်သိပ်သည်းသည်း မြင်တွေ့ရသည်။ ငှက်ပျောခြံ၊ ကွမ်းသီးပင်၊ ကွမ်းခြံတွေ။ နောက် ထန်းတောကြီးတွေ။ ခြောက်ခြောက်ကပ်ကပ် ကျုံကျုံလှီလှီမဟုတ်။ ဖွံ့ဖွံ့ဖြိုးဖြိုး စိုစိုပြည်ပြည် စိမ်းစိမ်းလန်းလန်းတွေ။

အခြောက်ထဲမှ အစို၊ အဝါထဲမှ အစိမ်း၊ လွင်ပြင်ထဲမှတောအုပ်၊ အပူထဲမှ အအေး၊ ထူးခြားသောဒေသဟု ဆိုရပေမည်။ မြန်မာပြည် အလယ်ပိုင်းမိုးနည်းရေရှားဒေသတွင် ဤကဲ့သို့သောနေရာမျိုး ရှိလိမ့်မည်ဟုပင် မောင်မုန်းမထင်မိခဲ့ချေ။ ညောင်ဂျစ်ပင်ရွာသို့အရောက်တွင် ကားပေါ်မှ ဆင်းရသည်။ ရွာခံလူ ဦးသိန်းက မူလတန်းကျောင်းသို့အရောက် ပို့ပေးသည်။ တောင်ဘက်သို့ ထွက်လာခဲ့ရာ ရေလာချောင်းနှင့် ရေမြက်ချောင်းဟူ၍ ချောင်းအကျယ်ကြီး နှစ်တန်းကို ဖြတ်ကျော်ရသည်။ သဲပြင်ပေါ်တွင် အသွားနည်းခဲ့သော မောင်မုန်းတို့ သားအဖမှာ ချောင်းထဲတွင် ဖားနေတော့သည်။ သဲပြင်အချို့နေရာများ၌ စိမ့်ရေများထွက်လျက် စမ်းရေအဖြစ် ပြေးနေတော့သည်။ လက်ယက်တွင်းကလေးတွေကိုလဲ အစီအရီတွေ့ရသည်။ မြေအောက်တွင် ရေနီးသည့်သဘော်ဖြစ်ပေလိမ့်မည်။ သစ်ပင်များ စိမ်းလန်းစိုပြည် ဖွံ့ဖြိုးရခြင်းအကြောင်းရင်းကို မောင်မုန်း ချင့်တွေးနိုင်လေပြီ။

"ဒီကျောင်းဟာ နဂိုက စာသင်ဘုန်းတော်ကြီးကျောင်းပေါ့။ ဆရာတော် ဦးဥက္ကံသနဲ့ ဦးသောဘိတ၊ ဦးသုမနတို့ သင်ကြတယ်။ နောက်ပိုင်း ကျောင်းသားအင်အားများလာတော့ မူလတန်းကျောင်းအဖြစ် ပေးပါလို့ လျှောက်ယူကြတယ်။ အစိုးရမူလတန်းကျောင်းဖွင့်တာ နှစ်နှစ်ဘဲရှိသေးတယ် မောင်မုန်းရဲ့။ ဆရာမနဲ့ မောင်စိန်ညွန့်တို့ ပထမဆုံး ရောက်လာရတယ်။ ခု မောင်စိန်ညွန့်က အလယ်တန်းပြဆရာဖြစ်သင်တန်းသွားတော့ သူ့နေရာကို မောင်မုန်း ရောက်လာတာဘဲ"
မူလတန်းကျောင်းသို့ရောက်သောအခါ ကျောင်းအုပ်ဆရာမကြီး ဒေါ်ဆင့်က ကျောင်း၏ရာဇဝင်ကို အသေးစိတ် ရှင်းပြလေသည်။

ရေမြက်ရွာ အစိုးရမူလတန်းကျောင်းဟုသာ ဆိုရသည်။ ရွာထဲမှာ ကျောင်းမရှိ။ မူလတန်းကျောင်းနှင့် ရွာသည် ချောင်းပြင်ကျယ်ကြီး ခြားနေသည်။ ဂေါတမချောင်းဟုခေါ်ကြောင်း သိရသည်။ မူလတန်းကျောင်းသည် ရွာနှင့် တခေါ်မကဝေးပြီး ချောင်းတဘက်ကမ်းရှိ ထောင့်ကျောင်းဟုခေါ်သော ဘုန်းတော်ကြီးကျောင်းဝိုင်းအတွင်းမှာ ရှိသည်။ ဇရပ်ဆောင်ကို မူလတန်းကျောင်းအဖြစ် ဖွင့်ထားခြင်းဖြစ်၏။ ဇရပ်ဟူ၍ ပျဉ်ခင်း၊ ပျဉ်ထောင်၊ သွပ်မိုး မဟုတ်ရှာ။ ရှားတိုင်မြားဖြင့်ဆောက်ထားသည့် ထန်းပလက်မိုး၊ ထရံကာ၊ ဝါးကြမ်းခင်း အဆောက်အအုံများ ဖြစ်လေသည်။ မောင်မုန်းသည် မူလတန်းကျောင်းကလေးကို မရောက်ခင်က စိတ်ကူးဖြင့် ကျောင်း၏ပုံကို ဖော်ကြည့်မိသည်။ ပျဉ်ထောင်၊ သမံတလင်းခင်း၊ သွပ် သို့မဟုတ် ဝါးကပ်မိုး အဆောက်အအုံကလေး။ ပြူတင်းပေါက်တွေ တခါးပေါက်တွေလဲ အစုံအစေ့။ ယခုမူ စိတ်ကူးနှင့် လက်တွေ့ကား တခြားစီဖြစ်သွားသည်။

သို့သော် ထန်းပလက်မိုးဟူ၍ အထင်မသေးသင့်။ အဆောက်အအုံတို့၏ ထုပ်လျောက်တို့တွင် အမိုးမိုးသည့် နေ့စွဲများကို ရေးထိုးမှတ်တန်းတင်ထားသည်ကို တွေ့ရသည်။ တွက်ကြည့်သောအခါ အနှစ်နှစ်ဆယ်ပင်ရှိပြီဖြစ်ကြောင်း တွေ့ရလေသည်။ မောင်မုန်းသည် မိမိထက် အသက်ကြီးအောင် ခိုင်ခံ့သော ထန်းပလက်မိုးပညာကို လက်ဖျားခါမျှ ချီးမွမ်းမိသည်။ အခြင်ရနယ်လည်း စိပ်သည်။ တန်းကိုလဲ ခြောက်လက်မစီခွါ၍ ပြေးထားသည်။ ထန်းပလက်ကိုထစ်၍ တန်းမှာချိတ်မိုးထားသည်။ ထထန်းရွက်ပြားများ ဆွေး၍ ကြွေကျသွားစေကာမူ ထန်းပလက်ခေါင်းချင်း ကပ်ထားသဖြင့် လေလုံမိုးလုံ ရှိနေသည်။ ကျောင်းဝိုင်း အကျယ်ကြီးထဲတွင် ကျောင်းမကြီးမှအပ အားလုံးသော အဆောက်အအုံတို့သည် ထန်းပလက်မိုးများသာ ဖြစ်လေသည်။ ဆရာမုန်းတို့ဒေသတွင် ထန်းပလက်မိုးသော်လည်း ငါးနှစ်သာခံသည်။ ပေါလဲပေါသည်။ ထို့ကြောင့် ထန်းပလက်ကို အသုံးပြု မိုးထားခြင်း ဖြစ်လေသည်။

ဆရာမကြီးက ယခင် စာသင်ဘုန်းတော်ကြီး ဖြစ်ခဲ့သော ဆရာတော် ဦးဥက္ကံသထံ ခေါ်သွားသည်။ ဆရာတော်သည် ကျောင်းမကြီးပေါ်တွင် သီတင်းမသုံး။ ထန်းပလက်မိုး ကျောင်းငယ်လေးမှာပင် သီတင်းသုံးနေသည်ကို ဖူးတွေ့ရ၏။
"ကျောင်းဆရာအတွက် နေထိုင်စားသောက်ရေးမပူနဲ့ ဒကာကြီး။ ဆရာတော်ရဲ့ တာဝန်ထား။ အစစအရာရာလဲ စိတ်သာချ။ ဒကာကြီး စိတ်အေးအေးထားပြီးပြန်ပေတော့။"
ဆရာတော်က ကိုတင်ညွန့်အား ကတိပေးတော်မူသည်။
"ဒီနှစ် ဘုန်းကြီးပျံရှိနေတယ် ဒကာကြီးရဲ့၊ နွေမှ သငြ်္ိဂုလ်မှာ၊ ဘုန်းကြီးပျံအတွက် ဝိုင်းဝန်းဆောင်ရွက်နေတဲ့ ဒကာ၊ဒကာမ အစိတ်သုံးဆယ်ကို စရာတော်ဘဲတာဝန်ယူ ကျွေးမွေးနေရတာ။ ဆရာတော်အတွက်တော့ ဘာမှအပန်းမကြီးလှဘူး ဒကာကြီးရဲ့။ ဒီတနှစ်တော့ ဒီမှာဘဲ နေပေတော့။ ဟောဒီဇရပ်ပေါ်မှာနေ"

မောင်မုန်းသည် မိမိနှင့် ဘုန်းတော်ကြီးကျောင်းတို့ ကံဆုံအကျိုးပေးခဲ့ပုံကို ပြန်လည်စဉ်းစားမိသည်။ ငယ်စဉ်က အတန်းကျောင်းမှာ ပညာသင်ခဲ့ရကား ဘုန်းတော်ကြီးကျောင်းမှာ မနေခဲ့ရဘူးချေ။ ခုနှစ်ရက်သာ ကျောင်း၌ ကိုရင်ဝတ်ခဲ့ရသည်။ နောင်တွင်မူ မြင်းခြံမြို့ ဇေယျသုခကျောင်းမှာ သုံးနှစ်နေခဲ့ရသည်။ ယခုလဲ ဘုန်းတော်ကြီးကျောင်းမှာနေရပြန်ပြီ။ နှစ်မည်မျှကြာမည်ကို မခန့်မှန်းနိုင်။ တိုက်တိုက်ဆိုင်ဆိုင် ဘုန်းကြီးပျံနှင့်တိုးနေချေတော့သည်။ မနှစ်ကပင် ပျံလွန်တော်မူသည်းဟု သိရသည်။ ယခုနှစ် တပို့တွဲ တပေါင်းတွင်မှ ဘုန်းကြီးပျံပွဲကျင်းပမည်ဟုသိရသည်။ ဤနယ်တဝိုက်မှ ကြည်ညိုကိုးကွယ်ကြသော ဆရာတော်ကြီးဖြစ်၍ ရွာတစ်ဆယ်ကျော်မှ ဒါယိကာ၊ ဒါယိကာမတွေ ဝင်ထွက်သွားလာ လုပ်ဆောင်နေကြသည်မှာ ပယျာဉ်သတ်မစဲအောင် ရှိနေတော့သည်။ ယခုကပင် ပြာသာဒ်၊ လောင်တိုက်၊ တလား၊ စံကျောင်းနှင့် မဏ္ဍပ်များအတွက် တညောင်ရွာမ ယာယီမဏ္ဍပ် ဆေးရေးဆရာများ အလုပ်ဝင်နေကြပြီဖြစ်သည်။ နှစ်ဖွဲ့ပေါင်း လူအစိတ်ကျော်မည်။ နေ့ည ထမင်းကျွေးရကြောင်း သိရလေသည်။


"ကျောင်းအဆောက်အအုံက ထန်းပလက်ဆိုပြီး အားငယ်နေသလား ကျောင်းဆရာ။ ဘုန်းကြီးပျံပြီးရင် ဘုန်းကြီးအလောင်းထားတဲ့ နိဗ္ဗာန်ကျောင်းကို မူလတန်းကျောင်းအဖြစ် ပြောင်းပေးမယ်။ ကျောင်းဝိုင်းအဖြစ် နေရာကန့်သတ်ပြီး ဖိနပ်စီးခွင့်ပြုမယ်"
"တင်ပါ့ဘုရား"
ထန်းပလပ်တဲဇရပ်လေးများကို ငေးမောကြည့်ရှူနေမိသော မောင်မုန်းအား ဆရာတော်က မိန့်တော်မူလိုက်၏။

"ရေမြက်ရွာက အိမ်ခြေဘယ်လောက်ရှိပါသလဲ မမဆင့်"
ဆရာမကြီးအား ကျောင်းသူကျောင်းသားများက 'မမဆင့်'ဟုခေါ်သည်ကို ကြားမိသောမောင်မုန်းမှာ မမဆင့်ဟုပင် ခေါ်လိုက်ရတော့သည်။
"၄၂ အိမ်"
"ခင်ဗျာ"
မောင်မုန်းအံ့အားသင့်သွားမိသည်။
"ကျောင်းသားနည်းလိမ့်မယ်ထင်လို့လား ကျောင်းဆရာ။ မနည်းဘူးဗျ။ ပျံလွန်တော်မူတဲ့ ဆရာတော်ကြီးကို ကိုးကွယ်တဲ့ လက်လှမ်းမှီ ပတ်ဝန်းကျင်ရွာတွေက ဒီမှာဘဲ ကျောင်းထားကြတယ်။ ရေမြက်၊ ရွာသာအေး၊ ညောင်ဂျစ်ပင်၊ မြေပန်းတောင်း၊ ပြည့်အိုင်၊ ကျောင်းစု၊ ညောင်ကုန်းစတဲ့ ရွာပေါင်းစုံက ကျောင်းသား ၁၀၀ကျော် အမြဲရှိနေတယ်"
"တင်ပါ့ဘုရား"

ဆရာတော်နှင့် အလ္လာပ၊ သလ္လာပ စကားပြောaအပြီးတွင် ဆရာမကြီးက မောင်မုန်းကို ကျောင်းသားများနှင့် မိတ်ဆက်ပေးလေသည်။
"ခုရောက်လာတာ မင်းတို့ကို ပညာသင်ပေးမယ့် ဆရာပဲ။ အမည်က ဦးမုန်းလို့ခေါ်တယ်။ မင်းတို့ကိုပညာသင်ပေးဖို့ ရေစကြိုမြို့နယ် ကြူရွာကလာခဲ့ရတာ။ မိုင်ပေါင်း ၃၀ကျော် ဝေးတယ်။ မင်းတို့ဆရာပြောသမျှနားထောင်။ ဆရာသင်သမျှ ကြိုးစားသင်ယူကြ"
"ဟုတ်ကဲ့ပါ မမဆင့်"
"ကလေးတို့ လောလောဆယ် ပြောင်းသွားတဲ့ဆရာဦးစိန်ညွန့်ကို ဘယ်လိုခေါ်ကြသလဲကွဲ့"
"ဆရာလေးလို့ ခေါ်ကြပါတယ် ဆရာလေး"
"အဲ..... ဆရာ့ကိုတော့ ဆရာလေးလို့ မခေါ်ကြနဲ့ကွဲ့။ ဆရာကြီး၊ ဆရာလေးလို့ ခွဲခြားခေါ်ရအောင် ဆရာနှစ်ယောက်မှ မရှိတာဘဲ။ မမဆင့်နဲ့ ဆရာဘဲရှိတယ်။ ဆရာလေးဆိုတာက သီလရှင်မှ ခေါ်ရတာ"
ကျောင်းသားအချို့က သဘောပေါက်ပြီး ရယ်ကြသည်။
"ဆရာ့ကို ဆရာလို့ဘဲ ရိုးရိုးခေါ်နိုင်တယ်။ တခြားဆရာတွေနဲ့ ကွဲပြားအောင် ခေါ်မယ်ဆိုရင်တော့ ဆရာမုန်းလို့ခေါ်ကြ"
"ဟုတ်ကဲ့ပါ ဆရာမုန်း"
မောင်မုန်းပြုံးမိလေသည်။ သူတို့၏ အဖြေထဲမှာပင် ဆရာမုန်းဟူသော နာမ်စားပါသွားလေသည်။

၎နာရိထိုးရန် မိနစ်၂၀လောက်လိုသေးသည်။ ကျောင်းမဆင်းသေး။ အတန်းအားလုံးမှ ကျောင်းသားများကို စုပေါင်းထိန်းထားရန် မောင်မုန်း၏တာဝန် ဖြစ်လာသည်။ သူငယ်တန်းမှ စတုတ္တတန်းအထိကျောင်းသားများကို သင်ခန်းစာတခုခုသင်မှ ဖြစ်တော့မည်။ အတန်းပေါင်းစုံအတွက် သင့်လျော်သော သင်ခန်းစာကို အတော်စဉ်းစားယူရသည်။ သင်ပုန်းပေါ်သို့ အက္ခရာစာလုံးများ အကြီးကြီး ရေးပြလိုက်သည်။
ဋ။ ဌ။ ဎ။ ဓ။ ဗ
"ဒီအက္ခရာတွေ မင်းတို့ဖတ်တတ်ကြပါ့မလား"
တတိယတန်း ကျောင်းသားများနှင့် စတုတ္တတန်းကျောင်းသားများက ရယ်ကြသည်။ ကလေးဆန်သည်ဟုထင်ကြလားမသိ။
"ဖတ်တတ်ပါတယ် ဆရာမုန်း"
"ညီညီကလေးဖတ်ကြစမ်းကွာ"
"ဋ တလင်းချိတ်။ ဌ ဝင်ပဲ။ ဎ ရင်မှုတ်။ ဓ အုပ်ချိုက်။ ဗ လချိုက်"
"ကလေးတို့ မှားနေက်ျာတယ်။ 'ဋ' ဟာ ရှေးက ထမ်းစင် သံလျင်းရဲ့ ချိတ်ကလေးနဲ့တူလို့ 'ဋ' သလျင်းချိတ်လို့ ခေါ်တယ်ကွဲ့။ 'ဌ' ဝင်ပဲမဟုတ်ဘူး။ ဝမ်းဘဲကလေးနဲ့တူလို့ 'ဌ' ဝမ်းဘဲ။ ရေမှုတ်ကလေးနဲ့တူလို့ 'ဎ'ရေမှုတ်။ 'ဎ' ရင်မှုတ်ဆိုရင် အမှားဘဲ။ အောက်မှာ အချိုင့်ကလေးပါလို့ 'ဓ'အောက်ခြိုက်။ အပေါ်အထက်ကချိုင့်နေလို့ 'ဗ'ထက်ခြိုက်ကွဲ့မှတ်မိကြပလား"
"မှတ်မိပါပြီ ဆရာမုန်း"
"ဒါဖြင့် ဒီအက္ခရာကလေးတွေကို အမည်အမှန်ခေါ်ကြစမ်းကွာ"
" 'ဋ'သလျင်းချိတ်၊ 'ဌ'ဝမ်းဘဲ၊ 'ဎ'ရေမှုတ်၊ 'ဓ'အောက်ခြိုက်၊ 'ဗ'ထက်ခြိုက် "
သူတို့အားလုံး ပျော်နေကြသည်။ လွယ်မယောင်နှင့် ခက်၊ ခတ်မယောင်နှင့်လွယ်သော သင်ခန်းစာကလေးကို သဘောကျနေကြသည်။

ကျောင်းဆင်းသံချောင်း ခေါက်သွားသည်။ မဆင်းရသေး။ တန်းစီကာထိုင်လျက်နေရာယူကြရသည်။ ကိုရင်ကြီးတပါးက ငှက်ပျောသီးတလင်ပန်းအပြည့် ယူလာသည်။ အလုံးလိုက်မဟုတ်။ တဝက်စီပိုင်းထား၏။ ကျောင်းသားဦးရေနှင့်အကိုက်ဟု ဆိုသည်။ ဘုရားရှိခိုးပြီး ဝေပေးပါဟုဆိုကာ စားပွဲပေါ်တင်ထားခဲ့သည်။ ကလေးတို့သည် ဘုန်းကြီးကျောင်းထုံးစံအတိုင်း ဘုရားရှိခိုးရသည်။ ငါးပါးသီလခံသည်။ မေတ္တာပို့၍အမျှဝေသည်။ သာသနာလျှောက်ရသည်။ မိနစ်၂၀ခန့် အချိန်ယူသည်။ အပြီးတွင် ဆရာမုန်းက ငှက်ပျောသီးတပိုင်းစီ ဝေပေးရသည်။ သူတို့မပြန်ကြသေးပေ။ ရောမမြို့သို့ရောက်လျှင် ရောမသားသို့ကျင့်နိုင်ရန် သူတို့ဘာလုပ်မည်ကို မောင်မုန်းစောင့်ကြည့်နေ၏။ နိဗ္ဗာန်ကျောင်းပေါ်သို့တက်၍ ဘုန်းကြီးအလောင်းကို ဝပ်ချကြသည်။ နောက် ဆရာတော်ကို ဝပ်ချကြသည်။ ဆရာမကြီးကိုလည်း ဝပ်သုံးကြိမ်ချသည်။ နောက်... မောင်မုန်းထံ။

မောင်မုန်းသည် ခဏချင်းပင် တဖြစ်လဲဖြစ်သွားသော မိမိဘဝကို ပြန်တွေးမိလာသည်။ ၁၅မိနစ်၊ ၂၀မိနစ်မျှ သင်ကြားပေးလိုက်ရုံဖြင့် မိမိကို ကလေးများက ဆရာအဖြစ် အသိအမှတ်ပြုလေပြီတကား။ ကလေးများ၏ ရှိခိုးဝပ်ချကန်တော့ခြင်းကို ခံယူလိုက်ရပြီတည်း။ ဘဝတာတလျှောက်လုံးတွင် မောင်မုန်းသည် မိမိကသာ တပါးသူအား အရိုသေပေးခဲ့ရ၏။ ရှိခိုးခဲ့ရ၏။ ဆုံးမစကားကို နားထောင်ခဲ့ရသည်။ နည်းညွှန်ဩဝါဒပေးမှုကို နာယူခဲ့ရသည်။ သင်ကြားသမျှကို သင်ယူခဲ့ရသည်။
ယခုမူ...။
ကလေးတို့၏ အရိုသေပေးမှုကို ခံယူရချေပြီ။ ရှိခိုးဝပ်ချမှုကို ခံယူရချေပြီ။ ဆုံးမစကားပြောကြားရတော့မည်။ နည်းညွှန်ဩဝါဒ ပေးရတော့မည်။ ပညာတတ်အောင် သင်ပေးရတော့မည်။

မောင်မုန်းဆရာဖြစ်ပြီ။
မိမိထက်ကြီးသူများက မောင်မုန်းကို "ငမုန်း"ဟုခေါ်ကြသည်။ ရွယ်တူများက "မောင်မုန်း"။ ငယ်သူများက "ကိုမုန်း"။ တခါတလေတွင် ကိုငမုန်းဟူ၏။ ယခုသော် ဆရာမုန်းဟုခေါ်ကြတော့မည်။ ငါဆရာဖြစ်ပြီ။ ဆရာ့အကျင့်ကို ကျင့်ရတော့မည်။ ဆရာ့သိက္ခာကို ထိန်းရတော့မည်။ ဆရာ့ဂုဏ်ကို မြှင့်တင်ရတော့မည်။ ဆရာကောင်းတစ်ယောက်ဖြစ်အောင် ကြိုးစားရတော့မည်။ ငမုန်း၊ မောင်မုန်း၊ ကိုမုန်း....မှ ဆရာမုန်းဖြစ်ရန် မလွယ်ချေပါတကား။ မောင်မုန်းသည် ခိုင်မာသော သန္နိဋ္ဌာန်တရပ်ကို ချမှတ်လိုက်မိတော့၏။
"ငါသည် အောင်မြင်သော ပြည်သူ့ကျောင်းဆရာဘဝကို ခံယူပါအံ့"


(၁၉၇၉ ခုနှစ် စာပေဗိမာန်စာမူဆုရ ဝတ္ထုတိုပေါင်းချုပ် ပထမဆုရ စာရေးဆရာ ကြူရတနာ မောင်မြကြိုင်၏ ဆရာမုန်း ဝတ္ထုတိုများ စာအုပ်မှ ဝတ္ထုတိုများကို နှစ်သက်သောကြောင့် ကူးယူဖော်ပြပါသည်။)


Read More...

Thursday, May 8, 2008

ငလျင်





မနေ့ညက ငလျှင်လှုပ်တယ်။ ဒီရောက်ကတည်းက ငလျှင်နဲ့ ခဏခဏကြုံနေရတော့ သိပ်ထူးပြီးမဆန်းနေတော့ပါဘူး။ ရောက်ခါစကတော့ ငလျှင်လှုပ်ရင် ဆင်းဘဲပြေးရမလို၊ စားပွဲအောက်ဝင်နေရမလိုနဲ့ အခန်းအလယ်မှာ တစ်ယောက်ထဲငုတ်တုတ်နဲ့ ဘာလုပ်ရမှန်းမသိ ကြောက်နေတာ။ ဓာတ်လှေကားမှာကလဲ ငလျှင်လှုပ်တဲ့အချိန် မစီးဖို့ သတိပေးထားတဲ့စာကပ်ထားတော့ ဈေးဝယ်ဖို့ အောက်ဆင်းတိုင်း ဒီအချိန်များ ငလျှင်လှုပ်ရင်လို့တွေးပြီးကြောက်။ စားပွဲအောက်ဝင်ရအောင်လဲ ခေါက်စားပွဲပိစိကွေးအောက် ဝမ်းယားမှောက်တိုးရမှာ။ တော်ကြာ စင်တွေပြိုလဲမှဖြင့် ခေါက်စားပွဲက အရင်ကျိုးမှာ သေချာတယ်။ အမျိုးမျိုးတွေးပူပြီး ကြောက်တာလေ။ ခုများတော့ တော်ရုံလှုပ်ရုံနဲ့ သိပ်မကြောက်တော့ဘူး။ မူးရုံကလွဲပြီး ကျင့်သားရနေပါပြီ။ ဟိုတလောကတောင် ငလျှင်မလှုပ်တာကြာပေါ့လို့ တွေးမိနေသေးတာ။ တခါတလေ နဲနဲခါရုံကလွဲလို့ ခပ်ပြင်းပြင်းမလှုပ်တာကို ပြောတာပါ။ မနေ့ညကတော့ သူရောက်လာတယ်။ ညတစ်နာရီလောက်က စလှုပ်တာ။ ပထမပိုင်းတော့ ခပ်အားလျော့လျော့နဲ့။ နောက်တော့ အားပြင်းလာပြီး မီးဖိုချောင်မှာ ချိတ်ထားတဲ့ ကော်ဖီခွက်တွေ အချင်းချင်း တခွပ်ခွပ်တိုက်လာတယ်။ အရင်ကလဲ ဒီလို ခပ်ပြင်းပြင်းလှုပ်ဖူးတော့ သိပ်မကြောက်သေးဘူး။ ခဏနေတော့ ပြန်ငြိမ်သွားမှာလို့ တွေးထားလို့။ ထင်တဲအတိုင်း ပြန်ငြိမ်သွားတယ်။ နောက်မကြာဘူး ပြန်လှုပ်ပြန်ရော။ အဲလို ၂ကြိမ်လောက် ၁မိနစ်ကျော်လောက်လှုပ်ပြီး ပြန်ငြိမ်သွားတယ်။ အေးအေးဆေးဆေးပြန်ဖြစ်သွားလို့ အိပ်ပျော်ခါစရှိသေး အိမ်က လှုပ်လှုပ် လှုပ်လှုပ်ထပ်ဖြစ်လာတယ်။ အဲဒီအချိန်အထိ မျက်စေ့မဖွင့်ကြည့်သေးဘူး။ နောက်တော့ ပြင်းသထက်ပြင်းလာတယ်။ ကော်ဖီခွက်တွေတိုက်သံကလဲ ပြင်းသထက်ပြင်းပြီး ဆူညံလာတယ်။ အယ်! ဒီတစ်ခါကြမ်းသဟဲ့ဆိုပြီး မျက်လုံးပြူးသွားတယ်။ ထထခြင်း ဘေးက ကွန်ပျူတာနဲ့ စာအုပ်တွေတင်ထားတဲ့စင်ကို ဖမ်းကိုင်ထားလိုက်တယ်။ တော်ကြာ စင်လဲပြီး လာပိမှာစိုးလို့။ အိမ်ကြီးရှင်လဲ ပြူးပြူးပျာပျာနဲ့ထပြီး စင်ရဲ့ ဟိုဘက်တခြမ်းကတိုင်ကို ထိန်းထားတယ်။ လှုပ်တာက တော်ရုံနဲ့မရပ်နိုင်ဘူး။ ခွက်သံတွေက အရမ်းနားငြီးလာတာနဲ့ ကြိုးစားမတ်တပ်ရပ်ပြီး ကော်ဖီခွက်တွေဖြုတ်ပြီး ဘေစင်ထဲ ထည့်ထားလိုက်တယ်။ တော်တော်ကြာကြာလေးလှုပ်ပြီးမှ ငြိမ်သွားတာ။ ဒီတစ်ခါ ခပ်ကြမ်းကြမ်းလှုပ်ပေမယ့် နဲနဲမှ မကြောက်မိဘူး။ ဘေးမှာ အားကိုးရာရှိနေလို့လဲပါတယ်။ ငြိမ်သွားတော့မှ ကိုယ်တော်ချောက ပြောလာတယ်။ "ヤバイ! ちょっと怖い"တဲ့။ ဟမ်! ဒီကတော့ သူ့အားကိုးနဲ့ အေးဆေး၊ သူကတော့ နဲနဲလန့်သတဲ့။ တော်သေးတာပေါ့။ ငလျှင်လှုပ်ခါစက သူ့မမေးမိလို့။ တော်ကြာ ကိုယ်ပါတိုးပြီး ကြောက်နေမိဦးမယ်။ လှုပ်တာရပ်သွားတော့ သတင်းတောင် ထဖွင့်ကြည့်လိုက်သေးတယ်။ ဘယ်လောက်အားလဲလို့။ မနက်ကသတင်းမှာတော့ အနီးဆုံးနေရာမှာ 6.2 တဲ့။ ငလျှင်auto သတိပေးစက်တွေ နောက်ကျလို့ဆိုပြီးလွှင့်သွားတယ်။ စုစုပေါင်း လူ၆ယောက်လောက် ဒါဏ်ရာအနဲအကျင်းလောက်ရတယ်တဲ့။ သေချာကြည့်ချင်လို့ ရာသီဥတုအခြေအနေကြည့်နေကြ http://www.tenki.jp/qua/q_11.html မှာ ရှာလိုက်သေးတယ်။ ဒီကိုရောက်တဲ့အားက ၃ လောက်ဘဲရှိတယ်။ ဒါတောင် အတော်ခါတယ်။ ငလျှင်ဒါဏ်ကာကွယ်အောင်ဆောက်ထားလို့ ပိုခါတာလဲပါမှာပါ။ ခေါင်းထဲကငလျှင်ကတော့ တချက်တချက် ရိပ်ခနဲရိပ်ခနဲ။ ရင်ထဲကငလျှင်ကတော့ မနေ့ညနေကမှ သက်သာသွားတယ်။ အမေနဲ့ ဆယ်မိနစ်လောက် ဖုန်းပြောလိုက်ရလို့။ စိတ်မပူနဲ့ အစစအရာရာ ဈေးကြီးတာတခုဘဲ။ စိတ်မပူဖို့ဘဲ အထပ်ထပ်မှာတယ်။ အဆက်သွယ် လုံးဝမရတာထက်စာရင်တော့ စိတ်အေးရပါသေးတယ်လေ။

Read More...

Tuesday, April 15, 2008

မပျော်ဘူး


ဧပြီတခေါက် ပြန်ရောက်လာပြန်ပြီ။ ဘာလိုလိုနဲ့ ဒီရောက်တာ တစ်နှစ်ရှိသွားရောပေါ့။ ဒီမှာ ချယ်ရီတွေပွင့်တယ်။ ကိုယ့်မြေမှာ ရွှေရောင်ဝင်းဝင်း ရနံ့သင်းသင်းနဲ့ ပိတောက်တွေ ဝေနေပြီ။ ဂျပန်တွေက ကချယ်ရီပန်းကြည့်ပြီး ပျော်ကြတယ်။ ကိုယ်တိုင်လဲ အုအဲနိုပန်းခြံရော အိမ်နားကပန်းခြံတွေ လိုက်လည်ပြီး ကြည့်လိုက် ဓာတ်ပုံရိုက်လိုက်နဲ့ပေါ့။





ချယ်ရီတွေက လှပါတယ်။ ကြည့်လို့လဲကောင်းတယ်။ ဒါပေမယ့် ဂျပန်တွေလိုတော့ မပျော်မိတာ အမှန်ဘဲ။



ပိတောက်ကို မြင်ရရင် ထခုန်မိမတတ် ပျော်မိမှာ အမှန်ဘဲ။ ကိုယ်တိုင်က အအေးမခံနိုင် (ဖျားနာလွယ်တဲ့ ကိုယ်ခန္ဓာမို့) ရေမကြိုက်ပေမယ့် ရေပက်သူတွေကြည့်ပြီး ပျော်ခဲ့တဲ့အပျော်တွေ ခုထိ သတိရဆဲ။ အမေ့ရဲ့ သင်္ကြန်ထမင်းနဲ့ သရက်သီးငါးပိကြော်စပ်စပ်လေးကိုရော...။ တစ်ယောက်ထဲဖွင့်ပြီးနားထောင်ရတဲ့ သင်္ကြန်သီချင်းက ခြောက်ကပ်ကပ်နဲ့ရယ်။ မွေးရပ်မြေမှာ အမေ၊ အဒေါ်တွေနဲ့အတူ ညဘက် မြို့လယ်ခေါင်က ပြည်နယ်မဏ္ဍပ်မှာ သင်္ကြန်ယိမ်းသွားကြည့်တာ သတိရတယ်။ နှစ်ဆန်းတစ်ရက်နေ့ မိသားစုနဲ့အတူ ဘုန်းကြီးကျောင်းသွား ကုသိုလ်ကောင်းမှုလုပ်ခဲ့တာတွေ၊ ရေမပက်ရတဲ့နေ့ကို အနောက်ကနေ တိတ်တိတ်လေး ရေဇလုံကြီးနဲ့လောင်းဖို့လာတဲ့သူကို မောင်ဝမ်းကွဲလေးက ဆောင့်တွန်းပြီး ရေတွေမှောက်အောင်လုပ်ပြစ်ပြီး "မတူး၊ မမို့ ပြေးပြေး"လို့ အော်ခဲ့တာတွေ၊ ရေအလောင်းခံရလို့ ညီအစ်မနှစ်ယောက် နှုတ်ခမ်းထော် ပွစိပွစိလုပ်ခဲ့ကြတာတွေ လွမ်းတယ်။ ပိတောက်တွေအပြင် ငုပင်တွေအရမ်းပေါလို့ ငုတွေဝင်းနေတဲ့မြင်ကွင်းတွေ လွမ်းတယ်။ မဖြစ်နိုင်မှန်းသိပေမယ့် ဒီမှာအပြင်သွားတိုင်း ပိတောက်ကို ရှာမိတယ်။ တစ်ပင်လုံး ဝါဝါဖတ်တွေနဲ့အပင်ကိုတွေ့ရင် ငုပင်လားလို့ အပြေးသွားကြည့်ရတာ။ ဘယ်လိုလုပ်ရှိမှာလဲနော်။ ရာသီဥတုမှ မတူတာကိုး။ လွမ်းရပါတယ် ပိတောက်ရယ်......

Read More...

Monday, March 24, 2008

င၊ မောင်၊ ကို မှ ဆရာသို့


(နှစ်)

ခရိုင်ပညာဝန်ရုံး
ပခုက္ကူမြို့
အမိန့်စာအမှတ် (၂၃၉) / ၆၁
နေ့စွဲ၊ ၁၉၆၁ ခု၊ အောက်တိုဘာလ ၂၀ ရက်။

ဤရုံးသို့ လျှောက်ထားချက်အရ လစ်လပ်နေသော လက်ထောက်ဆရာနေရာ ပေါ်ပေါက်ပါက ခန့်ထားနိုင်ရန်အတွက် အရည်အချင်းစစ်စာမေးပွဲဖြေဆိုထားသူမောင်မုန်း (မှတ်ပုံတင်အမှတ် YSO ၁၃၇၃၈၄)အား ပခုက္ကူ (က)နယ်မြေ ရေမြက်ရွာ အစိုးရမူလတန်းကျောင်းတွင် မူလတန်းလက်ထောက်ဆရာအဖြစ် လစာစကေး ၇၀-၅-၁၁၀/တွင် လစာရင်း ၇၀+ရှားပါးစရိတ်တို့ဖြင့် ၁၉၆၁ ခု နိုဝင်ဘာလ ၁ ရက်နေ့မှစ၍ အရည်အချင်းပြည့်ဆရာမရမီ ခေတ္တခန့်ထားလိုက်သည်။
(တိုင်းပညာဝန် အတည်ပြုပြီး)

ပုံ(တင်ဦး)
ခရိုင်ပညာဝန်
ပခုက္ကူမြို့
XXXXX

ပညာရေးဌာန
စာအမှတ် ၂၅/၂၈၊ အီး (၂)
နေ့စွဲ ၂၈-၁၀-၆၁

မိတ္တူကို....
၁။ မောင်မုန်း၊ တဆင့် ခရိုင်ရဲဝန်ရုံး၊ ပခုက္ကူ။
၂။ ကျောင်းအုပ်ဆရာမကြီး၊ ရေမြက်ရွာအစိုးရမူလတန်းကျောင်း၊ ပခုက္ကူ(က)နယ်။

ပုံ (ဝင်းမောင်)
ပညာအုပ်၊
ပခုက္ကူ(က)နယ်။
XXXXX


မောင်မုန်းသည် သူ၏လက်ထဲသို့ အမိန့်စာရွက်ရောက်လာသည့် အချိန်မှစ၍ ဖတ်၍မငြီးနိုင်တော့ပဲ ဖတ်ပြီးယင်း ဖတ်နေမိတော့သည်။ အချိန်မီ အလုပ်ဝင်ရမည်။ သည်ကြားဝယ် ကြိုတင်ပြင်ဆင်စရာများရှိနေသည်။ ရွာသို့ပြန်၍ မိဘ ဆွေမျိုးများကို နှုတ်ဆက်ကန်တော့ရဦးမည်။ ထို့ကြောင့် ကိုသိန်းကားဖြင့် ပခုက္ကူမှ ကြူရွာသို့ ပြန်လာခဲ့ရသည်။ အထူးနှုတ်ဆက်ကန်တော့လိုသူက ဘဖီးနှင့် ဘဖိုးစံ။

"ငါ့မြေးက သိပ်ပညာချွန်တာ။ တနေ့နေ့မှာ ရာထူးရာခံနဲ့ ကြီးပွါးမယ့်ကလေး။ ကြိုးစား ကလေး။ မင်းကြီးပွါးယင် ဘဖီးတို့ကို မမေ့နဲ့နော် ကြားလား"
ဘဖီးနှင့်တွေ့တိုင်း ဤသို့အားပေးစကားဆိုလေ့ရှိသည်။ ဘဖီးသည် မောင်မုန်းတို့နှင့် ဆွေမျိုးရင်းချာမဟုတ်ပါ။ သို့သော် ဘဖီးသည် ရွာထဲရှိ အိမ်တိုင်းသို့ သွားလာဝင်ထွက်နေတတ်သူဖြစ်သည်။ ကလေးများကို ချစ်တတ်သည်။ အလိုလိုက်သည်။ ပညာထူးချွန်သော မောင်မုန်းကိုမူ ပိုမို၍ ချစ်ခင်မြှောက်စားလေသည်။

"အဲဒါ ငါ့မြေးမောင်မုန်းစာမေးပွဲအောင်လို့ ရထားတဲ့ လက်မှတ်"
မောင်မုန်း ပညာသင်ယူနေသော မြင်းခြံမြို့ အမှတ်(၁)အထက်တန်းကျောင်းသည် အစဉ်အလာအရ နှစ်စဉ် မိဘဆရာသင်းလုံးကျွတ် အစည်းအဝေးကြီးတွင် အတန်းတိုင်းမှ ပညာထူးချွန်သည့်ကျောင်းသားများကို ဆုချီးမြှင့်စမြဲဖြစ်သည်။ မောင်မုန်းသည် အတန်းတိုင်းတွင် ပထမ သို့မဟုတ် ဒုတိယ ရလေ့ရှိသည်။ ဆုလက်မှတ်နှင့် ဆုပစ္စည်းများကို ပိုက်လျှက် ရွာသို့ပြန်ကာ ကြွားလေ့ရှိသည်။ ထိုအခါ ဘဖီးသည် မောင်မုန်း၏ ဆုလက်မှတ်နှင့် ဆုပစ္စည်းများကိုယူဆောင်ပြီး တအိမ်တက်ဆင်းလည်၍ ထပ်ဆင့်ကြွားလိုက်ရသည်မှာ အမောပင်။ မောင်မုန်း၏ ကောင်းသတင်းသည် "ဗျိုး"မဟစ်၊ မောင်းမထုရပဲ ရွာနှင့် ရွာပတ်ဝန်းကျင်မှာ မွှေးသွားတတ်သည်။

သို့သော် ဘဖီးသည် စာမတတ်ရှာချေ။ ဤဟာကွက်ကို မောင်မုန်းက ဖြည့်စွက်ပေးရသည်။ ဘဖီးစာသင်ရန် အတော်စည်းရုံးယူရသည်။ အရွယ်ကြီးမှ လူသိမြင်ကြား စာသင်ရမှရှက်နေသည်။ ထို့ကြောင့် ဘဖီးအားလပ်သည့်အချိန်တိုင်း ကြိုကြားကြိုကြား သွားရောက်ကာ တိတ်တဆိတ်သင်ပေးရ၏။ မောင်မုန်း၏ ကျောင်းပိတ်ရက် နှစ်နွေတွင် ဘဖီးအတွက် အသုံးလုံး ကျေသွားတော့၏။ ထို့ကြောင့် ဘဖီးသည် မောင်မုန်းကို အခြားကလေးများထက် ပိုမိုချစ်ခင်ပေသည်။

"ကဲ ငါ့မြေး။ ဒါမင်းမှာထားတဲ့ ပျားရည်။ ခုနတင်ပဲ ကိုဖိုးသန့် ရှားတောထဲက ငါကိုယ်တိုင် ဖွပ်လာခဲ့တာ။ စစ်လိုက်သမှ စစ်စစ်၊စစ်စစ်နဲ့တောင် မြည်ပြလိမ့်ဦးမယ်။ ယုန်ပေါင်ကိုလဲ ဆရာတော်ကို ရောက်ရောက်ချင်း ကြော်ကပ်လိုက်။ ဆရာတော်က အထူးတဆန်းမို့ မက်ပါလိမ့်မယ်။ ထန်းလျက်ကတော့ မရသေးဘူးကွ။ နောက်တပတ် မင်းပြန်လာမှယူ။ အထူးစပယ်ရှယ် ချက်ထားလိုက်မယ်"

မောင်မုန်းသည် မြင်းခြံမြို့ ကိုးဆောင်တိုက် ဇေယျသုခကျောင်းတွင်နေ၍ အတန်းပညာကို ကျောင်းတက်ဆည်းပူးရသည်။ ဆရာတော်ကြီးသည် စတုမဓူကို အမြဲဘုဉ်းပေးလေ့ရှိသည်။ မြို့မှဝယ်လျှင် ပျားရည်စစ်စစ် ရခဲသည်။ ထို့ကြောင့် ရွာရောက်သည့်အခိုက် ပျားရည်စစ်စစ်ရရန် ဘဖီးကို အပူကပ်ရတော့သည်။ ဘဖီးသည် အသက် ၅၀ ကျော်နေပြီ။ သို့သော် တောလိုက်ဝါသနာကြီးလှ၏။ ပဒတ်၊ ချိုး၊ ခါ၊ ယုန်၊ သမင် လိုက်ရသမျှကို ရောင်းချ၍ အသက်မွေးသည်။ တခါတရံ ထန်းတက်သည်။ ဇနီးဖြစ်သူ ကွယ်လွန်သွားပြီးနောက် သားသမီးများကျန်ရှိခဲ့သော်လည်း သူတို့မှာ သူ့အိုးသူ့အိမ်နှင့် ဖြစ်နေကြပေပြီ။ ယခုအခါ၌ ဘဖီးသည် အပျိုကြီး နှမနှစ်ယောက်နှင့်အတူ နေထိုင်လျှက်ရှိပေသည်။

ရွာတွင် အလှူ၊ မင်္ဂလာဆောင်၊ မသာ စသည့် သာရေးနာရေး တခုခုရှိပြီဆိုလျှင် တောမှာပျော်တတ်သော ဘဖီးသည် တောလုပ်ငန်းမှန်သမျှကို လစ်လျူရှုတော့သည်။ နှမအပျိုကြီး ဒေါ်ဖွားမူကို အိမ်စောင့်ထားပစ်ခဲ့ကာ နှမအပျိုကြီး ဒေါ်ဖွားစုနှင့်အတူ အလှူအိမ်၊ မင်္ဂလာဆောင်အိမ်၊ အသုဘအိမ်မှာ ရောက်နေတတ်သည်။ ကာယကံရှင်ကိုယ်စား လုပ်ဆောင်ရမည့်အလုပ်ဟူသမျှ သူတို့မောင်နှမနှစ်ယောက်က သိမ်းကျုံးတာဝန်ယူသွားတော့သည်။ ကိုယ်တိုင်လည်း လုပ်ကြသည်။ ဦးဆောင်မှုလည်း ပေးတတ်ကြသည်။ ပွဲပြီးမီးသေ ပတ်စာခွါ ဖျာသိမ်း ကိစ္စအဝဝပြီးမှ ပြန်တတ်ကြသည်။

ဘဖိုးစံကား ဘဖီးနှင့်ဆန့်ကျင်ဘက်။
သူ့အိမ်မှာ ရှိသမျှ အလုပ်အားလုံးကို သူ့သားသမီးများနှင့် လွှဲထားကာ နဖားကြိုးချွတ် အနားယူတော့သည်။ အချိန်ရှိသမျှကို အိမ်လည်ခြင်းဖြင့် အသုံးချလေသည်။ လက်ဘက်ရည်ဝိုင်းဟူသမျှ ဘဖိုးစံရောက်သည်ချည်း။ တရွာလုံးအနှံ့ သွားတတ်သူဖြစ်ရာ အိမ်တိုင်းရှိ အမှုကိစ္စအဝဝကို အပ်ကျသည်မှအစ သိနေလေသည်။ တအိမ်မှသတင်းကို တခြားတအိမ်သို့ ဖြန့်ချီရေးတာဝန်၌ တဦးတည်း ဒိုင်ခံတာဝန်ယူထားသည်။ ထို့ပြင် ရောက်နေကျအိမ်သို့ ရောက်နေကျအချိန်တွင် ရောက်လေ့ရှိ၏။ ထို့ကြောင့် ဘဖိုးစံအား "ရေဒီယို"ဟူ၍လည်းကောင်း၊ "စံတော်ချိန်"ဟူ၍လည်းကောင်း အများကခေါ်ကြသည်။

"ဖွားဇုံ နင့်သား လေးတန်းအောင်ပြီပဲ။ သေစာရှင်စာ ဖတ်တတ်ယင် တော်ရောပေါ့။ ကျောင်းဆက်ထားပြီး ကုလားဖြူစာသင်ယင် နင့်သား မိစ္ဆာဒိဋ္ဌိဖြစ်သွားမယ်။ သိရဲ့လား"

မောင်မုန်း လေးတန်းအောင်၍ ကျောင်းဆက်ထားရေးကို ဘိုးအေဘွားအေနှင့် မိဘနှစ်ပါးတို့ တိုင်ပင်နေဆဲတွင် ဘဖိုးစံရောက်လာပြီး ဤသို့ပြောခြင်းဖြစ်လေသည်။ ဘဖိုးစံသည် မောင်မုန်းအား ဘုန်းကြီးကျောင်းမထားဘဲ လူကျောင်းထားကာ အတန်းစာ သင်စေသည်ကိုပင် ကြိုက်နှစ်သက်သူမဟုတ်ချေ။ လူမှန်လျှင် ပရိတ်ကြီး ၁၁သုတ်နှင့် သဒ္ဒါ၊ သင်္ဂြိုလ် တတ်ရမည်ဟု ခံယူထားလေသည်။ ယခု မြို့ကျောင်းသို့ထားကာ အင်္ဂလိပ်စာသင်စေမည် ဆိုသောအခါ အပြင်းအထန် ကန့်ကွက်လေတော့သည်။ ဘဖိုးစံသည် မောင်မုန်းတို့ ဘိုးဘွားမိဘများနှင့် ဆွေမျိုးအရင်းအချာ တော်စပ်သည်။ ပြောရေးဆိုခွင့်ရှိသူလည်းဖြစ်သည်။

"နင်တို့ စဉ်းစားကြနော်။ မြို့ကျောင်းထားရင် ထမင်းစရိတ်၊ စာအုပ်ဖိုး၊ ဖောင်တိန်ဖိုးကုန်မယ်။ ၁၀ တန်းအောင်ဖို့ နောက်ခြောက်နှစ်ထားရဦးမယ်။ ၁၀ တန်းအောင်ပါပြီတဲ့၊ အစိုးရအလုပ်က သေချာတယ် မဆိုနိုင်ပြန်ဘူး။ ငါကြားထားတယ်။ ရန်ကုန်မှာ ၁၀ တန်းအောင်ပြီး ရေထမ်းရောင်းစားရတဲ့သူတွေ တပုံကြီးပဲတဲ့"
ဘဖိုးစံ စေတနာနှင့် ပြောခြင်း ဖြစ်ပေမည်။ ထိုစဉ်က ရွာနှင့် ပတ်ဝန်းကျင် နီးနီးနားနားတွင် အလယ်တန်းကျောင်းဟူ၍ မဖွင့်သေး။ လေးတန်းအောင်၍ ကျောင်းဆက်ထားလိုလျှင် ပခုက္ကူနှင့် မြင်းခြံသို့ သွားနိုင်မှ ဖြစ်သည်။ ထမင်းလခက တလ ၃၀ ကျပ်။ ထိုစဉ်က ဆန်ဈေးနှင့်တွက်သော် ဆန် သုံးတင်းဖိုး။ မောင်မုန်းတို့မိသားစုမှာ ချောင်လည်သည်ဟု မဆိုနိုင်ပေ။

"ကျွန်တော်တော့ ထားတော့မယ် ဆုံးဖြတ်လိုက်ပြီ အရီးစံ။ သူသူငါငါ ငွေကုန်ကြေးကျခံပြီး ကျောင်းထားကျတာ ပညာတန်ဖိုးရှိလို့သာ ဖြစ်ရမယ်။ အင်္ဂလိပ်စာသင်တိုင်းလည်း မိစ္ဆာဒိဋ္ဌိမဖြစ်ပါဘူး အရီးစံ။ ကျွန်တော် လေ့လာပြီးပါပြီ။ မြို့ကျောင်းတွေမှာလဲ ဗုဒ္ဓဘာသာ သင်ပေးပါတယ်။ အလုပ်ရလဲလုပ်၊ အလုပ်မရလဲ အသိဉာဏ်ပညာအလိမ္မာ တိုးတာပေါ့။ ရေထမ်းရောင်းစားရခြင်း အတူတူ ၁၀ တန်းအောင်သူက မအောင်သူထက်တော့ ပညာအဆင့်ခြင်း ပိုပါလိမ့်မယ်။ အနည်းဆုံး ၁၀ တန်းအောင်ဆိုတဲ့ ဂုဏ်တော့ ရှိဦးမှာပေါ့ဗျာ။ မဟုတ်ဘူးလား အရီးစံ"

"ဟ ရေထမ်းမှာဆိုယင် ခုထွက်ထမ်း ဖြစ်တာပေါ့ကွ။ ငွေကုန် အချိန်ကုန် လူပင်ပန်းခံပြီး မြို့ကျောင်းထားဦးမှာလား။ ငါ့လခွီးတဲ့မှပဲ"
ကိုတင်ညွန့်ပြောသည်ကို ဘဖိုးစံက ဒေါသတကြီး ပြန်ပြောသည်။
"အဖြစ်ပြောတာပါ အရီးစံ။ အစိုးရက ပညာရေး အားပေးနေတာဟာ တိုင်းပြည်အတွက် လူတော်လူကောင်းတွေ မွေးထုတ် အသုံးချချင်လို့ နေမှာပါ။ အလုပ်ရရေး မရရေးထက် ပညာတတ်ဖို့ အသိပညာ အလိမ္မာပွါးဖို့ကို အဓိက ထားရမှာပေါ့ အရီးစံရယ်"

"မင်းကတယ်ပြီး အားသန်နေတာကိုး။ အသိဉာဏ်ပညာအလိမ္မာပွါးချင်ယင် တဝါလောက် ကိုရင်ဝတ်ပြီး ဘုန်းကြီးဆီပို့။ သဒ္ဒါ၊ သင်္ဂြိုလ် သင်ပေးလိမ့်မယ်။ ရက်ရာဇာ ပြဿဒါး ရွေးတတ်သွားမယ်။ မဟာဘုတ်တိုင် ထူတတ်ပြီး သက်ရောက် ဂြိုလ်စား နားလည်သွားမယ်။ လောကနီတိဆိုတာ တသက်လုံးသုံးမကုန်တဲ့ ဗဟုသုတပါကွာ။ ဇာတ်ကြီးဆယ်ဖွဲ့နဲ့ ငါးရာ့ငါးဆယ်၊ ဇိနတ္ထိတို့ကိုပဲ လေ့လာဦး။ တကယ့်အဖိုးတန်တွေပါကွာ"
ဘဖိုးစံစကားကို ကိုတင်ညွန့် ပြုံးလေသည်။

"ခု မင့်သား လေးတန်းအောင်တယ်သာဆိုတယ် ခေါင်းလျှော်ရက်၊ မလျှော်ရက်၊ စပါးသွင်းရက်၊ မသွင်းရက်။ လာဘ်နေ၊ နတ်နေ၊ စက်နေဆိုတာ ဝေလာဝေးရောကွ။ သစ်တန်တွက် စပါးတွက်လဲ မတွက်တတ်ဘူး။ ဒါ့ကြောင့် အစက ငါမပြောလား။ ဘုန်းကြီးကျောင်းထားပါဆိုတာ။ မင်းတို့ ခေတ်လူတွေ တယ်ခက်တာပဲ"
ဘဖိုးစံစကားကြောင့် မောင်မုန်း မျက်လုံးပြူးသွားရလေသည်။ မှန်သည်။ ဘဖိုးစံပြောသော ပညာရပ်များ မောင်မုန်း မတတ်သေးပါ။ ပြား ၁၀၀ တကျပ် သုံးသောခေတ်တွင် မောင်မုန်းဘာမျှနားမလည်သော ကျပ်၊ ပဲ၊ ပိုင် တွက်နည်းများ။ မူး၊ ပဲ၊ ရွေး တွက်နည်းများနှင့် မကြာခဏ ပညာစမ်းတတ်သည်။ မောင်မုန်း မတွက်တက်၍ ချာချာလည်ရတော့၏။ မောင်မုန်းသည် မိမိ၌ ထိုပညာ လိုနေသေးသည်ဟုသာ ထင်မှတ်လိုက်သည်။ မြို့ကျောင်းမှာနေလျှင် ထိုပညာများ သင်ရကောင်း၏ဟုသာ မျှော်လင့်ရတော့၏။

"မင်းတို့ စဉ်းစားဖို့ကောင်းတယ်ကွာ။ ငမုန်းဆိုရင် မြက်ရိတ်နိုင်ပြီ။ နွားစာစဉ်းနိုင်ပြီ။ ရေခတ်နိုင်ပြီ။ နွားစာတော့ ကောင်းကောင်းကြီးကျွေးနိုင်ပြီကွ။ နောင်နှစ်ဆိုရင် ထွန်စီးနိုင်ပြီ။ သူ့ကို ကျောင်းထားမယ်ဆိုရင် မင်းတို့ ဘယ်သူ့ကို သွားခိုင်းမလဲ။ မင်းတို့မှာ သားထောက်သမီးခံ ကြီးကြီးမားမား မရှိဘူးနော်။ အဲ ပညာတပိုင်းတစနဲ့ ဆက်မသင်နိုင်ရင်လဲ ဒုက္ခ။ ချေးမကော်လောက်၊ ပဲမလှော်လောက်နဲ့ နတ်အိုးကွဲ ဖြစ်နေဦးမယ်"

မည်သို့ပင်ဆိုစေ မောင်မုန်းသည် မြို့ကျောင်းတွင် ပညာဆက်လက်သင်ကြားခွင့် ရရှိလေသည်။ ဆွေမျိုးသားချင်းများဖြစ်သော ပခုက္ကူ ဦးထွန်းလှိုင်၊ ဒေါ်ခင်မေတို့အိမ်တွင် တစ်နှစ်။ နောက် ဦးစိန်ဖေ၊ ဒေါ်မြကြွေတို့အိမ်တွင် တစ်နှစ်နေ၍ ပခုက္ကူမြို့ အမှတ်(၁) အစိုးရအထက်တန်းကျောင်းတွင် ပညာသင်ယူရသည်။ ပခုက္ကူမှ ဆဋ္ဌမတန်းကို အောင်မြင်ခဲ့သည်။

စီးပွါးရေး အခြေအနေအရ ထမင်းလခဟူ၍လဲ အတိအကျမပေးနိုင်ခဲ့။ ဆန်ပေး၊ ဆီပေး၊ ယာထွက် ပစ္စည်းလေးနှင့် ဟင်းသီးဟင်းရွက်များကိုသာ တတ်အားသရွေ့ တည်းခိုအိမ်သို့ ပေးပို့ထောက်ပံ့ရသည်။ အားနာသဖြင့် မြင်းခြံမြို့၊ ကိုးဆောင်တိုက်၊ ဇေယျသုခကျောင်းတွင် ဆွေမျိုးဘုန်းတော်ကြီးထံ ပြောင်းနေရသည်။ မိဘများမှာ သားပညာရေးအတွက် မြေအချို့ကို ဖဲ့ခဲ့ရလေသည်။

"အစက ငါအပြောသား။ ခု ဘယ့်နှယ့်ရှိစ။ ဒီကောင်လေးကို အိမ်မှာခိုင်းရင် ခုဆို ထွန်ဦးစီးဖြစ်လောက်ပြီ။ ခုတော့ အိမ်ပြန်လာတုန်း နွားစာတောင်း ကောင်းကောင်းမစင်းတတ်ဘူး"
ရေဒီယိုစံတော်ချိန် ဘဖိုးစံက ရွာထဲသို့လည်၍ မောင်မုန်းအတွက် ဂရုဏာဒေါ်သော အပြစ်တင်နေသည်။
မြင်းခြံမြို့၊ အမှတ်(၁) အစိုးရအထက်တန်းကျောင်းမှာပင် မောင်မုန်း မက်ထရစ်စာမေးပွဲကို အောင်မြင်ခဲ့လေသည်။

"သား-- မင်းကိုတော့ တောင်သူအလုပ် မလုပ်ခိုင်းချင်ဘူး။ အဲ အရီးစံပြောသလို နတ်အိုးကွဲ အဖြစ်မခံနိုင်ဘူး။ ဒီတော့ လူအကဲ့အရဲ့လွတ်အောင် အစိုးရအလုပ်တခုခု ရှာပေတော့"
မိတ်ဆွေ အပေါင်းအသင်းတို့၏ အကူအညီပေးမှုကြောင့် ပခုက္ကူမြို့ ခရိုင်ရဲဝန်ရုံးတွင် "အကူစာရေး"အဖြစ် စေတနာ့ဝန်ထန်း လုပ်အားပေး အလုပ်ဝင်ရသည်။ အကယ်၍ စာရေးနေရာ လစ်လပ်ခဲ့သော် အလွယ်တကူ အလုပ်ဝင်နိုင်ရန်ဖြစ်၏။ မည်သည့်ကာလတွင် အလုပ်ရလိမ့်မည်ဟု မခန့်မှန်းနိုင်။ ဝါသနာလဲ မပါလှ။

"အစိုးရအလုပ်ဆိုတာ လွယ်တာမှတ်လို့။ ဌာနဆိုင်ရာတွေနဲ့ ရင်းလဲရင်းနှီးမှ။ လာဘ်ယင်လဲ ထိုးမှ။ ခုလို စိုက်လိုက်မတ်တတ်လုပ်နေလို့ ဘယ်ရမလဲ။ ခုဆို ငမုန်းမှာ အလုပ်လုပ်ရပေမယ့် လခမရတဲ့အပြင် အိမ်ကထမင်းလခနဲ့ သားရေစာဖိုးတောင် စိုက်ရသေးတယ်"
ဘဖိုးစံကား နဂိုက သူ့စကားကို နားမထောင်မိခဲ့သည့် ပြစ်ချက်ဖြင့် မောင်မုန်းလုပ်သမျှကို အကောင်းမမြင်တတ်တော့ချေ။

မောင်မုန်းသည် အကူစာရေးဘဝနှင့် အလုပ်ခေါ်သမျှကို လျှောက်ထားလေသည်။ အရည်အချင်းစစ်စာမေးပွဲမှန်သမျှ ဝင်ဖြေသည်။ မူလတန်း လက်ထောက်ဆရာခန့်သောအခါတွင် မောင်မုန်း ထခုန် ကျွမ်းပစ်မိသည်အထိ ဝမ်းသာသွားသည်။ ကလေးဘဝကာ့ပင် ဝါသနာပါခဲ့သည့် အလုပ်။ တိုင်းယက်သည့် ပက္ကလာ၊ မိုးရွာသည်နှင့် အခန့်သင့်ဖြစ်သွားတော့သည်။

"ကောင်အိုလေး၊ မင်းမှားကွက်နင်းမိပြီ။ တို့ဌာနမှာနေရင် တနေ့နေ့ အောက်တန်းစာရေးတော့ မြေကြီးလက်ခတ်မလွဲရမှာ သေချာတယ်။ တက်လမ်းအများကြီးရှိတယ်ကွ။ အောက်တန်းစာရေးက အထက်တန်းစာရေး၊ အထက်တန်းစာရေးကနေပြီး ရုံးအုပ်စာရေးကြီး၊ နောက်ဝန်ထောက်။ ဘယ်မှာလဲ၊ မင့်ကျောင်းဆရာက တက်လမ်း။ သင်တန်းတွေ နှစ်နဲ့ချီပြီးတက်ဦး။ အင်တာဗျူးတွေ ဝင်ဖြေဦး။ ဒီတော့မှ တစ်ရာမှာ တစ်ယောက်နှုန်းလောက်သာ တက်လမ်းရှိတာကလား"
ခရိုင်ရဲဝန်ရုံး ငွေစာရင်းဌာန စာရေးကြီး ဦးမော်နှင့် ဦးတင်စိုးတို့က ကရုဏာဒေါသောဖြင့် ပြောလေသည်။ ကျောင်းဆရာအလုပ်ကို မဝင်ပဲနေ၊ ဌာနမှာပင် အလုပ်ရစေဟု အာမခံကြလေသည်။ သို့သော် မောင်မုန်း မနေတော့ပြီတည်း။

"အမေတော့ ဝမ်းမသာနိုင်ဘူး ငါ့မြေးရယ်။ မင်းအဖေ ရက်စက်လို့ ငါ့မြေး ၁၀ နှစ်သားကတည်းက အမေတို့နဲ့ ခွဲခွါပြီး ကျောင်းနေခဲ့ရတယ်။ အဲဒီတုန်းကတော့ ကျောင်းထွက်ချိန် အိမ်ပြန်ရောက်မှာပဲလို့ ဖြေသာသေးရဲ့။ ခု အလုပ်ရပြီး တရွာတရပ်ကို သွားနေမယ်ဆိုတော့ အမေဘယ်လို စိတ်ဖြေရမလဲ ငါ့မြေးရယ်"
ဝမ်းသာအားရနှင့် ကားပေါ်ကအဆင်း အိမ်အဝင်ရောက်မဆိုက်ပင် ပခုက္ကူမြို့နယ် ရေမြက်ရွာတွင် ကျောင်းဆရာအလုပ်ရကြောင်း အော်ပြောလိုက်မိသည်။ ဘွားအေ အမေဌေးက မျက်ရည်စမ်းစမ်းနှင့် ဆိုရှာသည်။ မိခင်လည်း ထိုနည်း၎င်းပင်။
"ကျောင်းပိတ်ရက်တိုင်း ပြန်လာခဲ့ပါမယ်ဗျာ"
ဘိုးအေ၊ ဖွားအေနှင့် မိခင်တို့ကို နှစ်သိမ့်စကား ပြောရလေသည်။ ဝမ်းသာသူမှာ မောင်မုန်း၏ဖခင် ကိုတင်ညွန့်ပင်တည်း။
ဖခင်က ဝမ်းသာအားရဖြင့် နည်းညွှန်စကားဆိုလေသည်။

ရွာထဲသို့လည်၍ နှုတ်ဆက်ကန်တော့ရာတွင် ပထမဦးစွာ ဘဖိုးစံနှင့် တွေ့ဆုံရသည်။
"မင်းဟာက ဘယ်မှာဇယားကိုက်လို့လဲကွာ။ မင်းအတွက် ကုန်ကျခဲ့တဲ့ ငွေငါးထောင်ကျော်ကို အတိုးပေးကြည့်စမ်း။ တလ တလ အတိုးငွေ ၁၅၀ အနည်းဆုံး ရနိုင်တယ်ကွ။ ခုမင်းရတဲ့လခက တလမှ ၁၂၆ကျပ် ၇၅ပြား။ မိုင် ၃၀ကျော်ဝေးတဲ့ဒေသ သွားနေရဦးမယ်"
ဘဖိုးစံကမူ ထုံးစံအတိုင်း အကောင်းမြင်ဝါဒကို ဖယ်ကြဉ်၍ အပျက်မြင်ဝါဒဖြင့် မောင်မုန်းအား ရှုတ်ချလေသည်။ မောင်မုန်းစိတ်မဆိုးပါ။
"ကျွန်တော် ချေးမကော်လောက်၊ ပဲမလှော်လောက်နဲ့ နတ်အိုးကွဲဘဝကတော့ လွတ်ပြီ ဘဖိုးစံရယ်"
မောင်မုန်းသည် ဤစကားတခွန်းကိုပြောကာ ဘဖိုးစံထံမှ ထွက်ခွါခဲ့လေသည်။

"ငါ့မြေး တနေ့နေ့ ဒီလိုဖြစ်မယ်လို့ ဘ အတပ်ပြောခဲ့တာဘဲ။ မဆန်းပါဘူး။ ခုကျောင်းဆရာထက်မြင့်တဲ့ အဆင့်ကို တက်နိုင်ဖို့ ကြိုးစားဦး ငါ့မြေး"
ဘဖီးသည် ချိုးသားကြော်၊ ရေနွေကြမ်းတို့ဖြင့် ဧည့်ခံလေသည်။ ဝမ်းသာအားရရှိလွန်းလှသည်။ မောင်မုန်း ကလေးဘဝက သူနှင့်ထိစပ်ခဲ့သည့် ရှေးဟောင်းနှောင်းဖြစ်များကို တဝကြီးပြောပြနေသည်။
"ဘမှာတော့ တခြားပေးကမ်းစရာ မရှိဘူးကွယ်။ အဲ သားရေဖိနပ်တရံတော့ ရှိလေရဲ့။ ငါ့မြေးယူသွား။ ကျောင်းဆရာဆိုတော့ ဂုဏ်နဲ့ထိုက်တန်အောင် ဝတ်ရစားရမှာ"
"မယူပါရစေနဲ့ ဘဖီးရယ်။ ကျွန်တော်ကသာ ကန်တော့ရမှာပါ"
"ယူသွား ငါ့မြေး။ မယူရင် ဘာ့စိတ်ဆိုးမယ်"
မောင်မုန်းသည် ဘဖီးကို ကန်တော့ကာ ပြန်လည်ထွက်ခွါခဲ့၏။ ဖိနပ်ကိုလည်း ယူလာရသည်။

"ငါ့တပည့်၊ မင်းဟာ တပည့်ကောင်းတဦးဖြစ်ခဲ့ပြီ။ ဆရာကောင်းတဦးဖြစ်အောင် ကြိုးစားပေတော့"
ဆရာကြီး ဦးဘိုးကျောင်းက ဩဝါဒတိုလေးကို မိန့်ကြားပြီး ဆရာ့လက်စွဲစာအုပ်ကို လက်ဆောင်ပေးလိုက်သည်။

ဆရာလေးဦးညွန့်မောင်ကာ့မူ ကျောင်းဆရာတစ်ယောက်တွင် ရှိသင့်ရှိထိုက်သည့် အရည်အချင်း၊ သိက္ခာ၊ သမာဓိများကို အသေးစိတ်ပြောပြ နည်းညွှန်လေသည်။
"အဓိကလိုအပ်တာကတော့ ကျောင်းဆရာတဦးမှာ နာသုံးနာနဲ့ ပြည့်စုံရမယ်ကွ။ ဝါသနာ၊ စေတနာနဲ့ အနစ်နာခံခြင်းပေါ့ကွာ။ နောက်ထပ် နာတနာတိုးလိုက်ဦး။ အထက်အမိန့်ကို နာခံခြင်းတဲ့။ နာလေးနာနဲ့ပြည့်စုံအောင် ကြိုးစားမယ်ဆိုရင် အောင်မြင်တဲ့ ပြည်သူ့ကျောင်းဆရာတဦးဖြစ်မှာသေချာတယ်"

XXXXX



(၁၉၇၉ ခုနှစ် စာပေဗိမာန်စာမူဆုရ ဝတ္ထုတိုပေါင်းချုပ် ပထမဆုရ စာရေးဆရာ ကြူရတနာ မောင်မြကြိုင်၏ ဆရာမုန်း ဝတ္ထုတိုများ စာအုပ်မှ ဝတ္ထုတိုများကို နှစ်သက်သောကြောင့် ကူးယူဖော်ပြပါသည်။)

Read More...

Wednesday, March 19, 2008

င၊ မောင်၊ ကို မှ ဆရာသို့


(တစ်)

"ဘူးသီးနုနုမခူးရ"
"ငါ၏ ဒူးနာ၏။"
"ဘဦး ရေကူးနေသည်။"
ယနေ့ အဖိတ်နေ့။ ကျောင်းပိတ်ထားသည်။ မောင်မုန်းအားနေ၏။ ထို့ကြောင့် "ကလေးကျောင်း" ဖွင့်လိုက်ရသည်။ များသောအားဖြင့် မောင်မုန်း၏ကျောင်းသည် အဖိတ်နေ့နှင့် ဥပုသ်နေ့များ၌ ဖွင့်တတ်လေသည်။ မောင်မုန်းသည် မိမိ၏ဆရာကြီး ဦးဘိုးကျောင်း၏ သွင်ပြင်ဟန်ပန်ကို အပြည့်ယူထားသည်။ ဆရာကြီးက မျက်မှန်တပ်သည်။ မောင်မုန်းလည်း မိမိလက်ဖြစ် ပြောင်းရိုးအူမျက်မှန်ကို တပ်ထားရ၏။ ကလေးများရှေ့တွင် တုတ်တချောင်းနှင့် စာချလျက်ရှိနေသည်။

မောင်မုန်းက အော်၍စာချသည်။ ကလေးများကလည်း အော်၍စာလိုက်ကြရသည်။ စာကိုအော်၍လိုက်မှ မောင်မုန်းသဘောကျ၏။ တိုးတိုးလိုက်သူများအား ခေါင်းကိုတုတ်နှင့် တို့၍တို့၍ သတိပေးနေရသည်။ ဆရာကြီးကဲ့သို့ ဖြန်းကနဲ ရွှမ်းကနဲ ဆော်ထည့်လိုက်ချင်လှသည်။ သို့သော်--မဖြစ်။ နာကျင်သွားလျှင် ထကာပြန်ပြေးမှာ စိုးရသည်။ ကျောင်းသားတယောက်လျော့သွားလျှင် လျော့မှန်းသိသိ စိတ်အားငယ်ဖွယ်ကောင်း၏။ အခြားသူများကိုပါ အဖော်ခေါ်သွားလျှင် ယနေ့အဖို့ ကျောင်းပိတ်လိုက်ရမည်ဖြစ်သည်။ ထိုအခါ မောင်မုန်းဆရာလုပ်ရတော့မည်မဟုတ်ပြီ။ ထို့ကြောင့် နာနာမရိုက်ရဲ။ စတိမျှသာ ရိုက်ရတော့သည်။

ကျောင်သားများတွင် အမာခံဟူ၍ မောင်မုန်း၏ နှမငယ် ခင်ရီ နှင့် ညီငယ်ဖိုးကြည်တို့သာ ရှိသည်။ သူတို့ကိုပင် စိတ်မချရဲသေးချေ။ ခင်ရီသည် စာလိုက်ရမည်ထက် ဇယ်ခတ်ရမည်ကို ပို၍အားသန်နေသူဖြစ်၏။ မောင်မုန်း၏ ကျန်ကျောင်းသားများမှာ အိမ်နီးချင်းသူငယ်ချင်းများဖြစ်ကြသော ဖိုးပြော့၊ သိန်းအောင်၊ စိန်သောင်း၊ သောင်းခင်၊ ဘောဂ၊ ရွှေမိ၊ ကုလားမ၊ ပုတ်ကြီး၊ ခင်လှနှင့် မိမှေးတို့ဖြစ်ကြ၏။ စုစုပေါင်း ၁၂ယောက်။ ဤမျှသောကျောင်းသားဦးရေကို ရရှိရန် မောင်မုန်း ခက်ခက်ခဲခဲ စီးရုံးယူခဲ့ရသည်။

မောင်မုန်းကျောင်းတက်သွားတိုင်း မိဘများက သားရေစာအဖြစ် ထန်းလျက်ငါးလုံး ပေးနေကျဖြစ်သည်။ မောင်မုန်းသည် နေ့စဉ်ဝေစုရသော ထန်းလျက်များကို မစားရက် မသောက်ရက်ဖြင့် ထန်းဖူးဖာငယ်ကလေးထဲတွင် ထည့်ကာစုထားရသည်။ တပတ်အတွင်း ထန်းလျက်အလုံး အစိတ်သုံးဆယ် စုမိတတ်လေသည်။ မောင်မုန်းသည် ထိုထန်းလျက်လုံးများဖြင့် မိမိကျောင်းသားများကို စည်းရုံးယူရသည်။ ကျောင်းဆင်းသောအခါ တယောက်ဘယ်နှစ်လုံးပေးမည်ဟု။ ယနေ့လည်း ထန်းလျက် ၂၄ လုံးကို အသုံးပြုကာ ကျောင်းဖွင့်ခဲ့ရသည်။ သည်အထဲ လောဘကြီးလှသူ ဖိုးပြော့က ထန်းလျက်သုံးလုံးတိတိပေးမှ ကျောင်းတက်နိုင်မည်၊ စာလိုက်နိုင်မည်ဟု အရေးဆိုလာသေးသည်။ ချော့ချော့မော့မော့နှင့် မနည်းကြီး ပြောယူရလေသည်။

မောင်မုန်းသည် ယခုအပတ်ကျောင်းဖွင့်ဖို့အရေး သုံးလေးရက် ကြိုတင်ပြင်ဆင်ခဲ့ရသည်။ ကျောင်းသုံးသင်ပုန်းကြီးအဖြစ် ထင်းရှူးသေတ္တာအခွံကို အသုံးပြုရမည်။ ဖြူနေသည်ကို မဲသွားအောင် ဆရာကြီး သင်ပုန်းချေသည်ကို အတုယူလျက် ထမင်းရည်ခံကာ မီးသွေးခဲဖြင့် တိုက်ထားရသည်။ ထိုသင်ပုန်းပေါ်တွင် စာရေးရန် မြေဖြူမရှိသဖြင့် မောင်မုန်းအတော်လေး အခက်အခဲတွေ့ရပြန်သည်။ သင်ပုန်းမဲပေါ်တွင် မီးသွေးခဲဖြင့် ရေး၍လည်းမထင်။ ဂွေ့နီခဲကား ပေါပါ၏။ မာလွန်းလှသည်။ စာလုံးလည်း ကောင်းကောင်းမထင်။ မောင်မုန်းသည် သင်ပုန်းမဲမဲပေါ်တွင် ဆရာကြီးရေးထားသော စာလုံးလေးများနှယ် ဖြူဖြူဖွေးဖွေး လှလှပပကလေးတွေ အထင်းသား ပေါ်လွင်နေစေချင်သည်။ နောက်ဆုံးတွင်မှ နည်းကောင်းနည်းမှန်ကို စဉ်းစား၍ရတော့သည်။ ထို့ကြောင့် ယနေ့ ကျောင်းစတင်ဖွင့်နိုင်ခြင်း ဖြစ်လေသည်။ အေးမြသော တမာပင်ရိပ်အောက်တွင် ကလေးတို့၏ စာလိုက်သံများ သံပြိုင်ညီညာစွာ ပေါ်ထွက်နေသည်။

"ဟ--ဟ-- ငါ့ထုံးဗူးထဲက ထုံးတွေဘယ်ရောက်ကုန်ပါလိမ့်"
မောင်မုန်း၏ ဖခင် ကိုတင်ညွန့်သည် ရွာအရှေ့ပိုင်းမှပြန်အလာ ကွမ်းအစ်ကို ဖွင့်လိုက်သည်။ ကွမ်းရွက်ပေါ်သို့ ထုံးတို့ရန် ထုံးဗူးကို အနှိုက်တွင် ထုံး လုံးဝမရှိတော့ကြောင်း တွေ့လိုက်ရသဖြင့် အလန့်တကြား ပြောလိုက်ခြင်းဖြစ်သည်။
"နဂိုကတည်းက မရှိလို့ဖြစ်မှာပေါ့တော်"
ဆေးလိပ်လိပ်နေသော ဇနီးသည် မဖွားဇုံက ပြောလိုက်၏။
"ရှိပါတယ်။ မနက်က ငါ ကွမ်းစားသေးတာပဲဟာ"
"ကျုပ်လည်း ခုနလေးတင်ပဲ အဝတ်လျှော်ပြန်လာတာ။ ဘယ်သူများ ဝင်ယူသွားပါလိမ့်"
မဖွားဇုံက သံသယဖြစ်မိသည်။
ကိုတင်ညွန့်သည် ပြောမနေတော့ဘဲ ထုံးဗူးထဲ ထုံးဖြည့်ရန် ရေအိုးစင်အောက်တွင်ထားသော ထုံးအိုးဆီသို့ ထွက်သွားတော့သည်။
"ဟိုက်-- ဒီမှာလဲ မရှိတော့ဘူးဟ။ တစုံတယောက်တော့ မပြောမဆို ဝင်ယူသွားပြီထင်တယ်"
"ဟုတ်ပါရဲ့။ ဘယ်သူများယူပါလိမ့်။ အဲ-- ကျုပ်ရေချိုးသွားတုန်း ငမုန်းတော့ အိမ်စောင့်ကျန်ရစ်ခဲ့တယ်။ သူ့မေးကြည့်"
"ဘူးသီးနုနုမခူးရ"
"ငါ၏ ဒူးနာ၏။"
"ဘဦး ရေကူးနေသည်။"
သည်တော့မှ ကိုတင်ညွန့် သားဖြစ်သူ၏ စာချသံကို သတိချပ်မိတော့သည်။ ကျေနပ်နှစ်သက်စွာ ပြုံးလိုက်မိသည်။ ယာလက်စကွမ်းကို ထားပစ်ခဲ့ကာ သားစာသင်နေပုံကို ကြည့်လို၍ တမာပင်အောက်သို့ ထွက်လာခဲ့သည်။

"အဖေ ကျွန်တော် ဆရာဖြစ်ပြီဗျ"
မောင်မုန်းက အားရဝမ်းသာ ဆီးကြိုပြောလေသည်။ ကျောင်းဆရာ၏ဂိုက် အပြည့်အဝဖမ်းနေသော်လည်း မောင်မုန်း၏ရုပ်သွင်မှာ ရယ်စရာဖြစ်နေတော့၏။ ပြောင်းရိုးအူမျက်မှန်နှင့်။ နောက် ထုံးစွန်းတွေ အိုးမဲကွက်တွေ ဗလဗွနှင့်။ နှာရည်ယိုနေသည်ဖြစ်လေရာ နှပ်ချေးသုတ်တိုင်း လက်မှ အိုးမဲတွေက နှုတ်ခမ်းမွှေးဆွဲပေးသလို ဖြစ်နေသည်။ ထုံးတွေ ပျောက်ဆုံးရခြင်း ကိစ္စကိုလည်း ကိုတင်ညွန့် နားလည်လိုက်သည်။ သင်ပုန်းဘေးတွင် မြေဖြူတံပမာ လုံးထားသော ထုံးတောင့်တွေ။ နောက်-- သင်ပုန်းပေါ်မှာလည်း ထုံးဖြူနှင့် ရေးထားသောစာတွေ။

"မြေဖြူတံက ရေးမကောင်းဘူးအဖေရာ၊ သိပ်မာတာဘဲ။ ထင်လဲမထင်ဘူး။ ဒါကြောင့် အဖေ့ထုံးအစိုတွေနဲ့ စာရေးရတယ်"
မောင်မုန်းက လူကြီးသူကြီးပမာ ညည်းညူလေသည်။ ကိုတင်ညွန့်သည် ထုံးများဆုံးရှုံးမှုအတွက် သားကို အပစ်မတင်ရက်တော့ပါ။ သားဖြစ်သူသည် ကလေးများစွာကို အောင်မြင်စွာစုစည်းနိုင်ပြီး ကျောင်းဆရာလုပ်တန်းကစားနေသည်ကို ပီတိဖြစ်၍မဆုံး ရှိရသည်။ မောင်မုန်း၏ ဝါသနာကို သဲလွန်စ တွေ့ရလေပြီ။
"သားက ဆရာ ဖြစ်ချင်သလား"
"ဖြစ်ချင်တာပေါ့၊ ဒါကြောင့် ခု ကျောင်းဆရာ လုပ်နေတာလေ"
"ဘာကြောင့် ဆရာဖြစ်ချင်တာလဲ"
"ဆရာကြီးကို သဘောကျလို့ပေါ့"
"ဘာကိုသဘောကျတာလဲ"
သင်္ကြန်တုန်းက ဆရာကြီးကို တရွာလုံး ကန်တော့ကြတယ် အဖေရာ။ ပဲတွေ ဆန်တွေ အများကြီးရတာဘဲ။ နောက်ပြီး အရက်မူးသမားဆိုရင် ကျွန်တော် အားကြီးကြောက်တယ်။ ဆရာကြီးက မကြောက်ဘူး။ လမ်းမှာဆုံမိရင် အရက်မူးသမားက ဆရာကြီးရှေ့မှာ ထိုင်ဝပ်ချကြတော့တာဘဲ။ လူတွေသတ်တယ်ဆိုတဲ့ သေနတ်ကြီးနဲ့ ဗိုလ်မုတ်ဆိတ်တို့ဆိုတာလေ တရွာလုံးက ကြောက်ရပေမယ့် ဆရာကြီးက မကြောတ်ဘူးဗျ"

မောင်မုန်းမှာ သူငယ်တန်း အဆင့်သာ ရှိသေးသည်။ အသက်အားဖြင့် ခြောက်နှစ်မျှသာ။ ကလေးအမြင်၊အသိဖြင့် ဆရာကြီးဘဝကို အားကျနေသည်။ ကျောင်းဆရာအလုပ်ကို ဝါသနာပါနေသည်။ ထို့ကြောင့် အရွယ်နှင့်မလိုက်အောင် အကြောင်းပြချက်တွေ ပြောပြနိုင်ခြင်းဖြစ်သည်။ ကျောင်းဆရာအလုပ်သည် မိမိ လက်ရှိလုပ်ကိုင်နေသော တောင်သူအလုပ်ထက်တော့ သာပေလိမ့်မည်ဟု ကိုတင်ညွန့် တွေးမိသည်။

သို့သော် ဆရာကြီးဦးဘိုးကျောင်းမှာ လစာမရရှာပါ။ ရွာကို ဗိုလ်မုတ်ဆိတ်ဦးစီးသော ရဲဘော်ဖြူတို့ မင်းမူအုပ်စိုးနေသည်။ အစိုးရမှာ အာဏာလက်လှမ်းမမှီသဖြင့် ကျောင်းစရာများကို လစာမပေးနိုင်ပါ။ ရဲဘော်ဖြူများကလည်း လစာပေးနိုင်ဖို့ အပထား၊ သူတို့ဘဝ ရပ်တည်နိုင်ရန်အတွက်ပင် ဆက်ကြေးအမျိုးမျိုး ခွဲနေရသည်။ ဗိုလ်မုတ်ဆိတ်မှာ ဆရာကြီး၏ ငယ်တပည့်ဖြစ်သည်။ ဆရာကြီးရှေ့တွင်ကြောက်ရောင်ပြ၍ နောက်ကွယ်တွင် ထင်ရာရမ်းနေသူဖြစ်သည်။ ဆရာကြီးအတွက် ထွက်ပေါက်ကား ရှိပါ၏။ ပခုက္ကူမြို့၌ရှိသော သူ့ဦးလေးက မြို့သို့ ပြောင်းခဲ့ပါ။ သူ့ဆီစက်တွင် စာရေးခန့်မည်ဟု ခေါ်နေ၏။ သို့သော် ဆရာကြီးဦးဘိုးကျောင်းသည် မြို့သို့ မပြောင်းဖြစ်ပါ။ ကျောင်းသံယောဇဉ်၊ ကလေးများအတွက် ပညာရေးသံယောဇဉ်တို့ကြောင့် လစာမရသော်လဲ ကျောင်းဖွင့်မြဲဖွင့်ကာ ပညာသင်ပေးနေခဲ့သည်။ ဆရာကြီး၏ မွန်မြတ်သော စေတနာကို ကိုတင်ညွန့်စဉ်းစားမိတိုင်း လေးစားရသည်။ ရွာကလည်း ဆရာကြီး၏ စေတနာကို တုန့်ပြန်သင့်သည်ဟုယူဆကာ ကိုတင်ညွန့်ကပင် ဦးဆောင်လျက် သီတင်းကျွတ်နှင့် တန်ခူးလတို့တွင် ဆရာကန်တော့ပွဲ လုပ်ပေးသည်။ ကျောင်းလခကိုလည် ကျောင်းသားတိုင်း လစဉ် တတ်အားသရွေ့ ပေးစေသည်။ ထို့ကြောင့် ဆရာကြီးတို့မိသားစု ရပ်တည်နိုင်ခွင့်ရခြင်းပင် ဖြစ်သည်။

ကိုတင်ညွန့်သည် ကျောင်းဆရာတို့၏ မွန်မြတ်သော စေတနာကို လေးစားသည်။ တန်ဖိုးထားသည်။ ထို့ကြောင့် မိမိသား မောင်မုန်းတယောက် ကျောင်းဆရာအလုပ်၌ ဝါသနာပါနေသည်ကို တွေ့ရသဖြင့် ဝမ်းမြောက်ဝမ်းသာ ပီတိဖြာရသည်။
"သား- ကြောင်ဆရာဖြစ်ချင်ရင် ကြိုးစား။ ခု မင်း သူငယ်တန်းမို့ စာနည်းနည်းလေးဘဲ သင်တတ်မယ်။ တတန်းပြီးတတန်း အတန်းကြီးလာရင် စာတွေအများကြီးသင်တတ်လာမယ်။ နောက် ဆရာကြီးလို ကျောင်းဆရာဖြစ်လာမယ်။ ဒါကြောင့် အခုကတည်းက ကြိုးစားရမယ်-- သိလား"
"ဟုတ်ကဲ့ပါ အဖေ"
မောင်မုန်း၏ ကတိပေးချက်ကား ရွှင်လန်းတက်ကြွလှသည်။ အားရဖွယ် ကောင်းလှပေ၏။
"ထုံးက မြေဖြူလုပ်လို့မကောင်းဘူးသားရဲ့။ မာတယ်၊ လက်ပေါက်တယ်။ နောင်ကို အဖေ့ထုံးအိုး မနှိုက်နဲ့နော်"
"ကျွန်တော့အတွက် မြေဖြူ ဘယ်ကရမလဲ"
"အဖေဝယ်ပေးမယ်"
"တကယ်နော်"
"တကယ်ပါကွ၊ မြေဖြူလဲ ဝယ်ပေးမယ်၊ စာသင်နိုင်ဖို့ ကျောက်သင်ပုန်းလေးလဲ လုပ်ပေးမယ်"
"ဒါမှ ဒို့အဖေကွ"

မောင်မုန်း ပျော်မဆုံးတော့ပြီ။ ကိုတင်ညွန့်သည် ကတိအတိုင်းပင် မောင်မုန်းအတွက် သင်ပုန်းငယ်တချပ် လုပ်ပေးသည်။ မြေဖြူတပုံး ဝယ်ပေးသည်။ အခြားကလေးများမှာ မုန့်ပဲ သားရေစာ စားရ၍ပျော်သည်။ ကစားစရာ အိုးပုတ် ချိုးရုပ်ရ၍ ပျော်သည်။ မောင်မုန်းမှာမူ ကျောင်းဆရာလုပ်တမ်း ကစားနိုင်ရန် အထောက်အကူပစ္စည်းများရ၍ ပျော်နေသည်။
"ကို့ နှယ်။ အလိုစလိုက် အလားစလိုက် ကလေးကို မြေဖြူဝယ်ပေးရတယ်လို့၊ တကယ်ဆို စားစရာ မုန့်ပဲသားရေစာ ဝယ်ပေးပါလား၊ ကစားစရာ အရုပ်ဝယ်ပေးပါလား"
မဖွားဇုံက ခင်ပွန်းဖြစ်သူအား အပြစ်တင်လေသည်။
"မြေဖြူကလဲ သားအတွက် ကစားစရာဘဲကွ။ တို့သားက ကျောင်းဆရာစိတ်ဝင်နေတာ၊ ကောင်းတဲ့ဝါသနာကို မြှောတ်ပေးရမှာက တို့တာဝန်။ လေးခွနဲ့ ကြက်ကလေးတွေ ငှက်ကလေးတွေ လိုက်ပစ်နေတာထက် စာသင်တမ်းကစားတာက ဘေးကင်းတယ် ကောင်းတယ်"
ထိုအခါမှစ၍ ကျောင်းပိတ်ရက်တိုင်း မောင်မုန်း၏ ကျောင်းငယ်ကလေး ဖွင့်နိုင်တော့လေသည်။

မောင်မုန်းသည် သူငယ်တန်း၊ ပထမတန်းနှင့် ဒုတိယတန်းသားဘဝကမူ စိတ်ပါလွန်း၍သာ စာသင်သည်။ မသင်တတ်၊ အစီအစဉ် မကျန၊ ကစားခြင်းသဘောမျှသာ သက်ဝင်နေသည်။ တတိယတန်းကျောင်းသားဘဝသို့ ရောက်သောအခါတွင် စနစ်တကျ သင်တတ်လာပြီး ထိရောက်မှု ရှိလာသည်။ ကျောင်းမနေရသေးသော အိမ်နီးချင်းကလေးများပင် စာရေးတတ် ဖတ်တတ်လာသည်ကို လူကြီးများ သတိထားမိလာသည်။ ထိုအခါ ပညာလိုလားသော ကလေးငယ်တို့၏မိဘများက သူတို့၏ကလေးများကို မောင်မုန်းထံလွှတ်၍ ကစားယင်း စာသင်စေတော့သည်။ ဆရာပေါက်စကလေးမောင်မုန်းမှာ ကျောင်းသား အစိတ်သုံးဆယ်အထိပင် စာသင်ပေးနေရ၏။ ဖခင် ကိုတင်ညွန့်ကလည်း အားပေးသည်။ စာသင်ကျောင်းအတွက် ထန်းပလက်တဲငယ်ကလေး ဆောက်ထားပေးသည်။

နောင်အခါတွင် မောင်မိုမုန်းစာသင်ပေးခဲ့သော် တပည့်များသည် အ သုံးလုံးကျေသင်တန်းမှ ကင်းလွတ်ကြသည်ကို တွေ့ရလေသည်။ မောင်မုန်းကိုလဲ ဆရာပေါက်စကလေးဟု ခေါ်ကြသည်။ မည်သို့ပင်ဆိုစေ-- မောင်မုန်းမှာ ဆရာကြီးဦးဘိုးကျောင်းကဲ့သို့ ဆရာဖြစ်ချင်နေတော့သည်။
XXXXX


(၁၉၇၉ ခုနှစ် စာပေဗိမာန်စာမူဆုရ ဝတ္ထုတိုပေါင်းချုပ် ပထမဆုရ စာရေးဆရာ ကြူရတနာ မောင်မြကြိုင်၏ ဆရာမုန်း ဝတ္ထုတိုများ စာအုပ်မှ ဝတ္ထုတိုများကို နှစ်သက်သောကြောင့် ကူးယူဖော်ပြပါသည်။)

Read More...

  © Blogger templates The Professional Template by Ourblogtemplates.com 2008

Back to TOP