Saturday, August 15, 2009

ပိန် ပိန် ပိန်



ပိန်လွန်းတဲ့ ကိုယ့်ကိုယ်ကို အားမရပါ။ ခုချိန်ထိ ဝလို့ လှလို့ ဆိုတာမျိုး တခါမှ အပြောမခံရဖူးဘူး။ ဝလဲမဝသလို လှလဲမလှတာကြောင့်လေ။ ၁၀တန်းဖြေပြီးလောက်တုန်းကတော့ ဝလာအောင်ဆိုပြီး တော်တော်စားကြည့်ဘူးတယ်။ ဘာမှမထူးလာပါဘူး။ တကယ်ဆို အစားထက် အအိပ်မက်တာ။ ဘယ်လောက်အိပ်အိပ် ဘယ်လောက်စားစား မဝလာလို့ နင်းကန်စားဖို့ မကြိုးစားတော့ဘူး။ မျိုးနဲ့ရိုးနဲ့ကြောင့် ပိန်တာလို့ အမျိုးတွေက ပြောပါတယ်။ အမေတို့ ညီအမ ၅ယောက်ရဲ့ ဟိုးအရင်က ဓာတ်ပုံတွေ ပြန်ကြည့်တော့ အားလုံးက လှတပတ slim body လေးတွေ။ အမက အဲလို slim body ဘဲ။ ကျမကျမှ ဘာလို့ ဝါးခြမ်းပြားလို ပိန်နေတာပါလိမ့်လို့ အမြဲတွေးမိတယ်။ (ခါးကိုလေတိုးရင် ကျိုးမှာ တကယ်စိုးတယ် )အဒေါ်တွေက အရင်က အရင်ကသာ ပိန်တာ အိမ်ထောင်ကျ ကလေးလဲမွေးပြီးရော အဆတိုးလိုက်သလို ဝသွားလိုက်ကြတာ။ အမေဘဲ သိပ်မဝတာလို့ ပြောလို့ရတယ်။ ဒါတောင် အမေက အခု အသက်၅၀ကျော်ကစလို့ တဖြေးဖြေးဝလာပြီဆိုပြီး အမနဲ့ ဖုန်းပြောတုန်းက လှမ်းတိုင်နေတယ်။ ဝတာက တော်ရုံသင့်ရုံဘဲ ကောင်းပါတယ်။ ဝလာတယ်ပြောပြီး ဗိုက်ခေါက်ကြီးထွက်လာတာမျိုးတော့ တကယ်မလိုချင်ဘူး။ ဗိုက်ပူကြီးဖြစ်မှာကြောက်တဲ့ ဆိုက်ကိုပါ။

အဆောင်မှာတုန်းကဆို ပိန်တယ်လို့ အပြောခံရတဲ့သူတွေအချင်းချင်း အဝပြိုင်ကြတယ်။ ပေါင်ချိန်ပြောရင် အတူတူ တခါတလေ ကျမက သာပေမယ့် အမြင်အားဖြင့် ပိုပိန်တယ်လို့ အပြောခံရတယ်။ နောက်ရှိသေးတယ်။ လက်ကောက်ဝတ် တိုင်းတာ။ ကိုယ့်ထက် သေးပြီးပိန်တဲ့သူက လက်လာတိုင်းပြီး ပိန်လိုက်တာလို့ပြောလို့ မကျေမနပ်ဖြစ်ရတယ်။ နောက်ပိုင်းကျ ပြန်ပြောနိုင်ပြီ။ မျိုးရိုးကြောင့် အရိုးအဆစ်သေးနေတာလို့။ အဖွားက အရိုးအဆစ်သေးတော့ အဒေါ်တွေလဲ ဘယ်လောက်ဝလာလာ လက်ကောက်ဝတ် ခြေကျင်းဝတ် သေးပါတယ်။

ဝသာ ဝချင်ပေမယ့် စားလွန်းရင် ဗိုက်ပူကြီးဖြစ်မှာ ကြောက်တဲ့ ရောဂါက အတော်ကြီးတယ်။ သိပ်မလှုပ်ရှားဖြစ်ဘူးလို့ထင်တဲ့နေ့ကျရင် စားနေကျထက် လျှော့စားတယ်။ ထမင်းဟင်း လျှော့စားတယ်ပြောတာ။ သွားရည်စာကတော့ မလျှော့ပါဘူး။ ဒါကြောင့်ထင်တယ် ခန္ဓာကိုယ်က မဝလာဘဲ ဗိုက်ခေါက်နဲနဲထွက်လာတယ်လို့ ထင်တယ်။ မနှစ်က medical check-up လုပ်တုန်းက လုပ်တုန်းက ၄၀.၇ကီလို (၈၉.၇ပေါင်)ဘဲရှိတယ်။ ဒီကိုမလာခင်က ၉၃ပေါင်နီးပါး ရှိခဲ့တာ။ ဝမလာဘဲ ပိန်ကျသွားတယ်။ ဒီလိုတော့ မဖြစ်သေးဘူးဆိုပြီး သတိထားပြီး စားပါတယ်။ အမှန်တော့ ဘာမှလှုပ်ရှားမှုမရှိလို့ ပိုပြီး မစားချင်တာ။ အခုလို ပူအိုက်လာတော့ ပိုဆိုးတယ်။ apathy inertia နဲ့ လုံးလည်ချာလည်လိုက်နေတယ်။

ဒီနှစ် medical check-up လုပ်တော့ ၄၁.၂ကီလို (၉၀.၈ပေါင်)ရှိတယ်။ အရပ်က ၅ပေ၂လက်မရှိတာမို့ BMIတွက်တာ ကိုယ်အလေးချိန် ၅၅ကီလို (၁၂၁ပေါင်)လောက် ရှိသင့်တယ်ဆိုတယ်။ တကယ်ဆို ပေါင်ချိန် ၁၀၀ မပြောနဲ့ တခါမှ ၉၃ပေါင်ထက် မကျော်ဖူးပါဘူး။ medical check-up ရဲ့ result ကြည့်ပြီး နဲနဲကြောက်တာမို့ အရင်က သေချာမစားဖြစ်တဲ့ မနက်စာကို သတိထား ကြိုးစား စားပါတယ်။ ၂ယောက်စလုံး မနက်အိပ်ယာထစမှာ အစာမစားနိုင်ပါဘူး။ အမြဲတမ်း ပေါင်မုန့်လေးနဲနဲနဲ့ လက်ဖက်ရည်နဲ့ ပြီးနေတာပါ။ မနက်ပိုင်း ငှက်ပျောသီးစားရင် ကျန်းမာတယ်ဆိုတာနဲ့ ငှက်ပျောသီးတလုံးနဲ့ နွားနှို့တခွက် သောက်ဖြစ်တယ်။

တခြားအချိန်မှာ စားနိုင်ပေမယ့် မနက်မှာ ငှက်ပျောသီးစားရတာ နင်တင်တင်ကြီးရယ်။ မနဲမျိုချရတယ်။ ဒီလိုတော့ မဖြစ်သေးဘူးတွေးပြီး ထုံးစံအတိုင်း အင်တာနက်ထဲ မွှေနှောက်လို့ မနက်စာကို ဘယ်လိုစားသင့်တာ လိုက်ရှာပါတယ်။ သူတို့ပြောထားတဲ့ ပမာဏလောက် မစားနိုင်ပေမယ့် ခုနောက်ပိုင်းတော့ နဲနဲစုံအောင် စားပေးပါတယ်။ ငှက်ပျောသီးတလုံးကို စားရလွယ်အောင် အတုံးလေးတွေလှီးပြီး သူတဝက် ကိုယ်တဝက်၊ ပန်းသီးဖြစ်ဖြစ် ခုလောလောဆယ် ပေါ်နေတဲ့ သစ်တော်သီးဖြစ်ဖြစ် တယောက် တစိတ်၊ ပေါင်မုန့်တချပ်စီကို ထောပတ်သုတ်ပြီး သကြားဖြူးထားတာရယ်၊ အသားပါရအောင် လက်မသာသာလောက် Sausage ၃/၄ချောင်းစီ ကြော်ထားတာကို စားဖြစ်တယ်။ သောက်စရာက နွားနို့ပေါ့။ ဒီအတိုင်း မသောက်ချင်တဲ့အခါကျ Tea အမှုန့်နဲ့ဖြစ်ဖြစ် ကိုကိုးမှုန့်နဲ့ဖြစ်ဖြစ် ဖျော်သောက်တယ်။


ဒိန်ချဉ်လဲ နေ့တိုင်း သောက်သင့်တယ် ဆိုပါတယ်။ အသီးဖျော်ရည်တွေသာ တနေကုန် တစွတ်စွတ်သောက်ပေမယ့် ဒိန်ချဉ်တော့ မသောက်ဖြစ်ဘူး။ နဂိုကတည်းက သိပ်မကြိုက်တာ။ သောက်တိုင်း ဝမ်းလျှောလို့။ မသန့်တာလဲ ပါမှာပေါ့လေ။ (မြန်မာပြည်က လမ်းဘေးဒိန်ချဉ်ကို ပြောတာပါ) တီဗီအစီအစဉ်မှာ ဒိန်ချဉ်ကို ပျားရည်နဲနဲ ထည့်သောက်ရင် ပိုအကျိုးရှိတယ် လို့ပြောလို့ စမ်းကြည့်တာ ချိုချိုလေးဖြစ် သွားလို့ စားကောင်းပါတယ်။ ဒါပေမယ့် ဒိန်ချဉ်တဗူးက ဖောက်ပြီးရင် ၃ရက်လောက်နဲ့ ကုန်အောင် မနဲသောက်ရတယ်။ ဗူးဖောက်ထားပြီး မေ့သွားတဲ့နေ့တွေရှိတော့ ပစ်လိုက်ရတာလည်း ခဏခဏပါဘဲ။ တခါလလေတော့ ဗူးသေးသေးလေးတွေ ဝယ်တယ်။ အဲလိုဆိုတော့ သိပ်အလေအလွင့် မဖြစ်တော့ပါဘူး။


တကယ်ဆို အရည်မကျ အဖတ်မကျ ဖြစ်တဲ့ ဒိန်ချဉ်ကို သောက်ရတာ စိတ်မရှည်ဘူး။ ဟိုးတလောကမှ တရုတ်သူငယ်ချင်းနဲ့အတူ ဈေးဝယ်ရင်း နွားနို့လို သောက်လို့ရတဲ့ ဒိန်ချဉ်ဗူးရှိမှန်း သိတော့တယ်။ သူကနေ့တိုင်း 500ml တဗူးကုန်အောင် သောက်တဲ့သူပါ။ သူဝယ်တဲ့ ဒိန်ချဉ်ဗူးကို အရင်ကတည်းက သတိထားမိပေမယ့် တခါမှ စမ်းမဝယ်ခဲ့ဘူး။ ၄၅၀ဂရမ်ပါတဲ့ ဗူးတောင် မနဲသောက်ရတာ 1000ml ပါတဲ့ဗူးတော့ ဘယ်လိုမှ သောက်နိုင်မယ် မထင်မိတာ။ ပြီးတော့ အရည်လို့ မထင်မိတာကြောင့်ပါ။ သူဝယ်တာကြည့်ပြီး စမ်းဝယ်ပြီး သောက်ကြည့်တာ အတော်ကောင်းတယ်။ ဖျော်ရည်လို သောက်နေတာ တခါတလေ တနေ့ထဲနဲ့ တဗူးကုန်သွားတာလဲ ရှိတယ်။

အစားအသောက်တော့ သတိလေးထားပြီး စားဖြစ်ပေမယ့် ကိုယ်လက်လှုပ်ရှားမှုက မရှိသလောက်ပါဘဲ။ အိမ်အလုပ်ရယ် ဈေးဝယ်ထွက်တာရယ်လောက်ပဲ လှုပ်ရှားပြီး ကျန်တဲ့အချိန်မှာ တီဗီရှေ့မှာ စန့်စန့်ကြီး ဖြစ်ရင်ဖြစ် မဟုတ်ရင် ကွန်ပြူတာရှေ့ ဝမ်းယားထိုးပြီး တနေကုန်တော့တာပါ။ နေ့တိုင်း ဒီလိုချည်းဘဲတော့ မဖြစ်သေးဘူးတွေးပြီး Gymမှာ သွားဆော့နေတဲ့ သူငယ်ချင်းကို မေးပြီး memberဝင်ဖြစ်တယ်။ အဲဒီမှာ မကစားခင် စစချင်း အရပ်တိုင်း၊ ကိုယ်အလေးချိန် ချိန်တဲ့စက်နဲ့ ကွန်ပြူတာ resultထွက်လာပါတယ်။ တလတခါ checkလုပ်ရတယ် ပြောတယ်။ resultမှာ အားလုံးက low levelထဲ ရောက်နေတယ်။ မထင်မှတ်ဘဲ ကိုယ်အလေးချိန်က ၄၃ကီလို ရှိနေတယ်။ ပေါင်နဲ့တွက်တော့ ၉၄ပေါင် နီးနီးပေါ့။ (ငါကွ!!) မနက်စာ သေချာ စားဖြစ်တဲ့ အကျိုးလို့ ထင်တယ်။

မမျှော်မှန်းထားလောက်အောင် တခြားဟာတွေက နိမ့်လွန်းတယ်။ ကြွက်သားအားဘယ်လောက်ရှိလဲဆိုတာကို လူအရုပ်ပုံလေးမှာ အရောင်နဲ့ ခွဲပြီးပြတယ်။ ပုံမှန်အခြေအနေဆို မီးခိုးရောင်၊ ကြံ့ခိုင်ရင် ပန်းနုရောင်၊ ပိုကြံ့ခိုင်ရင် အနီရဲရဲ၊ bodybuilderလောက်ဆို ကြက်သွေးရောင်ပေါ့။ ပုံမှန်ထက် နဲနဲအားနဲရင် အပြာဖျော့ဖျော့၊ ပိုအားနည်းရင် အပြာရောင်၊ အဲဒီထက်မှ ပိုအားနည်းလွန်းရင် အပြာရင့်ရင့်အရောင်ပါ။ သူငယ်ချင်းရဲ့ အရုပ်ကလေးက လက်၂ဖက်က မီးခိုးရောင်နဲ့ လည်ပင်းကနေ ခြေထောက်အထိက အပြာဖျော့ဖျော့အရောင်ပါ။ ကျမအရုပ်ကလေးကျ လည်ပင်းကနေ တကိုယ်လုံး တရောင်ထဲရယ်။ လှတပတ အပြာရောင်လေး။ အပြာရင့်ရင့်ဘက်တောင် ကူးချင်ချင်ရယ်။ ပြာနှမ်းနှမ်းအရုပ်ကလေးကြည့်ပြီး တကယ်လန့်သွားတယ်။

ပရိုတင်းဓာတ်နဲ့ သတ္တုဓာတ် စားတာနည်းလွန်းတယ်တဲ့။ အဆီဓာတ်ကတော့ စံချိန်ထဲ ဝင်ပါတယ်။ ၁၁ လောက်က အကောင်းဆုံးမှာ ၁၀ ရှိပါတယ်။ ဒီတော့ကာ တကိုယ်လုံး အရိုးနဲ့ အရည်ဆိုတာထက် အရိုးနဲ့ အဆီဖြစ်နေတာပေါ့။ ခုတော့ ကြောက်အားလန့်အားနဲ့ ကြိုးစားပြီး ဆော့နေတယ်။ တပတ် ၃/၄ရက်နဲ့ ဆော့နေတာ ၂ပတ်ကြီးများတောင် ရှိသွားပါပြီ။ တကိုယ်လုံးလဲ ကိုင်ရိုက်ထားသလိုပါဘဲ။ ပင်ပန်းတော့ စားနိုင်လာတာ အမှန်ဘဲ။ Gymက ပြန်ရောက်ရင် အသားဓာတ်ရအောင် ပဲနို့ပါ တနေ့တခွက် သောက်ဖြစ်အောင် ကြိုးစားနေတယ်။ ဒီလိုနဲ့တော့ ဝလာတန် ကောင်းပါရဲ့လေ။ ရည်မှန်းချက်က ကျန်းကျန်းမာမာနဲ့ ကိုယ်အလေးချိန် ၁၀ကီလိုလောက် တက်လာဖို့ပါ။ (အားမလျှော့နဲ့ ရောက်လုပြီ ကြိုးစားဆော့ပါမည်)

images from google

19 comments:

WWKM said...

ညီမလေးကလည်း.. ညီမလေးကိုယ်လုံးလေးကမော်ဒယ်ကိုယ်လုံးလေးဟာ
ကို... မပိန်ပါဘူး ညီမလေးရဲ့.
အစ်မက ၀နေတာ.း)
Nippori မသွားဖြစ်တော့တာသိလား. အစ်မသွားဖြစ်မှ
ဖုန်းဆက်တော့မယ်နော်. အထည်တွေ ပြန်ခါနီးမှပဲ ၀ယ်
ဖြစ်တော့မယ်။ အခု မ၀ယ်ဖြစ်တော့ဘူး ညီမရေ.
အစ်မလည်း ကွန်ပြူတာရှေ့အထိုင်များလို့ ဗိုက်ခေါက်
ကြီးထူလာပြီ။ :P

WWKM said...

ကြိုးစားထား... အားပေးတယ်..
ကစားတာ... ကျန်းမာရေးလည်းကောင်းတယ်.
အစ်မကတော့ အိမ်မှာပဲ တခါတလေ ကိုယ်လက်လှုတ်
ရှားဖြစ်တယ်။ တစ်ပတ် ၁ရက်လေ. ဟဟး))

လင်းဦး(စိတ်ပညာ) said...

ဝ = လှ လို့လည်း ဆိုကြပါရဲ့....

:)

khin oo may said...

တို့စားသလိုလိုက်စားပါလား။

မီးမီးချစ် said...

ပိန်ချင်တယ် ပိန်ချင်တယ်.. ရောမွှေလို့ ရရင်ကောင်းမှာ

ThuHninSee said...

ဟယ်..သူများကို နောက်နေတာလား.. (အားငယ်စွာမေးသွားသည်)
း(

လုလု said...

မမလုကတော့ ချက်လိုက် စားလိုက်နဲ့ ၀လုံးနေတာပဲ။
ဂျပန်မှာ တွေ့တုန်းကထက် အနည်းငယ် ပိုဝလာလို့ ချစ်သော မမ၀ါဆီက ခါးချိုးနည်းလေ့ကျင့်ခန်း တောင်းပြီး လုပ်နေရပါတယ်။
သူများတွေက ပိန်လို့ ၀အောင် လေ့ကျင့်ခန်းလုပ်တယ်။
လုလုတို့ကတော့ ၀လို့ ခါးပျောက်သွားမှာစိုးလို့ လေ့ကျင့်ခန်းလုပ်နေရတယ်။
ဘယ်လိုဖြစ်ဖြစ် ကျန်းမာရေးနဲ့ ညီညွတ်ပြီး လှပနေဖို့ပဲ မဟုတ်လားနော်။ ကြိုးစားထား နှမတော်ရေ့့့ 

စူးနွယ် said...

မနက်စာအဖြစ် ၁၁၅ဂရမ် ဒိန်ချဉ် နေ့တိုင်းစားဖြစ်တယ်
ဘာမှမရှိတဲ့ နေ့တွေဆိုရင် ဒိန်ချဉ်လေးပဲ စားထားလိုက်တာပဲ

မီယာ said...

ပိန်တာ ၀တာ မျိုးရိုးနဲ့ဆိုင်တယ်လို့ ပြောကြတာပဲ။ ပိန်နိုင်တုန်း ပိန်ထားပါ ညီမရေ... ၀တဲ့သူတွေ ပိန်ချင်ရင် အရမ်းခက်တယ် (ကိုယ်တွေ့ပါ)

Zar Chy said...

ဒီရက်ပိုင်းဟိုပြေးဒီပြေးနဲ့ခုမှပဲဘလော့ဂ်ဖတ်နိုင်တော့တယ်
ခုကခေတ်ပြောင်းသွားပြီလေ
ပိန်လို့လှတာပဲရှိတော့တယ်
:D

မိုးကောင်းသူ said...

အရပ်ချင်းတော့ တူတယ်။ ပိုလှ တစ်လက်မပေါ့။ ဟိဟိ
အလေးချိန်ချင်းတော့ တူဘူးကွယ်။ :(

Hapi said...

hello... hapi blogging... have a nice day! just visiting here....

neking said...

အော်သူများတွေက၀ချင်တာတဲ့...

Rita said...

မနက်ဆို သိပ်မစားနိုင်တာချင်းတူတယ်။ ဘယ်လောက်စားစား အိပ်အိပ် မ၀တာချင်းတူတယ်။ ဗိုက်ပူကြီး ဖြစ်လာမှာ ကြောက်တာချင်းတူတယ်။
လှတပတလေး ၀ချင်တာချင်းတူတယ်။
ကိုယ်လက်လှုပ်ရှား မရှိတာ အားနေ ကွန်ပျူတာရှေ့ထိုင်နေတာ ချင်းတူတယ်။

မတူတာကတော့ ကျွန်မက မချက်တတ် မပြုတ်တတ်တာပါပဲ။ :)

ခွန်သဒ္ဒါ said...

အစ်မ
ခွန်နဲ့အတူတူပဲ။ခွန်လည်းအလယ်တန်းလောက်ကတည်းကအရပ်ပဲထွက်လာတယ် လုံးဝ ၀ မလာဘူး။
ဘယ်လောက်ကြိုးစားပြီးစားစားမထူးတာနဲ့အခုတော့လက်လျော့လိုက်ပါပြီ။

နှင်းဆီချစ်သူ said...

ဟူးးးးးးး
ညီမက ပိန်ချင်တာ
လဲမယ် လဲမယ်

ခေးကို said...

ဘဝတူတွေ ရှိတယ်၊ ဘာမှ အားမငယ်နဲ့၊ တို့လည်း ဝချင်လို့ မြရွက်ဝေ စားတဲ့အတိုင်း လိုက်စားကြည့်မယ်။ ပေါင်ချိန်လိုက်ရင် ဘယ်တော့မှ ကီလို ၄၀ မကျော်လို့ စိတ်ညစ်နေတာ။ စားမယ်၊ စားမယ်။ ကစားဖို့တော့ နည်းနည်းကြိုးစားကြည့်လိုက်ဦးမယ်။

ခေးကို said...

ဘဝတူတွေ ရှိတယ်၊ ဘာမှ အားမငယ်နဲ့၊ တို့လည်း ဝချင်လို့ မြရွက်ဝေ စားတဲ့အတိုင်း လိုက်စားကြည့်မယ်။ ပေါင်ချိန်လိုက်ရင် ဘယ်တော့မှ ကီလို ၄၀ မကျော်လို့ စိတ်ညစ်နေတာ။ စားမယ်၊ စားမယ်။ ကစားဖို့တော့ နည်းနည်းကြိုးစားကြည့်လိုက်ဦးမယ်။

Rita said...

စာရေးပါဦး

  © Blogger templates The Professional Template by Ourblogtemplates.com 2008

Back to TOP