Wednesday, December 31, 2008

"နဘဲပါတီ"



ပါတီဆိုပေမယ့် နှစ်ယောက်ထဲပါ။ ထမင်းမချက်ချင်တာနဲ့ ဂျပန်ကြေးအိုးလုပ်စားဖြစ်တယ်။ ဂျပန်ကြေးအိုးထဲမှာ "ကင်ချီ"အနှစ်နဲ့ကြေးအိုးတမျိုးဘဲကြိုက်တာမို့ "ကင်ချီနဘဲ" ချဉ်စပ်စပ်လေးပါ။ ကြိုက်ရင်စားကြပါဦးနော။

ဒီမှာတော့ နောက် ၅မိနစ်လောက်ဆို နှစ်သစ်ကူးတော့မယ်။ မြန်မာမှာလို "Happy New Year"လို့ အိမ်တွေက အော်သံ မကြားနိုင်ပါဘူး။ အဲလိုလဲ အော်ခွင့် မရှိဘူးထင်ရဲ့။ တိတ်တိတ်ဆိတ်ဆိတ်ဘဲပေါ့။ လွမ်းပါတယ် မွေးမြေရယ်.......။


Posted by မြရွက်ဝေ at 11:55 PM 5 comments
Labels:

Tuesday, December 30, 2008

ချက်ရာတခြား


ပြီးခဲ့တဲ့တပတ်က ကြက်ပေါင်အသားလွှာကို ကြက်ကင်မယ်လုပ်ပြီး ကင်လိုက်ပါတယ်။ အရင်ကတော့ ဒယ်အိုးထဲထည့်ပြီး ဆီပါလေကာနဲ့ မီးအားလျှော့လျှော့မှာ ကြော်သလိုမျိုး လုပ်တာ။ ခုတော့ gasနဲ့ ကင်တဲ့ဟာရှိတော့ စမ်းကြည့်တာ။ ဘယ်လောက်ကြာကြာကင်ရမယ်လဲမသိဘူး။ ဒယ်အိုးနဲ့တုန်းက အသားရဲ့ ကျက်/မကျက်က မြင်ရတယ်၊ ကင်တဲ့ထဲထည့်တော့ အလူမီနီယံပြားပတ်ထားလို့ မမြင်ရဘူး။ ကြွပ်ကြွပ်ကလေးဖြစ်ပြီထင်ပြီး ထုတ်ယူလိုက်တော့ အရည်စပ်စပ်နဲ့ အသားက ပေါင်းထားသလို နူးအိနေတယ်။ ကိုယ့်ဘာသာလျှောက်လုပ်ပြီး ကြက်ကင်မှန်းမသိ ဘာမှန်းမသိဖြစ်သွားတယ်။ အဲဒီနေ့က ညစာဘာချက်လဲလို့ ဖုန်းဆက်မေးလာတော့ ဘယ်လိုနာမည်တပ်ရမှန်း မသိတာနဲ့ ပြန်ရောက်မှကြည့်လို့ ပြောလိုက်ရတယ်။ အတော်စားကောင်းတယ်လို့ အမှတ်ရတာနဲ့ ဒီနေ့ထပ်ချက်တာကို မှတ်တမ်းတင်လိုက်တာပါ။ ရုံး၉ရက်ပိတ်လို့ ထမင်းဘူးလည်း အနားရတယ်ဆိုတာနဲ့ မခင်ဦးမေက အိမ်မှာချက်စားတာတွေ ကြည့်ချင်တယ်လို့ c-boxမှာ လာပြောသွားလို့ပါ။ (အမကို ဆွဲထည့်လိုက်တယ်၊ ချိတ်ချိုးရဘူးနော်။)

Read More...
Posted by မြရွက်ဝေ at 8:51 PM 6 comments
Labels:

Monday, December 29, 2008

အိမ်ရှင်မ


အိမ်ကနေ ၂မိနစ်လောက် လမ်းလျှောက်သွားရင် "Seiyu"(ဆေးယု)ဆိုတဲ့ စူပါမားကတ်တခု ရှိပါတယ်။ အသီးအရွက်က သိပ်များများစားစားမရှိပေမယ့် အသားတွေကတော့ များပါတယ်။ ဒါပေမယ့် ဈေးသက်သာတာ နည်းပါတယ်။ အသီးအရွက်ဆိုရင် ဈေးကြီးလွန်းတယ်လို့တောင် ပြောလို့ရတယ်။ ဒါတောင် ဒီဆိုင်က ဟိုတလောလေးတင်ကမှ အရောင်းကျတာတွေကို မြှင့်တင်ဖို့ဆိုပြီး "နှိုင်းယှဉ်ဈေးချ" ဆိုတာကို လုပ်လိုက်လို့ အရောင်းအဝယ် တက်လာတာပါ။ ဥပမာ တခြားစူပါမှာ ဒီအမျိုးအစား အသားငါး အသီးအရွက်ကို ဒီဈေးနဲ့ရောင်းနေတယ်ဆိုတဲ့ ဈေးဝယ်ဖြတ်ပိုင်းစာရွက်ပြပြီး သူတို့ဆိုင်က ဈေးကြီးနေပါတယ်လို့ ပြနိုင်ရင် အဲဒီအမျိုးအစားကို သူများဆိုင်ထက် ဈေးချရောင်းပါတယ်။ အသားကတော့ သူ့နေ့နဲ့သူ ဈေးချတာတွေရှိပေမယ့် ကိုယ်ဝယ်ချင်တာနဲ့ ကိုက်တာရှိမှ အဆင်ပြေတယ်။ နွားနို့တမျိုးကတော့ ဈေးသက်သာတယ်။ အဆီမထုတ်ထားတဲ့နွားနို့က (1000ml)တစ်ဘူးကို ပုံမှန် ယန်း၁၈၀ကနေ ၂၅၀ကြား ရှိပါတယ်။ အဲဒါကို ယန်း၁၅၀နဲ့ရောင်းတော့ နေ့တိုင်း တော်တော်ကြီးကို ရောင်းရတဲ့ပုံပါဘဲ။ အရသာလဲရှိ ဈေးလဲတော်တာမို့ နွားနို့လိုချင်ရင် အဲဒီဆိုင်မှာ ဝယ်ဖြစ်တယ်။ ကျန်တာကိုတော့ ဈေးကြီးလို့ နဲနဲပါးပါးလောက်ဘဲ ဝယ်တယ်။

Read More...
Posted by မြရွက်ဝေ at 8:45 PM 5 comments
Labels:

Friday, December 26, 2008

အမွှေးများစွာ


အမွေးဟုတ်ဘူးနော်၊ ဟထိုးပါတယ်။ နယ်မှာနေတုန်းက ဝင်းနဲ့ခြံနဲ့အိမ်၊ ပြီးတော့ပြတင်းပေါက်တွေက အများကြီးဆိုတော့ အိမ်ထဲမှာ အနံ့အသက်ဆိုတာ လုံးဝသတိမထားမိသလိုဘဲ။ ရှိလဲမရှိပါဘူး။ ဝင်လာရင်တောင် နဲနဲကြာရင် ပြန်ထွက်သွားတာဘဲ။ အညှော်လုပ်လို့ ညှော်ရင်တော့ ခြံဝထွက်နေလိုက်ရင် ပြီးသွားရော။ ရန်ကုန်မှာကျ တိုက်ခန်းထဲဆိုပေမယ့် ဝရန်တာနဲ့ မီးဖိုချောင် တဖြောင့်ထဲဆိုတော့ အရှေ့ကဖြစ်ဖြစ် အနောက်ကဖြစ်ဖြစ် လေတိုက်လိုက်ရင် အိမ်ထဲက အနံ့အသက်တွေ ထွက်သွားတာပါဘဲ။ (ပြောရရင် ကန်ထရိုက်တိုက်ရဲ့ တိုက်ခန်းတခါးမှန်တွေက နှစ်ကြာလေ လေလုံအောင်ပိတ်ချင်ပါတယ်ဆိုရင်တောင် ပိတ်လို့မှ မရတာလေ။) မီးဖိုချောင်က ညှော်ရင်တောင် ဝရံတာထွက်နေလို့ ရသေးတယ်။ ဒီမှာကျတော့ အနံ့အသက်အခုခုဆို အိမ်ထဲမှာ အောင်းနေတတ်တယ်။ ဟင်းတခါချက်ရင် exhaust fan တွေ အတော်ကြာဖွင့်ထားရတယ်။ ဒါတောင် ကိုယ်တိုင်က အခန်းထဲမှာနေနေတော့ အနံ့ကိုယဉ်သွားပြီး မရှိတော့ဘူးထင်နေတာ။ အပြင်သွားပြီး ပြန်လာလို့ တခါးဖွင့်လိုက်တာနဲ့ ဟင်းနံ့တွေ ထောင်းခနဲ ရတတ်တာ။ အရင်အိမ်ကလည်း မီးဖိုချောင်က အိမ်အဝင်ဝမှာဆိုတော့ ပိုသိသာတယ်။ နွေဆိုရင်တော့ ဘေးပြတင်းရော ဝရံတာတခါးပါ ဖွင့်ထားလိုက်တယ်။ အဲလိုဆိုရင်တော့ မြန်မြန် အနံ့သက်သာသွားတယ်။ အဲ ဆောင်းရောက်ရင်တော့ ကွိပြီဘဲ။ အပြင်က အေးလွန်းလို့ တခါးကလဲ ဖွင့်လို့မဖြစ်၊ ဟင်းနံ့တွေကလဲ တော်ရုံနဲ့မပျောက်နဲ့။ ရေချိုးတော့လည်း ရေနွေးနဲ့ဆိုတော့ ရေငွေ့တွေပါ လှောင်နေတော့ ပိုဆိုး၊ ရေချိုးခန်း အိမ်သာတွေ မှိုတက်လွယ်သလားလဲ မပြောနဲ့။ exhaust fanဖွင့်ထားလဲ သိပ်မနိုင်ပါဘူး။ အဲဒီတော့ မွှေးတာကြိုင်တာတွေ ဝယ်ပြီး အိမ်ထဲ လိုက်ချထားရတယ်။ ဒါတောင် အနိုင်နိုင်။ ခုအိမ်မှာတော့ အရင်အိမ်ကနေ အတွေ့အကြုံရသွားပြီ။ အနံ့မွှေးတာတွေ ထားနိုင်မှ တော်ကာကြမယ်လို့။ ပြီးတော့ ကျယ်လည်းကျယ်လာတဲ့အပြင် အလယ်ခန်းဖြစ်လို့ ဘေးပြတင်းပေါက်လဲ မရှိဘူးလေ။

အဲဒါနဲ့ အရင်ဆုံး တပ်ဖြစ်တာက ဒီဟာလေး။


Read More...
Posted by မြရွက်ဝေ at 5:15 PM 10 comments
Labels:

Thursday, December 25, 2008

X'mas cake




ကိတ်မုန့်စားချင်လို့ သွားဝယ်စားတာ၊ ခရစ်စမတ်နေ့ဆိုတော့ ခရစ်စမတ်ကိတ်ပေါ့။ ချော့ကလက်ကိတ်၊ အဖြူရောင်ချော့ကလက်ကိတ်၊ စတော်ဘယ်ရီကိတ်နဲ့ လက်ဖတ်စိမ်းကိတ်ဆိုပြီး အညို၊ အဖြူ၊ ပန်းရောင်နဲ့ အစိမ်းရောင် ကိတ်၂တုံးစီပါတယ်။ စားသွားကြပါနော........။


Posted by မြရွက်ဝေ at 11:19 PM 6 comments
Labels:

Friday, December 19, 2008

2008.12.19


အိမ်ပြောင်းပြီး နဲနဲတော့ အခြေကျလာပြီ။ ကိုယ့်အိမ်ကိုယ့်ယာလို့ ခံစားလို့မရသေးဘူး။ အရင် အခန်းကျဉ်းလေးကို သတိရတယ်။ အဲဒီခိုအိမ်လေးက အိမ်ကြီးရှင် အရင်နေနှင့်နေတော့ လူအငွေ့အသက်တွေရှိတယ်လေ။ ရောက်ရောက်ချင်း နွေးနွေးထွေးထွေး ခံစားရတယ်။ ခုအိမ်ကျတော့ ဟာလာဟင်းလင်းကြီးဖြစ်နေသလိုဘဲ။ အိမ်ကျယ်သွားလို့လဲနေမှာပေါ့လေ။ ကြမ်းတွေက သစ်ခင်းပေမယ့် အညိုမဟုတ်ဘဲ အဖြူရောင်ဘက်သန်းနေတော့ ကွိုင်ဘဲ။ အမှုန်ကျနေရင် အတော်သိသာတာ။ တိုက်ပေါ်မှာ ကောက်သင်းကောက်နေရတယ်။ ဆံပင်ကျွတ်ပြီး ကျထားတာတွေကိုပါ။ ကြမ်းပေါ်မှာ ထင်းနေတာကိုး။ ဂျပန်ရောက်မှ ဆံပင်ပိုကျွတ်သလား မပြောတတ်ဘူး။ ရေနွေးနဲ့ဘဲ ခေါင်းလျှော် ရေချိုးလုပ်နေလို့လေ။ ဖုန်စုပ်စက်လည်း အကြီးပြန်ဝယ်ရတော့မယ်။ အရင်အခန်းက သေးလို့ သေးသေးလေးနဲ့ရတာ။ ခုအိမ်နဲ့က မရတော့ဘူး။ ကြာကြာဖွင့်ရင် ဝါယာညှော်နံ့လိုရချင်တော့ ကြောက်ကြောက်။ အင်တာနက်က အိမ်ထောင်ပစ္စည်းတွေမှာထားတာကလည်း ပစ္စည်းပြတ်နေလို့ အားလုံးမရသေးဘူး။ အိမ်မှာ တို့လို့တန်းလန်းတွေချည်းဘဲ။ ဧည့်ခန်းမှာ စားပွဲနဲ့ ကော်ဇောတော့ရှိပြီ၊ ဆိုဖာတွေ မရှိသေးဘူး။:D အရင်အိမ် လိုက်ကာအထူတွေက ဒီအိမ်မှာ အမြင့် လုံးဝမကိုက်တော့လို့ အသစ်ဝယ်လိုက်ရတယ်။ လိုက်ကာအပါးကတော့ အနံလွန် အစအကြီးကြီးကို ခေါက်ထားတာမို့ ဖြည်ချလိုက်တာ တော်သွားသေးတယ်။ ဒါတောင် အဖျားခေါက်စာသိပ်မရှိတဲ့အပြင် အရင်အိမ်က ပြတင်းတပေါက်ကို ၁စနဲ့ရတာ ခုအိမ်က ပိတ်၂စမှ တစ်ပေါက်ရတော့တယ်။ ဧည့်ခန်းမှာဘဲ အရင်တပ်ထားလိုက်တယ်။ ဘေးအခန်းအတွက် ပိတ်ပါးစ မရှိလို့ မချုပ်ရသေးဘူး။ ဝယ်လိုက်ရင်တော့ မြန်မြန်ပြီးတာပေါ့။ အမြင့်ကိုက်တာက အတော်ရှာယူရမှာ။ လိုက်ကာ အထူတွေတောင် အကျယ်ကိုက်ပြီး အမြင့်မကိုက်၊ အမြင့်ကိုက်ရင် အကျယ်မကိုက်နဲ့မို့ နောက်ဆုံး အကျယ်ကိုက်တာယူလာပြီး အဖျားတွေကို ခေါက်ချုပ်ပစ်လိုက်တယ်၊ ပြီးရော။ မလှလဲနေတော့။


အိပ်ခန်းထဲက ပြတင်းပေါက်အသေးကိုတော့ အရင်က ဘာရယ်မဟုတ် ဝယ်ထားတဲ့ ပိုးသားအဖြူကို အဖျားမှာ ဇာတပ်ပြီး လိုက်ကာအပါးအဖြစ် ချုပ်လိုက်တယ်။ အထူချုပ်ဖို့ ပိတ်စမရှိသေးလို့ ခဏထားထားရဦးမယ်။ တို့လို့တန်းလန်းတွေပါဆိုမှ။ ကွန်ပြူတာစင်က နောက်တပတ်ထဲရောက်မယ်ထင်ရဲ့။ လောလောဆယ် ကြမ်းပြင်ပေါ်မှာဘဲ။ {ကွန်ပြူတာဆိုလို့ အင်တာနက်ရတဲ့နေ့က routerခံမရလို့ဆိုပြီး အိမ်ကြီးရှင်က တိုက်ရိုက်ချိတ်ပြီးစမ်းလိုက်တာ ချူနာပါနာ laptopလေး virusကိုက်ခံလိုက်ရတယ်။ သဘောကောင်းရင် လွယ်လွယ်ပွင့်ပေမယ့် တခါတခါကျ ဖောက်နေလို့ နောက်မှ ဝင်းဒိုးပြန်တင်ပေးမယ်တဲ့။ :(} airconက ဝယ်ထားတယ်၊ မတပ်ရသေးဘူး။ ဟိုမပြီး ဒီမပြီးတွေများလို့ အိမ်ပြောင်းဖူးတဲ့သူငယ်ချင်းနဲ့ စကားပြောဖြစ်တော့ အားပေးရှာသား "သူလဲ အိမ်ပြောင်းတာ အခြေတကျဖြစ်ဖို့ ၃လလောက် ကြာသတဲ့၊ မှာထားတဲ့ ပစ္စည်းတွေ စောင့်ရနဲ့တဲ့" အားရှိစရာပါဘဲ။ သူငယ်ချင်းတွေကို နှစ်သစ်ရောက်မှ အလည်ခေါ်တော့မယ် စိတ်ကူးတယ်။ အဲလောက်ကျရင်တော့ အခြေကျတန်ကောင်းရဲ့လေ။

Posted by မြရွက်ဝေ at 12:40 PM 9 comments
Labels:

Thursday, December 4, 2008

2008.12.04


သဘက်ခါ အိမ်ပြောင်းရတော့မည်။

ကူပြောင်းပေးမယ့် အိမ်ကြီးရှင်ရဲ့ သူငယ်ချင်းက ညပိုင်းအလုပ်ရှိလို့ ပြန်အိပ်ဖို့အတွက် မနက်၆နာရီ အရောက်လာမည်တဲ့။
ဆောင်းတွင်းကြီး ချမ်းချမ်းစီးစီးကြီး

မတတ်နိုင်ပါ၊ စောစောထရပါမည်။

ခုတော့ ဘယ်ကစပြီး ဘာကို သိမ်းရမှန်းမသိသေး။

လုပ်စရာတွေများလို့ ဘာမှမလုပ်ဘဲ အိပ်နေဖို့ စိတ်ကူးမိသည်။

အိမ်အသစ်ကိုလည်း ရှင်းလင်းရေး သွားလုပ်ရသည်။
မပြောင်းခင် ရေခဲသေတ္တာကိုလဲ အကုန်နီးပါးဖြစ်အောင် ရှင်းထားရမည်။

ဒီကြားထဲ သင်တန်းက ပျော်ပွဲရွှင်ပွဲအတွက် မြန်မာစားစရာတမျိုးမျိုး ချက်ယူလာပါဆိုလို့ ဦးနှောက်ခြောက်ရသည်။

အိမ်ကြီးရှင်သာ ကောင်းကောင်း မကောင်းကောင်း ချက်ကျွေးသမျှစားနိုင်သည်။

တခြားနိုင်ငံကလူတွေ စားနိုင်ပါ့မလားက မသိပါ။

အိမ်ပြောင်းဖို့အတွက် ဟိုဝယ်ရ ဒီဝယ်ရတာတွေကလည်း မနဲ။

စာရင်းလုပ်ကြည့်ရင် ရင်တုန်မိမှာစိုး၍ မေ့ချင်ယောင် ဆောင်ထားဦးမည်။

ဟိုဘက်ရောက်ရင် အင်တာနက် သုံးလို့ရဦးမှာ မဟုတ်။

ဘလော့ပေါ်က ပျောက်နေတာကြာတော့ အသိများက အရှေ့အလယ်ပိုင်းကိစ္စဟုထင်ကြသည်။

ဟုတ်ကဲ့၊ ပူတော့ပူနေပါသည်၊ ဗိုက်ခေါက်ပါ။

အသစ်တင်နိုးနဲ့လာလည်သူများကို အားလည်းနာ ကျေးဇူးလည်းတင်ပါသည်။

Posted by မြရွက်ဝေ at 12:59 PM 7 comments
Labels:

Thursday, November 20, 2008

ငတက်ပြား


(လေး)
လှိုင်ဝင်း စတုတ္ထတန်းသို့ ရောက်လာလေပြီ။
စတုတ္ထတန်းသည် မြို့နယ်စုပေါင်းစာစစ်အဖွဲ့က စာမေးပွဲစစ်မေးသည် ဖြစ်ရကား မူလတန်းကျောင်းအတွက် အရေးအကြီးဆုံး ဖြစ်လေသည်။ မူလတန်းကျောင်းတကျောင်း၏ ပညာရည်အဆင့်နှင့် ထိုကျောင်းတွင် သင်ပြသော ဆရာဆရာမတို့၏ ဂုဏ်သိက္ခာကို စတုတ္ထတန်းအောင်စာရင်းက အဆုံးအဖြတ် ပေးနိုင်လေသည်။ တတိယတန်းနှင့် စတုတ္ထတန်းကို ဆရာမုန်း ကိုင်လေသည်ဖြစ်ရာ စတုတ္ထတန်း အောင်ချက်ရာနှုန်း ကောင်းဖို့အရေးသည် ဆရာမုန်း၏တာဝန် ဖြစ်လာလေသည်။ ကျေးလက်မူလတန်းကျောင်းများ၏ အစဉ်အလာမှာ သီတင်းကျွတ်သည်နှင့်တပြိုင်နက် စတုတ္ထတန်း ကျောင်းသားကျောင်းသူများကို အတန်းပိုင်ဆရာက မိမိအိမ်သို့ ညခေါ်သိပ်ကာ သင်ခန်းစာ သင်ကြားပေးခြင်း၊ စာကျက်စေခြင်းတို့ဖြင့် အောင်ချက်ရာနှုန်း ကောင်းစေရေးအတွက် အထူးကြိုးပမ်းလေ့ရှိသည်။

Read More...
Posted by မြရွက်ဝေ at 2:54 PM 3 comments
Labels:

Wednesday, November 19, 2008

ငတက်ပြား


(သုံး)
အချုပ်ခန်းဆီမှ ပြန်လာသောအခါ လှိုင်ဝင်း၏မျက်နှာမှာ ညှိုးနွမ်းနေသည်ကို တွေ့ရ၏။ ကြောက်ရွံ့သည့် အသွင်လည်း ပေါ်နေသည်။ ဤအခြေအနေသည်ပင်လျှင် ဆရာမုန်း၏ လိုလားချက်ပေတည်း။

"ကျဉ်းကျဉ်းကျပ်ကျပ်နေကြရတာ သနားစရာဘဲနော်ဆရာ။ အနံ့ကြီးကလည်း ဆိုးဝါးလိုက်တာ၊ သူတို့မှာ နေလဲဒီအခန်းထဲ၊ အိပ်လည်း ဒီအခန်းထဲ၊ စားလဲ ဒီအခန်းထဲ၊ အိမ်သာတက်လဲ ဒီအခန်းထဲမှာပဲ။ ကျွန်တော်သာဆိုယင် ထမင်းစားဝင်မှာမဟုတ်ဘူး။ အံချင်စရာကြီးပဲ"
လှိုင်ဝင်းက စိတ်ထိခိုက်စွာ မသက်မသာ ဆိုလေသည်။

Read More...
Posted by မြရွက်ဝေ at 10:00 AM 0 comments
Labels:

Tuesday, November 18, 2008

အမှတ်တရ အိမ်ရှင်မ(၁၀)


ခုတလော ထမင်းဘူးအတွက် ဘာချက်ရမှန်းမသိလို့ တရုတ်သူငယ်ချင်းကို တရုတ်ဟင်းချက်နည်းတွေ ပြောပြပါလားလို့ ဈေးအတူသွားဝယ်ရင်း စကားပြောမိတော့ ဟင်းချက်နည်းစာအုပ်ငှါးပေးလိုက်မယ်တဲ့။ တရုတ်လိုမှ မဖတ်တတ်တာဆိုတော့ ဂျပန်လိုရေးထားတဲ့စာအုပ်ကို သူ့senseiဆီက ရထားတာတဲ့။ ၂အုပ်ထဲက ကြိုက်တာတအုပ် ငှါးသွားလေဆိုတော့ လုပ်ရလွယ်မယ်ထင်တဲ့ တစ်အုပ်ကို မလာခဲ့တယ်။ ခုအဲဒီထဲက ရမ်းသမ်းcookကြည့်ထားတဲ့ ဝက်သားလိပ် ကြက်ဥဟင်းချက်နည်းကို တင်လိုက်ပါတယ်။

Read More...
Posted by မြရွက်ဝေ at 11:38 AM 11 comments
Labels:

Wednesday, November 12, 2008

ပက်ကျိ


မျက်စေ့မူးလို့ ဘလော့ကို လျှော့ထားရတာကြာသွားပြီ။ လာလည်သူများကိုလည်း အားနာပါတယ်။ ကွန်ပြူတာ ဆက်တိုက်ကြည့်သလိုဖြစ်ပြီး လူက ရုတ်တရက် မိုက်ခနဲ ဖြစ်ဖြစ်နေတော့ ကွန်ပြူတာ ကြည့်တာလျှော့မှဖြစ်မယ်ဆိုပြီး နားနေလိုက်တာ။ သက်သာလာတဲ့နေ့ကျ ပြန်ရေးမလို့ အတွေးထဲမှာတော့ ရိုက်နေလိုက်တဲ့စာတွေ။ ပြီးခဲ့တဲ့တပတ်က သက်သာလာပြီဆိုပြီး စာမရေးခင် စိတ်ကြည်အောင် ရေချိုးခေါင်းလျှော်လုပ်ပြီး မှန်ကြည့်လိုက်တော့မှ လားလား ဘယ်ဘက်မျက်လုံးရဲ့ သူငယ်အိမ်ဘေးအောက်ဘက်မှာ သွေးခြေဥသလို နီရဲနေတဲ့ အကွက်တကွက်တွေ့လိုက်ရတယ်။ ဒီရောက်ပြီး အိမ်ထဲမှာနေရင် တနေ့တခါတောင် မှန်မကြည့်မိသလောက်ဘဲလေ။ (အရင်ကနဲ့တော့ ကွာပါ့။ ပဲများစရာ မလိုတော့လို့လဲ ပါတာပေါ့လေ။) မှန်မကြည့်မိတော့ ဘယ်တုန်းက မျက်လုံးမှာ သွေးခြေဥနေမှန်းမသိ! အိမ်ကြီးရှင်ကို မေးကြည့်တော့ သူလဲ သတိမထားမိဘူးတဲ့။ ကောင်းရော။ အဲဒီလောက် ဂရုတစိုက်ရှိတာ။ မျက်လုံးလဲ မနာတော့ လုံးဝ မသိလိုက်ဘူး။ သိတဲ့အချိန်က အတော်နီနေတယ်။ မနာတော့လည်း တရက်လောက် အခြေအနေစောင့်ကြည့်ပြီး မသက်သာမှ ဆေးခန်းသွားတော့မယ် စိတ်ကူးလိုက်တယ်။ ကြောက်တာတော့ အကြောက်သား။ ဘာမှန်းမသိ ညာမှန်းမသိနဲ့။ အဲဒီတော့ ဘလော့ရေးမယ့် အစီအစဉ်ရပ်ပြီး မျက်စိအနားပေး အစီအစဉ်ကို ပြန်ဆက်ရတယ်။ တရက် တခါ မကြည့်မိတဲ့မှန်ကို တနေ့ဘယ်နှခါမှန်းမသိ အနားကပ်ပြီး မျက်လုံးဖြဲကြည့်နေရတယ်။ နောက်တရက်က နဲနဲလေး အနီရောင် လျော့လာပေမယ့် အကွက်က အရှေ့ဘက်ကို ပျံ့လာတယ်။ အဲလို သူငယ်အိမ်ဘက်ကို ရွေ့ရွေ့ပြီးမှ အရောင်က လျော့လာတာ တပတ်လောက်နေမှ အရှင်းပျောက်တော့တာ။ ပက်ကျိတို့ကတော့ ဖြစ်လိုက်ရင် အရာရာနဲ့ အကြောင်းကြောင်းကြီးဘဲ။ ဆရာမုန်းလဲ ပြန်ဆက်ရိုက်ပါဦးမယ်။ လောလောဆယ်တော့ ကိုAndyမြင့်ဆီက စမူဆာလုပ်နည်းဖတ်ပြီး စမ်းသပ်ထားတဲ့ စမူဆာကြော်လေး စားသွားကြပါနော်။


မဝသေးရင် အစုံသုပ်ထပ်ကျွေးပါတယ်။


အစုံသုပ်လို့သာပြောရတယ်၊ စုံလား မစုံလား မသိဘူး။ ကြာဇံဖတ်ပဲ ပြုတ်ထည့်ထားတာ။ ခေါက်ဆွဲနဲ့ ထမင်းနဲ့နယ်ရင် စားမကောင်းမှာစိုးလို့ အစုံသုပ်သုပ်တိုင်း ခေါက်ဆွဲ မပါဘူး။ အိမ်မှာဆို သင်္ဘောသီးခြစ်ပါ ပါတော့ ချိုချိုလေးနဲ့ ဝါးလို့ အရမ်းကောင်းတာ။ ဒီမှာ သင်္ဘောသီးအစိမ်းက တော်ရုံနဲ့ ဝယ်လို့မရပါဘူး။ အဲဒါနဲ့ ရွှေဉာဏ်တော်စူးရောက်စွာနဲ့(သတိ- ပြောင်းပြန်မဖတ်ရ) မုန်လာဥအဖြူကို ခြစ်ပြီးထည့်သုပ်တယ်။ ဒီတခါ မုန်လာဥအဖြူအပြင် မုန်လာဥနီတွေပါ ခြစ်ထည့်ပြီးသုပ်တာ မဆိုးဘူး။ ပိုပြီး ချိုတဲ့အရသာ ရတယ်။ သင်္ဘောသီးအစိမ်းအစားထိုးလေးပေါ့။

Posted by မြရွက်ဝေ at 5:45 PM 9 comments
Labels:

Tuesday, October 28, 2008

ငတက်ပြား


(နှစ်)

"ဆရာမုန်းရေ့။ ဆရာ့ တတိယတန်းက ငတက်ပြားကလေးကို ကြပ်ကြပ် ဂရုစိုက်နော်။ လူသာငယ်ပေမယ့် သူခိုး အကြီးစားကလေးပဲ၊ ဘယ်လောက်ရိုက်ရိုက် ဖြုံတာမဟုတ်တော့ ခက်နေတယ်။ အဲ ဆရာပြုပြင်လို့မှ မရဘူး မထိန်းနိုင်ဘူးဆိုရင်တော့ ကျွန်မကိုသာပြော ကျောင်းထုတ်ပြစ်လိုက်တာပေါ့။ တနေ့ဉာဉ်ပြောင်းနိုးနဲ့ စောင့်နေခဲ့တာကြာပြီ"

ဆရာမကြီး ဒေါ်ဆင့်က လှိုင်ဝင်းနှင့်ပတ်သက်၍ သတိပေးလေသည်။ ကျောင်းခေါ်စာရင်း ထဲမှာသာ လှိုင်ဝင်း၊ အပြင်မှာမူ ဆရာမကြီးကအစ ကျောင်းသားအားလုံးက ငတက်ပြားဟု ခေါ်ကြသည်။ လှိုင်ဝင်းကလည်း ငတက်ပြားဟု ခေါ်သည်ကို ရှက်ရမှန်းမသိ လက်ခံလေသည်။

Read More...
Posted by မြရွက်ဝေ at 8:45 AM 2 comments
Labels:

Monday, October 13, 2008

ငတက်ပြား


(တစ်)

နေ့လည် ကျောင်းတက်ချိန်တွင် ဖြစ်လေသည်။ ဆရာမုန်းသည် စတုတ္ထတန်း၌ သင်္ချာ သင်ကြားနေစဉ် တတိယတန်းကျောင်းသားများအား မြန်မာဖတ်စာကို ဖတ်နေစေသည်။ စတုတ္ထတန်းသင်္ချာချိန် ပြီးသောအခမြန်မာပြည်မြစ်များပြ မြေပုံကို ဆွဲခိုင်းခဲ့ကာ တတိယတန်းဘက်သို့ကူးခဲ့လေသည်။

အချိန်ကလည်း နေ့လည်ချိန်။ ထမင်းစားပြီးဗိုက်တင်းနေစဉ် ဖတ်စာကို မိနစ် ၂၀ခန့် ဆက်တိုက် ဖတ်လာခဲ့ကြရသဖြင့် အိပ်ချင်နေကြပေပြီ။ ငိုက်မျဉ်းနေကြပေပြီ။ ဆရာကို ကြောက်ရွံ့၍သာ မျက်လုံးကို အတင်းဖြဲကာ ဖတ်နေကြရရှာသည်။

Read More...
Posted by မြရွက်ဝေ at 10:38 PM 3 comments
Labels:

Thursday, October 9, 2008

မုန့်ဆီကြော်လေးများ


မုန့်ဆီကြော် ကြော်နည်းပြောဖို့ မဟုတ်ပါဘူး။ မရှိသေးတဲ့ မုန့်ဆီကြော်ကို နှုတ်ခမ်းနာနဲ့ တည့်ပါ့မလားတွေးနေမိတာပါ။ မသုနှင်းဆီစီမှာ ဘေဘီဆိုတဲ့ ပို့စ်လေးဖတ်ပြီး အမပြောတာ ဟုတ်တယ်လို့ ကိုယ့်ဘာသာ ခေါင်းတငြိမ့်ငြိမ့်နဲ့ ထောက်ခံနေတာ။ ရည်းစားဘဝတုန်းကလဲ ဘယ်တော့ယူကြမှာလဲ မယူကြသေးဘူးလားနဲ့ ခနခန မေးခံရတယ်။ ဪ ဒွတ်ခ ဒွတ်ခ။ ကိုယ့်အကြောင်းနဲ့ ကိုယ်ကို။ ယူပြီးတော့ရော မေးခွန်းတွေ ရပ်မသွားပြန်ဘူး။ ကလေးမယူကြသေးဘူးလားတဲ့။ တစ်ယောက်မွေးပြီးရင်ကော နောက်ထပ်မမွေးဘူးလားလို့ ထပ်မေးကြမယ်ထင်ရဲ့။

Read More...
Posted by မြရွက်ဝေ at 11:45 AM 13 comments
Labels:

Thursday, October 2, 2008

ဘာညာသာရကာ


ဘလော့ပေါ်ကနေ ပေါ်လိုက်ပျောက်လိုက် အီလေးဆွဲနေတာ ကြာပြီ။ ကိုယ့်ဘာသာ ဘာတွေရှုပ်နေမှန်းတောင် မသိဘူး။ သေချာတာက စိတ်နဲ့ လူနဲ့ နှစ်ခုထဲ ပတ်ရှုပ်နေတာဘဲ။ ရာသီဥတုကလည်း ရုတ်တရက် ပြောင်းသွားလိုက်တာ ပူရာကနေ ချက်ချင်းဆောင်းဝင်သွားပြီ။ အေးရတဲ့အထဲ မိုးပါရွာလိုက်သေးတယ်။ သင်တန်းသွားတော့ မိုးရေလေးထိတာနဲ့ လေးဘက်နာလေးက ခေါင်းထောင်လာတယ်။ ညဘက်ရောက်တော့ ခြေလက်တွေ တစစ်စစ်နဲ့။ အမ မှာထားတဲ့ ပစ္စည်းတွေ ပို့မယ်ဆိုပြီး စိတ်ကူးထားတာ နောက်ရက်လဲ မိုးတစွေစွေနဲ့ လူလဲ မထူနိုင် မထောင်နိုင်မို့ စာတိုက် မသွားဖြစ်တော့ဘူး။ မနေ့ကမှ တရက်တရက် အချိန်ဆွဲနေလို့မဖြစ်ပါဘူးဆို သွားရတယ်။ စာတိုက်က နီးနီးလေးပါ။ ငါးမိနစ် လမ်းလျှောက်တာနဲ့ ရောက်ရော။ ထူးထူးခြားခြား စာတိုက်အဝမှာ လုံခြုံရေး စောင့်နေတယ်။ ဝင်လာ ထွက်လာတဲ့သူတိုင်းကို ခေါင်းညွတ်ပြီး နှုတ်ဆက်လို့။ အရင်က မတွေ့မိပါဘူး။ အေးလေ နှစ်ခါလောက်ဘဲ လာဘူးတာ၊ ဘယ်တုန်းက ထားလိုက်မှန်းတော့မသိ။ ဧကန်တ လူရှိန်အောင်ဖြစ်မယ်။

Read More...
Posted by မြရွက်ဝေ at 8:00 PM 12 comments
Labels:
Subscribe to: Posts (Atom)

  © Blogger templates The Professional Template by Ourblogtemplates.com 2008

Back to TOP