Sunday, September 23, 2007

အမှတ်တရ အိမ်ရှင်မ (၃)

ဂျပန်အစားအစာ မြန်မာဗားရှင်း
လူဆိုတာ ဒေသစွဲ ရေမြေစွဲတော့ ရှိကြသား။ ဘယ်နေရာဘဲရောက်နေနေ ကိုယ့်နိုင်ငံက အစားစာကို တောင့်တမိတတ်တယ်။ ရေမြေခြားရောက်ကြရင် တတ်နိုင်သလောက် ကြံဖန်ပြီး ရရာကုန်ကြမ်းလေးနဲ့ ကိုယ့်ဒေသ အစားအစာကို အာသာပြေ ချက်စားတတ်ကြပါတယ်။ ကျွန်မလည်း ဒီလိုပါပဲ။ ဒီကဟင်းချက်စရာတွေနဲ့ မြန်မာအစားစာဖြစ်အောင် ရမ်းသမ်းcookပါတယ်။ ဈေးသွားဝယ်တိုင်း ၀ယ်ဖြစ်တာကနဲနဲ လိုက်စပ်စုနေတာကများများပါ။ ဦးဆုံး စိတ်ဝင်စားမိတာက "ကွန်းညကု" (こんにゃく) (konnyaku) ဆိုတာပါ။


ဒါကိုတွေ့တော့ သိသလိုလိုဘဲလို့ထင်မိပါတယ်။ နောက်တော့မှ ကျွန်မတို့နယ်က "၀ဥ"နဲ့ တူနေတာကိုး။ နယ်မှာ"၀ဥ"ပေါ်ချိန်ရောက်ရင် ဈေးမှာ ကျိုထားပြီးသား "၀ဥ"အတုံးတွေ ရောင်းပါတယ်။ ငါးဆယ်သားသာသာ တစ်တုံးကိုမှ တစ်ရာ့ငါးဆယ်ပေးရပါတယ်။ ရန်ကုန်မှာတော့ "၀ဥ"ကို အလေးချိန်နဲ့ရောင်းလို့ ၀ယ်စားရတာမတန်ပါဘူး။ "၀ဥ"ကို ရှောက်ရွက်နုနုနဲ့ သုပ်စားလို့ရသလို ဟင်းချက်စားလို့လည်း ရပါတယ်။ ကျွန်မကတော့ သုပ်စားရတာ ပိုကြိုက်ပါတယ်။ ခပ်ထုပ်ထုပ်နဲ့ ၀ါးလို့သိပ်ကောင်းပါတယ်။
"ကွန်းညကု"အကြောင်းကို ရှာဖွေတွေ့သမျှလေးတွေနဲ့ ရေးပြီးမှတ်တမ်းပြုလိုက်ပါတယ်။
ဒါက "ကွန်းညကုအပင်"နဲ့ "ကွန်းညကုဥ"ပါ။



စားတဲ့"ကွန်းညကုအတုံး" တွေက "ကွန်းညကုဥ"ကို အမှုန့်လုပ်ပြီး Lime water-Ca(OH)2နဲ့ ကျိုလိုက်တာပါ။


ဈေးမှာ "ကွန်းညကုအတုံး"ကို အညိုရောင်နဲ့ အဖြူရောင် (၂)မျိုးတွေ့ပါတယ်။ လှီးပြီးသား ခပ်မျှင်မျှင်အချောင်းတွေနဲ့ အထုပ်လည်းရှိပါတယ်။ ကျွန်မကတော့ အညိုရောင် "ကွန်းညကုအတုံး"ကိုဘဲ ၀ယ်ပါတယ်။ ယန်းတစ်ရာဆိုင်တိုင်းလိုလိုမှာ ရှိပါတယ်။ ဂျပန်မှာတော့ "ကွန်းညကု"ကို မျိုးစုံချက်စားကြတယ်။ ကျွန်မကတော့ အမေ့လက်ရာ အလွမ်းပြေ အသုပ်ဘဲသုပ်စားပါတယ်။

"ကွန်းညကုသုပ်"

ကွန်းညကု
ဂေါ်ဖီထုပ်
လီမွန်အခွံအနည်းငယ်
ပဲအကျက်မှုန့်
ကြက်သွန်နီ
ငရုပ်သီးအကျက်မှုန့်
ဆီ
ဆား
မကျည်းသီး
ဆနွှင်း
ပုစွန်ခြောက်မှုန့်
ငံပြာရည်

- "ကွန်းညကု"ရဲ့အနံ့လျော့သွားအောင် ဆား၊ မကျည်းသီး နဲနဲစီနဲ့ မိနစ်၂ဝလောက်ပြုတ်၊ အအေးခံ၊ ရေပြန်ဆေး၊ လက်သန်းတ၀က်အရွယ်သာသာ အချောင်းလေးတွေဖြစ်အောင်လှီးပြီး ဒယ်အိုးထဲထည့်၊ မီးအားခပ်လျော့လျော့နဲ့ ရေစစ်ပြီးစားလို့အနေတော်ဖြစ်တဲ့အထိလှော်၊ ပြီးသွားရင် အအေးခံ။ (လှော်ရင်းနဲ့ "ကွန်းညကု"ရဲ့အနံ့ လျော့သွားပါတယ်။ ကျွန်မကတော့ နောက်ရက်စားဖို့ ညဘက်လှော်ပြီး ရေခဲသေတ္တာထဲ ထည့်ထားလိုက်တယ်။)
- ဆီပူထဲ ဆနွှင်းနဲနဲထည့် ကြက်သွန်နီပါးပါလှီးထားတာထည့်ပြီး ဆီချက်ချက်။
- အချဉ်အတွက် မကျည်းသီးကို ရေနွေးဖျော်။ (အချဉ်မကြိုက်ရင် မထည့်လည်း ရပါတယ်။)
- ဂေါ်ဖီထုပ်ကို ပါးပါလှီး၊ အနံ့မွှေးအောင်ဖြူးထည့်ဖို့ လီမွန်အခွံအပေါ်ရံလွှာပြီးယူထားတာကို တောက်တောက်စဉ်းပြီး အတုံးမှုန်မှုန်လေးတွေဖြစ်အောင်လုပ်။ (အမှန်က ရှောက်ရွက်နု ပါးပါလှီးထည့်ရမှာ။ ကျွန်မနေတဲ့နေရာမှာ ရှောက်ရွက်ရှာမရပါ။ အိမ်မှာဆိုရင် ခြံထဲက အဖွားစိုက်ထားတဲ့အပင်က ခူးယူလိုက်တာဘဲ။)
- ပြင်ဆင်ထားတာ အားလုံးပြီးသွားရင် သုပ်လို့ရပြီ။
- ဇလုံထဲ ကွန်းညကု၊ ဂေါ်ဖီ၊ လီမွန်အခွံမှုန့်တ၀က်၊ ငရုပ်သီးအကျက်မှုန့်၊ ပဲအကျက်မှုန့်၊ ဆီချက်၊ ပုစွန်ခြောက်မှုန့်၊ ငံပြာရည်နဲ့ မကျည်းရည်ထည့်နယ်၊ အရသာမြည်းကြည့်၊ လိုအပ်တာပြင်ပြီးသွားရင် ပန်းကန်ထဲပြောင်းထည့်၊ ကျန်သေးတဲ့ လီမွန်အခွံမှုန့်တ၀က်ကို အပေါ်မှာဖြူး၊ ရပါပြီ "မြန်မာဗားရှင်း ကွန်းညကုသုပ်"။ နှစ်သက်ရာ ဟင်းခါးနဲ့ တွဲစားလို့ ရပါတယ်။



သုံးဆောင်ပါရှင်။ どうぞ! めしあがって ください。
နောက်တကြိမ်တော့ "ကွန်းညကုသုပ်"နဲ့လိုက်မယ့် "မြောဂ"အကြောင်းနဲ့ "မြောဂ"ဟင်းရည်အကြောင်း ရေးပါဦးမယ်။


3 comments:

ဘလူးဖီးနစ် said...

လက်ရာလေးတွေ လာအားပေးခင်ျတယ် ခုတလော ဖြစ်သလို စားနေ၇တယ်ဂျာ။ ဘယ်လိုလဲ ကျွေးမှာလားဟင်

nu-san said...

မရေ...
おいしそう!!!
konnyaku က takoyaki တုန်းကပဲ စားဖူးတာ။ အခုတော့ မမြရွက်ဝေပြောသလို သုပ်စားကြည့်ဦးမယ်။ ကျေးဇူးပါ အမရေ..

thamudayanwe said...

tks, waiting for ur ..

  © Blogger templates The Professional Template by Ourblogtemplates.com 2008

Back to TOP