ဒီရောက်ကတည်းက ငါးပိရည်မစားရတာ ကြာလှပေါ့။ ပို့လို့လည်း ရမယ်မထင်ဘူး။ ဒီလောက် အနံ့ထွက်တာကို။ ပို့လို့ရဦးတောင်မှ ကျိုတဲ့အခါကျ ဒွတ်ခရောက်ဦးမှာ၊ တအိမ်လုံး သင်းပျံ့ပျံ့မွှေး ဖြစ်ကုန်မှာ။ စားဖူးတဲ့ ငါးပိရည်ထဲမှာ အဖေ့ဘက်က အဖွားအိမ်က ငါးပိရည်ကို အကြိုက်ဆုံးဘဲ။ ငါးကိုကင်ပြီး ကြက်သွန်ဖြူနဲ့ထောင်းထားတာကို ငါးပိရည်ကျိုထဲ ထည့်ဖျော်ထားတာ။ ငါးရုတ်သီး အကျက်မှုန့်နံ့နဲ့ တော်တော် စားလို့ကောင်းတယ်။ ငါးမဝယ်ဖြစ်ရင်တော့ ပုစွန်ခြောက်ကို ထောင်းထည့်တယ်။ ငါးနဲ့ ငါးပိရည်ကို ပိုကြိုက်တယ်။ အဖွားတို့အိမ်မှာက တခါတလေမှ လုပ်စားတာမို့ အတော်စားကောင်းတာဖြစ်မယ်။ နယ်မှာ (အမေ့ဘက်က အဖွားအိမ်မှာ)က နေ့တိုင်း ငါးပိရည်ကျိုတာဆိုတော့ ဘာမှ မခတ်ထားဘူး။ ရိုးရိုးဘဲ။ ဒါပေမယ့်လည်း ငါးပိရည်ကျိုဆမ်း၊ ငရုပ်သီးမှုန့်နဲ့နယ်ပြီး နေ့လည်စာ အစာပြေစားတာမျိုးလည်း ကြိုက်တာဘဲ။
Friday, February 27, 2009
မိုင်ငါးပိရည်
ဒီရောက်ကတည်းက ငါးပိရည်မစားရတာ ကြာလှပေါ့။ ပို့လို့လည်း ရမယ်မထင်ဘူး။ ဒီလောက် အနံ့ထွက်တာကို။ ပို့လို့ရဦးတောင်မှ ကျိုတဲ့အခါကျ ဒွတ်ခရောက်ဦးမှာ၊ တအိမ်လုံး သင်းပျံ့ပျံ့မွှေး ဖြစ်ကုန်မှာ။ စားဖူးတဲ့ ငါးပိရည်ထဲမှာ အဖေ့ဘက်က အဖွားအိမ်က ငါးပိရည်ကို အကြိုက်ဆုံးဘဲ။ ငါးကိုကင်ပြီး ကြက်သွန်ဖြူနဲ့ထောင်းထားတာကို ငါးပိရည်ကျိုထဲ ထည့်ဖျော်ထားတာ။ ငါးရုတ်သီး အကျက်မှုန့်နံ့နဲ့ တော်တော် စားလို့ကောင်းတယ်။ ငါးမဝယ်ဖြစ်ရင်တော့ ပုစွန်ခြောက်ကို ထောင်းထည့်တယ်။ ငါးနဲ့ ငါးပိရည်ကို ပိုကြိုက်တယ်။ အဖွားတို့အိမ်မှာက တခါတလေမှ လုပ်စားတာမို့ အတော်စားကောင်းတာဖြစ်မယ်။ နယ်မှာ (အမေ့ဘက်က အဖွားအိမ်မှာ)က နေ့တိုင်း ငါးပိရည်ကျိုတာဆိုတော့ ဘာမှ မခတ်ထားဘူး။ ရိုးရိုးဘဲ။ ဒါပေမယ့်လည်း ငါးပိရည်ကျိုဆမ်း၊ ငရုပ်သီးမှုန့်နဲ့နယ်ပြီး နေ့လည်စာ အစာပြေစားတာမျိုးလည်း ကြိုက်တာဘဲ။
Wednesday, February 18, 2009
စာစီစာကုံး
ဒီနေ့ သင်တန်းမှာ စာစီစာကုံး ဖတ်ရတယ်။ မြန်မာလို စာစီစာကုံး ရေးခိုင်းရင်တောင် ကောင်းကောင်းမွန်မွန် မရေးတတ်ဘူး။ ခေါင်းစဉ်ပေးထားရင်တော့ စဉ်းစားစရာ ဘောင်ရှိသေးတယ်။ ကြိုက်ရာရေးဆို ဘာရေးရမှန်းမသိတော့ဘူး။ ခုလဲ ကြိုက်တာရေးဆိုတော့ ဂျပန်တွေကို ကိုယ့်နိုင်ငံနဲ့ ပတ်သက်တာ ဘာပြောရင်ကောင်းမလဲကို အတော်စဉ်းစားရတယ်။ အတော်များများက မြန်မာလို့ ပြောလိုက်ရင် မသိကြဘူးလေ။ (နာဂစ် မတိုင်ခင်အထိပါ။) တခါမှ မြန်မာလူမျိုး မလာတက်ဖူးတာလဲ ပါတယ်။ ဒီတော့ မြန်မာအကြောင်း မသိတာ မဆန်းပါဘူး။ "ဘိရုမာ"လို့ ပြောရင်တော့ နဲနဲသိကြပါတယ်။ ဒီတော့ သူတို့ စိတ်ဝင်စားနိုင်မယ့် အကြောင်းအရာလေး ရေးမှဖြစ်မယ်လို့ တွေးမိတယ်။ နောက်တော့ မြန်မာလူမျိုးတွေရဲ့ နာမည်အကြောင်း ရေးဖြစ်လိုက်တယ်။ စာလုံးအရေအတွက် ၃၀၀အတွင်းလောက် ရေးရင်ရပြီဆိုပေမယ့် ရေးရင်းနဲ့ ၄၀၀တောင် ကျော်သွားတယ်။ ဒါတောင် တော်တော် အတိုချုပ်ရေးထားတာ။ ရှည်ရှည်ရေးချင်လည်း ရပါတယ်။ "စဲန်းစေး"ကို ပြကြည့်တော့ စိတ်ဝင်စားပေမယ့် "စဲန်းစေး"တောင် မသိတဲ့ စကားလုံးတွေပါနေတယ်။ "ဂဠုန်"ဆိုတာ ကိုယ်တိုင်တောင် အင်တာနက်ထဲ အတော်ရှာလိုက်ရတယ်။ ရှည်ကလည်းရှည် ဖတ်ပြပြီး အများသဘောမပေါက်တာတွေ များနေရင်မကောင်းဘူးတွေးပြီး "သင်္ကြန်အကြောင်း" အသစ်ပြောင်းရေးလိုက်တယ်။ နဂိုရေးထားတာကိုတော့ ဟိုဘက်မှာ ပြန်ဖြည့်ရေးပြီး တင်ထားပါတယ်။
Thursday, February 12, 2009
ဗယ်လင်တိုင်းချော့ကို (バレンタインチョコ)
(image form Rakuten shop)
ဗယ်လင်တိုင်းဒေးနဲ့ ချော့ကလက်က ဘယ်လိုပတ်သက်မှန်း လုံးဝမသိတာ အမှန်ပါ။ ဝီကီမှာ ကြည့်တော့လည်း ချစ်သူများနေ့နဲ့ ဘာမှလဲ မသက်ဆိုင်သလိုဘဲ။ လူညီလို့ "ဤ"ကနေ "ကျွဲ"ဖြစ်သွားသလားတော့ မသိပါ။ ဆိုင်တာမဆိုင်တာ ထားပါလေ၊ ဖေဖော်ဝါရီ ၁၄အတွက် ဒီမှာတော့ ချော့ကလက်တွေ အပြိုင်အဆိုင်ရောင်းနေကြတာ။ သတင်းမှာလဲ ချော့ကလက်ရောင်းအား ကောင်းတာတွေ လွှင့်လို့၊ "ဂင်းဇ"က ဆိုင်တွေမှာ အမျိုးသမီး ကြီးကြီးငယ်ငယ်တွေ အုံလို့ခဲလို့။ ဂျပန်မှာ ဗယ်လင်တိုင်းဒေးဆိုတာ မိန်းကလေးတွေကစပြီး ချစ်ရေးဆိုဖို့ အခွင့်အရေးနေ့လိုပါဘဲ။
Tuesday, February 3, 2009
"စဲစွတ်ဘွန်း"
ဒီနေ့ ဂျပန်မှာ "စဲစွတ်ဘွန်း" (節分/せつぶん)နေ့တဲ့။ "စဲစွတ်ဘွန်း"ဆိုတာ ဂျပန်ရာသီဥတုလေးခုဖြစ်တဲ့ "နွေဦး၊ နွေ၊ ဆောင်းဦး၊ ဆောင်း" မတိုင်ခင် ရှေ့ရက်တွေပါ။ ရာသီဥတုတွေကို ခွဲခြားခြင်းလို့ အဓိပ္ပါယ်ရပါတယ်။ "စဲစွတ်ဘွန်း"လို့ပြောရင် တခြားရာသီဥတု မစခင်ရက်တွေထက် နွေဦးမတိုင်ခင်ရက်ကို ရည်ရွယ်တာများပါတယ်။ နှစ်တိုင်းရဲ့ ၂လပိုင်း ၃ရက်နေ့ဖြစ်ပြီး ရက်ထပ်နှစ်ဆိုရင်တော့ ၂လပိုင်း ၄ရက်နေ့ဖြစ်သွားပါတယ်။ ဒီနေ့ "စဲစွတ်ဘွန်း"နေ့ဆိုတော့ မနက်ဖြန်မှာ နွေဦးစပါပြီ။
Sunday, February 1, 2009
2009.02.01
နောက်ကျတဲ့ အိမ်တက်ဧည့်ခံလို့ ပြောလဲ ရပါတယ်။ ဘာရယ်မဟုတ် ဒီနေ့ ချက်စားဖြစ်တာလေးပါ။ "တွန်းဂျီရု"က microwave နဲ့ ချက်နည်းကို စမ်းချင်လို့ လုပ်ကြည့်တာ။ ဝက်သားပေါင်းက သူစားချင်တယ်ဆိုလို့။ ထုံးစံအတိုင်း မချက်ခင် အင်တာနက်ထဲ မွှေနှောက်ရှာတယ်။ ချက်နေကျမဟုတ်တာမျိုးဆို ခေါင်းထဲမှာ မမှတ်ထားတဲ့ အကျင့်ကြောင့်လေ။ ဘာလို့မှန်းမသိဘူး၊ ဝက်သားပေါင်းချက်နည်း ရှာလို့မရဘူး။ အရင်ကလည်း ထင်ရာထည့်ချက်တာ။ မြန်မာလို ရှာမရတော့ ဂျပန်လို လှည့်ပတ်ရှာလည်း မရှိ။ ခပ်ဆင်ဆင်တွေ့လို့ အဲဒီထဲက နည်းကို နဲနဲယူလိုက်တယ်။ မမေ့ရအောင် ဒီမှာဘဲ မှတ်ထားလိုက်တော့မယ်။
ဝက်သားကြိတ်သား ___ ၂၀၀ ဂရမ်
ကြက်သွန်မြိတ်အကြီး ___ ၂၀ ဂရမ် (ကြက်သွန်နီထည့်လည်း ရမယ်ထင်တယ်)
ကြက်ဥ ___ ၁ လုံး
ဆား ___ သင့်ရုံ
သကြား ___ သင့်ရုံ
ငရုတ်ကောင်း ___ သင့်ရုံ
ကြက်သားမှုန့် ___ သင့်ရုံ
ဟင်းချက်အရက် ___ ဇွန်းကြီး ၁ ဇွန်း
ပဲငံပြာရည်အကျဲ ___ ဇွန်းကြီး ၁ ဇွန်း
နှမ်းဆီ ___ ဇွန်းကြီး ၁ ဇွန်း
ရိုးရိုးဟင်းချက်ဆီ ___ ဇွန်းသေး ၂ ဇွန်း
ကော်မှုန့် ___ ဇွန်းကြီး ၁ ဇွန်း
အားလုံးထည့်နယ်ပြီး ကြွေဇလုံ အလယ်မှာ နဲနဲချိုင့်အောင်ထားပြီး ဒယ်အိုးထဲ ရေထည့်ပြီး ပေါင်းလိုက်တယ်။ နောက်မှ အတုံးလေးတွေ လှီးယူတယ်။ အခပ်မတော်လို့ ပုံပျက်သွားတာတွေကို ချေပစ်လိုက်တယ်။ ခရမ်းချဉ်သီး ငါးပိချက်တွေ ကျန်နေသေးတာမို့ တို့စရာအဖြစ် ရုံးပတီသီး ပြုတ်လိုက်တယ်။ ဖက်ထုပ်က မနေ့ညက တဝက်ကြော်စားပြီး ကျန်တာလေးကို ထပ်ကြော်ထားတာပါ။ ဘာထပ်လုပ်ရမှန်းမသိလို့ ဒီလောက်ပါဘဲ။
Subscribe to:
Posts (Atom)
