Wednesday, January 9, 2008

ကိန်းဂဏန်းများနှင့်(၃)


အပျင်းကြီးပြီး ဆက်မတင်ဖြစ်တာ ကိုမုတ်သုန်က သင်ခန်းစာအသစ်တက်ပါဆိုလို့ စာအုပ်ပြန်ဖတ်ပြီး တင်လိုက်တယ်။ နဂိုက စာဖတ်နှေးရတဲ့အထဲ ခန်းဂျီးတွေသိပ်နားမလည်တော့ အသစ်တင်ဖို့အရေး ကိုယ့်ကိုယ်ကို မနည်းတိုက်တွန်းနေရတယ်။ သင်ခန်းစာအသစ်တွေကို လိပ်သွားနှုန်း၊ ပက်ကျိနှုန်းနဲ့ တင်သွားပါမယ်။

အရင်တစ်ခေါက်က "အပေါင်း" အကြောင်းတင်ခဲ့ပြီးပြီ။ ဒီတစ်ခါရေးမှာက "အနှုတ်"သပ်သပ်ရယ် "အနှုတ်နဲ့အပေါင်းအရော" ပါ။ "အနှုတ်"အခန်းမှာ ၂ မျိုး ရှိပါမယ်။

၁။ ဆယ်ဂဏန်း နှစ်ခုနှုတ်ခြင်း

e.g, 65 - 27 = ???
ပထမဦးဆုံး အနှုတ်ကိန်း 27 ကို ဆယ်ပြည့်ကိန်းဖြစ်အောင် လုပ်ပါမယ်။
27+3=30
အဲဒီကိန်းနဲ့ နှုတ်ပါ။
65-30=35
နှုတ်လို့ရတဲ့အဖြေကို အရင်က ဆယ်ပြည့်ဖြစ်အောင်ပေါင်းခဲ့တဲ့ကိန်းနဲ့ ပြန်ပေါင်းပါ။ အဲဒါက နှုတ်လာဒ်အဖြေပါ။
35+3=38#

***အဓိကက ဆယ်ပြည့်ကိန်းဖြစ်ရင် ပေါင်းရ နှုတ်ရတာ မျက်စေ့ပိုရှင်းတဲ့သဘောပါ။
တွက်ကြည့်ပါ။
64 - 27 = ?
81 - 36 = ?
94 - 65 = ?

၂။ တစ်ထောင်/တစ်သောင်း.... စသော ဆယ်ပြည့်ကိန်းထဲမှ နှုတ်ခြင်း

e.g, 1000 - 826 = ???
(၁) အနှုတ်ကိန်း 826မှ ရာဂဏန်း 8ကို ကိန်းဘယ်လောက်ပေါင်းလျှင် "9" ဖြစ်နိုင်မည်နည်း? 9 - 8 = 1 ဖြစ်သောကြောင့် "1" ဖြစ်ပါတယ်။ အဲဒါက ရာဂဏန်းနေရာမှာရှိတဲ့ အဖြေပါ။

(၂) ဆယ်ဂဏန်းကိုလည်း ထို့နည်းတူ "9" ဖြစ်အောင် ပေါင်းလို့ရမယ့် ကိန်းကို ရှာပါ။ 9 -2 = 7 အဲဒါက ဆယ်ဂဏန်းနေရာမှာရှိတဲ့ အဖြေပါ။

(၃) ခုဂဏန်းက တမူထူးခြားစွာ "10" ဖြစ်အောင် ပေါင်းလို့ရမယ့် ကိန်းကို ရှာရပါတယ်။ 10 - 6 = 4 အဲဒါက ခုဂဏန်းနေရာမှာရှိတဲ့ အဖြေပါ။
ဒါကြောင့် 1000 - 826 = 174

***ခြုံပြောရရင် ခုဂဏန်းတစ်ခုသာ "10" ဖြစ်အောင် ပေါင်းရတဲ့ကိန်းကို ရေးရမှာဖြစ်ပြီး ကျန်ဆယ်/ရာ/ထောင်/သောင်း... စတဲ့နေရာကကိန်းတွေကတော့ "9" ဖြစ်အောင် ပေါင်းလို့ရမယ့် ကိန်းကို ရေးရမှာပါ။
တော်တော်မြန်မြန်နဲ့ အဖြေထွက်တယ်။ တွက်ကြည့်ပါဦး။
1000 - 351 = ?
10000 - 7143 = ?
10000 - 6560 = ?
----------------------------------------------------


"အနှုတ်နဲ့အပေါင်းအရော"

86 - 37 + 56 -59 + 21 = ??? လိုမျိုး အနှုတ်နဲ့အပေါင်းအရောတွေကို တွက်ရင် ရှင်းရလွယ်အောင် အလွယ်တခုကို အဆင့်များနဲ့ စရှင်းပါမယ်။ ပြီးမှ 86 - 37 + 56 -59 + 21 = ??? ကို ရှင်းပြပါမယ်။ မဟုတ်ရင် ရှုပ်ကုန်မှာစိုးလို့ပါ။

အဆင့်(၁)
65 - 37 နဲ့ စကြည့်ပါ။ (အပေါ်က "ဆယ်ဂဏန်း နှစ်ခုနှုတ်ခြင်း" နဲ့ မသက်ဆိုင်ပါ။) 37 ကို အနှုတ် ဖြစ်လို့ အပေါ်မှာ ဘားလေးတွေ တင်ပါ။ ပြီးရင် ကိန်း ၂ခုကို ဖြေရှင်းပါ။ ပုံကိုကြည့်ရင် ရှင်းပါလိမ့်မယ်။



ခုဂဏန်းဘက်မှာ 5 + (-7) = (-2) ဖြစ်လို့ ရပါတယ်။ "2"အပေါ်မှာ ဘားမှတ်ပါ။ ဆယ်ဂဏန်းဘက်မှာ 6 + (-3) = 3ပါ။ "3" က အပေါင်းကိန်းဖြစ်လို့ ဘားမလိုပါ။
ရလာတဲ့ 3(ဘား)2 မှာ ===> (ဘား)2 က ခုဂဏန်းဘက်မှာ အပြည့်ကိန်း"10" ထဲက "2" ကို နှုတ်ဖို့ညွှန်းတာပါ။
10 - 2 = 8
တချိန်ထဲမှာ (ဘား)2နဲ့ကပ်ရပ်အရှေ့ ဆယ်ဂဏန်းနေရာက "3" ကို ကိန်းတစ်ဆင့် လျှော့ (-1ပေါင်း)ရပါမယ်။
3 - 1 = 2
ဒါကြောင့် အဖြေက 28 ဖြစ်ပါတယ်။

***ဒီမှာသတိပြုစေချင်တာက (၁)ဘားရှိတဲ့ကိန်းကို အမြဲ အပြည့်ကိန်း "10" ထဲက နှုတ်ပြီး နှုတ်လာဒ်ကို ယူပါ။ (၂) ဘားရှိတဲ့ကိန်းရဲ့ အရှေ့ကပ်ရပ်ကိန်းကို အမြဲတန်း တစ်ဆင့်လျှော့ပါ၊ တနည်းအားဖြင့် (-1) ပေါင်းပါ။

ဥပမာ-


အဆင့်(၂)
63 - 78 + 34 ဖြစ်မယ်ဆိုရင်_



ခုဂဏန်းဘက်မှာ ===> 3 + (-8) + 4 = (-1) /တနည်းအားဖြင့် (ဘား)1
ဆယ်ဂဏန်းဘက်မှာ ===> 6 + (-7) + 3 = 2
ရလာတဲ့ 2 | (ဘား)1 ကို အပေါ်မှာပြောခဲ့တဲ့အတိုင်း ပြောင်းလိုက်ရင် အဖြေက 19 ဖြစ်ပါတယ်။

ကဲ! အားလုံးမူးလောက် အဲ ရှင်းလောက်ပြီထင်လို့ 86 - 37 + 56 -59 + 21 = ??? ကို ဖြေရှင်းပါမယ်။



ခုဂဏန်းဘက်မှာ ===> 6 + (-7) + 6 + (-9) + 1 = (-3) /တနည်းအားဖြင့် (ဘား)3
ဆယ်ဂဏန်းဘက်မှာ ===> 8 + (-3) + 5 + (-5) + 2 = 7
ရလာတဲ့ 7 | (ဘား)3 ကို အပေါ်မှာပြောခဲ့တဲ့အတိုင်း ပြောင်းလိုက်ရင် အဖြေက 67 ဖြစ်ပါတယ်။

နောက်ဆုံး ဥပမာ 4231 - 3765 + 5039 - 2537 + 1625 = ? ကို တွက်ပြပါမယ်။ ဒီတစ်ခါ ဒေါင်လိုက်မရေးတော့ဘဲနဲ့ ခုဂဏန်း၊ ဆယ်ဂဏန်း၊ ရာဂဏန်း၊ ထောင်ဂဏန်းတွေကို သူ့နေရာနဲ့သူစုပြီး အကန့်ခွဲပေါင်းပြပါမယ်။



ရလာတဲ့ 5 | (ဘား)4| (ဘား)1 | 3 ကို ပြောင်းမယ်ဆိုရင်_
ခုဂဏန်းဘက်မှာ ===> 3 က အပေါင်းကိန်းဖြစ်လို့ ဒီအတိုင်းဘဲ ယူပါမယ်။
ဆယ်ဂဏန်းဘက်မှာ ===> (ဘား)1 က 10 - 1 = 9 ဖြစ်လို့ "9" ပါ။
ရာဂဏန်းဘက်မှာ ===> (ဘား)4 က "အနှုတ်ကိန်း (ဘား)1"ရဲ့ အရှေ့မှာ ရှိနေတာကြောင့် တစ်ဆင့်လျှော့ {တနည်းအားဖြင့် (-1) ပေါင်း}လို့ (-4) + (-1) = (-5) ရပါတယ်။ ပြီးမှ ဘားကိန်းဖြစ်လို့ အပြည့်ကိန်း "10"ထဲက ပြန်နှုတ်ပါတယ်။ 10 - 5 = "5" ပါ။
ထောင်ဂဏန်းဘက်မှာ ===> 5 က "အနှုတ်ကိန်း (ဘား)5"ရဲ့ အရှေ့မှာ ရှိနေတာကြောင့် တစ်ဆင့်လျှော့ရင် 5 - 1 = "4" ပါ။
ဒါကြောင့် အဖြေက "4593" ပါ။

အိမ်စာပေးမယ်။
485 - 376 + 560 - 689 + 121 = ???
310 - 489 + 621 - 110 + 333 = ???
3850 -2796 + 1385 - 4785 + 7028 = ???


3 comments:

thamudayanwe said...

thanks for encouraging!!!

သဇင်ဏီ said...

အဟင့်.. မူးတွားပီ
သွပ်အတွက် သင်လေချာလေဖြစ်တဲ့ သင်္ချာနဲ့ပဲတွေ့နေတယ်.. :D

nu-san said...

ဆရာမ.. ဂဏန်းတွေများလို့ ကိုက်လိုက်တာ မူးသွားတယ်... အိမ်စာ နောက်မှ လုပ်မယ်နော်..:D :D

မျှဝေပေးတာ ကျေးဇူးပါ ညီမလေးရေ.. နောက်မှ သေချာတွက်ကြည့်ရမယ်.. အခုတော့ သင်ခန်းစာတွေကို စုထားတယ်.. :)

  © Blogger templates The Professional Template by Ourblogtemplates.com 2008

Back to TOP