အမှတ်တရ အိမ်ရှင်မ

အိမ်ရှင်မဘ၀ရောက်တော့ ချက်ပြုတ်ရမယ့်ဘေး ပြေးလို့မလွတ်တော့ပါ။ တနေ့တနေ့ ဘာချက်ရပါ့နဲ့ အတော် ဦးနှောက်စားရတယ်။ အဆောင်နေတော့မှ စားလို့ဖြစ်တယ်ဆိုရုံ ချက်တတ်ခဲ့တယ်။ ဒါတောင် တူးလိုက် ငံလိုက် ချဉ်လိုက်နဲ့။ အချက်အပြုတ်နဲ့ပတ်သက်လို့တော့ ချွေးမလောင်းအချိန် ယောက္ခမလောင်းဆီ သွားလည်တုန်း အမှတ်ပြည့်ရခဲ့ပါတယ်။

ကိုယ့်ဘာကိုယ် မနေနိုင်မထိုင်နိုင် လောကွတ်ချော်ပြီး ဘာကူပေးရမလဲလို့ ရှည်မိတာ။ အထွေထူးတော့မရှိပါဘူး ကြက်သွန်နီ ပါးပါးလှီးချင်လှီးလေတဲ့။ အဲဒီမှာတင် မြွေဖမ်းတော့တာဘဲ။ ( ကြက်သွန်နီ = ကျွန်မရန်သူ။) ကြည့်လိုက်တော့ ၁ဝလုံးမကဘူး။ ကြက်သွန်နီအခိုးကို အရမ်းကြောက်တာ။ ဒီကြားထဲ ပါးပါးလှီးတဲ့။ ကျွန်မ လုံးဝပါးပါးမလှီးတတ်ပါ။ ကျောင်းမှာ pharmacognosy လက်တွေ့လုပ်ရတိုင်းလဲ ဒီပါးပါးလှီးနဲ့ အတော်ချွေးပြန်ခဲ့ရတယ်။ လှီးလိုက်တိုင်း တခြမ်းထူ တခြမ်းပါး။

အခု ယောက္ခမလောင်းရှေ့ ဘယ့်နှယ့်လုပ်ရပါ့။ အရဲစွန့်ပြီး "သမီး လှီးတော့လှီးတတ်တယ်၊ ပါးပါးတော့မရဘူး"လို့ ပြောလိုက်ရတယ်။ အဲဒါနဲ့ဘဲ ကြီးတော်လောင်းက သူလှီးလိုက်မယ်ဆိုပြီး ပြီးသွားတာ။ အဲဒီနေ့ကစလို့ ကျွန်မလည်း ယောက္ခမရဲ့ မီးဖိုချောင်ကို မသွားတော့ဘူး။ သူလည်း ခိုင်းတော့ဘူး။ အဲလို အမှတ်ပြည့်ရခဲ့တာ။

ကြက်သွန်နီအခိုးကြောက်ပါတယ်ဆိုခါမှ ဂျပန်ရောက်တော့ ပိုဆိုး။ မြန်မာမှာတုန်းက ကြက်သွန်နီတွေက လှောင်ထားတာတွေဆိုတော့ အခိုးနည်းတယ်။ ဒီမှာဘယ်သူမှ လှောင်မထားကြဘူး။ လတ်လတ်ဆတ်ဆတ်ဘဲ စားကြတယ်။ အရွယ်ကလည်း လိမ္မော်သီး ပန်းသီးအရွယ် လောက်တွေဆိုတော့ မွှန်လိုက်တာ အရမ်းဘဲ။ မျက်ရည် နှာရည်တွေ ရွှဲနေတဲ့ ကျွန်မကို အိမ်ကြီးရှင်တောင် လန့်သွားတယ်။

ဒီရောက်တော့ စာအုပ်တအုပ်ထဲမှာ အိမ်အသုံးစရိတ်တွေ၊ TVက ဟင်းချက်နည်းလေးတွေ၊ အမေ့ဆီ ဖုန်းဆက်မေးထားတဲ့ မြန်မာဟင်းချက်နည်းတွေ၊ ဒီက ဟင်းသီးဟင်းရွက်နာမည်တချို့နဲ့ တခြားတိုလီမုတ်စတွေ လျှောက်ရေးထည့်ထားတယ်။ ဒီလိုနဲ့ ဟိုမှတ်ဒီမှတ်နဲ့ ကျွန်မမှာ အိမ်ရှင်မမှတ်စုစာအုပ် တအုပ်ရှိလာတယ်။ အဲဒီထဲက ဒီမှာကျွန်မတွေ့တဲ့ မြန်မာမှာရှိတဲ့ ဟင်းချက်အသီးအနှံတွေကို ရေးလိုက်ပါတယ်။

(၁)ပဲပင်ပေါက်            - もやし(moyashi)
(၂)ပဲပြား                  -  とうふ(toufu)
(၃)နံနံပင်                 - こうさい(kousai)
(၄)ခရမ်းသီး              - なす(nasu)
(၅)သခွါးသီး             - きゅうり(kyuuri)
(၆)ရွှေပဲသီး              - さやえんどう(sayaendou)
(၇)ဘိုစားပဲ              - さやいんげん(sayaingen)
(၈)မုန်ညင်းထုပ်ဖြူ      - はくさい(hakusai)
(၉)ထိုင်ဝမ်မုန်ညင်း     - ちんげんさい(chingensai)
(၁ဝ)ကန်စွန်းရွက်       - くうしんさい(kuushinsai)
(၁၁)ကန်စွန်းဥ          - さつまいも(satsumaimo)
(၁၂)မုန်လာဥနီ         - にんじん(ninjin)
(၁၃)မုန်လာဥ          - だいこん(daikon)
(၁၄)ပိန်းဥ              - さといも(satoimo)
(၁၅)မျှစ်                 - たけのこ(takenoko)
(၁၆)ဆလတ်ရွက်      - レタス(retasu)
(၁၇)ဂေါ်ဖီထုပ်          - キャベツ(kyabetsu)
(၁၈)ပန်းဂေါ်ဖီ           - カリフラワー(karifurawa-)
(၁၉)ပန်းဂေါ်ဖီအစိမ်း   - ブロッコリー(burokkori-)
(၂ဝ)အာလူး            - じゃがいも(jagaimo)
(၂၁)ဂျင်း                 - しょうが(shouga)
(၂၂)ကြက်သွန်ဖြူ      - にんにく(ninniku)
(၂၃)ကြက်သွန်နီ        - たまねぎ(tamanegi)
(၂၄)ကြက်သွန်မြိတ်    - あおねぎ(aonegi)
(၂၅)ပန်းငရုတ်ပွအစိမ်း  - ピーマン(pi-man)
(၂၆)ရွှေဖရုံသီး          - かぼちゃ(kabocha)
(၂၇)ရုံးပတီသီး          - オクラ(okura)

(ဆက်လက်ရေးသားပါဦးမည်။
မီးဖိုချောင်အတွေ့အကြုံ မှတ်တမ်းတင်ဇာတ်လမ်း - "နှစ်ယောက် တစ်ပန်းကန်"
ဇာတ်ဝင်သီချင်း -"မင်းနဲ့မှ ချက်တတ်ပြီပေါ့")