Friday, January 23, 2009

Hydroculture


လုပ်ပြန်ပြီ နောက်တမျိုးလို့ပြောရင်လည်း ခံရပါမယ်။ အရင်က ပို့စ်တခုမှာ ရေးဘူးတဲ့ အပင်လေး သေသွားပြီ။ တပတ်လောက် ခရီးသွားတုန်း ရေငတ် နေငတ်ဖြစ်သွားတာ။ အဲဒီတုန်းက အိမ်ထဲထားဖို့ ဝယ်လာတာပါ။ အပင်အကြောင်းလဲ ဘာမှမသိဘူး။ ခရီးကပြန်ရောက်တော့ အညွန့်လေးတွေ ဝါချင်ချင်ဖြစ်နေပြီ။ ရေလေးလောင်းပြီး ဝရံတာထုတ်ထားတာ မရပါဘူး။ တဖြည်းဖြည်း ခြောက်လာပြီး သေသွားတော့တာဘဲ။ စိတ်မကောင်းဘူး။ အဲဒီအပင် ဝယ်လာတဲ့ Home Centerသွားတိုင်း ပန်းခင်းဘက်ကို မကြည့်မိအောင် နေရတယ်။ တခုခု စိတ်မကောင်းရင် မေ့ရခက်တာကိုး။ နောက်တော်တော်လေးကြာမှ အဲဒီဘက်ကို သွားထပ်ကြည့်တယ်။ အလွမ်းပြေ ကြည့်တာပါ၊ ထပ်စိုက်ဖို့ စိတ်မကူးရဲဘူး။

နဲနဲကြာလာတော့ အပင်ပြန်စိုက်ချင်လာတယ်။ အိမ်ထဲမှာ ထားတာမျိုးဘဲ စိုက်ချင်တာပါ။ ပထမတော့ ရွက်ကျပင်ပေါက်လို ကန္တာရအပင်လို အပင်မျိုး ခပ်သေးသေးစိုက်ချင်တာ။ တချို့ ယန်းတရာဆိုင်တွေမှာ ဘာမှန်းမသိတဲ့ တမိုက်သာသာ အပင်လေးတွေရောင်းတယ်။ အဲဒါမြင်ပြီး အခန်းထဲမှာ ထားလို့ရမယ့်အပင်မျိုးဘဲ စိုက်ချင်တယ်။ ဒီမှာက တိုက်ခေါင်မိုးပေါ်ဘက်မှာ စိုက်ခင်းလိုမျိုး ရှိကြပေမယ့် ဝရံတာမှာ အပင်စိုက်တာမျိုး မရှိသလောက်ပါဘဲ။ အရေးပေါ်ထွက်ပေါက်တွေကလည်း ဝရံတာမှာ ရှိတာမို့ ထင်ပါတယ်။

အရင်အပင်လေးဝယ်လာတဲ့ Home Centerမှာဘဲ ထပ်ရှာဖြစ်ပါတယ်။ အပင်တော်တော်များများက အပြင်ဘက် ခြံဝင်းထဲမှာ ရှိတာ။ လိုက်ကြည့်နေရင်းမှ စဉ်းစားမိသွားတယ်။ ဒီအပင်တွေအားလုံးက နေရောင်ကြိုက်တာမို့ အပြင်မှာထားတာကိုလေ။ Home Centerအတွင်းဘက် ထောင့်တနေရာမှာ အပင်တချို့ ရှိသေးတာဘဲ။ အဲဒီဘက်ကို တော်ရုံနဲ့ မရောက်ပါဘူး။ ခွေးစာ ကြောင်စာတွေ ရောင်းတဲ့ဘက်မို့ ဝယ်လောက်စရာလဲ မရှိတာမို့ မရောက်ဖြစ်တာပါ။ တခါတလေ ကိုယ်လိုချင်တဲ့ပစ္စည်းမျိုး ဘယ်စင်မှာ တင်ထားလည်း လိုက်ပတ်ရှာရင်းမှ ရောက်တတ်တယ်။

အတွင်းဘက်မှာထားမှတော့ နေရောင်မကြိုက်တာ သေချာတာပေါ့။ အားကြိုးမာန်တက် သွားစပ်စုပါတယ်။ သတိထားမိသလောက်တော့ သစ်ခွပန်းလှလှတွေ အများကြီးဘဲ။ အဲဒီဘက်မှာ ရှာရင်းရှာရင်းနဲ့ ဟော! တွေ့ပါပြီ အပင် ပေါက်စိကွေးလေးတွေ။ တော်တော်ပျော်သွားတယ်။ ဟိုအပင်လေးကိုင်ကြည့်လိုက် ပြန်ချလိုက် ဒီအပင်လေးကိုင်ကြည့်လိုက် ပြန်ချလိုက်နဲ့လေ။ အပင်လေးတွေက ဇကာကွက်လို ကော်ပန်းအိုးထဲ ဂဝံခဲလုံးလုံးလေးတွေနဲ့ စိုက်ထားပြီး ရေဇလားထဲမှာ ထည့်စီထားတာပါ။ မြေကြီးမသုံးတာမို့ ပိုသဘောကျသွားတယ်။

အပင်ရွေးတာက ဟုတ်ပြီ။ ဘယ်လိုစိုက်ရမှန်းမသိတော့ သူ့ပတ်ဝန်းကျင်ကို လိုက်စပ်စုရတယ်။ အဲဒီတော့မှ အပင်တွေရဲ့အပေါ်မှာ ပုံနဲ့ရှင်းပြထားတာ မြင်မိတယ်။ Hydroculture (ハイドロカルチャー)တဲ့။ စိုက်ပုံစိုက်နည်းနဲ့ ပြုစုပုံကို ပြထားတယ်။ ဘာမှမခက်ခဲပါဘူး။ အိုးအောက်ခြေမှာ အမြစ်တိုးထွက်စရာ အောက်ခံသားခင်းပြီး Hydroball (ハイドロボール)/ Hydrocorn (ハイドロコーン) ဆိုတဲ့ အလုံးလေးတွေထည့်ပြီး ရေ ဒါမှမဟုတ် Hydroculture culture liquid (ハイドロカルチャー 培養液 ) ကို အိုးအောက်ခြေကနေ ငါးပုံတပုံထည့်ရင်ရပြီတဲ့။ လွယ်လွယ်လေးပေါ့။ ထည့်စိုက်ဖို့ ဖန်အိုးလေးတွေရောင်းတဲ့ဘက်မှာ ဥပမာစိုက်ပြထားတာလေးတွေရှိတယ်။ အောက်ခံသား မထည့်ဘဲ Hydroballနဲ့ဘဲ စိုက်ပြထားတယ်။ Hydroballက ဂျယ်လီလို အရောင်မျိုးစုံ ခပ်ကြည်ကြည်အလုံးတွေ၊ သာကူစေ့အရွယ် ရောင်စုံအလုံးလေးတွေ၊ ဂဝံကျောက်သားလို အသေး၊ အလတ်၊ အငယ် ခပ်လုံးလုံးတွေ စသဖြင့် အမျိုးမျိုးရှိတယ်။

Hydroball အလတ်ဆိုက်တဘူးနဲ့ အပင်၂ပင် ဝယ်လာခဲ့တယ်။ အပင်ကလည်း နာမည်တွေ တခုမှ မသိဘူး။ နောက်မှ အပင်မှာ ကပ်ထားတဲ့ စာရွက်လေးနဲ့ အင်တာနက်ထဲ လိုက်ရှာဖတ်ရတယ်။ အဓိကက အပူချိန် ဘယ်လောက်အထိ ခံနိုင်ရည်ရှိလဲ၊ အလင်းရောင် ဘယ်လောက်ကြိုက်လဲဆိုတာလောက်ပါ။ ပိုပြီး အမှောင်ကို ခံနိုင်တယ်ထင်တဲ့ ဒီParlor palm (テーブルヤシ)ကို မျက်နှာသစ်တဲ့ ဘေစင်မှာထားဖြစ်လိုက်တယ်။


အလင်းရောင် နဲနဲနဲ့ ဖြစ်တယ်ဆိုပေမယ့် တပတ်တခါ/နှစ်ခါလောက်တော့ အိမ်ရှေ့ခန်းမှာ ချထားပေးပါတယ်။ အင်တာနက်ထဲလိုက်ရှာဖတ်တော့ အမြဲအမှောင်ထဲမှာထားရင် သနားစရာကောင်းတယ်ဆိုလို့ပါ။ ဘေစင်က အမြဲမှောင်နေတာလေ။ ဒါတောင် Toiletမှာထားဖို့ ထပ်ဝယ်ဖို့ စိတ်ကူးမိနေတာ။ အပင်စိမ်းစိမ်းလေးမြင်နေရရင် စိတ်ချမ်းသာတယ်။ နောက်တပင်ကိုတော့ ရေခဲသေတ္တာပေါ်မှာ ထားလိုက်တယ်။


ဒီအပင်လေးကို တော်တော်ချစ်တယ်။ ပုတက်တက်လေးမို့လို့။ Schefflera 'Hong Kong' (シェフレラ ホンコン) လို့ခေါ်ပါတယ်။ ဝယ်တုန်းက တခြားအပင်တွေသာ ရွေးစရာအိုးတွေ အများကြီး၊ ဒီအပင်လေးက တအိုးဘဲကျန်တော့တာနဲ့ အမြန်ကောက်ထည့်ခဲ့ရတယ်။ ဧည့်ခန်းမှာထားဖို့ တပင်လိုချင်သေးတာ။ စဝယ်ဝယ်ချင်းတုန်းက ချီတုန်ချတုန်ဖြစ်နေလို့ ၂ပင်ဘဲဝယ်လာတာ။ လိုချင်တဲ့ နောက်တပင်က မွှားလေးတွေ ကပ်နေလို့လေ။ ပိုးကျတတ်တဲ့ အပင်မျိုးလားမသိဘူး။ ပိုးပါရင်တော့ မဝယ်ပါနဲ့လို့ သူက ကန့်ကွက်တယ်။ အဲဒါနဲ့ တဒေါင်သာသာ အမြင့်ရှိတဲ့ ဒီStrelitzia (ストレリチア)နဲ့ လိုရမယ်ရ Hydroculture culture liquid အရည်တဗူးကို သူ့သဘောတူချက်နဲ့ ထပ်ဝယ်ဖြစ်တယ်။


သူတို့အားလုံး အိမ်ထဲမှာ ထားတာမို့ တော်ရုံနဲ့ ကြီးလာမယ် မထင်မိဘူး။ သူများတွေအဖို့တော့ ပန်းပွင့်မှ သဘောကျကြပေမယ့် ကျမကတော့ ခပ်စိမ်းစိမ်းလေးဘဲ သဘောကျတယ်။ ပန်းပွင့်တာမျိုးဆိုရင်တော့ ပိန်းပန်းAnthurium (アンスリウム)ကို စိုက်ချင်တယ်။ နယ်ကအိမ်မှာ အဘွားက ပိန်းပန်းတွေ အိမ်ပတ်ချာလည်စိုက်ထားတယ်။ ပိန်းပန်းက စိုက်ရတာ ဝန်လည်းမပိုသလို ပွင့်လာရင် ဘုရားပန်းလည်း တင်လို့ရတယ်လေ။ ပြီးတော့ Hydrocultureနဲ့ စိုက်လို့ရတယ်။ ဒီလို ပိန်းပန်းနီနီပင် လိုချင်တယ်။
(Googleမှ)


Home Centerမှာတွေ့ပေမယ့် အပင်က တအားပွါးပြီး သိပ်ကြီးလွန်းနေလို့သာ။ ရခဲ့ရင် သူ့ကို ဧည့်ခန်းစားပွဲမှာထားပြီး Strelitziaကို နေရာပြောင်းမလားစိတ်ကူးတယ်။
(Hydrocorn နဲ့ Hydroculture culture liquid)


အပင်တွေ အိုးပြောင်းထည့်တော့ နည်းနည်းမှ မနူးညံ့တဲ့ အကိုင်အတွယ်ကြောင့် အမြစ်တွေနာလေမလား မသိဘူး။ အညွန့်လေးတွေ ဝါလာမလားလို့ စောင့်ကြည့်နေရပါတယ် ။ ဘာဘဲပြောပြောလေ အိမ်ထဲမှာ အပင်စိမ်းစိမ်းလေးတွေရှိနေတာ စိတ်ကြည်နူးရပါတယ်။
(သူတို့လေးတွေ တန်းစီ)



9 comments:

Anonymous said...

ဟုတ်တယ်.. သားလည်းအဲ့လိုအပင်စိမ်းလေးတွေ စိုက်ချင်နေတာ။ စိတ်ချမ်းသာတယ်။
ဘာဝယ်လို့ဝယ်ရမှန်းမသိဘူး။ အခုဖတ်လိုက်တော့ idea တွေအတော်များများရလိုက်တယ်။
အခေါ်အဝေါ်တချို့ကိုလည်း ခုမှပဲသေချာသိတော့တယ်။
ကျေးဇူးအရမ်းတင်တယ်မမရေ..။

ဇနိ said...

လွန်ခဲ့တဲ့ ၂ နှစ်လောက်က အပင်လေးတစ်ပင် စိုက်ဖူးတယ်.. အခန်းထဲမှာ .. လူက အဲဒီဘက်မှာ အလေးမထားမိတော့ အပင်က သေသွားရှာတယ်.. အပင်လေးနဲ့ နေရတာကို သဘောကျမိပေမယ့် သူ့ကို ပြုစုဖို့ မေ့မေ့နေတတ်တယ်.. ဒီလိုနဲ့ပဲ အပင် မစိုက်ဖြစ်တော့ဘူး.... မနိနဲ့မှပဲ စိုက်တော့မယ်...
း)

khin oo may said...

စိုက်ချင်တယ်။

ရွှန်းမီ said...

ပိန်းပန်းနီနီလေးတွေ အပင်စိမ်းစိမ်းလေးတွေ အားလုံးကို သဘောကျနေတာ..
အလင်းရောင်နည်း.. ရေလောင်းဖို့ မေ့တတ်လို့ စိုက်ဖို့ စဉ်းစားနေတုန်းပဲ..

မီယာ said...

အပင်စိမ်းစိမ်းလေးတွေ မြင်ရတာ စိတ်ချမ်းသာဖို့ ကောင်းတယ်။ ဘယ်လိုဂရုစိုက်ရမယ်မှန်းသိတော့ ပိုကောင်းတာပေါ့နော်။ အားကျတယ်။

nu-san said...

ညီမလေးရေ.. အမလေ ဟိုတခါ Nara က ၀ယ်လာခဲ့တဲ့ အပင်လေး သေသွားတာ ကြာပြီ။ အခုလည်း အဲဒီလို နွယ်ပင်မျိုးလေး ထပ်စိုက်ထားသေးတယ်.. သေမလား မသိဘူး.. သူက ဘာကြိုက်လို့ ကြိုက်မှန်းမသိတော့ အဲဒီအပင်ကို ရေထဲဒီအတိုင်းပဲ ထည့်စိမ်ထားလိုက်တာ အမြစ်တွေတော့ ထွက်လာတယ်.. အရွက်တွေက ခြောက်လိုက်လာလို့ ဘာလုပ်ရမှန်းကို မသိဘူး.. အေးလည်း အေးတော့ အပြင်ထုတ်ပြီး နေလည်း မပြဖြစ်ပါဘူး. သူ့အပင်နာမည်တောင် မေ့နေပြီ.. အိ နဲ့စတာတော့ မှတ်မိတယ်.. :) ညီမလေး အပင်တွေက ချစ်စရာတွေ.. အမက ဂရုမစိုက်ရတဲ့ အပင်မျိုး စိုက်ချင်တယ်.. အလယ်အိုးက ပုပု အပင်လေးလည်း ချစ်ဖို့ကောင်းတယ်...

မြရွက်ဝေ said...

Craton---> အသုံးဝင်တယ်ဆို တော်သွားသေးတာပေါ့။ :)

ကိုဇနိ---> မနိကို အားကိုးတယ်လား!! ;)

မခင်ဦးမေ---> စမ်းစိုက်ကြည့်နော်၊၊ တသက်လုံးပျော်ချင် အပင်စိုက်ဆိုလား ဘာဆိုလား ညာဆိုလား။:P

ညီမရွှန်းမီ---> ကရိကထ မများဘူးညီမရေ။ ရေကလည်း ဆောင်းတွင်းဆို သိပ်မလောင်းရဘူး။

မမီယာ---> အထူးတလည် ဂရုစိုက်စရာမလိုလို့ စိုက်ဖြစ်သွားတာ။ နေ့တိုင်း ရေလောင်းပေးရမယ်ဆိုရင် မေ့မှာ။

မနု-စံ---> ရေသိပ်မကြိုက်တာ ဖြစ်မယ်ထင်တယ်အမရေ။ ဒီHydrocultureက အလုပ်မရှုပ်ဘူးအမ။ အမတို့ဧည့်ခန်းမှာ မီးချောင်းအရောင်နဲ့ ထားရင်လည်းရတယ်။ နွေဆို လိုက်ကာက ဖြတ်ဝင်တဲ့ အလင်းရောင်နဲ့ ရတယ်တဲ့။ လိုက်ရှာဖတ်ထားတာ တင်ပေးမယ်နော်အမ။

ThuHninSee said...

money plantဆိုတာ မစိုက်ကောင်းဘူးတဲ့။ ကျန်းမာရေးညံ့တယ်ဆိုပဲ။
http://en.wikipedia.org/wiki/Epipremnum_aureum
Lucky Bambooကို အိမ်မှာစိုက်မလို့ လုပ်နေတယ်။
အရမ်းချစ်စရာကောင်းတယ်။

မြရွက်ဝေ said...

မမွန်---> Lucky Bambooက အခန်းတွင်းအပူချိန် 8℃အထက်မှာ ထားရမယ်တဲ့။ အအေးဒဏ်ရယ် drynessရယ်ကို သိပ်မခံနိုင်ဘူးလို့ ရေးထားတယ်။ 

  © Blogger templates The Professional Template by Ourblogtemplates.com 2008

Back to TOP